{"id":122543,"date":"2025-09-04T11:00:36","date_gmt":"2025-09-04T11:00:36","guid":{"rendered":"https:\/\/rdnews.al\/?p=122543"},"modified":"2025-09-04T11:00:36","modified_gmt":"2025-09-04T11:00:36","slug":"si-po-e-pushtojne-resortet-e-oligarkeve-rivieren-shqiptare","status":"publish","type":"post","link":"https:\/\/rdnews.al\/index.php\/2025\/09\/04\/si-po-e-pushtojne-resortet-e-oligarkeve-rivieren-shqiptare\/","title":{"rendered":"Si po e pushtojn\u00eb resortet e oligark\u00ebve rivier\u00ebn shqiptare"},"content":{"rendered":"

Nj\u00eb grup biznesmen\u00ebsh pran\u00eb qeveris\u00eb, p\u00ebrfitues t\u00eb statusit t\u00eb investitor\u00ebve strategjik\u00eb, po i shnd\u00ebrrojn\u00eb peizazhet dikur ikonike t\u00eb bregdetit t\u00eb Jugut n\u00eb qyteza t\u00eb betonizuara vilash dhe rezidencash p\u00ebr m\u00eb t\u00eb pasurit, n\u00eb d\u00ebm t\u00eb mjedisit dhe komuniteteve lokale.<\/strong><\/em><\/p>\n

N\u00eb t\u00eb dal\u00eb t\u00eb tunelit t\u00eb Llogaras\u00eb, riviera shqiptare u shp\u00ebrfaqet vizitor\u00ebve me detin e kristalt\u00eb \u00a0dhe kantieret e nd\u00ebrtimit, q\u00eb i ngjiten shpatit t\u00eb gjelb\u00ebruar t\u00eb malit si metastazat e nj\u00eb s\u00ebmundjeje malinje.<\/p>\n

Delta e P\u00ebrroit t\u00eb Palas\u00ebs, nj\u00eb monument natyror i stampuar dikur n\u00eb kartolinat q\u00eb niseshin nga Shqip\u00ebria, \u00ebsht\u00eb sot i rrethuar nga t\u00eb dyja an\u00ebt me vin\u00e7a, ekskavator\u00eb dhe makineri t\u00eb tonazhit t\u00eb r\u00ebnd\u00eb. K\u00ebrcitja e llamarinave dhe e gur\u00ebve q\u00eb thyhen krijon nj\u00eb \u201crang-dang\u201d monoton p\u00ebrgjat\u00eb gjith\u00eb rrug\u00ebs.<\/p>\n

Rreth e qark Delt\u00ebs, gjasht\u00eb biznesmen\u00eb t\u00eb m\u00ebdhenj po garojn\u00eb me nj\u00ebri-tjetrin se kush t\u00eb nd\u00ebrtoj\u00eb m\u00eb shum\u00eb dhe m\u00eb shpejt \u2018qytez\u00ebn\u2019 e tij t\u00eb betonit buz\u00eb Jonit, n\u00eb kurriz t\u00eb mjedisit dikur t\u00eb virgj\u00ebr t\u00eb zon\u00ebs.<\/p>\n

Ky \u00ebsht\u00eb vizioni i qeveris\u00eb shqiptare p\u00ebr turizmin elitar n\u00eb jug t\u00eb Shqip\u00ebris\u00eb \u2013 \u201cnj\u00eb pun\u00eb n\u00eb progres\u201d me gropa t\u00eb pluhurosura dhe vila t\u00eb shtrenjta luksoze t\u00eb ngjeshura si kuba betoni mbi nj\u00ebra-tjetr\u00ebn, me plazhe ekskluzive private dhe pak me hotele me 5 yje p\u00ebr turist\u00ebt e pasur.<\/p>\n

Nj\u00eb dekad\u00eb pas miratimit t\u00eb ligjit kontrovers p\u00ebr investimet strategjike, riviera shqiptare ka ndryshuar rr\u00ebnj\u00ebsisht pamjen nga Palasa n\u00eb Ksamil, ku qindramij\u00ebra metra katror\u00eb sip\u00ebrfaqe nd\u00ebrtimore vilash apo rezidencash kan\u00eb p\u00ebrfunduar ose jan\u00eb n\u00eb proces.<\/p>\n

Nga 48 projekte t\u00eb investimeve strategjike t\u00eb miratuara, 32 jan\u00eb komplekse rezidenciale ose turistike n\u00eb Tiran\u00eb dhe n\u00eb zonat bregdetare t\u00eb Shqip\u00ebris\u00eb. Gati gjysma e tyre jan\u00eb t\u00eb p\u00ebrqendruara n\u00eb fshatrat turistik\u00eb t\u00eb Bashkis\u00eb s\u00eb Himar\u00ebs dhe m\u00eb pak n\u00eb Sarand\u00eb.<\/p>\n

\u201cPresioni \u00ebsht\u00eb i madh. Ne nuk na l\u00ebn\u00eb t\u00eb hapim nj\u00eb dritare, nd\u00ebrkoh\u00eb q\u00eb ju e shihni \u00e7far\u00eb b\u00ebhet me nd\u00ebrtimet,\u201d thot\u00eb pronarja 35-vje\u00e7are e nj\u00eb hoteli t\u00eb vog\u00ebl, e cila refuzon t\u00eb identifikohet nga frika e ndonj\u00eb pasoje.<\/p>\n

\u201cKy presion duket sikur \u00ebsht\u00eb p\u00ebr t\u00eb na larguar. Na b\u00ebjn\u00eb t\u00eb ndjejm\u00eb se nuk na duan k\u00ebtu, se duan nj\u00eb vend t\u00eb lir\u00eb pa ne,\u201d shton ajo.<\/p>\n

P\u00ebrfaq\u00ebsuesit lokal\u00eb t\u00eb opozit\u00ebs ankohen se investimet strategjike n\u00eb jug t\u00eb vendit po favorizojn\u00eb nj\u00eb grup t\u00eb vog\u00ebl oligark\u00ebsh pran\u00eb qeveris\u00eb, n\u00eb d\u00ebm t\u00eb komuniteteve lokale dhe pronave t\u00eb tyre, t\u00eb cilat mbahen peng prej vitesh pa dokumente pron\u00ebsie dhe mund\u00ebsi p\u00ebr investim.<\/p>\n

\u201cInvestitori strategjik ka shtetin me vete, ka t\u00eb gjitha letrat, ka institucionet dhe qytetarin p\u00ebrball\u00eb,\u201d tha Fredi Beleri, eurodeputeti q\u00eb e humbi mandatin e kryebashkiakut t\u00eb Himar\u00ebs n\u00eb vitin 2024 p\u00ebr shkak t\u00eb nj\u00eb d\u00ebnimi p\u00ebr korrupsion n\u00eb zgjedhje.<\/p>\n

Kryetari i Bashkis\u00eb s\u00eb Himar\u00ebs, Vangjel Tavo i mbrojti investimet strategjike, duke i quajtur ato pjes\u00eb e pandalshme e zhvillimit t\u00eb zon\u00ebs. Tavo hodhi gjithashtu posht\u00eb akuzat p\u00ebr tjet\u00ebrsimin e pronave t\u00eb banor\u00ebve.<\/p>\n

\u201cZhvillimi \u00ebsht\u00eb i pashmangsh\u00ebm dhe t\u00eb gjith\u00eb e k\u00ebrkojn\u00eb,\u201d tha Tavo n\u00eb nj\u00eb intervist\u00eb me BIRN.<\/p>\n

Investitor\u00ebt p\u00ebrfitues<\/strong><\/p>\n

\"\"
Kantieret masive t\u00eb nd\u00ebrtimit mbizot\u00ebrojn\u00eb peizazhin e plazheve t\u00eb jugut<\/strong><\/em><\/figcaption><\/figure>\n

Prej vitit 2014, qeveria shqiptare ka miratuar p\u00ebrmes K\u00ebshillit Komb\u00ebtar t\u00eb Territorit leje p\u00ebr nd\u00ebrtimin e qindramij\u00ebra metrave katror\u00eb n\u00eb dhjetra komplekse rezidenciale dhe turistike p\u00ebrgjat\u00eb bregdetit t\u00eb Jugut.<\/p>\n

Nj\u00eb pjes\u00eb e k\u00ebtyre projekteve kan\u00eb p\u00ebrfituar edhe statusin e investitorit strategjik, i cili mund\u00ebson sipas rastit leht\u00ebsira proceduriale dhe administrative, konsolidim t\u00eb tok\u00ebs private dhe p\u00ebrfitim t\u00eb tok\u00ebs publike, investime publike p\u00ebr infrastruktur\u00ebn nd\u00ebrlidh\u00ebse si dhe n\u00eb raste m\u00eb t\u00eb rralla, nd\u00ebrhyrjen e shtetit p\u00ebr shpron\u00ebsim t\u00eb pron\u00ebs private.<\/p>\n

Sipas t\u00eb dh\u00ebnave t\u00eb siguruara nga Komiteti i Investimeve Strategjike, n\u00eb total projektet e miratuara shtrihen mbi 1500 hektar\u00eb tok\u00eb, nd\u00ebrkoh\u00eb q\u00eb kan\u00eb p\u00ebrfituar s\u00eb bashku 342 hektar\u00eb tok\u00eb publike falas ose n\u00ebn \u00e7mimin e tregut.<\/p>\n

Vet\u00ebm n\u00eb bregdetin e Jugut, qeveria ka miratuar nd\u00ebrtime n\u00eb 163 hektar\u00eb tok\u00eb dikur t\u00eb gjelb\u00ebruar si dhe ka falur apo transferuar n\u00eb favor t\u00eb privat\u00ebve rreth 62 hektar\u00eb tok\u00eb publike.<\/p>\n

Biznesmen\u00ebt q\u00eb i kan\u00eb p\u00ebrfituar k\u00ebto leje jan\u00eb megjithat\u00eb t\u00eb kufizuar n\u00eb num\u00ebr.<\/p>\n

N\u00eb bregdetin e Palas\u00ebs, biznesmeni Samir Mane e ka p\u00ebrfituar dy her\u00eb statusin e investitorit strategjik p\u00ebr nd\u00ebrtimin e Green Coast 1 dhe Green Coast 2, nj\u00eb kompleks rezidencial vilash luksoze q\u00eb shtrihen n\u00eb nj\u00eb sip\u00ebrfaqe trualli prej 670 mij\u00eb metra katror\u00eb.<\/p>\n

N\u00eb maj t\u00eb vitit 2024, K\u00ebshilli Komb\u00ebtar i Territorit miratoi edhe lejen e nd\u00ebrtimit p\u00ebr zgjerimin e kompleksit me \u201cGreen Coast 3\u201d q\u00eb do t\u00eb shtrihet n\u00eb 113 mij\u00eb metra katror\u00eb t\u00eb tjer\u00eb truall. Kompania ka deklaruar se ka p\u00ebrfunduar tashm\u00eb 500 nj\u00ebsi rezidenciale dhe ka shprehur ambicien p\u00ebr ta shnd\u00ebrruar Palas\u00ebn n\u00eb nj\u00eb qend\u00ebr rezidenciale me rreth 10 mij\u00eb banor\u00eb.<\/p>\n

N\u00eb kufi me Green Coast, qeveria i ka dh\u00ebn\u00eb statusin e investitorit strategjik projektit White Roads Hotel, sot n\u00eb pron\u00ebsi t\u00eb pronarit t\u00eb TV Klan, Aleksand\u00ebr Frangaj.<\/p>\n

Nd\u00ebrsa n\u00eb t\u00eb djatht\u00eb t\u00eb Delt\u00ebs s\u00eb P\u00ebrroit t\u00eb Palas\u00ebs, po nd\u00ebrtohen nj\u00ebri mbi tjetrin kat\u00ebr investime t\u00eb tjera strategjike \u2013 Delta Falaise Resort me zhvillues kompanin\u00eb \u201cDelta\u201d t\u00eb Luan Mu\u00e7\u00ebs; Thymus Resort n\u00eb pron\u00ebsin\u00eb e Ilir Trebick\u00ebs; San Nicholas Resort and Residences n\u00eb pron\u00ebsin\u00eb e kompanis\u00eb \u201cConcord Investment\u201d t\u00eb v\u00ebllez\u00ebrve Dulaku \u2013 pronar\u00eb t\u00eb Vizion Plus; si dhe Dreamades Luxury Suites n\u00eb pron\u00ebsin\u00eb e ish-deputetit dhe bashk\u00ebshortit t\u00eb ish-ministres Olta Xha\u00e7ka, Artan Ga\u00e7i.<\/p>\n

Tre investime t\u00eb tjera strategjike ndodhen p\u00ebrball\u00eb detit bruz t\u00eb Drymadesit; Coast to Coast n\u00eb pron\u00ebsin\u00eb e kompanis\u00eb Gjikuria, kompleksi White Rocks i nd\u00ebrtuar nga kompania Eurocol e Pandeli Carapulit si dhe Drymades Beach Resort \u2013 nj\u00eb hotel strategjik i nisur nga kompania Blue Bay e Mentor Mezinit, i cili iu shit p\u00ebr 12 milion\u00eb euro disa investitor\u00ebve t\u00eb tjer\u00eb.<\/p>\n

Dy projekte t\u00eb tjera me statusin e investitorit strategjik n\u00eb Dh\u00ebrmi jan\u00eb ende n\u00eb fazat fillestare; Banyan Tree Hotel n\u00eb pron\u00ebsin\u00eb e kompanis\u00eb Dast, pjes\u00eb e grupit Delta dhe kompleksi turistik \u201cDh\u00ebrmi Resort\u201d n\u00eb pron\u00ebsin\u00eb e biznesmenit Lul\u00ebzim Mehmetaj dhe aktorit t\u00eb humorit, Gazmend Paja.<\/p>\n

Disa kilometra m\u00eb n\u00eb jug, n\u00eb gjirin e Jalit, statusi i investitorit strategjik \u00ebsht\u00eb ekskluzivitet i nj\u00eb biznesi t\u00eb vet\u00ebm \u2013 Soleil &Sea \u2013 nj\u00eb kompani e regjistruar n\u00eb pron\u00ebsin\u00eb e dy personave t\u00eb panjohur, Endri Mingollari dhe Ardit Bajraktari, por q\u00eb nj\u00eb konflikt p\u00ebr pron\u00ebsin\u00eb e tok\u00ebs n\u00eb vitin 2019 nxorri n\u00eb sip\u00ebrfaqe lidhjet me biznesmenin Alban Xhillari.<\/p>\n

Statusin e investitorit strategjik e kan\u00eb p\u00ebrfituar gjithashtu nj\u00eb hotel n\u00eb Borsh, nj\u00eb kompleks turistik n\u00eb Lukov\u00eb si dhe tre projekte n\u00eb Sarand\u00eb; mes t\u00eb cilave resorti ekskluziv Kep Merli n\u00eb pron\u00ebsin\u00eb e nd\u00ebrtuesit Agim Shenediela dhe resorti kontrovers n\u00eb Gjirin e Manastirit q\u00eb po nd\u00ebrtohet nga kompania Albstar.<\/p>\n

\u201cT\u00eb rrethuar\u201d<\/strong><\/p>\n

\"\"
Nd\u00ebrtimet po g\u00ebrryejn\u00eb kodr\u00ebn q\u00eb rrethon plazhin e Jalit.<\/em><\/strong><\/figcaption><\/figure>\n

P\u00ebr vite me radh\u00eb, Jali ka qen\u00eb nj\u00eb prej destinacioneve m\u00eb t\u00eb lakmuara p\u00ebr pushimet verore. Pavar\u00ebsisht \u00e7mimeve t\u00eb kripura dhe ankesave n\u00eb rrjetet sociale, mij\u00ebra vizitor\u00eb jan\u00eb dyndur n\u00eb gjirin e vog\u00ebl me gur\u00eb t\u00eb bardh\u00eb dhe det t\u00eb kristalt\u00eb. Por vitet e fundit, pamja \u00ebsht\u00eb ndryshe.<\/p>\n

Nj\u00eb pjes\u00eb e \u00e7adrave ishin bosh m\u00eb 19 gusht, nd\u00ebrsa pronar\u00ebt e bareve dhe restoranteve buz\u00eb sh\u00ebtitores shprehen duksh\u00ebm t\u00eb pak\u00ebnaqur me fitimet e k\u00ebtij viti.<\/p>\n

\u201cPo b\u00ebhet m\u00eb keq. Sa m\u00eb shum\u00eb kalon koha, aq m\u00eb shum\u00eb po fundoset. I kan\u00eb mbytur t\u00eb gjith\u00eb njer\u00ebzit,\u201d thot\u00eb nj\u00eb 35-vje\u00e7ar, pronar i nj\u00eb restoranti t\u00eb vog\u00ebl.<\/p>\n

Nj\u00ebmb\u00ebdhjet\u00eb kilometra larg gjirit t\u00eb Jalit, n\u00eb plazhin e Livadhit, pamja \u00ebsht\u00eb nj\u00ebsoj mahnit\u00ebse, por vendasit ndajn\u00eb t\u00eb nj\u00ebjtin pesimiz\u00ebm.<\/p>\n

Tefta, nj\u00eb zonj\u00eb k\u00ebmb\u00ebngul\u00ebse, pronare e nj\u00eb restoranti t\u00eb vog\u00ebl t\u00eb ngritur pran\u00eb nj\u00eb ullishteje t\u00eb trash\u00ebguar nga familja, u kthye nga emigracioni vite m\u00eb par\u00eb bashk\u00eb me f\u00ebmij\u00ebt, por investimet e saj jan\u00eb rrudhur me kalimin e viteve.<\/p>\n

Restoranti i saj servir n\u00eb menu pat\u00ebllxhan\u00eb t\u00eb tymosur, \u00e7aj t\u00eb ftoht\u00eb me l\u00ebng panxhari dhe sallat\u00eb me nena (lakra t\u00eb egra). Megjith\u00ebse ofron di\u00e7ka t\u00eb rrall\u00eb p\u00ebr zon\u00ebn, Tefta thot\u00eb se nd\u00ebrtimet masive dhe paraja e madhe e kan\u00eb v\u00ebn\u00eb n\u00eb rrezik mbijetes\u00ebn e biznesit t\u00eb saj t\u00eb vog\u00ebl.<\/p>\n

\u201cUn\u00eb jam e rrethuar k\u00ebtu,\u201d thot\u00eb ajo, duke treguar hotelet luksoze p\u00ebrgjat\u00eb bregut t\u00eb Livadhit.<\/p>\n

Tefta thot\u00eb se p\u00ebrpjekjet p\u00ebr t\u00eb mbajtur gjall\u00eb biznesin e familjes e kan\u00eb lodhur tej mase, por ajo refuzon t\u00eb dor\u00ebzohet.<\/p>\n

\u201cU ktheva n\u00eb k\u00ebt\u00eb vend se isha dikushi, isha deri atje lart. E di si erdha un\u00eb k\u00ebtu? Si kokoshi erdha,\u201d thot\u00eb ajo. \u201cN\u00eb \u00e7do vend t\u00eb bot\u00ebs, nga nj\u00eb gur e nga nj\u00eb gur, u ngjit\u00ebm deri atje lart, dhe vjen n\u00eb vendin t\u00ebnd e t\u00eb heqin nga nj\u00eb gur e nga nj\u00eb gur e t\u00eb d\u00ebrgojn\u00eb posht\u00eb,\u201d shtoi ajo me zem\u00ebrim.<\/p>\n

Edhe Denis Kokaveshi, i cili drejton nj\u00eb parkim p\u00ebr kampera n\u00eb Livadh, thot\u00eb se ka nj\u00eb dallim t\u00eb madh mes m\u00ebnyr\u00ebs se si trajtohen investitor\u00ebt e m\u00ebdhenj dhe bizneset e vogla t\u00eb banor\u00ebve t\u00eb zon\u00ebs.<\/p>\n

\u201cT\u00eb vegjlit i grijn\u00eb. Nga t\u00eb gjitha: nga kontrollet, nga sh\u00ebndet\u00ebsia, nga tatimet, nga IKMT. Bizneset e vogla nga fillimi n\u00eb fund i grijn\u00eb,\u201d thot\u00eb ai.<\/p>\n

I dh\u00ebn\u00eb pas turizmit m\u00eb af\u00ebr natyr\u00ebs, Kokaveshi \u00ebsht\u00eb gjithsesi n\u00eb dilem\u00eb se \u00e7do t\u00eb b\u00ebj\u00eb me pron\u00ebn e tij, nd\u00ebrkoh\u00eb q\u00eb presioni p\u00ebr t\u00eb nd\u00ebrtuar \u00ebsht\u00eb i madh.<\/p>\n

\u201cJam n\u00eb dilem\u00eb. Po ta nd\u00ebrtoj vet\u00ebm p\u00ebr t\u2019u mbrojtur nga hajnat, jo sepse m\u00eb p\u00eblqen ky stil. \u00cbsht\u00eb i thjesht\u00eb dhe p\u00ebr njer\u00ebz q\u00eb vijn\u00eb p\u00ebr t\u00eb shijuar plazhin e qet\u00ebsin\u00eb. Por qet\u00ebsia, me k\u00ebto hotele, ka humbur,\u201d shton ai.<\/p>\n

Kryetarja e deg\u00ebs s\u00eb Partis\u00eb Demokratike n\u00eb Himar\u00eb, Afrodita Dhimojani i tha BIRN se presioni i investimeve prej miliona eurove po ndryshon identitetin e zon\u00ebs dhe po shkat\u00ebrron trash\u00ebgimin\u00eb e saj kulturore.<\/p>\n

\u201cP\u00ebrve\u00e7 disa organizimeve q\u00eb zbukurojn\u00eb vet\u00ebm fasad\u00ebn p\u00ebr turist\u00ebt, Himara ndihet e tradhtuar dhe e pamb\u00ebshtetur n\u00eb t\u00eb drejt\u00ebn e saj,\u201d theksoi Dhimojani.<\/p>\n

\u201cPolitika e shpopullimit dhe sjellja e njer\u00ebzve t\u00eb tjer\u00eb si pronar\u00eb t\u00eb k\u00ebtij vendi i b\u00ebn d\u00ebm turizmit dhe gjith\u00eb Shqip\u00ebris\u00eb,\u201d shtoi ajo.<\/p>\n

Vendasit jan\u00eb t\u00eb shqet\u00ebsuar se investimet e m\u00ebdha kan\u00eb rritur \u00e7mimet dhe po e b\u00ebjn\u00eb bregdetin e jugut \u00a0t\u00eb paarritsh\u00ebm p\u00ebr klient\u00ebt e tyre.
\n\u201cK\u00ebto investime t\u00eb m\u00ebdha do t\u00eb vendosin nj\u00eb tra n\u00eb Llogara, dhe pas disa vitesh, un\u00eb dhe ti do t\u00eb shkojm\u00eb n\u00eb Pilur p\u00ebr plazh,\u201d tha Tefta ,duke iu referuar fshatit malor t\u00eb bashkis\u00eb.<\/p>\n

Lufta p\u00ebr pronat<\/strong><\/p>\n

\"\"
Nj\u00eb kompleks turistik po nd\u00ebrtohet n\u00eb zon\u00ebn e mbrojtur t\u00eb Gjirit t\u00eb Manastirit<\/strong><\/em><\/figcaption><\/figure>\n

Presioni i nd\u00ebrtimeve dhe investimet strategjike n\u00eb rivier\u00ebn shqiptare kan\u00eb sjell\u00eb shpesh p\u00ebrplasje p\u00ebr \u00e7\u00ebshtje pron\u00ebsie. N\u00eb korrik t\u00eb k\u00ebtij viti, ish-kryebashkiaku i Himar\u00ebs, Jorgo Goro, u d\u00ebnua me vendim t\u00eb form\u00ebs s\u00eb prer\u00eb nga Gjykata e Posa\u00e7me e Apelit pasi, n\u00eb bashk\u00ebpunim me vart\u00ebs dhe zyrtar\u00eb t\u00eb Kadastr\u00ebs, leht\u00ebsoi kalimin e sip\u00ebrfaqeve t\u00eb konsiderueshme t\u00eb tok\u00ebs shtet\u00ebrore n\u00eb Himar\u00eb n\u00eb favor t\u00eb privat\u00ebve. Pronat p\u00ebrfunduan t\u00eb zot\u00ebruara nga nj\u00eb shoq\u00ebri e Artan Ga\u00e7it, bashk\u00ebshortit t\u00eb deputetes socialiste Olta Xha\u00e7ka, i cili fitoi statusin e investitorit strategjik nga qeveria Rama.<\/p>\n

M\u00eb her\u00ebt, n\u00eb vitin 2019, kadastra e Vlor\u00ebs u pllakos nga nj\u00eb zinxhir dor\u00ebheqjesh, q\u00eb zbuluan nj\u00eb p\u00ebrplasje t\u00eb ashp\u00ebr p\u00ebr pronat n\u00eb gjirin e Jalit, aty ku qeveria kishte dh\u00ebn\u00eb nd\u00ebrkoh\u00eb leje p\u00ebr investim strategjik. P\u00ebrplasje t\u00eb ngjashme pati edhe p\u00ebr tok\u00ebn p\u00ebrreth Delt\u00ebs s\u00eb P\u00ebrroit t\u00eb Palas\u00ebs. N\u00eb disa raste, Avokatura e Shtetit \u201cluftoi\u201d n\u00eb gjykat\u00eb p\u00ebrball\u00eb banor\u00ebve pretendues, nd\u00ebrkoh\u00eb q\u00eb pronat publike iu kaluan m\u00eb pas me vendim qeverie investitor\u00ebve strategjik\u00eb.<\/p>\n

Nd\u00ebrkoh\u00eb, banor\u00ebt e zon\u00ebs jetojn\u00eb prej 3 dekadash n\u00eb pasiguri juridike, n\u00eb munges\u00eb t\u00eb tapive p\u00ebr sht\u00ebpit\u00eb dhe p\u00ebr trojet e trash\u00ebguara.<\/p>\n

Kristo Nina, nj\u00eb 73 vje\u00e7ar nga Dh\u00ebrmiu, ankohet se prej vitesh endet zyrave t\u00eb shtetit pa arritur t\u00eb marr\u00eb dokumente. Her\u00eb i ngat\u00ebrrojn\u00eb emrin, her\u00eb nuk e njohin dhe her\u00eb t\u00eb tjera p\u00ebrfundon n\u00eb procese gjyq\u00ebsore me banor\u00eb t\u00eb tjer\u00eb, q\u00eb pretendojn\u00eb mbi t\u00eb nj\u00ebjtat parcela.
\nNina ka shpenzuar para dhe koh\u00eb, por ende nuk ka asgj\u00eb n\u00eb dor\u00eb.<\/p>\n

\u201cI kam b\u00ebr\u00eb t\u00eb gjitha: kam b\u00ebr\u00eb pagesat, kam b\u00ebr\u00eb dhe dokumentet, por prap\u00eb sjellja v\u00ebrdall\u00eb \u00ebsht\u00eb e pashmangshme,\u201d thot\u00eb ai, i ulur n\u00eb oborrin e sht\u00ebpis\u00eb s\u00eb tij n\u00eb Dh\u00ebrmi.
\nI moshuari pretendon se pronat e tij dhe t\u00eb t\u00eb tjer\u00ebve jan\u00eb tjet\u00ebrsuar n\u00eb em\u00ebr t\u00eb banor\u00ebve q\u00eb i shisnin dhe m\u00eb pas p\u00ebrfundonin tek investitor\u00ebt strategjik\u00eb. Edhe pse pret ende vendimet e gjykatave, Nina thot\u00eb se nuk ka shpresa.<\/p>\n

\u201cPo t\u00eb duan k\u00ebta, edhe mua m\u00eb nxjerrin q\u00eb pjell f\u00ebmij\u00eb,\u201d tha ai.<\/p>\n

Kryebashkiaku Vangjel Tavo i tha BIRN se shum\u00eb prej konflikteve t\u00eb pron\u00ebsis\u00eb nuk kan\u00eb lidhje me investimet strategjike, por burojn\u00eb nga p\u00ebrplasjet mes trash\u00ebgimtar\u00ebve. Ai e pranon faktin se investitor\u00ebt strategjik\u00eb jan\u00eb t\u00eb favorizuar nga ligji, por k\u00ebmb\u00ebngul se pronat e banor\u00ebve \u201cnuk jan\u00eb prekur\u201d.<\/p>\n

\u201cUn\u00eb kam nj\u00eb pyetje p\u00ebr t\u00eb gjith\u00eb ata q\u00eb jan\u00eb skeptik\u00eb: le t\u00eb dal\u00eb nj\u00eb person q\u00eb nj\u00eb investitor strategjik i ka marr\u00eb pron\u00ebn,\u201d thot\u00eb ai, duke i quajtur akuzat p\u00ebr grabitje toke tymnaj\u00eb.<\/p>\n

Gjithsesi, Tavo nuk e mohon se mes atyre q\u00eb shfaqen p\u00ebr t\u00eb investuar, ka edhe \u201cgrabitqar\u00eb\u201d.<\/p>\n

\u201cDuke mos p\u00ebrjashtuar \u2013 dhe k\u00ebtu jam kategorik \u2013 disa grabitqar\u00eb q\u00eb nuk vijn\u00eb k\u00ebtu p\u00ebr investime strategjike apo serioze. Ka disa t\u00eb till\u00eb q\u00eb blejn\u00eb nj\u00eb cop\u00eb toke dhe p\u00ebrpiqen t\u00eb rrethojn\u00eb edhe pjes\u00ebn tjet\u00ebr q\u00eb i takon dikujt tjet\u00ebr,\u201d shpjegoi ai.<\/p>\n

Kryebashkiaku Tavo shtoi m\u00eb tej se procesi i regjistrimit \u00ebsht\u00eb n\u00eb rrug\u00ebn e duhur dhe se sapo t\u00eb p\u00ebrfundoj\u00eb procesi i menaxhimit t\u00eb pron\u00ebs, banor\u00ebt do t\u00eb marrin certifikatat.<\/p>\n

P\u00ebrfaq\u00ebsuesit e opozit\u00ebs n\u00eb Himar\u00eb e shohin ndryshe k\u00ebt\u00eb \u00e7\u00ebshtje, nd\u00ebrsa theksojn\u00eb se mungesa e zgjidhjes s\u00eb problemit t\u00eb pronave i l\u00eb banor\u00ebt jasht\u00eb mund\u00ebsive p\u00ebr zhvillim.<\/p>\n

Beleri thot\u00eb se investimet strategjike kan\u00eb shkaktuar tensione t\u00eb m\u00ebdha mes banor\u00ebve, pasi mes trash\u00ebgimtar\u00ebve jan\u00eb gjetur m\u00eb t\u00eb dob\u00ebtit dhe jan\u00eb kryer transaksione n\u00eb d\u00ebm t\u00eb t\u00eb tjer\u00ebve. Ai pretendon gjithashtu se jan\u00eb grabitur pronat e kish\u00ebs apo edhe prona private.<\/p>\n

Dhimojani akuzon se problemet e pazgjidhura t\u00eb pron\u00ebs jan\u00eb pjes\u00eb e nj\u00eb p\u00ebrpjekjeje p\u00ebr uzurpim.<\/p>\n

\u201cMe keqardhje them se ky duket t\u00eb jet\u00eb q\u00ebllimi final: uzurpimi i pronave t\u00eb komunitetit lokal dhe zhveshja e qytetar\u00ebve nga e drejta e tyre themelore e pron\u00ebs,\u201d p\u00ebrfundoi ajo.<\/p>\n

\"\"
Resorti ekskluziv, Kep Merl n\u00eb af\u00ebrsi t\u00eb Ksamili<\/em><\/strong>t<\/figcaption><\/figure>\n

\/\u00a0Vladimir Karaj \u2013 BIRN<\/a><\/strong><\/p>\n","protected":false},"excerpt":{"rendered":"

Nj\u00eb grup biznesmen\u00ebsh pran\u00eb qeveris\u00eb, p\u00ebrfitues t\u00eb statusit t\u00eb investitor\u00ebve strategjik\u00eb, po i shnd\u00ebrrojn\u00eb peizazhet dikur ikonike t\u00eb bregdetit t\u00eb Jugut n\u00eb qyteza t\u00eb betonizuara vilash dhe rezidencash p\u00ebr m\u00eb t\u00eb pasurit, n\u00eb d\u00ebm t\u00eb mjedisit dhe komuniteteve lokale. N\u00eb t\u00eb dal\u00eb t\u00eb tunelit t\u00eb Llogaras\u00eb, riviera shqiptare u shp\u00ebrfaqet vizitor\u00ebve me detin e kristalt\u00eb …<\/p>\n","protected":false},"author":4,"featured_media":122544,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-122543","post","type-post","status-publish","format-standard","has-post-thumbnail","","category-politike"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/122543","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=122543"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/122543\/revisions"}],"predecessor-version":[{"id":122545,"href":"https:\/\/rdnews.al\/index.php\/wp-json\/wp\/v2\/posts\/122543\/revisions\/122545"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/122544"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=122543"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=122543"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=122543"}],"curies":[{"name":"wp","href":"https:\/\/api.w.org\/{rel}","templated":true}]}}