{"id":119457,"date":"2025-07-21T11:13:50","date_gmt":"2025-07-21T11:13:50","guid":{"rendered":"https:\/\/rdnews.al\/?p=119457"},"modified":"2025-07-21T11:15:57","modified_gmt":"2025-07-21T11:15:57","slug":"berisha-karteli-troplini-ka-marre-stadiumin-ne-durres-per-te-ngritur-kulla-si-shperblim-per-angazhimin-kriminal-ne-fushate","status":"publish","type":"post","link":"https:\/\/rdnews.al\/index.php\/2025\/07\/21\/berisha-karteli-troplini-ka-marre-stadiumin-ne-durres-per-te-ngritur-kulla-si-shperblim-per-angazhimin-kriminal-ne-fushate\/","title":{"rendered":"Berisha: Karteli Troplini ka marr\u00eb stadiumin n\u00eb Durr\u00ebs p\u00ebr t\u00eb ngritur kulla si shp\u00ebrblim p\u00ebr angazhimin kriminal n\u00eb fushat\u00eb"},"content":{"rendered":"

Kryetari i Partis\u00eb Demokratike, Sali Berisha, n\u00eb konferenc\u00ebn me gazetar\u00ebt, denoncoi skandalin e radh\u00ebs. Berisha u shpreh se karteli Troplini ka marr\u00eb stadiumin \u2018Niko Dovana\u2019 n\u00eb Durr\u00ebs, ku do t\u00eb ngrej\u00eb kulla si shp\u00ebrblim p\u00ebr angazhimin n\u00eb fushat\u00ebn elektorale.<\/p>\n

\u201cEdi Rama shp\u00ebrbleu me qindra e qindra milion\u00eb euro kartelin Troplini p\u00ebr kontributin dhe angazhimin e tyre kriminal n\u00eb fushat\u00ebn elektorale t\u00eb fars\u00ebs zgjedhore 11 maj 2025.<\/p>\n

K\u00ebshtu presidenti i klubit Teuta, q\u00eb e ka mbajtur k\u00ebt\u00eb klub nga viti 1999, dha dor\u00ebheqjen n\u00eb m\u00ebnyr\u00eb t\u00eb papritur me dat\u00ebn 16 qershor dhe sipas burimeve t\u00eb FSHF-s\u00eb, t\u00eb cilat nuk identifikohen dot nga terrori, aksionet e stadiumit Niko Dovana i kan\u00eb kaluar kartelit Troplini.<\/p>\n

Kaq e v\u00ebrtet\u00eb \u00ebsht\u00eb saq\u00eb sot, secili prej jush po t\u00eb shkoj\u00eb dhe t\u00eb shoh\u00eb regjistrat e shtetit, nuk gjen dot nj\u00eb person se kush i mori ato.<\/p>\n

Nj\u00eb gj\u00eb \u00ebsht\u00eb e sigurt q\u00eb ish-presidenti Edmond Hasanbelliu dhe Edi Rama ia kaloi stadiumin dhe qindra mij\u00ebra metra katror\u00eb rreth stadiumit korporat\u00ebs fam\u00ebzez\u00eb t\u00eb investimeve.<\/p>\n

Kjo korporat\u00eb q\u00eb merr p\u00ebrsip\u00ebr, ka gjetur si bler\u00ebs dhe zhvillues me urdh\u00ebr natyrisht t\u00eb Edi Ram\u00ebs, kartelin fam\u00ebkeq Troplini.<\/p>\n

Sipas burimeve q\u00eb nuk duan kurrsesi t\u00eb flasin publikisht nga FSHF. E kuptoni vet\u00eb ju frik\u00ebn e tmerrshme.<\/p>\n

Por, e v\u00ebrteta, rrotull stadiumit jan\u00eb planifikuar nj\u00eb seri nd\u00ebrtesash, nd\u00ebr t\u00eb cilat kulla me lart\u00ebsi 125 metra.<\/p>\n

P\u00ebrs\u00ebri po t\u00eb pyesni se kush \u00ebsht\u00eb autori, pronari, zhvilluesi, ju em\u00ebr nuk do gjeni sepse po sipas burimeve t\u00eb Federat\u00ebs Shqiptare t\u00eb Futbollit, ky em\u00ebr do ishte Ergys Agasi.<\/p>\n

Por, diskreditimi i tij komb\u00ebtar dhe nd\u00ebrkomb\u00ebtar, skandali dhe afera e tij me fabrik\u00ebn e duhanit dhe nj\u00eb seri lidhjesh t\u00eb tjera, detyroi q\u00eb prestanome i Troplin\u00ebve t\u00eb mbetet prap\u00eb sekret, pa em\u00ebr.<\/p>\n

Ngjashm\u00ebri e madhe me tjet\u00ebrsimin e pronave t\u00eb Niko Dovan\u00ebs me stadiumin Dinamo.<\/p>\n

Nd\u00ebrkoh\u00eb pronat tek stadiumi Dinamo dhe Niko Dovana kan\u00eb pronar\u00ebt e tyre.<\/p>\n

Dhe n\u00eb t\u00eb gjitha ligjet e vendit, ato duhet t\u2019u rikthehen pronar\u00ebve, por jan\u00eb b\u00ebr\u00eb t\u00eb gjitha, jan\u00eb viktim\u00eb e nj\u00eb njeriu t\u00eb pangopur, q\u00eb i ka v\u00ebn\u00eb vetes detyr\u00eb t\u00eb tejkaloj\u00eb edhe Alabarin\u00a0 n\u00eb pasuri dhe q\u00eb quhet Edi Rama\u201d, tha Berisha.<\/p>\n

\n
\n
\n