{"id":105534,"date":"2025-02-24T09:02:21","date_gmt":"2025-02-24T09:02:21","guid":{"rendered":"https:\/\/rdnews.al\/?p=105534"},"modified":"2025-02-24T09:02:21","modified_gmt":"2025-02-24T09:02:21","slug":"birn-miliona-euro-abuzime-ne-rilindjen-urbane-ne-vlore","status":"publish","type":"post","link":"https:\/\/rdnews.al\/index.php\/2025\/02\/24\/birn-miliona-euro-abuzime-ne-rilindjen-urbane-ne-vlore\/","title":{"rendered":"BIRN: Miliona euro abuzime n\u00eb \u201cRilindjen Urbane\u201d n\u00eb Vlor\u00eb"},"content":{"rendered":"

Megjith\u00ebse qeveria ka investuar dhjet\u00ebra miliona euro n\u00eb infrastruktur\u00ebn e Vlor\u00ebs gjat\u00eb dekad\u00ebs s\u00eb fundit n\u00ebp\u00ebrmjet Fondit t\u00eb Zhvillimit t\u00eb Rajoneve, ekspert\u00ebt thon\u00eb se projektet kan\u00eb qen\u00eb t\u00eb pastudiuara mir\u00eb dhe kan\u00eb neglizhuar rrjetin e amortizuar t\u00eb kanalizimeve.<\/strong><\/p>\n

Nga\u00a0Esmeralda KETA<\/strong><\/p>\n

Pasditja e 4 tetorit mb\u00ebrriti me nj\u00eb shi t\u00eb rr\u00ebmbyer n\u00eb qytetin e Vlor\u00ebs. Nd\u00ebrsa rrug\u00ebt filluan t\u00eb shnd\u00ebrroheshin n\u00eb lumenj, Erilda Hazizaj po ndihmonte f\u00ebmij\u00ebt t\u00eb b\u00ebnin detyrat. N\u00eb sht\u00ebpin\u00eb e saj modeste me qira n\u00eb Karabash, uji nisi t\u00eb futej vrullsh\u00ebm nga dera e kuzhin\u00ebs.<\/p>\n

\u201cBashk\u00ebshorti mbeti i bllokuar n\u00eb nj\u00eb fshat af\u00ebr, pa mundur t\u00eb vinte n\u00eb sht\u00ebpi,\u201d tregoi Erilda, q\u00eb asokohe ishte 6-muajshe shtatz\u00ebn\u00eb dhe e vetme me 4 f\u00ebmij\u00eb t\u00eb mitur, m\u00eb i madhi 12 vje\u00e7 dhe m\u00eb i vogli tre vje\u00e7.<\/p>\n

\u201cU tremba, mora f\u00ebmij\u00ebt n\u00eb krah dhe u ngjit\u00ebm n\u00eb katin e dyt\u00eb,\u201d kujtoi ajo, nd\u00ebrsa tregoi se niveli i ujit brenda n\u00eb banes\u00eb u rrit menj\u00ebher\u00eb, duke shkat\u00ebrruar gjith\u00e7ka, p\u00ebrfshir\u00eb edhe librat e f\u00ebmij\u00ebve.<\/p>\n

Sipas Erild\u00ebs, p\u00ebr disa or\u00eb situata ishte dramatike dhe vet\u00ebm rreth mbr\u00ebmjes bashk\u00ebshorti ka mundur t\u00eb gjej\u00eb nj\u00eb mund\u00ebsi dhe t\u2019i largoj\u00eb nga sht\u00ebpia e p\u00ebrmbytur nga uji gruan dhe f\u00ebmij\u00ebt.<\/p>\n

K\u00ebt\u00eb vjesht\u00eb qyteti i Vlor\u00ebs p\u00ebrjetoi nj\u00eb nga p\u00ebrmbytjet m\u00eb t\u00eb m\u00ebdha t\u00eb viteve t\u00eb fundit, nd\u00ebrsa uji v\u00ebrshoi n\u00eb qindra sht\u00ebpi dhe biznese, duke shkaktuar d\u00ebme q\u00eb p\u00ebrllogariten n\u00eb miliona euro.<\/p>\n

T\u00eb dh\u00ebnat e siguruara nga BIRN dhe intervistat me ekspert\u00eb tregojn\u00eb se p\u00ebrmbytja u shkaktua si pasoj\u00eb e munges\u00ebs s\u00eb mir\u00ebmbajtjes dhe pastrimit t\u00eb kanalit kryesor t\u00eb uj\u00ebrave t\u00eb shiut, rrjetit t\u00eb amortizuar t\u00eb kanalizimeve dyt\u00ebsore, mosfunksionimit t\u00eb pompave t\u00eb nd\u00ebrmjetme dhe hidrovorit. Sistemi i kanalizimeve nuk ka mundur t\u2019i p\u00ebrballoj\u00eb uj\u00ebrat e shiut, t\u00eb cilat jan\u00eb bashkuar me\u00a0uj\u00ebrat e zeza, duke p\u00ebrmbytur t\u00eb gjitha rrug\u00ebt, kolektor\u00ebt dhe rrjetin e kanalizimeve.<\/p>\n

\u201cQemeri, i cili mbledh uj\u00ebrat e bardha, ka p\u00ebsuar ndryshime p\u00ebr shkak t\u00eb viteve dhe nd\u00ebrtimeve q\u00eb jan\u00eb kryer. Nuk ka rendiment maksimal p\u00ebr shkak t\u00eb vjet\u00ebrsis\u00eb,\u201d shkruhet n\u00eb nj\u00eb raport q\u00eb Drejtoria Teknike e\u00a0Uj\u00ebsjell\u00ebs\u00a0Kanalizimeve ka paraqitur n\u00eb K\u00ebshillin Bashkiak t\u00eb Vlor\u00ebs, duke iu referuar kanalit kryesor t\u00eb uj\u00ebrave t\u00eb bardha.<\/p>\n

Ky kanal mbledh uj\u00ebrat q\u00eb vijn\u00eb nga fshati Babic\u00eb dhe nis n\u00eb zon\u00ebn mbi spitalin e Vlor\u00ebs, kalon n\u00eb Karabash, zbret posht\u00eb n\u00eb lagjen informale drejt bashkis\u00eb dhe del n\u00eb hidrovor \u2013 i cili gjat\u00eb p\u00ebrmbytjes nuk funksionoi.<\/p>\n

\u201cProblemi q\u00ebndron si menaxhohen uj\u00ebrat, sepse burimi i p\u00ebrmbytjes s\u00eb qytetit \u00ebsht\u00eb sistemi i kanalizimit t\u00eb uj\u00ebrave t\u00eb bardha, t\u00eb larta, t\u00eb shiut, si dhe sistemi i rrjet\u00ebzimit brenda qytetit,\u201d shprehet\u00a0Niko Dumani, ekspert mjedisi n\u00eb qytetin e Vlor\u00ebs.<\/p>\n

\u201cNga kat\u00ebr pompa, nj\u00eb nuk funksionoi, pompa kryesore u dogj dhe punoi vet\u00ebm me nj\u00eb pomp\u00eb, as pompat e nd\u00ebrmjetme nuk funksionuan mir\u00eb,\u201d shpjegoi Dumani.<\/p>\n

Me rreth 80 milion\u00eb euro,\u00a0Bashkia e Vlor\u00ebs\u00a0\u00ebsht\u00eb nj\u00eb nd\u00ebr p\u00ebrfitueset m\u00eb t\u00eb m\u00ebdha t\u00eb Fondit Shqiptar t\u00eb Zhvillimit, n\u00eb kuad\u00ebr t\u00eb Rilindjes Urbane dhe programit t\u00eb zhvillimit t\u00eb rajoneve, por p\u00ebr Dumanin fondet kan\u00eb shkuar p\u00ebr fasada dhe jo p\u00ebr zgjidhjen e problemeve reale t\u00eb qytetit.<\/p>\n

\u201cKan\u00eb b\u00ebr\u00eb 20 kilometra\u00a0Lungomare, por p\u00ebr Vlor\u00ebn nuk \u00ebsht\u00eb prioritare sh\u00ebtitja,\u201d tha ai.<\/p>\n

Edhe k\u00ebshilltar\u00ebt e opozit\u00ebs i konsiderojn\u00eb jo t\u00eb p\u00ebrshtatshme me nevojat e qytetit k\u00ebto investime, t\u00eb reklamuara me buj\u00eb nga qeveria socialiste.<\/p>\n

\u201cVlora po p\u00ebrmbytet nga\u00a0Rilindja Urbane,\u201d tha Atird Hoxha, kryetar i grupit opozitar n\u00eb k\u00ebshillin bashkiak t\u00eb Vlor\u00ebs, nd\u00ebrsa shtoi se p\u00ebrmbytjet e vjesht\u00ebs tregojn\u00eb se \u201cm\u00eb e pakta k\u00ebto investime kan\u00eb qen\u00eb t\u00eb pastudiuara, p\u00ebr t\u00eb mos th\u00ebn\u00eb t\u00eb vjedhura.\u201d<\/p>\n

Ankesa nuk ka vet\u00ebm nga opozita, por edhe nga banor\u00ebt e p\u00ebrmbytur, t\u00eb cil\u00ebt ankohen se d\u00ebmshp\u00ebrblimet e ofruara nga bashkia nuk krahasohen me d\u00ebmet e shkaktuara nga p\u00ebrmbytjet.<\/p>\n

\n
\n
\n
\"Demet-nga-permbytjet-ne-shtepine-Erilda-Harizaj3-350x350\"<\/a><\/div>\n<\/div>\n
\n
\"Demet-nga-permbytjet-ne-shtepine-Erilda-Harizaj-350x350\"<\/a><\/div>\n
\"Erilda-Harizaj-perpara-shtepise-se-saj-te-permbytur-350x350\"<\/a><\/div>\n<\/div>\n<\/div>\n<\/div>\n

E pyetur nga BIRN, bashkia e Vlor\u00ebs pretendoi se i mir\u00ebmban periodikisht rrjetin e kanalizimeve dhe faj\u00ebsoi natyr\u00ebn p\u00ebr p\u00ebrmbytjet.<\/p>\n

\u201cArsyet q\u00eb \u00e7uan n\u00eb p\u00ebrmbytjen e qytetit jan\u00eb reshjet e dendura t\u00eb shiut t\u00eb cilat ishin 180.4 mm, [e cila] \u00ebsht\u00eb e barabart\u00eb me rreth 1 muaj shi gjat\u00eb koh\u00ebs s\u00eb dimrit,\u201d tha ajo n\u00eb nj\u00eb p\u00ebrgjigje me shkrim, nd\u00ebrsa pranoi se fondi p\u00ebr\u00a0emergjencat civile\u00a0nuk ishte i mjaftuesh\u00ebm p\u00ebr t\u00eb p\u00ebrballuar d\u00ebmin e shkaktuar nga v\u00ebrshimi i ujit.<\/p>\n

Pavar\u00ebsisht kritikave, edhe Drejtoria e Uj\u00ebsjell\u00ebs Kanalizime n\u00eb Vlor\u00eb justifikohet se ka marr\u00eb masat menj\u00ebher\u00eb pasi Instituti i Gjeoshkencave kishte paralajm\u00ebruar p\u00ebr reshje t\u00eb dendura m\u00eb 4 tetor, nd\u00ebrsa shtoi se si pasoj\u00eb e punimeve p\u00ebr uj\u00ebsjell\u00ebsin e ri t\u00eb qytetit, rrjeti i kanalizimeve u bllokua.<\/p>\n

\u201cGjat\u00eb k\u00ebsaj kohe u v\u00ebrejt prania e madhe e mbetjeve t\u00eb ndryshme n\u00eb rrjetin e kanalizimeve t\u00eb shkaktuara edhe nga nd\u00ebrtimi i uj\u00ebsjell\u00ebsit t\u00eb ri n\u00eb t\u00eb gjitha rrug\u00ebt e qytetit t\u00eb Vlor\u00ebs,\u201d tha n\u00eb p\u00ebrgjigjen me shkrim ky institucion.<\/p>\n

Edhe sektori i \u201cBordit t\u00eb Ujitjes dhe Kullimit\u201d, i cili ka n\u00eb p\u00ebrgjegj\u00ebsi hidrovorin e qytetit, tha se ka marr\u00eb masa paraprake duke punuar p\u00ebrgjat\u00eb gjith\u00eb dit\u00ebs dhe duke ruajtur vask\u00ebn hyr\u00ebse t\u00eb uj\u00ebrave n\u00eb nivelet m\u00eb t\u00eb ul\u00ebta t\u00eb mundshme, por megjithat\u00eb theksoi se niveli i ujit n\u00eb hidrovor arriti kuotat maksimale, \u201cpasi prurjet e uj\u00ebrave u rrit\u00ebn n\u00eb m\u00ebnyr\u00eb t\u00eb menj\u00ebhershme\u201d.<\/p>\n

Rrug\u00ebt kthehen n\u00eb lumenj<\/strong><\/p>\n

\"\"\u00a0\"\"\u00a0\"\"<\/strong><\/p>\n

I nd\u00ebrtuar rreth viteve \u201880 mbi lagjen Karabash dhe at\u00eb q\u00eb njihet si zona e spitalit, ndodhet nj\u00eb rezervuar q\u00eb sh\u00ebrben p\u00ebr t\u00eb grumbulluar uj\u00ebrat q\u00eb vijn\u00eb nga kodrat e Babic\u00ebs, p\u00ebrreth Vlor\u00ebs.<\/p>\n

Zona \u00ebsht\u00eb mbushur me nd\u00ebrtime informale pas viteve \u201890, madje edhe sht\u00ebpi q\u00eb jan\u00eb ngritur mbi kanalizimet e uj\u00ebrave t\u00eb bardha, duke deformuar rrjedh\u00ebn e uj\u00ebrave. Por prej dekadash k\u00ebto kanale as nuk jan\u00eb pastruar dhe as nuk jan\u00eb mir\u00ebmbajtur. Si pasoj\u00eb, gjat\u00eb reshjeve t\u00eb shiut krijohen \u201clumenj\u201d q\u00eb rrjedhin lirsh\u00ebm dhe shkaktojn\u00eb p\u00ebrmbytje masive.<\/p>\n

Aq e zakonshme \u00ebsht\u00eb kjo situat\u00eb, sa banor\u00ebt tregojn\u00eb se mbajn\u00eb gjithmon\u00eb disa thas\u00eb me r\u00ebr\u00eb n\u00eb oborr, q\u00eb i p\u00ebrdorin si prita p\u00ebr ujin.<\/p>\n

\u201cTani i kemi larguar se na i mori shiu p\u00ebrpara, por t\u00eb gjitha sht\u00ebpit\u00eb kan\u00eb thas\u00ebt e tyre,\u201d tregon nj\u00eb banor n\u00eb zon\u00ebn e spitalit.<\/p>\n

Ky rezervuar, q\u00eb sh\u00ebrben si port\u00eb hyr\u00ebse e kanalit t\u00eb uj\u00ebrave t\u00eb bardha t\u00eb Vlor\u00ebs, edhe pas katastrof\u00ebs s\u00eb p\u00ebrmbytjeve t\u00eb 4 tetorit, nuk \u00ebsht\u00eb pastruar ende.<\/p>\n

Nuri Hoxhaj, i cili e ka nd\u00ebrtuar sht\u00ebpin\u00eb buz\u00eb tij, kujton se kur erdhi para 3 dekadash n\u00eb k\u00ebt\u00eb zon\u00eb, rezervuari ishte nj\u00eb \u201cliqen\u201d i vog\u00ebl me uj\u00ebra t\u00eb kristalta dhe me nj\u00eb tuf\u00eb rosash q\u00eb laheshin.<\/p>\n

\u201cPastaj u la pas dore, nuk e pastronte m\u00eb njeri, filloi t\u00eb mbushej me mbeturina,\u201d rr\u00ebfeu ai, nd\u00ebrsa shtoi se \u201ck\u00ebtu i fillon e keqja Vlor\u00ebs.\u201d<\/p>\n

\u201cHera e fundit q\u00eb \u00ebsht\u00eb pastruar me themel \u00ebsht\u00eb para 10 vitesh,\u201d kujtoi Nuriu.<\/p>\n

Astrit Leskaj, nj\u00eb tjet\u00ebr banor i zon\u00ebs, kujton se n\u00eb vitin 2018, kur edhe asokohe ndodhi nj\u00eb p\u00ebrmbytje, ish-kreu i bashkis\u00eb,\u00a0Dritan Leli, nd\u00ebrmori nj\u00eb projekt p\u00ebr pastrimin e rezervuarit dhe b\u00ebri disa punime mir\u00ebmbajt\u00ebse.<\/p>\n

\u201cU hoq\u00ebn t\u00eb gjitha inertet dhe u b\u00ebn\u00eb edhe k\u00ebtu punimet e vogla prej guri vet\u00ebm p\u00ebr rezervuarin,\u201d tregon ai. \u201cPor gjith\u00e7ka u la me aq dhe kanali nuk u pastrua,\u201d shtoi Leskaj.<\/p>\n

Ai kujton se dit\u00ebn e p\u00ebrmbytjes s\u00eb 4 tetorit, uj\u00ebrat v\u00ebrshuan nga kodra n\u00ebp\u00ebr rrug\u00ebt q\u00eb zbresin posht\u00eb p\u00ebr n\u00eb qytet si lumenj.<\/p>\n

\u201cAto rrug\u00ebt q\u00eb shikon tani mes sht\u00ebpive ishin t\u00eb pakalueshme,\u201d tregoi Leskaj. \u201cRezervuari ishte plot me inerte e nuk mbante gj\u00eb dhe uj\u00ebrat v\u00ebrshuan mes rrug\u00ebve t\u00eb lagjeve e zbrit\u00ebn posht\u00eb n\u00eb qytet,\u201d shtoi ai.<\/p>\n

Banor\u00ebt tregojn\u00eb se menj\u00ebher\u00eb pas p\u00ebrmbytjeve t\u00eb tetorit 2024, bashkia d\u00ebrgoi nj\u00eb\u00a0ekskavator\u00a0n\u00eb k\u00ebt\u00eb zon\u00eb, por ai nuk q\u00ebndroi as 2 or\u00eb dhe u largua.<\/p>\n

\u201cKan\u00eb hequr dy kova balt\u00eb k\u00ebtu dhe ato i kan\u00eb l\u00ebn\u00eb n\u00eb trotuar, nuk jan\u00eb dukur m\u00eb,\u201d u ankua nj\u00eb banore n\u00eb janar 2025, tre muaj pas p\u00ebrmbytjeve. \u201cKanali nuk \u00ebsht\u00eb pastruar as her\u00ebn e par\u00eb, kur pastruan rezervuarin,\u201d shtoi ajo.<\/p>\n

Ndryshe nga sa d\u00ebshmojn\u00eb banor\u00ebt dhe mund t\u00eb shihet me sy t\u00eb lir\u00eb n\u00eb terren, Bashkia e Vlor\u00ebs k\u00ebmb\u00ebnguli, n\u00ebp\u00ebrmjet nj\u00eb p\u00ebrgjigje me shkrim, se jan\u00eb b\u00ebr\u00eb pastrimet e plota t\u00eb t\u00eb gjitha kanalizimeve, proces ky q\u00eb po vazhdon p\u00ebr t\u00eb mbajtur n\u00eb gatishm\u00ebri kanalet, p\u00ebr t\u00eb mos u p\u00ebrs\u00ebritur p\u00ebrmbytjet.<\/p>\n

\u201cPastrimi i kunetave nga balta e mbetur, heqja e gjetheve t\u00eb pem\u00ebve \u00ebsht\u00eb nj\u00eb proces n\u00eb vazhdim\u00ebsi, pasi ka ndikim n\u00eb p\u00ebrmbytjen e rrug\u00ebve t\u00eb qytetit,\u201d theksoi Bashkia e Vlor\u00ebs.<\/p>\n

Bashkia b\u00ebn \u2018show\u2019\u00a0<\/strong><\/p>\n

\"\"\u00a0\"\"\u00a0\"\"<\/strong><\/p>\n

Eglantina, e cila banon pran\u00eb kanalit kryesor t\u00eb uj\u00ebrave t\u00eb bardha t\u00eb qytetit dhe ka nj\u00eb dyqan t\u00eb vog\u00ebl rrobaqep\u00ebsie, kujton se pasditen e 4 tetorit iu desh t\u00eb mbante me forc\u00eb der\u00ebn e dyqanit q\u00eb t\u00eb mos i futej uji brenda.<\/p>\n

\u201cSigurisht q\u00eb uji u fut brenda, por arrita t\u2019i shp\u00ebtoja copat s\u00eb paku,\u201d tha e moshuara.<\/p>\n

Ajo tregoi se pasi kanali i uj\u00ebrave t\u00eb bardha, i vendosur pak m\u00eb lart se sht\u00ebpia e saj, u \u00e7a, uj\u00ebrat v\u00ebrshuan n\u00eb rrug\u00eb. Sipas saj, mbi kanalin n\u00eb fjal\u00eb \u00ebsht\u00eb nd\u00ebrtuar nj\u00eb sht\u00ebpi, gj\u00eb q\u00eb solli d\u00ebmtimin e tij. Ajo shton se m\u00eb par\u00eb n\u00eb at\u00eb zon\u00eb kishte nj\u00eb kolektor, por mbi t\u00eb \u00ebsht\u00eb nd\u00ebrtuar nj\u00eb pallat. P\u00ebr m\u00eb tep\u00ebr, kanalet nuk pastrohen, \u00e7ka \u00e7oi n\u00eb p\u00ebrmbytjen masive, e cila sipas Eglantin\u00ebs \u00ebsht\u00eb e kat\u00ebrta p\u00ebrmbytje e madhe q\u00eb mban mend q\u00eb prej viteve \u201990.<\/p>\n

Ajo nuk \u00ebsht\u00eb e vetmja q\u00eb ankohet ndaj pun\u00ebs s\u00eb Bashkis\u00eb s\u00eb Vlor\u00ebs.<\/p>\n

\u201cKryetari i bashkis\u00eb t\u00eb mos dal\u00eb me flamur n\u00eb Lungomare, por t\u00eb vij\u00eb edhe k\u00ebtej t\u00eb punoj\u00eb,\u201d tha i irrituar nj\u00eb banor tjet\u00ebr. \u201cDuam t\u00eb na zgjidhet problemi, pasi sht\u00ebpit\u00eb tona u mbush\u00ebn me uj\u00eb dhe na u rrezikua jeta,\u201d shtoi ai.<\/p>\n

Atird Hoxha, kreu i k\u00ebshilltar\u00ebve t\u00eb djatht\u00eb n\u00eb Bashkin\u00eb e Vlor\u00ebs, thot\u00eb se bashkia po fshihet pas reshjeve, por n\u00eb t\u00eb v\u00ebrtet\u00eb qytetin e p\u00ebrmbyti neglizhenca e pun\u00ebs s\u00eb saj. Megjithat\u00eb, ai pranoi se pas p\u00ebrmbytjeve jan\u00eb nd\u00ebrmarr\u00eb disa nd\u00ebrhyrje p\u00ebr pastrimin e kanaleve t\u00eb sip\u00ebrme kulluese, por shtoi se k\u00ebto nuk jan\u00eb t\u00eb mjaftueshme.<\/p>\n

\u201cKanali i madh kullues q\u00eb shtrihet nga Kanina deri n\u00eb Pus Mezin, edhe sot \u00ebsht\u00eb n\u00eb 50-60% t\u00eb kapacitetit, pra nuk \u00ebsht\u00eb plot\u00ebsisht funksional, sepse aty jan\u00eb nd\u00ebrtuar sht\u00ebpi pa leje,\u201d tha Hoxha, i cili ka depozituar edhe nj\u00eb kall\u00ebzim penal pran\u00eb Prokuroris\u00eb s\u00eb Vlor\u00ebs, por ky organ vendosi mosfillimin e hetimeve.<\/p>\n

Ai ngre akuza se bashkia edhe n\u00eb k\u00ebt\u00eb situat\u00eb po b\u00ebn \u2018show\u2019 dhe nuk po e adreson problemin n\u00eb themel.<\/p>\n

\u201cMjaftohen me disa postime n\u00eb Facebook dhe thot\u00eb shmangni l\u00ebvizjen, nd\u00ebrkoh\u00eb q\u00eb nuk e b\u00ebjn\u00eb detyr\u00ebn funksionale si\u00e7 i ngarkon ligji dhe t\u00eb shmangin p\u00ebrmbytjen,\u201d tha ai. \u201cReshjet nuk jan\u00eb surpriz\u00eb n\u00eb Vlor\u00eb dhe jam i bindur se do t\u00eb ket\u00eb s\u00ebrish p\u00ebrmbytje,\u201d paralajm\u00ebroi Hoxha, duke i k\u00ebrkuar bashkis\u00eb t\u00eb nd\u00ebrmarr\u00eb masa paraprakisht q\u00eb t\u00eb reduktohen efektet negative.<\/p>\n

Artan Ka\u00e7ani, planifikues urban, rendit disa nga arsyet kryesore pse Vlora u p\u00ebrmbyt. Sipas tij, situata \u00ebsht\u00eb e ngjashme n\u00eb disa qytete t\u00eb tjera t\u00eb vendit, si\u00e7 \u00ebsht\u00eb rasti i Durr\u00ebsit.<\/p>\n

\u201cJemi n\u00eb nj\u00eb gjendje katastrofike,\u201d thot\u00eb Ka\u00e7ani.\u00a0 \u201cNuk hapen m\u00eb kanale shkarkimi, jan\u00eb b\u00ebr\u00eb investime n\u00eb hyrje dhe dalje t\u00eb qyteteve, duke mbyllur kanalet e hidrovoreve. Si pasoj\u00eb, uj\u00ebrat q\u00eb vijn\u00eb nga periferia p\u00ebrplasen brenda qyteteve. Fillimisht duhet t\u00eb menaxhojm\u00eb rrjedh\u00ebn e uj\u00ebrave jasht\u00eb qytetit dhe m\u00eb pas t\u00eb merremi me sistemimin e tij brenda,\u201d\u00a0 thekson ai.<\/p>\n

Ka\u00e7ani shton se rritja e densitetit urban dhe zhvillimi i qytetit nuk jan\u00eb shoq\u00ebruar me p\u00ebrmir\u00ebsime t\u00eb duhura n\u00eb sistemin e kanalizimeve, \u00e7ka ka p\u00ebrkeq\u00ebsuar edhe m\u00eb shum\u00eb situat\u00ebn.<\/p>\n

Edhe Niko Dumani \u00ebsht\u00eb kritik p\u00ebr pun\u00ebn e bashkis\u00eb, nd\u00ebrsa thekson se kjo e fundit duhet t\u00eb b\u00ebj\u00eb m\u00eb shum\u00eb investime.<\/p>\n

\u201cUn\u00eb nuk e di q\u00eb n\u00eb buxhetin e Bashkis\u00eb s\u00eb Vlor\u00ebs t\u00eb ket\u00eb t\u00eb planifikuara dhe shpenzime p\u00ebr rrjetin e kanalizimeve, sepse prej vitesh nuk \u00ebsht\u00eb b\u00ebr\u00eb pastrim,\u201d tha ai. \u201cKrahas pastrimit, duhet t\u00eb b\u00ebhen edhe kanalet prit\u00ebse dhe kjo lidhet me investimet,\u201d shtoi Dumani.<\/p>\n

N\u00eb vitin 2024, Nd\u00ebrmarrja e Uj\u00ebsjell\u00ebs-Kanalizimeve t\u00eb Vlor\u00ebs iu n\u00ebnshtrua reform\u00ebs duke u shnd\u00ebrruar n\u00eb uj\u00ebsjell\u00ebs rajonal q\u00eb ka n\u00ebn ombrell\u00eb uj\u00ebsjell\u00ebsin e Vlor\u00ebs, at\u00eb t\u00eb Himar\u00ebs dhe t\u00eb Selenic\u00ebs. Ministria e Infrastruktur\u00ebs zot\u00ebron 50% t\u00eb k\u00ebsaj shoq\u00ebrie, nd\u00ebrsa Bashkia e Vlor\u00ebs \u00ebsht\u00eb pronare me 41% t\u00eb aksioneve.<\/p>\n

Bashkia e Vlor\u00ebs ka p\u00ebr detyr\u00eb t\u00eb investoj\u00eb dhe t\u00eb mir\u00ebmbaj\u00eb rrjetin e uj\u00ebsjell\u00ebsit dhe t\u00eb kanalizimeve t\u00eb uj\u00ebrave t\u00eb bardha dhe t\u00eb zeza. Mir\u00ebpo, ekspert\u00ebt pretendojn\u00eb se bashkia nuk ka p\u00ebrmbushur asnj\u00eb nga k\u00ebto detyra: as ka investuar dhe as nuk i ka mir\u00ebmbajtur.<\/p>\n

Bashkia nuk iu p\u00ebrgjigj interesimit t\u00eb BIRN n\u00ebse i kishte pastruar ndonj\u00ebher\u00eb kanalet e uj\u00ebrave t\u00eb bardha, nd\u00ebrsa dha nj\u00eb p\u00ebrgjigje t\u00eb vagullt se \u00e7far\u00eb masash planifikonte t\u00eb nd\u00ebrmerrte q\u00eb t\u00eb mos p\u00ebrs\u00ebritej e nj\u00ebjta situat\u00eb.<\/p>\n

Nj\u00eb nga k\u00ebto nd\u00ebrhyrje q\u00eb parashikon bashkia n\u00eb vitin 2025 \u00ebsht\u00eb hartimi i projekteve p\u00ebr vepra t\u00eb reja hidroteknike, por pa specifikuar fondet q\u00eb ka n\u00eb dispozicion.<\/p>\n

\u201cNj\u00eb nga k\u00ebto nd\u00ebrhyrje \u00ebsht\u00eb dhe rehabilitimi i hidrovorit t\u00eb qytetit duke par\u00eb dhe kushtet n\u00eb t\u00eb cilat ndodhet, q\u00eb do t\u00eb riparohet me ndihm\u00ebn e Ministris\u00eb s\u00eb Mbrojtjes dhe Agjencis\u00eb Komb\u00ebtare t\u00eb Mbrojtjes Civile,\u201d shkruan bashkia n\u00eb nj\u00eb p\u00ebrgjigje me shkrim.<\/p>\n

Kompensime qesharake<\/strong><\/p>\n

\"\"\u00a0\"\"\u00a0\"\"<\/strong><\/p>\n

Familja Harizaj humbi thuajse t\u00eb gjitha orendit\u00eb sht\u00ebpiake nga p\u00ebrmbytjet, duke filluar nga frigoriferi, lavatri\u00e7ja apo soba, e deri te krevatet, mbulesat dhe rrobat e trupit. Gjith\u00e7ka ata e kan\u00eb dokumentuar me video e pamje, por m\u00eb pas \u00ebsht\u00eb verifikuar edhe nga vet\u00eb ekspert\u00ebt e bashkis\u00eb.<\/p>\n

\u201cE vetmja ndihm\u00eb q\u00eb kemi marr\u00eb \u00ebsht\u00eb nj\u00eb lavatri\u00e7e,\u201d tha Erilda, nd\u00ebrsa shtoi se n\u00eb dit\u00ebt e para pas p\u00ebrmbytjes, bashkia i ka ndihmuar dy-tre her\u00eb me nj\u00eb paket\u00eb ushqimore. \u201cQ\u00eb at\u00ebher\u00eb nuk \u00ebsht\u00eb kujtuar m\u00eb njeri p\u00ebr ne,\u201d tha gruaja shtatz\u00ebn\u00eb n\u00eb fillim t\u00eb janarit.<\/p>\n

Si pasoj\u00eb e p\u00ebrmbytjeve, Bashkia e Vlor\u00ebs ka evidentuar 375 familje t\u00eb d\u00ebmtuara, p\u00ebr t\u00eb cilat ka miratuar nj\u00eb fond d\u00ebmshp\u00ebrblimi prej 54 milion\u00eb lek\u00ebsh. Bashkia i tha BIRN se fondi i kusht\u00ebzuar p\u00ebr Emergjencat Civile nuk \u00ebsht\u00eb i mjaftuesh\u00ebm p\u00ebr t\u00eb p\u00ebrballuar d\u00ebmshp\u00ebrblimin p\u00ebr d\u00ebmet e shkaktuara nga p\u00ebrmbytjet, ndaj ka b\u00ebr\u00eb k\u00ebrkes\u00eb p\u00ebr fonde shtes\u00eb p\u00ebr t\u00eb b\u00ebr\u00eb kompensimin e plot\u00eb t\u00eb d\u00ebmeve. Po ashtu, bashkia thot\u00eb se ka shp\u00ebrndar\u00eb 250 lavatri\u00e7e dhe 75 televizor\u00eb nga donacionet e mb\u00ebrritura.<\/p>\n

Atird Hoxha, kryetar i grupit opozitar n\u00eb K\u00ebshillin Bashkiak t\u00eb Vlor\u00ebs, ankohet se shuma e vendosur n\u00eb dispozicion p\u00ebr d\u00ebmshp\u00ebrblimet \u00ebsht\u00eb e pap\u00ebrfillshme n\u00eb krahasim me d\u00ebmet. Ai gjithashtu thekson se bashkia nuk ka marr\u00eb fare n\u00eb konsiderat\u00eb d\u00ebmet q\u00eb kan\u00eb p\u00ebsuar bizneset.<\/p>\n

\u201cMendohet se d\u00ebmet t\u00eb arrijn\u00eb n\u00eb miliona euro dhe d\u00ebmshp\u00ebrblimet nuk mund t\u00eb jen\u00eb 50-100 mij\u00eb lek\u00eb p\u00ebr familje,\u201d tha Hoxha.<\/p>\n

P\u00ebr Artan Ka\u00e7anin, duhet planifikim rajonal n\u00eb sistemet e kullimit p\u00ebr zgjidhjen e problemit t\u00eb p\u00ebrmbytjeve, nd\u00ebrsa paralajm\u00ebroi se, po nuk u nd\u00ebrhy seriozisht, mund t\u00eb ket\u00eb viktima.<\/p>\n

\u201cN\u00ebse nuk nd\u00ebrhyhet, do t\u00eb shkojm\u00eb n\u00eb tragjedi,\u201d tha ai, nd\u00ebrsa shtoi se \u201ckjo \u00ebsht\u00eb p\u00ebrgjegj\u00ebsi e t\u00eb gjith\u00ebve.\u201d\/BIRN<\/p>\n","protected":false},"excerpt":{"rendered":"

Megjith\u00ebse qeveria ka investuar dhjet\u00ebra miliona euro n\u00eb infrastruktur\u00ebn e Vlor\u00ebs gjat\u00eb dekad\u00ebs s\u00eb fundit n\u00ebp\u00ebrmjet Fondit t\u00eb Zhvillimit t\u00eb Rajoneve, ekspert\u00ebt thon\u00eb se projektet kan\u00eb qen\u00eb t\u00eb pastudiuara mir\u00eb dhe kan\u00eb neglizhuar rrjetin e amortizuar t\u00eb kanalizimeve. Nga\u00a0Esmeralda KETA Pasditja e 4 tetorit mb\u00ebrriti me nj\u00eb shi t\u00eb rr\u00ebmbyer n\u00eb qytetin e Vlor\u00ebs. Nd\u00ebrsa …<\/p>\n","protected":false},"author":4,"featured_media":105535,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-105534","post","type-post","status-publish","format-standard","has-post-thumbnail","","category-politike"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/105534","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=105534"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/105534\/revisions"}],"predecessor-version":[{"id":105536,"href":"https:\/\/rdnews.al\/index.php\/wp-json\/wp\/v2\/posts\/105534\/revisions\/105536"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/105535"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=105534"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=105534"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=105534"}],"curies":[{"name":"wp","href":"https:\/\/api.w.org\/{rel}","templated":true}]}}