{"id":109290,"date":"2025-04-03T17:19:34","date_gmt":"2025-04-03T17:19:34","guid":{"rendered":"https:\/\/rdnews.al\/?p=109290"},"modified":"2025-04-03T17:19:34","modified_gmt":"2025-04-03T17:19:34","slug":"vota-e-pare-pro-pd-vjen-nga-edi-rama","status":"publish","type":"post","link":"https:\/\/rdnews.al\/index.php\/2025\/04\/03\/vota-e-pare-pro-pd-vjen-nga-edi-rama\/","title":{"rendered":"Vota e par\u00eb pro PD, vjen nga Edi Rama"},"content":{"rendered":"
Nga Ervin SALIANJI<\/strong><\/div>\n
\n

Kur jemi pak dit\u00eb para zgjedhjeve t\u00eb 11 majit, me gjas\u00eb do t\u00eb nisin si\u00e7 ka ndodhur shpesh, deklarimi haptazi i vot\u00ebs. Kuptohet se p\u00ebr Opozit\u00ebn ka ndrojtje p\u00ebr ta shpallur, duke qen\u00eb se njihet sa malinje, hakmarr\u00ebse e represive \u00ebsht\u00eb qeveria.<\/p>\n

Por, p\u00ebr habin\u00eb e t\u00eb gjith\u00ebve, vota e par\u00eb q\u00eb u manifestua pro PD, erdhi nga ai q\u00eb pritej m\u00eb pak. Nga Edi Rama.<\/p>\n

Ai jo vet\u00ebm \u00ebsht\u00eb dakort me programin e demokrat\u00ebve, por do t\u00eb b\u00ebnte dhe ai t\u00eb nj\u00ebjt\u00ebn gj\u00eb.<\/p>\n

Paraqiti autokratuci si ide t\u00eb tijat, fije p\u00ebr pe, propozimet e Opozit\u00ebs.<\/p>\n

Pra ai \u00ebsht\u00eb t\u00ebr\u00ebsisht dakort me minimumin jetik 200 euro, me rritjen e pensioneve mbi k\u00ebt\u00eb baz\u00eb, me pag\u00ebn minimale 500 euro, me pag\u00ebn mesatare 1200 euro.<\/p>\n

A mund t\u00eb gjente PD e Sali Berisha z\u00ebdh\u00ebn\u00ebs m\u00eb t\u00eb mir\u00eb p\u00ebr platform\u00ebn e tij se dik\u00eb q\u00eb ka aksesin e Edi Ram\u00ebs n\u00eb media?<\/p>\n

V\u00ebshtir\u00eb se mund ta gjente.<\/p>\n

Shefi i Rilindjes u ka th\u00ebn\u00eb atyre t\u00eb radh\u00ebve t\u00eb tij, q\u00eb ta p\u00ebrkrahin programin e PD.<\/p>\n

Dikush q\u00eb ka udh\u00ebhequr p\u00ebr 12 vjet qeverisjen m\u00eb t\u00eb korruptuar n\u00eb kontinent, sigurisht q\u00eb nuk i ka qelizat p\u00ebr t’u skuqur p\u00ebr nj\u00eb plagjiatur\u00eb, a vjedhje programi. N\u00ebse po tenton t’i b\u00ebj\u00eb qesharake ato propozime, duke i nxjerr\u00eb nga goja e tij, s\u00ebrish nuk i ka b\u00ebr\u00eb llogarit\u00eb mir\u00eb.<\/p>\n

Projekti i PD \u00ebsht\u00eb totalisht i realizuesh\u00ebm. Edhe m\u00eb skeptik\u00ebt edhe t\u00eb majt\u00ebt e din\u00eb mir\u00eb se n\u00ebse \u00ebsht\u00eb fjala p\u00ebr t\u00eb b\u00ebr\u00eb k\u00ebt\u00eb permbysje n\u00eb paga e pensione, n\u00eb zhdukjen e varf\u00ebris\u00eb, do t’i besonin jo atij q\u00eb e solli k\u00ebt\u00eb gjendje deri k\u00ebtu, e q\u00eb pati 3 mandate koh\u00eb p\u00ebr ta korigjuar e kurr\u00eb nuk e b\u00ebri, por do t’i besonin atij q\u00eb edhe n\u00eb t\u00eb shkuar\u00ebn e ka jet\u00ebsuar k\u00ebt\u00eb transformim.<\/p>\n

Me shpalljen e gjasme programit, Edi Rama shtoi dhe nj\u00eb met\u00ebr n\u00eb fasad\u00ebn e tij, asgj\u00eb m\u00eb shum\u00eb. Pasi n\u00eb realitet, ai po e tregon \u00e7do dit\u00eb se modeli i tij jan\u00eb kullat, kullat, dhe kullat.<\/p>\n

K\u00ebto ngrehina, pasurojn\u00eb nj\u00eb grusht njer\u00ebzish edhe m\u00eb shum\u00eb, fusin para t\u00eb pis\u00ebta n\u00eb kate t\u00eb larta, por nuk sjellin asgj\u00eb p\u00ebr njer\u00ebzit, p\u00ebr ekonomin\u00eb.<\/p>\n

Pensionet e pagat nuk rriten me grata\u00e7ela, as me resorte.<\/p>\n

Ato rriten me rritjen e ekonomis\u00eb, me \u00e7lirimin e tregut, me hapjen e gar\u00ebs, me taks\u00ebn e shesht\u00eb, me thjeshtimin e burokracis\u00eb.<\/p>\n

Nuk ka dyshim se disa prej k\u00ebtyre projekteve me rrokaqiej, me resorte jan\u00eb interesante. Po ato nuk reflektojn\u00eb pulsin real t\u00eb trupit t\u00eb rr\u00ebgjuar, t\u00eb mpakur t\u00eb shoq\u00ebris\u00eb ton\u00eb, t\u00eb vendit ton\u00eb. Kur nj\u00eb pjes\u00eb e madhe e qytetar\u00ebve nuk mbyllin dot muajin, \u00e7far\u00eb u thon\u00eb atyre lajmet p\u00ebr vezullime t\u00eb reja t\u00eb luksit t\u00eb betonit e qelqit.<\/p>\n

Edi Rama po tregon se ai \u00ebsht\u00eb i vendosur t\u00eb ndjek\u00eb k\u00ebt\u00eb korsi. Se ai ka interes at\u00eb grusht klient\u00ebsh rreth tij. P\u00ebr t\u00eb, nuk ekziston pjesa tjet\u00ebr. Po me 11 Maj jan\u00eb pik\u00ebrisht t\u00eb harruarit, t\u00eb shtypurit, t\u00eb braktisurit q\u00eb do ta thon\u00eb fjal\u00ebn e tyre. Dikush mund t\u00eb ket\u00eb marr\u00eb truall publik, leje t\u00eb re, resort t\u00eb ri, po ai ka vet\u00ebm 1 vot\u00eb. Esht\u00eb shum\u00eb pak p\u00ebr ta mbajtur n\u00eb pushtet nj\u00eb maskarad\u00eb t\u00eb till\u00eb.<\/p>\n

E diela e dyt\u00eb e Majit do ta tregoj\u00eb.<\/p>\n