{"id":110761,"date":"2025-04-17T16:38:31","date_gmt":"2025-04-17T16:38:31","guid":{"rendered":"https:\/\/rdnews.al\/?p=110761"},"modified":"2025-04-17T17:01:12","modified_gmt":"2025-04-17T17:01:12","slug":"bardhi-dergon-ne-spak-prova-per-krimet-zgjedhore-te-ballukut-e-bandes-se-saj","status":"publish","type":"post","link":"https:\/\/rdnews.al\/index.php\/2025\/04\/17\/bardhi-dergon-ne-spak-prova-per-krimet-zgjedhore-te-ballukut-e-bandes-se-saj\/","title":{"rendered":"Bardhi d\u00ebrgon n\u00eb SPAK prova p\u00ebr krimet zgjedhore t\u00eb Ballukut dhe band\u00ebs s\u00eb saj"},"content":{"rendered":"
Drejtuesi politik i PD n\u00eb Qarkun e Fierit, Gazment Bardhi ka depozituar n\u00eb SPAK prova t\u00eb pakund\u00ebrshtueshme t\u00eb korrupsionit zgjedhor t\u00eb Belinda Ballukut dhe band\u00ebs s\u00eb saj elektorale n\u00eb qarkun e Fierit.<\/div>\n
\n

Bardhi p\u00ebrmes nj\u00eb reagimi zyrtar shkruan se, nj\u00eb list\u00eb e plot\u00eb me qindra emra, e gjeneruar nga shtabet elektorale t\u00eb Partis\u00eb Socialiste, n\u00eb t\u00eb cilin krahas emrit, at\u00ebsis\u00eb, mbiemrit, sh\u00ebnohet qendra e votimit, arsimi, pun\u00ebsimi i m\u00ebparsh\u00ebm, pozicioni n\u00eb strukturat e PS-s\u00eb apo angazhimi n\u00eb fushat\u00eb, si dhe premtimi p\u00ebr t’u pun\u00ebsuar n\u00eb nj\u00eb pozicion n\u00eb administrat\u00ebn shtet\u00ebrore apo vendi i pun\u00ebs ku \u00ebsht\u00eb em\u00ebruar personi n\u00eb k\u00ebt\u00eb periudh\u00eb zgjedhore\u2019.<\/p>\n

Sipas Bardhit, rastet provojn\u00eb se Edi Rama, Belinda Balluku dhe Partia Socialiste jo vet\u00ebm nuk kan\u00eb hequr dor\u00eb nga krimi dhe korrupsioni zgjedhor, por tashm\u00eb e kan\u00eb ngritur n\u00eb nj\u00eb nivel tjet\u00ebr, duke bler\u00eb drejtp\u00ebrdrejt vullnetin e qytetar\u00ebve shqiptar\u00eb.<\/p>\n

Bardhi i ka b\u00ebr\u00eb thirrje SPAK, t\u2019i shkoj\u00eb deri n\u00eb fund hetimit dhe t\u00eb d\u00ebshmoj\u00eb se sa serioze \u00ebsht\u00eb strategjia dhe Task Forca q\u00eb ka ngritur p\u00ebr t\u00eb luftuar krimet zgjedhore.<\/p>\n

Njoftim p\u00ebr Shtyp<\/strong><\/p>\n

Dit\u00ebn e sotme kam dor\u00ebzuar n\u00eb SPAK provat e pakund\u00ebrshtueshme t\u00eb korrupsionit zgjedhor t\u00eb Belinda Ballukut dhe band\u00ebs s\u00eb saj elektorale n\u00eb qarkun e Fierit. Dua t\u00eb falenderoj me mir\u00ebnjohje socialist\u00ebt e ndersh\u00ebm t\u00eb Shtabeve t\u00eb PS q\u00eb raportojn\u00eb shkeljet sepse nuk pranojn\u00eb dot krimet zgjedhore si form\u00eb p\u00ebr t\u00eb mbajtur n\u00eb k\u00ebmb\u00eb nj\u00eb pushtet t\u00eb degraduar.<\/p>\n

Nj\u00eb list\u00eb e plot\u00eb me qindra emra, e gjeneruar nga shtabet elektorale t\u00eb Partis\u00eb Socialiste, n\u00eb t\u00eb cilin krahas emrit, at\u00ebsis\u00eb, mbiemrit, sh\u00ebnohet qendra e votimit, arsimi, pun\u00ebsimi i m\u00ebparsh\u00ebm, pozicioni n\u00eb strukturat e PS-s\u00eb apo angazhimi n\u00eb fushat\u00eb, si dhe premtimi p\u00ebr t’u pun\u00ebsuar n\u00eb nj\u00eb pozicion n\u00eb administrat\u00ebn shtet\u00ebrore apo vendi i pun\u00ebs ku \u00ebsht\u00eb em\u00ebruar personi n\u00eb k\u00ebt\u00eb periudh\u00eb zgjedhore.<\/p>\n

P\u00ebr ta ilustruar me nj\u00eb sh\u00ebmbull nga kjo list\u00eb, pa d\u00ebmtuar sekretin hetimor: “Shtetasi S.Ll., me arsim pedagogji, i pun\u00ebsuar m\u00eb par\u00eb n\u00eb Albpetrol, kryetar i Organizat\u00ebs Socialiste n\u00eb Qendr\u00ebn e Votimit 2983\/1, k\u00ebrkon t\u00eb pun\u00ebsohet te DPSHTRR ose drejtor n\u00eb Bashki.”. N\u00eb databaze sh\u00ebnohet edhe porosia e l\u00ebn\u00eb p\u00ebr pun\u00ebsim apo fakti n\u00ebse personi i ka sjell apo jo dokumentet e pun\u00ebsimit elektoral.<\/p>\n

N\u00eb rastin konkret jemi p\u00ebrpara konsumimit t\u00eb vepr\u00ebs penale t\u00eb “Korrupsionit aktiv n\u00eb zgjedhje”, n\u00eb form\u00ebn e premtimit p\u00ebr vende pune apo pun\u00ebsimit p\u00ebr t\u00eb mb\u00ebshtetur Partin\u00eb Socialiste dhe kandidat\u00ebt e saj, p\u00ebr t\u00eb cil\u00ebn Kodi Penal parashikon nd\u00ebshkimin me burg deri n\u00eb 5 (pes\u00eb) vjet.<\/p>\n

SPAK ka mund\u00ebsin\u00eb e art\u00eb t\u00eb d\u00ebshmoj\u00eb sa serioze \u00ebsht\u00eb strategjia dhe Task Forca q\u00eb ka ngritur p\u00ebr t\u00eb luftuar krimet zgjedhore, duke kryer q\u00eb sot identifikimin dhe arrestimin e personave p\u00ebrgjegj\u00ebs t\u00eb k\u00ebsaj skeme kriminale, duke filluar nga drejtuesja politike e PS-s\u00eb p\u00ebr qarkun Fier dhe secili vart\u00ebs i saj, pjes\u00eb e band\u00ebs elektorale, q\u00eb e ka kthyer Fierin n\u00eb shesh t\u00eb korrupsionit madhor dhe paligjshm\u00ebris\u00eb flagrante prej disa muajsh tashm\u00eb. Deri m\u00eb tani p\u00ebr fat t\u00eb keq nga SPAK p\u00ebrve\u00e7 njoftimeve p\u00ebr hapjen e nj\u00eb zyre apo dhurimit t\u00eb disa kompjuterave nga OSBE, nuk \u00ebsht\u00eb v\u00ebrejtur asnj\u00eb angazhim real p\u00ebr t\u00eb goditur krimet zgjedhore q\u00eb konsumohen para syve t\u00eb t\u00eb gjith\u00ebve \u00e7do sekond n\u00eb qarkun e Fierit.<\/p>\n

Ky rast provon se Edi Rama, Belinda Balluku dhe Partia Socialiste jo vet\u00ebm nuk kan\u00eb hequr dor\u00eb nga krimi dhe korrupsioni zgjedhor, por tashm\u00eb e kan\u00eb ngritur n\u00eb nj\u00eb nivel tjet\u00ebr, duke bler\u00eb drejtp\u00ebrdrejt vullnetin e qytetar\u00ebve shqiptar\u00eb. Disa me para n\u00eb dor\u00eb, disa t\u00eb tjer\u00eb me leje dhe licenca, t\u00eb tjer\u00eb me legalizime a certifikata pron\u00ebsie, t\u00eb tjer\u00eb me vende pune, diku me presion kriminal ndaj bizneseve, e dik\u00eb tjet\u00ebr me presion nga grupet kriminale. Gjith\u00e7ka dhe \u00e7do gj\u00eb p\u00ebr t\u00eb mbajtur pushtetin e krimbur nga korrupsioni dhe p\u00ebr t\u00eb pamund\u00ebsuar rotacionin.<\/p>\n

Por, Edi Rama, Belinda Balluku, Drejtori i ALPETROL, Drejtori i Tatimeve dhe \u00e7do sh\u00ebrb\u00ebtor i tyre n\u00eb korrupsion dhe paligjshm\u00ebri duhet ta din\u00eb sot q\u00eb do t\u00eb marrin nd\u00ebshkim shembullor p\u00ebr t\u00eb gjitha aktet e tyre, nd\u00ebrkoh\u00eb q\u00eb asnj\u00eb manov\u00ebr nuk e ndal dot ndryshimin e madh q\u00eb ka filluar an\u00ebmban\u00eb vendit p\u00ebr nj\u00eb Shqip\u00ebri Madh\u00ebshtore.<\/p>\n