{"id":117198,"date":"2025-06-22T19:32:20","date_gmt":"2025-06-22T19:32:20","guid":{"rendered":"https:\/\/rdnews.al\/?p=117198"},"modified":"2025-06-22T19:32:20","modified_gmt":"2025-06-22T19:32:20","slug":"sulmet-e-shba-se-ndaj-iranit-goditje-per-rusine-apo-mundesi-per-putinin","status":"publish","type":"post","link":"https:\/\/rdnews.al\/index.php\/2025\/06\/22\/sulmet-e-shba-se-ndaj-iranit-goditje-per-rusine-apo-mundesi-per-putinin\/","title":{"rendered":"Sulmet e SHBA-s\u00eb ndaj Iranit, goditje p\u00ebr Rusin\u00eb apo mund\u00ebsi p\u00ebr Putinin?"},"content":{"rendered":"

Vendimi i presidentit amerikan, Donald Trump, p\u00ebr t\u00eb\u00a0nd\u00ebrmarr\u00eb sulme<\/strong><\/a>\u00a0ndaj Iranit paraqet nj\u00ebkoh\u00ebsisht rrezik dhe mund\u00ebsi p\u00ebr presidentin rus, Vladimir Putin: sulmet godit\u00ebn nj\u00eb partner strategjik t\u00eb Mosk\u00ebs, por mund t\u00eb hapin nj\u00eb dritare t\u00eb re p\u00ebr r\u00ebnd\u00ebsin\u00eb diplomatike t\u00eb Rusis\u00eb.<\/p>\n

Pas sulmeve t\u00eb SHBA-s\u00eb ndaj nyjeve ky\u00e7 t\u00eb kompleksit b\u00ebrthamor iranian, Teherani po kthen syt\u00eb nga Moska.<\/p>\n

Ministri i Jasht\u00ebm i Iranit, Abbas Araqchi, tha t\u00eb diel\u00ebn se t\u00eb h\u00ebn\u00ebn do t\u00eb takohej n\u00eb Rusi me Putinin p\u00ebr konsultime.<\/p>\n

Gjat\u00eb nj\u00eb konference p\u00ebr shtyp n\u00eb margjinat e nj\u00eb takimi t\u00eb Organizat\u00ebs s\u00eb Bashk\u00ebpunimit Islamik n\u00eb Stamboll, Araqchi tha se do t\u00eb mbaj\u00eb \u201ckonsultime serioze me presidentin rus\u201d lidhur me p\u00ebrshkall\u00ebzimin e konfliktit, n\u00eb t\u00eb cilin tashm\u00eb \u00ebsht\u00eb p\u00ebrfshir\u00eb drejtp\u00ebrdrejt edhe SHBA-ja.<\/p>\n

Kjo nuk p\u00ebrb\u00ebn befasi.<\/p>\n

Irani dhe Rusia kan\u00eb thelluar ndjesh\u00ebm marr\u00ebdh\u00ebniet muajt e fundit, duke n\u00ebnshkruar nj\u00eb marr\u00ebveshje p\u00ebr partneritet strategjik gjat\u00eb vizit\u00ebs s\u00eb presidentit, iranian Masud Pezeshkian, n\u00eb Kremlin n\u00eb janar. Edhe vizita e Araqchit dukej se ishte planifikuar m\u00eb her\u00ebt \u2013 Andrea Mitchell e NBC News kishte deklaruar t\u00eb premten se ministri iranian i kishte th\u00ebn\u00eb se do t\u00eb udh\u00ebtonte p\u00ebr n\u00eb Mosk\u00eb.<\/p>\n

Reagimi zyrtar i Ministris\u00eb s\u00eb Jashtme t\u00eb Rusis\u00eb ndaj sulmeve t\u00eb SHBA-s\u00eb ishte nj\u00eb d\u00ebnim i qart\u00eb.<\/p>\n

N\u00eb nj\u00eb\u00a0<\/strong>deklarat\u00eb t\u00eb publikuar t\u00eb diel\u00ebn<\/strong><\/a>, ministria tha se Moska \u201cd\u00ebnon me vendosm\u00ebri\u201d sulmet ndaj objekteve b\u00ebrthamore iraniane, duke i cil\u00ebsuar si nj\u00eb \u201cvendim i pap\u00ebrgjegjsh\u00ebm p\u00ebr t\u00eb sulmuar me raketa dhe bomba territorin e nj\u00eb shteti sovran, pavar\u00ebsisht argumenteve q\u00eb qarkullojn\u00eb rreth tij, q\u00eb p\u00ebrb\u00ebn nj\u00eb shkelje t\u00eb r\u00ebnd\u00eb t\u00eb s\u00eb drejt\u00ebs nd\u00ebrkomb\u00ebtare, Kart\u00ebs s\u00eb OKB-s\u00eb dhe rezolutave t\u00eb K\u00ebshillit t\u00eb Sigurimit t\u00eb OKB-s\u00eb, t\u00eb cilat i kan\u00eb cil\u00ebsuar veprime t\u00eb tilla si t\u00eb papranueshme\u201d.<\/p>\n

Fjal\u00eb t\u00eb ashpra, pavar\u00ebsisht ironis\u00eb s\u00eb dukshme: nj\u00eb aspekt i partneritetit Rusi\u2013Iran ka qen\u00eb transferimi i teknologjis\u00eb s\u00eb dron\u00ebve q\u00eb i ka mund\u00ebsuar ushtris\u00eb ruse t\u00eb vazhdoj\u00eb bombardimet ndaj qyteteve ukrainase.<\/p>\n

Megjithat\u00eb, partneriteti strategjik Rusi\u2013Iran nuk \u00ebsht\u00eb nj\u00eb pakt mbrojtjeje. Qeveria ruse e ka b\u00ebr\u00eb t\u00eb qart\u00eb jav\u00ebt e fundit se kjo marr\u00ebveshje nuk e detyron Rusin\u00eb t\u00eb mbroj\u00eb Iranin, n\u00ebse sulmohet. Dhe n\u00eb komentet e tij m\u00eb t\u00eb fundit p\u00ebr konfliktin Iran\u2013Izrael, Putini ka pasur nj\u00eb ton disi t\u00eb kujdessh\u00ebm.<\/p>\n

Gjat\u00eb sesionit plenar t\u00eb Forumit Ekonomik Nd\u00ebrkomb\u00ebtar t\u00eb Sh\u00ebn Petersburgut m\u00eb 21 qershor, Putini p\u00ebrmendi \u201ct\u00eb drejt\u00ebn legjitime\u201d t\u00eb Teheranit p\u00ebr t\u00eb pasuruar uranium p\u00ebr q\u00ebllime civile, por gjithashtu i dha t\u00eb drejt\u00eb \u201cshqet\u00ebsimeve t\u00eb Izraelit p\u00ebr sigurin\u00eb\u201d lidhur me ambiciet b\u00ebrthamore t\u00eb Iranit. Presidenti rus sugjeroi \u2013 n\u00eb nj\u00eb m\u00ebnyr\u00eb t\u00eb t\u00ebrthort\u00eb \u2013 se Rusia mund t\u00eb luaj\u00eb rol si nd\u00ebrmjet\u00ebsuese p\u00ebr t\u2019i dh\u00ebn\u00eb fund konfliktit.<\/p>\n

\u201cNe ia kemi paraqitur q\u00ebndrimin ton\u00eb t\u00eb dyja pal\u00ebve\u201d, tha ai. \u201cSi\u00e7 e dini, ne kemi kontakte me Izraelin, por edhe me miqt\u00eb tan\u00eb n\u00eb Iran. Ne kemi disa propozime q\u00eb p\u00ebrfshijn\u00eb Rusin\u00eb\u201d.<\/p>\n

\u201cDua t\u00eb theksoj se nuk po paraqitemi si nd\u00ebrmjet\u00ebs\u201d, shtoi Putini. \u201cPo hedhim vet\u00ebm disa ide\u201d.<\/p>\n

Para nisjes s\u00eb fushat\u00ebs ajrore t\u00eb befasishme t\u00eb Izraelit ndaj Iranit m\u00eb 13 qershor, diplomat\u00ebt rus\u00eb kishin paraqitur nj\u00eb propozim konkret: q\u00eb Rusia t\u00eb merrte n\u00eb kujdestari materialin b\u00ebrthamor t\u00eb Iranit p\u00ebr ta shnd\u00ebrruar n\u00eb karburant p\u00ebr reaktor\u00eb civil\u00eb.<\/p>\n

Ndikimi diplomatik i Rusis\u00eb ndaj Iranit ka qen\u00eb nj\u00eb kart\u00eb e r\u00ebnd\u00ebsishme n\u00eb duart e Putinit. Rusia ishte nj\u00eb nga n\u00ebnshkrueset e Marr\u00ebveshjes B\u00ebrthamore t\u00eb vitit 2015 (JCPOA), q\u00eb synonte t\u00eb frenonte ambiciet b\u00ebrthamore t\u00eb Iranit. Edhe pse Moska \u00ebsht\u00eb gjithnj\u00eb e m\u00eb e izoluar nga Per\u00ebndimi, q\u00eb nga aneksimi i Krimes\u00eb n\u00eb vitin 2014 dhe pushtimi i plot\u00eb i Ukrain\u00ebs n\u00eb vitin 2022, ndikimi i saj mbi Teheranin \u00ebsht\u00eb par\u00eb shpesh si ky\u00e7 p\u00ebr \u00e7do zgjidhje t\u00eb negociuar me Iranin.<\/p>\n

N\u00eb nj\u00eb koment t\u00eb publikuar p\u00ebrpara sulmeve amerikane, Andrey Kortunov nga K\u00ebshilli Rus p\u00ebr Marr\u00ebdh\u00ebnie Nd\u00ebrkomb\u00ebtare, i lidhur me Qeverin\u00eb ruse, shkroi se partneriteti strategjik me Iranin mund t\u2019i jepte Mosk\u00ebs mund\u00ebsin\u00eb t\u00eb paraqitej si \u201cnd\u00ebrmjet\u00ebse e paanshme\u201d p\u00ebr uljen e tensioneve.<\/p>\n

\u201cN\u00eb k\u00ebt\u00eb m\u00ebnyr\u00eb, Moska do t\u00eb forconte ndikimin e saj n\u00eb rajon pas rr\u00ebzimit t\u00eb regjimit t\u00eb Bashar al-Asadit vitin e kaluar [n\u00eb Siri]\u201d, shkroi Kortunov.<\/p>\n

\u201cPor, p\u00ebrshkall\u00ebzimi i tanish\u00ebm bart me vete rreziqe serioze dhe kosto t\u00eb mundshme p\u00ebr Mosk\u00ebn. Fakti mbetet: Rusia d\u00ebshtoi t\u00eb parandaloj\u00eb sulmin masiv t\u00eb Izraelit ndaj nj\u00eb shteti me t\u00eb cilin kishte n\u00ebnshkruar nj\u00eb marr\u00ebveshje strategjike vet\u00ebm pes\u00eb muaj m\u00eb par\u00eb. Moska qartazi nuk \u00ebsht\u00eb e gatshme, p\u00ebrtej deklaratave politike, t\u00eb ofroj\u00eb ndihm\u00eb ushtarake p\u00ebr Iranin\u201d.<\/p>\n

Shum\u00eb\u00e7ka ka ndryshuar q\u00eb nga n\u00ebnshkrimi i JCPOA-s\u00eb: Trump e t\u00ebrhoqi SHBA-n\u00eb nga marr\u00ebveshja n\u00eb vitin 2018; Irani iu p\u00ebrgjigj duke zgjeruar programin e pasurimit t\u00eb uraniumit; dhe rr\u00ebzimi i regjimit t\u00eb Asadit \u2013 nj\u00eb klient i Rusis\u00eb dhe Iranit \u2013 s\u00eb bashku me goditjen ndaj Hezbollahut nga Izraeli, soll\u00ebn nj\u00eb goditje t\u00eb r\u00ebnd\u00eb ndaj t\u00eb ashtuquajturit \u201cbosht t\u00eb rezistenc\u00ebs\u201d t\u00eb Iranit.<\/p>\n

Konflikti n\u00eb Lindjen e Mesme po zhvillohet me ritme edhe m\u00eb t\u00eb shpejta pas p\u00ebrfshirjes t\u00eb drejtp\u00ebrdrejt\u00eb ushtarake t\u00eb SHBA-s\u00eb. Rusia tani \u00ebsht\u00eb m\u00eb e pasigurt n\u00eb aspektin ekonomik – ministri rus i Zhvillimit Ekonomik, Maksim Reshetnikov, tha jav\u00ebn e kaluar se ekonomia ruse \u00ebsht\u00eb pran\u00eb recesionit \u2013 edhe pse nj\u00eb kriz\u00eb n\u00eb p\u00ebrshkall\u00ebzim n\u00eb Lindjen e Mesme mund t\u00eb sjell\u00eb rritje t\u00eb \u00e7mimeve t\u00eb naft\u00ebs, nj\u00eb shtyll\u00eb e fuqis\u00eb ekonomike t\u00eb Rusis\u00eb.<\/p>\n

Gjat\u00eb q\u00ebndrimit n\u00eb Sh\u00ebn Petersburg, Putini citoi Mark Twain kur u pyet p\u00ebr ndikimin e luft\u00ebs n\u00eb Ukrain\u00eb ndaj ekonomis\u00eb ruse: \u201cSi\u00e7 tha nj\u00eb shkrimtar i njohur: \u2018Lajmet p\u00ebr vdekjen time jan\u00eb shum\u00eb t\u00eb ekzagjeruara\u2019\u201d.<\/p>\n

Por, ajo luft\u00eb vazhdon pa nd\u00ebrprerje, me nj\u00eb kosto t\u00eb lart\u00eb njer\u00ebzore dhe ekonomike p\u00ebr Rusin\u00eb. Me SHBA-n\u00eb q\u00eb tashm\u00eb \u00ebsht\u00eb p\u00ebrfshir\u00eb drejtp\u00ebrdrejt ushtarakisht n\u00eb Iran, mbetet e paqart\u00eb n\u00ebse Putini do t\u00eb vazhdoj\u00eb t\u00eb g\u00ebzoj\u00eb t\u00eb nj\u00ebjtin ndikim gjeopolitik si m\u00eb par\u00eb.\/REL<\/p>\n

 <\/p>\n","protected":false},"excerpt":{"rendered":"

Vendimi i presidentit amerikan, Donald Trump, p\u00ebr t\u00eb\u00a0nd\u00ebrmarr\u00eb sulme\u00a0ndaj Iranit paraqet nj\u00ebkoh\u00ebsisht rrezik dhe mund\u00ebsi p\u00ebr presidentin rus, Vladimir Putin: sulmet godit\u00ebn nj\u00eb partner strategjik t\u00eb Mosk\u00ebs, por mund t\u00eb hapin nj\u00eb dritare t\u00eb re p\u00ebr r\u00ebnd\u00ebsin\u00eb diplomatike t\u00eb Rusis\u00eb. Pas sulmeve t\u00eb SHBA-s\u00eb ndaj nyjeve ky\u00e7 t\u00eb kompleksit b\u00ebrthamor iranian, Teherani po kthen syt\u00eb …<\/p>\n","protected":false},"author":3,"featured_media":117199,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[38],"tags":[],"class_list":["post-117198","post","type-post","status-publish","format-standard","has-post-thumbnail","","category-bota"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/117198","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/3"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=117198"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/117198\/revisions"}],"predecessor-version":[{"id":117200,"href":"https:\/\/rdnews.al\/index.php\/wp-json\/wp\/v2\/posts\/117198\/revisions\/117200"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/117199"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=117198"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=117198"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=117198"}],"curies":[{"name":"wp","href":"https:\/\/api.w.org\/{rel}","templated":true}]}}