{"id":111942,"date":"2025-04-26T17:06:52","date_gmt":"2025-04-26T17:06:52","guid":{"rendered":"https:\/\/rdnews.al\/?p=111942"},"modified":"2025-04-26T17:06:52","modified_gmt":"2025-04-26T17:06:52","slug":"gruaja-portreti-i-kontrastit-te-dy-fushatave","status":"publish","type":"post","link":"https:\/\/rdnews.al\/index.php\/2025\/04\/26\/gruaja-portreti-i-kontrastit-te-dy-fushatave\/","title":{"rendered":"Gruaja, portreti i kontrastit t\u00eb dy fushatave"},"content":{"rendered":"

Nga\u00a0Andi MUSTAFAJ<\/strong><\/p>\n

N\u00eb fundin e \u00e7do dite t\u00eb derim\u00ebtanishme, e kam t\u00eb v\u00ebshtir\u00eb t\u00eb sintetizoj n\u00eb mendime dhe ndjesi morin\u00eb e gjith\u00e7kaje jam duke kaluar si z\u00ebdh\u00ebn\u00ebs i k\u00ebsaj fushate elektorale, ndon\u00ebse n\u00eb kaosin p\u00ebrmbyll\u00ebs t\u00eb \u00e7do dite, nuk kam mendim tjet\u00ebr ve\u00e7 mir\u00ebnjohjes ndaj fatit dhe njer\u00ebzve q\u00eb m\u00eb lejuan ta p\u00ebrjetoj k\u00ebt\u00eb p\u00ebrvoj\u00eb, p\u00ebrvoj\u00eb t\u00eb cil\u00ebn ritmi drejt q\u00ebllimit t\u00eb fitores m\u00eb privon ta shoh thjesht dhe vet\u00ebm si t\u00eb till\u00eb. Fal\u00eb k\u00ebsaj detyre, prej dit\u00ebsh jam i p\u00ebrfshir\u00eb n\u00eb disa dimensione t\u00eb zhvillimit t\u00eb k\u00ebsaj fushate zgjedhore, prej rigorozitetit dhe strikt\u00ebsis\u00eb s\u00eb takimeve zyrtare tek natyrshm\u00ebria p\u00ebr ta liruar kravat\u00ebn p\u00ebrball\u00eb zemr\u00ebs s\u00eb hapur t\u00eb qindra mij\u00ebra shqiptar\u00ebve n\u00eb \u00e7do cep t\u00eb vendit.<\/p>\n

I ka patur deri m\u00eb tani t\u00eb gjitha nuancat kjo fushat\u00eb e jona, prej thelbit tek emocioni, prej kujtes\u00ebs p\u00ebr \u00e7far\u00eb ishim tek vizioni p\u00ebr \u00e7far\u00eb do t\u00eb jemi, prej reflektimit tek vet\u00ebbesimi, t\u00eb pareshtur n\u00eb p\u00ebrpjekje p\u00ebr t\u00eb qen\u00eb ekipi i fort\u00eb blu q\u00eb sigurohet ta shijoj\u00eb fitoren q\u00eb k\u00ebrkon me ngulmin e kok\u00ebfort\u00ebsis\u00eb pa negociuar dinjitetin, pa kompromentuar modelin, pa devijuar nga boshti i shembullit t\u00eb Shqip\u00ebris\u00eb me ne. D\u00ebshmitar i k\u00ebtyre, n\u00eb bllokun e sh\u00ebnimeve t\u00eb mendjes a t\u00eb dor\u00ebs, nuk i kam shp\u00ebtuar dot edhe n\u00eb intensitetin e k\u00ebtyre dit\u00ebve, reflektimit.<\/p>\n

Nj\u00eb i till\u00eb ishte p\u00ebrpara pak dit\u00ebsh nj\u00eb takim me zonjat, gra dhe vajza kandidate p\u00ebr deputete t\u00eb Partis\u00eb Demokratike dhe Aleanc\u00ebs p\u00ebr Shqip\u00ebrin\u00eb Madh\u00ebshtore n\u00eb qarkun e Tiran\u00ebs, nj\u00eb takim i ngusht\u00eb q\u00eb p\u00ebr mua p\u00ebrb\u00ebn kopertin\u00ebn e doktrin\u00ebs ndon\u00ebse t\u00eb pashkruar t\u00eb k\u00ebsaj fushate zgjedhore. Zonja me mendime t\u00eb forta n\u00eb but\u00ebsin\u00eb e natyr\u00ebs hyjnore. N\u00eb ashp\u00ebrsin\u00eb thuajse t\u00eb gurt\u00eb t\u00eb terrenit politik shqiptar, i perceptova jo m\u00eb pak se personifikim t\u00eb stoicizmit. Jo se nuk e njoh gruan shqiptare p\u00ebr t\u00eb till\u00eb, por sepse n\u00eb k\u00ebt\u00eb fushat\u00eb zgjedhore kontrasti me reflektimin q\u00eb kan\u00eb p\u00ebrball\u00eb i b\u00ebnte ato n\u00eb syt\u00eb e mi kaq stoike.<\/p>\n

N\u00eb ligj\u00ebrimin e secil\u00ebs prej tyre shihja t\u00eb shpalosur mes fjal\u00ebve t\u00eb nj\u00ebjt\u00ebn filozofi pune, t\u00eb nj\u00ebjt\u00ebn qasje karakteriale, t\u00eb nj\u00ebjtin model gruaje. Sip\u00ebrmarr\u00ebse, akademike, artiste, avokate, diplomate, aktiviste etj., politikisht secila prej tyre p\u00ebrngjante kaq denj\u00ebsisht udh\u00ebheq\u00ebse. Udh\u00ebheq\u00ebse n\u00eb m\u00ebnyr\u00ebn se si p\u00ebr\u00e7onin takimet me qytetar\u00ebt, si investoheshin n\u00eb kritik\u00eb dhe autokritik\u00eb p\u00ebr t\u00eb p\u00ebrmir\u00ebsuar m\u00eb shum\u00eb ofert\u00ebn ton\u00eb ndaj shqiptar\u00ebve, udh\u00ebheq\u00ebse n\u00eb sigurin\u00eb me t\u00eb cil\u00ebn rr\u00ebfenin se drejtonin diskursin politik n\u00eb terren po nj\u00ebsoj si n\u00eb k\u00ebt\u00eb takim, n\u00eb ball\u00eb t\u00eb fushat\u00ebs duke i q\u00ebndruar stoike modelit t\u00eb vler\u00ebs, fisnik\u00ebris\u00eb, guximit p\u00ebr t\u00eb k\u00ebrkuar privilegjin e p\u00ebrfaq\u00ebsimit me zot\u00ebsi, aft\u00ebsi dhe vet\u00ebm pun\u00eb.<\/p>\n

Nuk b\u00ebra dot m\u00eb shum\u00eb gjat\u00eb k\u00ebtij leksioni politik se sa t\u00eb ndihesha krenar p\u00ebr gruan demokrate, p\u00ebr mua portreti i fushat\u00ebs son\u00eb zgjedhore. Si ishin zonjat deputete sot, \u00ebsht\u00eb fushata jon\u00eb prej dit\u00ebs s\u00eb par\u00eb t\u00eb start-it t\u00eb k\u00ebsaj maratone.<\/p>\n

\u00cbsht\u00eb e v\u00ebrtet\u00eb se kund\u00ebrshtari nuk zgjidhet, por sa i pafat paska qen\u00eb ky vend p\u00ebr ta p\u00ebrjetuar politikisht nj\u00eb gar\u00eb ku kontrasti i fushatave dhe modeleve \u00ebsht\u00eb kaq i mpreht\u00eb, nj\u00eb hendek i thell\u00eb deri n\u00eb err\u00ebsir\u00eb. Teksa zonjat kandidate zhvillonin takimin me liderin demokrat, imponuese n\u00eb mendim po aq sa n\u00eb vizion, nuk e ndalova dot pavet\u00ebdijen e t\u00eb krahasuarit t\u00eb tyre me zonjat e kampit p\u00ebrball\u00eb. N\u00eb respektin ndaj figur\u00ebs s\u00eb gruas, kurr\u00eb s\u2019do t\u00eb mundja t\u00eb hamend\u00ebsoja padenj\u00ebsin\u00eb e k\u00ebtyre t\u00eb fundit p\u00ebr t\u00eb qen\u00eb p\u00ebrfaq\u00ebsuese politike, por a mund t\u00eb jen\u00eb ato nj\u00eb model n\u00eb fushat\u00ebn q\u00eb u ka r\u00ebn\u00eb p\u00ebr hise?<\/p>\n

Rreshtuar shpesh n\u00eb takimet e estrad\u00ebs s\u00eb cirkut t\u00eb \u201cone man show\u201d i kam par\u00eb kokulura, jo rrall\u00eb her\u00eb me gjestikulacione t\u00eb parehatis\u00eb dhe sikletit sa her\u00eb lideri i tyre shfrenon fantazin\u00eb verbale n\u00eb funksion t\u00eb fushat\u00ebs s\u00eb bat\u00ebrdis\u00eb q\u00eb ai mendon se ushqen turm\u00ebn. A mund t\u00eb jet\u00eb e till\u00eb nj\u00eb grua udh\u00ebheq\u00ebse, e paaft\u00eb p\u00ebr t\u00eb mbrojtur dinjitetin e saj n\u00eb partin\u00eb tek e cila ka zgjedhur t\u00eb investoj\u00eb koh\u00eb, pun\u00eb, vizion? Ka prej tyre edhe t\u00eb p\u00ebrshtatura m\u00eb me leht\u00ebsi n\u00eb funksion t\u00eb elozheve p\u00ebr liderin, pak minuta pasi vet\u00eb ai ka njollosur \u00e7do kod t\u00eb etik\u00ebs dhe komunikimit njer\u00ebzor. A mund t\u00eb frym\u00ebzoj\u00eb i till\u00eb model gruaje, ajo q\u00eb as p\u00ebrdhosja e karakterit njer\u00ebzor me fyerje sa banale aq edhe bulliste, as vulnerabiliteti me t\u00eb cilin f\u00ebmij\u00ebt b\u00ebhen pjes\u00eb e tentakulave t\u00eb ndyta n\u00eb komunikimin e kryeministrit, as l\u00ebndimi i plag\u00ebve njer\u00ebzore, nuk i nxjerr nga kllapia e mosreagimit? Ato rreshtohen n\u00ebnshtruar vullnetit t\u00eb tij p\u00ebr ta bastarduar deri n\u00eb skaje fushat\u00ebn zgjedhore t\u00eb socialist\u00ebve. \u00cbsht\u00eb dhe ky nj\u00eb model gruaje, por kurrsesi i gruas shqiptare, aq m\u00eb pak asaj shtetare n\u00eb politik\u00eb.<\/p>\n

Dinamizmi i or\u00ebve t\u00eb gjata t\u00eb secil\u00ebs dit\u00eb ma shpjegon arsyen pse fushatat zgjedhore mbahen mend gjat\u00eb. K\u00ebsaj radhe, me shikim m\u00eb t\u00eb kthjell\u00ebt si z\u00ebdh\u00ebn\u00ebs i kampit blu, kam bindjen se kujtes\u00ebn kolektive do ta sh\u00ebnjoj\u00eb shum\u00eb m\u00eb shum\u00eb se dimensioni politik i fushat\u00ebs, dimensioni social i saj manifestuar n\u00eb k\u00ebt\u00eb kontrast t\u00eb friksh\u00ebm modelesh, dy modele gruaje, dy modele fushatash. D\u00ebshmohet n\u00eb narrativen e \u00e7do dite, p\u00ebrplasja e dy fushatave, nj\u00eb kontrast si me thik\u00eb q\u00eb ndan dy bot\u00eb politike. Gruaja udh\u00ebheq\u00ebse p\u00ebrball\u00eb gruas s\u00eb intimiduar; modeli i dinjitetit, fisnik\u00ebris\u00eb, vler\u00ebs, p\u00ebrball\u00eb modelit t\u00eb p\u00ebr\u00e7artjeve emocionale dhe karakteriale shp\u00ebrthyer pa droj\u00eb n\u00eb nj\u00eb kamp ku n\u00ebnshtrimi ndaj d\u00ebshirave edhe komunikative t\u00eb liderit \u00ebsht\u00eb kusht mbijetese, edhe p\u00ebr grat\u00eb.<\/p>\n

N\u00eb kushte t\u00eb tjera do t\u00eb ndihesha ndoshta i parehatuar n\u00eb dyshimin se a perceptohet ky kontrast modelesh tek shqiptar\u00ebt. Nuk i kan\u00eb l\u00ebn\u00eb vend k\u00ebtij dyshimi takimet ndon\u00ebse kalimtare me burra, djem, gra e vajza n\u00eb k\u00ebto dit\u00eb q\u00eb do t\u2018i quaja pelegrinazhi m\u00eb af\u00ebr shqiptar\u00ebve, m\u00eb af\u00ebr Shqip\u00ebris\u00eb. Kudo ku shkelim p\u00ebr t\u00eb k\u00ebrkuar vot\u00ebbesim ndiej sa pran\u00eb tyre \u00ebsht\u00eb modeli yn\u00eb, sa larg shqiptarit \u00ebsht\u00eb modeli i tyre. E p\u00ebrfaq\u00ebson gruaja demokrate forc\u00ebn dhe dinjitetin e gruas shqiptare, e p\u00ebrfaq\u00ebson modeli yn\u00eb lirin\u00eb, vlerat, parimet q\u00eb udh\u00ebheqin shqiptar\u00ebt. Jan\u00eb ata kaq t\u00eb huaj, ndaj sa fort b\u00ebrtet ky kontrast, nuk kam m\u00eb asnj\u00eb dyshim!<\/p>\n

*Andi Mustafaj – Z\u00ebdh\u00ebn\u00ebs i Fushat\u00ebs Elektorale te Partis\u00eb Demokratike dhe Aleanc\u00ebs p\u00ebr Shqip\u00ebrin\u00eb Madh\u00ebshtore<\/strong><\/p>\n","protected":false},"excerpt":{"rendered":"

Nga\u00a0Andi MUSTAFAJ N\u00eb fundin e \u00e7do dite t\u00eb derim\u00ebtanishme, e kam t\u00eb v\u00ebshtir\u00eb t\u00eb sintetizoj n\u00eb mendime dhe ndjesi morin\u00eb e gjith\u00e7kaje jam duke kaluar si z\u00ebdh\u00ebn\u00ebs i k\u00ebsaj fushate elektorale, ndon\u00ebse n\u00eb kaosin p\u00ebrmbyll\u00ebs t\u00eb \u00e7do dite, nuk kam mendim tjet\u00ebr ve\u00e7 mir\u00ebnjohjes ndaj fatit dhe njer\u00ebzve q\u00eb m\u00eb lejuan ta p\u00ebrjetoj k\u00ebt\u00eb p\u00ebrvoj\u00eb, …<\/p>\n","protected":false},"author":4,"featured_media":49037,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-111942","post","type-post","status-publish","format-standard","has-post-thumbnail","","category-politike"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/111942","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=111942"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/111942\/revisions"}],"predecessor-version":[{"id":111943,"href":"https:\/\/rdnews.al\/index.php\/wp-json\/wp\/v2\/posts\/111942\/revisions\/111943"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/49037"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=111942"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=111942"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=111942"}],"curies":[{"name":"wp","href":"https:\/\/api.w.org\/{rel}","templated":true}]}}