![\"\"](\"https:\/\/boldnews.al\/wp-content\/uploads\/2025\/07\/tre-emigrantet-nga-filipine-600x400-1.jpg\")
Emigracioni masiv i dekadave t\u00eb fundit e ka shnd\u00ebrruar struktur\u00ebn demografike t\u00eb Shqip\u00ebris\u00eb. Sipas t\u00eb dh\u00ebnave t\u00eb Censit 2023, rreth 48% e popullsis\u00eb shqiptare jeton jasht\u00eb vendit dhe shumica d\u00ebrrmuese e k\u00ebsaj popullsie \u00ebsht\u00eb ajo q\u00eb konsiderohet aktive p\u00ebr pun\u00eb, duke krijuar nj\u00eb hendek t\u00eb thell\u00eb t\u00eb fuqis\u00eb pun\u00ebtore n\u00eb vend \u2013 ve\u00e7an\u00ebrisht n\u00eb sektorin e sh\u00ebrbimeve.<\/p>\n
Qeveria nuk ka nd\u00ebrmarr\u00eb politika efektive p\u00ebr t\u00eb frenuar emigracionin apo p\u00ebr t\u00eb ndihmuar emigrant\u00ebt q\u00eb t\u00eb kthehen n\u00eb atdhe. Megjithat\u00eb, ajo ka leht\u00ebsuar procedurat e rekrutimit p\u00ebr pun\u00ebtor\u00eb nga vende m\u00eb t\u00eb varfra se Shqip\u00ebria \u2013 t\u00eb tilla si Bangladeshi, Nepali, Filipinet dhe disa shtete afrikane.<\/p>\n
Prania e pun\u00ebtor\u00ebve t\u00eb huaj nga k\u00ebto vende mbetet ende e kufizuar, por t\u00eb dh\u00ebnat p\u00ebr vitin 2023, t\u00eb fundit e b\u00ebra publike nga Instituti i Statistikave, tregojn\u00eb se numri i tyre u dyfishua n\u00eb vitet 2022-2023. Si rrjedhoj\u00eb, 3,784 shtetas nga Azia dhe 1,028 nga Afrika p\u00ebrfituan leje q\u00ebndrimi n\u00eb Shqip\u00ebri gjat\u00eb vitit 2023.<\/p>\n
Maricel, Analyn dhe Rosalie e kan\u00eb kaluar thuajse gjysm\u00ebn e jet\u00ebs s\u00eb tyre n\u00eb emigracion, duke punuar kryesisht si dado n\u00eb Hong Kong, n\u00eb ishullin fqinj n\u00eb jug t\u00eb Kin\u00ebs. Por ver\u00ebn e vitit 2024 ato vendos\u00ebn q\u00eb t\u00eb vinin n\u00eb Shqip\u00ebri, pasi siguruan nj\u00eb kontrat\u00eb pune 2-vje\u00e7are si \u201cndihm\u00ebse n\u00eb kuzhin\u00eb\u201d n\u00eb nj\u00eb restorant n\u00eb Patok me pag\u00eb minimale prej 40 mij\u00eb lek\u00ebsh n\u00eb muaj.<\/p>\n
Maricel i tha BIRN se ato punuan n\u00eb t\u00eb v\u00ebrtet\u00eb si pastruese hoteli e mjedisi t\u00eb jasht\u00ebm, me orare q\u00eb zgjasnin deri n\u00eb 12 or\u00eb n\u00eb dit\u00eb dhe merrnin nj\u00eb pages\u00eb fikse n\u00eb cash p\u00ebr or\u00ebt e pun\u00ebs shtes\u00eb q\u00eb e \u00e7onin pag\u00ebn e tyre mujore n\u00eb 700 euro.<\/p>\n
Me k\u00ebrkes\u00eb t\u00eb pun\u00ebdh\u00ebn\u00ebsit, ato b\u00ebnin edhe pun\u00eb t\u00eb tjera q\u00eb nuk ishin parashikuar n\u00eb kontrat\u00eb. Shpesh kur n\u00eb restorant organizoheshin festa, tre grat\u00eb duhej t\u00eb punonin edhe deri n\u00eb 18 or\u00eb p\u00ebr t\u00eb pastruar restorantin pas mbylljes s\u00eb tij n\u00eb or\u00ebn 3 t\u00eb m\u00ebngjesit.<\/p>\n
N\u00ebse refuzonin nj\u00eb pun\u00eb, ato p\u00ebrballeshin me k\u00ebrc\u00ebnime p\u00ebr deportimin nga t\u00eb zot\u00ebt apo stafi shqiptar. Nd\u00ebrsa u ishte th\u00ebn\u00eb se ushqimi do t\u00eb sigurohej nga pun\u00ebdh\u00ebn\u00ebsi, ato thon\u00eb se shpesh detyroheshin t\u00eb lypnin dhe t\u00eb hanin mbetje t\u00eb ushqimit n\u00eb kuzhin\u00eb.<\/p>\n
\u201cEdhe kokat e peshkut q\u00eb restoranti i hidhte nuk na i jepnin n\u00ebse nuk luteshim. Duhej t\u00eb shkonim dhe t\u00eb lypnim: \u201cZot\u00ebri t\u00eb lutem mos i hidh, na i jep ne t\u00eb b\u00ebjm\u00eb sup\u00eb,\u201d tregon Rosalie.<\/p>\n
Pavar\u00ebsisht se kontrata ishte 2-vje\u00e7are, grat\u00eb pretenduan se kishin b\u00ebr\u00eb nj\u00eb marr\u00ebveshje verbale me administratoren e kompanis\u00eb q\u00eb t\u00eb punonin deri n\u00eb gusht, kur u p\u00ebrfundonte edhe leja e q\u00ebndrimit. Por n\u00eb fund t\u00eb qershorit, nj\u00eb prej agjent\u00ebve nd\u00ebrmjet\u00ebs me t\u00eb cil\u00ebt ata ishin n\u00eb kontakt u b\u00ebri me dije se kompania ku punonin po b\u00ebnte procedurat p\u00ebr t\u2019u zgjatur lejet e q\u00ebndrimit pa dijenin\u00eb e tyre.<\/p>\n
Maricel i tha BIRN se kjo ishte nj\u00eb p\u00ebrpjekje p\u00ebr t\u2019i mbajtur ato me detyrim n\u00eb vendin e pun\u00ebs. Kur u than\u00eb pronar\u00ebve se donin q\u00eb t\u00eb iknin, u p\u00ebrball\u00ebn me presion, k\u00ebrc\u00ebnime dhe akuza.<\/p>\n
Mbr\u00ebmjen e 11 korrikut, Analyn i shkroi fillimisht BIRN se pun\u00ebdh\u00ebn\u00ebsi nuk u jepte pasaportat dhe po i shtr\u00ebngonte q\u00eb t\u00eb paguanin nj\u00eb penalitet n\u00eb k\u00ebmbim t\u00eb kthimit t\u00eb tyre. Penaliteti i p\u00ebrshkruar n\u00eb nj\u00eb shkres\u00eb e thjesht\u00eb t\u00eb formatuar nga pun\u00ebdh\u00ebn\u00ebsi p\u00ebrfshinte d\u00ebme dhe kompensime n\u00eb vler\u00ebn e 430 mij\u00eb lek\u00ebve \u2013 nj\u00eb shum\u00eb e barabart\u00eb kjo me parat\u00eb q\u00eb secila prej tyre kishte marr\u00eb sipas kontrat\u00ebs p\u00ebrgjat\u00eb gjith\u00eb vitit.<\/p>\n
N\u00eb nj\u00eb video t\u00eb regjistruar nga pun\u00ebmarr\u00ebset, administratorja e biznesit d\u00ebgjohet t\u2019u thot\u00eb se nuk do t\u2019u kthente pasaportat n\u00ebse ato nuk paguanin penalitetet dhe se prishja e kontrat\u00ebs ishte nj\u00eb shkelje e r\u00ebnd\u00eb. \u201cPages\u00ebn e dua tani,\u201d d\u00ebgjohet ajo, nd\u00ebrsa i k\u00ebrc\u00ebnon tre pun\u00ebtoret se do t\u2019ua kontrolloj\u00eb bagazhet me polici, pasi i akuzon p\u00ebr sende t\u00eb humbura n\u00eb kompleks.<\/p>\n
Eljo Mu\u00e7aj, drejtor i Inspektoriatit t\u00eb Pun\u00ebs, i tha BIRN se asnj\u00eb nga pal\u00ebt nuk mund t\u00eb p\u00ebrcaktonte d\u00ebmshp\u00ebrblime n\u00eb k\u00ebt\u00eb form\u00eb dhe se k\u00ebt\u00eb mund ta b\u00ebnte vet\u00ebm gjykata.<\/p>\n
\u201cPaga \u00ebsht\u00eb e paprekshme p\u00ebr pun\u00ebn e kryer,\u201d shpjegoi Mu\u00e7aj, duke iu referuar situat\u00ebs dhe k\u00ebrkes\u00ebs s\u00eb pun\u00ebdh\u00ebn\u00ebsit p\u00ebr t\u00eb mbajtur pag\u00ebn.<\/p>\n
Ai thot\u00eb se edhe prishja e menj\u00ebhershme e kontrat\u00ebs nuk mund t\u00eb konsiderohej penalizuese n\u00ebse kishte arsye q\u00eb kishin sjell\u00eb k\u00ebt\u00eb prishje. Mu\u00e7aj shtoi se p\u00ebrpjekja e pun\u00ebdh\u00ebn\u00ebsit p\u00ebr t\u00eb zgjatur kontrat\u00ebn n\u00eb m\u00ebnyr\u00eb t\u00eb nj\u00ebanshme konsiderohet shkelje e r\u00ebnd\u00eb.<\/p>\n
\u201cT\u00eb adreson te puna e detyruar, q\u00eb \u00ebsht\u00eb shkelje e t\u00eb drejtave themelore,\u201d tha ai.<\/p>\n
Pa t\u00eb drejta dhe liri<\/strong><\/p>\n Mbajtja e pasaport\u00ebs konsiderohet privim i liris\u00eb n\u00eb legjislacionin shqiptar dhe ajo mund t\u00eb sanksionohet vet\u00ebm me vendim gjykate ndaj nj\u00eb personi n\u00ebn hetim, p\u00ebr t\u00eb ndaluar shmangien nga drejt\u00ebsia. Por ky privimi i liris\u00eb p\u00ebrmes mbajtjes s\u00eb pasaport\u00ebs \u00ebsht\u00eb i zakonsh\u00ebm p\u00ebr pun\u00ebtor\u00ebt e huaj n\u00eb Shqip\u00ebri dhe u d\u00ebshmua nga BIRN edhe n\u00eb nj\u00eb investigim t\u00eb m\u00ebparsh\u00ebm.<\/p>\n Irena Kraja, drejtuese e programit antitrafik pran\u00eb fondacionit \u201cMary Ward Loretto\u201d thot\u00eb se sekuestrimi i pasaportave prej pun\u00ebdh\u00ebn\u00ebsve b\u00ebhet p\u00ebr t\u00eb pasur kontroll absolut mbi pun\u00ebmarr\u00ebsit.<\/p>\n \u201cPrandaj shkojn\u00eb dhe marrin punonj\u00ebs kaq larg, n\u00eb m\u00ebnyr\u00eb q\u00eb t\u2019i shfryt\u00ebzojn\u00eb 24\/ 24 dhe t\u2019i ken\u00eb n\u00ebn kontroll,\u201d thot\u00eb Kraja, nd\u00ebrsa shton se pun\u00ebtor\u00ebt e huaj n\u00eb Shqip\u00ebri \u201cnuk kan\u00eb t\u00eb drejta dhe liri\u201d.<\/p>\n Nj\u00eb draft-studim i fondacionit \u201cMary Ward Loretto\u201d me intervista t\u00eb pun\u00ebtoreve t\u00eb huaja nga Filipinet dhe vende t\u00eb Afrik\u00ebs tregon se mbajtja e paligjshme e pasaport\u00ebs \u00ebsht\u00eb vet\u00ebm nj\u00eb nga shkeljet. Pun\u00ebtoret e huaja n\u00eb Shqip\u00ebri p\u00ebrballen gjithashtu me rekrutime mashtruese, praktika t\u00eb pandershme t\u00eb pun\u00ebs si dhe me detyrimin p\u00ebr t\u00eb kryer pun\u00eb t\u00eb ndryshme nga ato p\u00ebr t\u00eb cilat jan\u00eb rekrutuar \u2013 abuzime t\u00eb cilat leht\u00ebsohen nga mungesa e veprimit t\u00eb autoriteteve t\u00eb policis\u00eb dhe emigracionit.<\/p>\n N\u00eb rastin e nj\u00eb pun\u00ebtoreje nga Kenia, raporti thekson se autoritetet u njoftuan p\u00ebr shkeljen e t\u00eb drejtave themelore t\u00eb saj, por nuk vepruan. Gruaja u d\u00ebbua n\u00eb m\u00ebnyr\u00eb t\u00eb paligjshme nga Shqip\u00ebria, pa iu dh\u00ebn\u00eb mund\u00ebsia q\u00eb t\u00eb ankohej apo d\u00ebgjohej.<\/p>\n D\u00ebshmit\u00eb e tjera t\u00eb mbledhura tregojn\u00eb se n\u00eb mjaft raste, autoritetet ishin n\u00eb dijeni t\u00eb mbajtjes s\u00eb pasaport\u00ebs nga pun\u00ebdh\u00ebn\u00ebsi, nj\u00eb vep\u00ebr penale q\u00eb kufizon lirin\u00eb e pun\u00ebtor\u00ebve t\u00eb huaj dhe i shtr\u00ebngon ata n\u00eb pun\u00eb edhe jasht\u00eb d\u00ebshir\u00ebs s\u00eb tyre. Raporti thekson gjithashtu se pun\u00ebdh\u00ebn\u00ebsit i \u201ctregtojn\u00eb\u201d pun\u00ebtor\u00ebt e huaj mes nj\u00ebri-tjetrit, duke kaluar edhe pasaportat apo dokumentet e tyre nga nj\u00ebra dor\u00eb n\u00eb tjetr\u00ebn.<\/p>\n \u201cPun\u00ebtor\u00ebt emigrant\u00eb, ve\u00e7an\u00ebrisht ata nga Filipinet, p\u00ebrballen me shum\u00eb sfida n\u00eb Shqip\u00ebri q\u00eb d\u00ebshmojn\u00eb p\u00ebr forma t\u00eb skllav\u00ebris\u00eb moderne dhe trafikimin e qenieve njer\u00ebzore,\u201d thuhet n\u00eb draft-raport.<\/p>\n Gentian Serjani, avokat i cili ka ndjekur disa nga rastet e shfryt\u00ebzimit t\u00eb pun\u00ebtor\u00ebve t\u00eb huaj i tha BIRN se mbajtja e paligjshme e pasaport\u00ebs sjell shkelje t\u00eb tjera t\u00eb ligjit.<\/p>\n \u201cKjo praktik\u00eb shpesh \u00ebsht\u00eb e lidhur me forma t\u00eb shfryt\u00ebzimit dhe pun\u00ebs s\u00eb detyruar, q\u00eb jan\u00eb penalisht t\u00eb d\u00ebnueshme, pasi mund t\u00eb jemi para element\u00ebve t\u00eb vepr\u00ebs penale t\u00eb marrjes peng ose t\u00eb heqjes s\u00eb liris\u00eb,\u201d tha Serjani.<\/p>\n Irena Kraja nga fondacionit \u201cMary Ward Loretto\u201d thot\u00eb se autoritetet nuk i marrin me seriozitet ankimet, edhe kur b\u00ebhet fjal\u00eb p\u00ebr paligjshm\u00ebri si mbajtja e pasaport\u00ebs.<\/p>\n \u201cKy reagim i autoriteteve dhe neglizhenca para vepr\u00ebs penale \u00ebsht\u00eb e p\u00ebrs\u00ebritur,\u201d tha ajo.<\/p>\n Kreu i Inspektoriatit t\u00eb Pun\u00ebs, Eljo Mu\u00e7aj la t\u00eb kuptohej se kjo ishte kthyer n\u00eb nj\u00eb praktik\u00eb nga pun\u00ebdh\u00ebn\u00ebsit.<\/p>\n \u201cNga subjektet interpretohet si nj\u00eb lloj garancie p\u00ebr t\u00eb mos u larguar fshehurazi dhe p\u00ebrfshirje n\u00eb emigracion t\u00eb paligjsh\u00ebm ose \u00e7\u00ebshtje t\u00eb tjera, duke i ngarkuar ata me nj\u00eb lloj p\u00ebrgjegj\u00ebsie pasi leja unike \u00ebsht\u00eb nxjerr\u00eb nga kompania,\u201d tha Mu\u00e7aj, duke shtuar se \u201cInspektorati nuk kishte tag\u00ebr t\u00eb vepronte n\u00eb k\u00ebto raste\u201d.<\/p>\n Policia e Shtetit pretendon se abuzimet e k\u00ebsaj natyre nuk denoncoheshin nga pun\u00ebtor\u00ebt e huaj. N\u00eb nj\u00eb p\u00ebrgjigje me shkrim, policia tha se kishte referuar vet\u00ebm kat\u00ebr denoncime n\u00eb Prokurori.<\/p>\n I pyetur p\u00ebr faktin pse punonj\u00ebsit e policis\u00eb nuk reagojn\u00eb edhe kur ndodhen p\u00ebrpara shkeljeve, kreu i Policis\u00eb s\u00eb Shtetit, Ilir Proda premtoi penalizim.<\/p>\n \u201cJu siguroj se asnj\u00eb punonj\u00ebs policie q\u00eb implikohet n\u00eb veprimtari t\u00eb kund\u00ebrligjshme nuk do mund t\u00eb shp\u00ebtoje pa nd\u00ebshkimin disiplinor dhe ligjor,\u201d tha Proda.<\/p>\n Ndalimi i d\u00ebbimit<\/strong><\/p>\n N\u00eb kompleksin e lugin\u00ebs s\u00eb Patokut, presioni ndaj tre pun\u00ebtoreve filipinase u shtua m\u00ebngjesin e 12 korrikut \u2013 kur ato u paralajm\u00ebruan se do t\u00eb d\u00ebboheshin.<\/p>\n \u201cPunonj\u00ebsit e policis\u00eb nuk flasin anglisht dhe ne jemi t\u00eb frik\u00ebsuar se kan\u00eb lidhje me bosin,\u201d i tha Maricel BIRN p\u00ebrmes telefonit.<\/p>\n E njoftuar nga BIRN, Drejtoria e Policis\u00eb s\u00eb Lezh\u00ebs d\u00ebrgoi nj\u00eb oficer policie q\u00eb fliste anglisht, por biseda e regjistruar nga pun\u00ebmarr\u00ebset sugjeron se ai u rreshtua menj\u00ebher\u00eb n\u00eb krahun e pun\u00ebdh\u00ebn\u00ebsit, edhe pasi u njoh me mbajtjen e paligjshme t\u00eb pasaport\u00ebs.<\/p>\n \u201cPasaporta \u00ebsht\u00eb garancia ime. A kupton?! Me m\u00eb bo me ik k\u00ebto mu s\u2019m\u00eb bje m\u00eb njeri kush tjet\u00ebr\u201d, d\u00ebgjohet t\u2019i thot\u00eb pronari, oficerit t\u00eb policis\u00eb, duke treguar se kishte shqet\u00ebsim sigurimin e pun\u00ebtor\u00ebve t\u00eb tjer\u00eb t\u00eb huaj.<\/p>\n Oficeri i policis\u00eb pyet s\u00ebrish: \u201cI ke majt (pasportat)? Pun\u00ebdh\u00ebn\u00ebsi aty p\u00ebr aty konfirmon, duke shtuar tani nj\u00eb arsye t\u00eb re. \u201cS\u2019mi ka dh\u00ebn\u00eb lek\u00ebt, penalitetet. S\u2019mi kan\u00eb dh\u00ebn\u00eb,\u201d shton ai.<\/p>\n Oficeri i policis\u00eb, pavar\u00ebsisht se \u00ebsht\u00eb tashm\u00eb n\u00eb dijeni t\u00eb paligjshm\u00ebris\u00eb dhe vet\u00ebgjyq\u00ebsis\u00eb nga pun\u00ebdh\u00ebn\u00ebsi, sugjeron i pashqet\u00ebsuar: \u201cPse s\u2019i ke majt rrog\u00ebn mrena?!\u201d.<\/p>\n Nga biseda del q\u00eb pun\u00ebdh\u00ebn\u00ebsi kishte biseduar nd\u00ebrkoh\u00eb me nj\u00eb punonj\u00ebs t\u00eb policis\u00eb kufitare dhe ishte r\u00ebn\u00eb dakord se grat\u00eb do t\u00eb p\u00ebrcilleshin pa cermoni jasht\u00eb Shqip\u00ebrie. \u201cT\u00eb paguajn\u00eb lek\u00ebt e penalitetit, t\u2019i v\u00ebm\u00eb n\u00eb avion e t\u00eb ikin nga Shqip\u00ebria,\u201d thot\u00eb ai.<\/p>\n Nd\u00ebrsa nd\u00ebrmjet\u00ebson mes pal\u00ebve, punonj\u00ebsi i policis\u00eb, i cili nuk p\u00ebrkthen korrekt\u00ebsisht bised\u00ebn, u ofron grave n\u00eb anglisht 2 zgjidhje, t\u00eb dyja t\u00eb pabazuara n\u00eb ligj. E para t\u00eb paguanin penalitetin e caktuar nj\u00ebanshm\u00ebrisht nga pronari, pasi ai \u201chumb shum\u00eb para\u201d; ose t\u00eb n\u00ebnshkruanin nj\u00eb deklarat\u00eb dor\u00ebheqje e t\u00eb q\u00ebndronin edhe dy muaj n\u00eb pun\u00eb.<\/p>\n Tre emigrantet i kund\u00ebrshtuan t\u00eb dyja variantet.<\/p>\n T\u00eb diel\u00ebn m\u00eb 13 korrik, pun\u00ebdh\u00ebn\u00ebsi hoqi dor\u00eb nga d\u00ebmshp\u00ebrblimi, por bashk\u00eb me nj\u00eb oficer policie, i mori pun\u00ebtoret n\u00eb makin\u00eb dhe i \u00e7oi drejt Rinasit. Ai i vendosi pasaportat e tyre n\u00eb kofano, bashk\u00eb me biletat e udh\u00ebtimit q\u00eb i kishte bler\u00eb pa i njoftuar pun\u00ebtor\u00ebt dhe pa u b\u00ebr\u00eb me dije destinacionin.<\/p>\n \u201cKjo ishte hera e par\u00eb q\u00eb i shikonin pasaportat tona q\u00eb prej mb\u00ebrritjes n\u00eb Shqip\u00ebri,\u201d tha Maricel.<\/p>\n Pa u pyetur dhe pa u sqaruar, tre grat\u00eb bashk\u00eb me bagazhet u zbrit\u00ebn n\u00eb Rinas dhe u shtyn\u00eb drejt zon\u00ebs s\u00eb kontrollit. \u201cT\u00eb lutem na shp\u00ebto\u201d, shkruan ato n\u00eb mesazhe p\u00ebr BIRN.<\/p>\n Pas njoftimit t\u00eb drejtuesve t\u00eb policis\u00eb, aksioni i d\u00ebbimit ngeci dhe nj\u00ebri prej oficer\u00ebve n\u00eb pik\u00ebn e kontrollit i k\u00ebrkoi pun\u00ebdh\u00ebn\u00ebsit q\u00eb t\u2019u kthente emigranteve pasaportat.<\/p>\n N\u00eb m\u00ebnyr\u00eb demonstrative, nj\u00eb punonj\u00ebs policie filmoi me celular procesin e dor\u00ebzimit t\u00eb pasaportave nga pun\u00ebdh\u00ebn\u00ebsi te tre pun\u00ebtoret nga Filipinet dhe m\u00eb pas u largua. P\u00ebrve\u00e7 fotove, procesi nuk u dokumentua.<\/p>\n Policia e Shtetit referon nj\u00eb num\u00ebr t\u00eb ul\u00ebt d\u00ebbimesh p\u00ebr personat me viz\u00eb pune \u2013 11 emigrant\u00eb gjithsej nga viti 2024 e deri m\u00eb sot. Por Kraja nga fondacioni \u201cMary Ward Loretto\u201d thot\u00eb se rastet nuk regjistrohen dhe as raportohen si d\u00ebbime.<\/p>\n \u201cPolicia nuk i raporton fare rastet q\u00eb d\u00ebbohen, kur pun\u00ebdh\u00ebn\u00ebsi i ka d\u00ebrguar n\u00eb aeroport. O v\u00ebrtet nuk kan\u00eb njohuri, o b\u00ebjn\u00eb vet\u00eb sikur nuk e kuptojn\u00eb,\u201d tha ajo.<\/p>\n Kraja p\u00ebrshkroi nj\u00eb rast, ku pes\u00eb shtetas filipinas u d\u00ebbuan nj\u00ebher\u00ebsh, pasi u mbajt\u00ebn mbyllur n\u00eb nj\u00eb dhom\u00eb q\u00eb t\u00eb mos largoheshin. K\u00ebta persona nuk p\u00ebrmenden n\u00eb t\u00eb dh\u00ebnat e policis\u00eb.<\/p>\n Dy dit\u00eb pas episodit n\u00eb Rinas, Maricel, Analyn dhe Rosalie kan\u00eb marr\u00eb nj\u00eb sht\u00ebpi me qira n\u00eb Tiran\u00eb dhe jan\u00eb n\u00eb k\u00ebrkim t\u00eb nj\u00eb pune t\u00eb re. N\u00eb pikun e sezonit turistik n\u00eb Shqip\u00ebri, kjo nuk duket nj\u00eb pun\u00eb e v\u00ebshtir\u00eb.<\/p>\n T\u00eb enjten e 17 korrikut, Maricel merr s\u00ebrish e g\u00ebzuar n\u00eb telefon: ajo sapo ka gjetur pun\u00eb nj\u00eb nj\u00eb kompleks tjet\u00ebr turistik.<\/p>\n![\"\"](\"https:\/\/boldnews.al\/wp-content\/uploads\/2025\/07\/pajisjet-rinas-600x400-1.jpg\")