{"id":125110,"date":"2025-10-07T16:52:33","date_gmt":"2025-10-07T16:52:33","guid":{"rendered":"https:\/\/rdnews.al\/?p=125110"},"modified":"2025-10-07T16:53:34","modified_gmt":"2025-10-07T16:53:34","slug":"vrasja-e-gjyqtarit-klgj-fajeson-qeverine-dhe-policine-u-kerkuam-ndihme-na-refuzuan","status":"publish","type":"post","link":"https:\/\/rdnews.al\/index.php\/2025\/10\/07\/vrasja-e-gjyqtarit-klgj-fajeson-qeverine-dhe-policine-u-kerkuam-ndihme-na-refuzuan\/","title":{"rendered":"Vrasja e gjyqtarit\/ KLGJ faj\u00ebson qeverin\u00eb Rama dhe Policin\u00eb: U k\u00ebrkuam ndihm\u00eb, na refuzuan!"},"content":{"rendered":"

Gjyqtari i Apelit, Astrit Kalaja, u vra dit\u00ebn e djeshme n\u00eb sall\u00ebn e gjyqit nga 30-vje\u00e7ari Elvis Shkambi, i cili, s\u00eb bashku me xhaxhain e tij kishte vite q\u00eb endej gjyqeve p\u00ebr nj\u00eb pron\u00eb n\u00eb Shkod\u00ebr.<\/p>\n

N\u00eb pranga u vu roja i Gjykat\u00ebs s\u00eb Apelit, Banush Koxhaj, pasi kamerat e siguris\u00eb treguan se 63-vje\u00e7ari nuk ka kryer kontrollin p\u00ebrkat\u00ebs, edhe pse skaneri ka konstatuar n\u00eb momentin q\u00eb Elvis Shkambi hyn n\u00eb gjykat\u00eb, prezenc\u00ebn e objekteve metalike.<\/p>\n

Pasi gjyqtari Astrit Kalaja shpalli vendimin, Elvis Shk\u00ebmbi, q\u00eb ndodhej n\u00eb sall\u00eb, nxorri i pashqet\u00ebsuar nga brezi nj\u00eb arm\u00eb zjarri pistolet\u00eb dhe q\u00eblloi disa her\u00eb n\u00eb drejtim t\u00eb gjyqtarit Astrit Kalaja dhe ndaj pal\u00ebs padit\u00ebse, baba e bir, Rakip dhe Ervis Kurtaj.<\/p>\n

Kjo ngjarje trondit\u00ebse b\u00ebrtet me t\u00eb madhe fjal\u00ebn d\u00ebshtim n\u00eb pun\u00ebn e Policis\u00eb s\u00eb Shtetit p\u00ebr t\u00eb garantuar sigurin\u00eb e gjyqtar\u00ebve dhe integritetin e gjykatave.<\/p>\n

Siguria n\u00eb gjykata \u00ebsht\u00eb pothuajse inekzistente dhe k\u00ebt\u00eb e ka d\u00ebshmuar dit\u00ebn e sotme edhe K\u00ebshilli i Lart\u00eb Gjyq\u00ebsor i cili informon se, n\u00eb t\u00eb gjitha gjykatat e Republik\u00ebs s\u00eb Shqip\u00ebris\u00eb, Policia e Shtetit aktualisht ofron sh\u00ebrbimin e saj vet\u00ebm me nj\u00eb punonj\u00ebs n\u00eb hyrjen kryesore ku l\u00ebvizin pal\u00ebt dhe publiku.<\/p>\n

Kjo deklarat\u00eb e KLGJ vjen si nj\u00eb shuplak\u00eb e fort\u00eb ndaj qeveris\u00eb Rama dhe ish-drejtorit t\u00eb Policis\u00eb s\u00eb Shtetit, Muhamet Rrumbullakut, dhe drejtorit aktual Ilir Prod\u00ebs, t\u00eb cil\u00ebve edhe pse u \u00ebsht\u00eb\u00a0k\u00ebrkuar shtimi i punonj\u00ebsve t\u00eb policis\u00eb n\u00eb ambientet e brendshme t\u00eb gjykatave dhe sallave t\u00eb gjykimit, i kan\u00eb refuzuar duke mos u ofruar siguri.<\/p>\n

Ministrja e Brendshme e Ram\u00ebs, Albana Ko\u00e7iu, u b\u00eb tejet qesharake dje kur deklaroi se nuk \u00ebsht\u00eb pun\u00eb e Policis\u00eb s\u00eb Shtetit t\u00eb kontrolloj\u00eb hyrje-daljet n\u00ebp\u00ebr gjykata.<\/p>\n

\u201cForcat e Policis\u00eb s\u00eb Shtetit \u2013 t\u00eb cilat duhet sqaruar p\u00ebr opinionin publik se n\u00eb baz\u00eb t\u00eb ligjit nuk kan\u00eb asnj\u00eb p\u00ebrgjegj\u00ebsi p\u00ebr kontrollin e hyrje-daljeve dhe sigurin\u00eb brenda godinave t\u00eb gjykatave \u2013 kan\u00eb nd\u00ebrhyr\u00eb menj\u00ebher\u00eb n\u00eb vendngjarje.\u201d<\/em>\u2013 tha Ko\u00e7iu duke u p\u00ebrpjekur t\u00eb \u201claj\u00eb duart\u201d.<\/p>\n

Duke hedhur posht\u00eb t\u00eb gjitha pretendimet e kryeministrit Edi Rama i cili flet me karshill\u00ebk p\u00ebr rritjen e siguris\u00eb n\u00eb gjykata, KLGJ e cil\u00ebson ngjarjen nj\u00eb sulm ndaj vet\u00eb themeleve t\u00eb drejt\u00ebsis\u00eb, ndaj autoritetit t\u00eb gjykat\u00ebs dhe ndaj rendit kushtetues t\u00eb Republik\u00ebs s\u00eb Shqip\u00ebris\u00eb.<\/p>\n

\u201cK\u00ebshilli i Lart\u00eb Gjyq\u00ebsor u mblodh sot n\u00eb Mbledhje t\u00eb Jasht\u00ebzakonshme, p\u00ebr t\u00eb shqyrtuar rrethanat e ngjarjes dhe p\u00ebr t\u00eb analizuar masat aktuale t\u00eb siguris\u00eb n\u00eb gjykata.<\/em><\/p>\n

N\u00eb p\u00ebrfundim t\u00eb mbledhjes, K\u00ebshilli vendosi t\u00eb b\u00ebj\u00eb publike t\u00eb gjitha shkresat dhe korrespondenc\u00ebn zyrtare q\u00eb ka zhvilluar me institucionet p\u00ebrgjegj\u00ebse p\u00ebr garantimin e siguris\u00eb n\u00eb ambientet gjyq\u00ebsore, me q\u00ebllim transparenc\u00ebn dhe informimin e publikut.\u201d-<\/em>\u00a0shprehet KLGJ n\u00eb nj\u00eb deklarat\u00eb n\u00eb rrjete sociale ku tregon refuzimet e k\u00ebrkesave t\u00eb tyre p\u00ebr mbrojtje nga forcat e Policis\u00eb s\u00eb Shtetit.<\/p>\n

KLGJ specifikon se n\u00eb zbatim t\u00eb pik\u00ebs 2 t\u00eb VKM Nr. 333, dat\u00eb 28.04.2010, \u201cP\u00ebr ruajtjen dhe sigurin\u00eb e objekteve shtet\u00ebrore\u201d, gjykatat duhet t\u00eb ruhen nga punonj\u00ebs t\u00eb Policis\u00eb s\u00eb Shtetit, p\u00ebr t\u00eb garantuar rendin dhe qet\u00ebsin\u00eb gjat\u00eb seancave gjyq\u00ebsore. Jasht\u00eb orarit zyrtar, ruajtja kryhet nga \u201cIllyrian Guard\u201d, e cila \u00ebsht\u00eb nj\u00eb kompani sht\u00ebt\u00ebrore n\u00eb var\u00ebsi t\u00eb Ministris\u00eb s\u00eb Mbrendshme.<\/p>\n

\"\"<\/p>\n

KLGJ thekson se\u00a0\u201cduke vler\u00ebsuar se gjykatat jan\u00eb objekte t\u00eb nj\u00eb r\u00ebnd\u00ebsie t\u00eb ve\u00e7ant\u00eb, K\u00ebshilli ka paralajm\u00ebruar n\u00eb m\u00ebnyr\u00eb t\u00eb p\u00ebrs\u00ebritur se mungesa e prezenc\u00ebs efektive t\u00eb policis\u00eb n\u00eb sallat e gjyqit krijon risk serioz p\u00ebr sigurin\u00eb e gjyqtar\u00ebve, stafit dhe publikut\u201d.<\/em><\/p>\n

Me shkres\u00ebn nr. 5489\/1 Prot., dat\u00eb 02.11.2023, drejtuar Policis\u00eb s\u00eb Shtetit dhe p\u00ebr dijeni Ministris\u00eb s\u00eb Brendshme, K\u00ebshilli ka k\u00ebrkuar shtimin e punonj\u00ebsve t\u00eb Policis\u00eb s\u00eb Shtetit n\u00eb ambientet e brendshme t\u00eb gjykatave dhe sallave t\u00eb gjykimit gjat\u00eb zhvillimit t\u00eb seancave.<\/p>\n

\"\"
K\u00ebrkesa drejtuar Policis\u00eb s\u00eb Shtetit<\/em><\/figcaption><\/figure>\n
\"\"
K\u00ebrkesa drejtuar Policis\u00eb s\u00eb Shtetit<\/em><\/figcaption><\/figure>\n

N\u00eb p\u00ebrgjigje, me shkres\u00ebn nr. 9683\/3 Prot., dat\u00eb 11.12.2023, Policia e Shtetit ka njoftuar se\u00a0\u201caktualisht e kemi t\u00eb pamundur shtimin dhe planifikimin e punonj\u00ebsve t\u00eb policis\u00eb p\u00ebr sigurimin e ambienteve t\u00eb brendshme t\u00eb gjykatave dhe gjat\u00eb zhvillimit t\u00eb seancave gjyq\u00ebsore, p\u00ebr shkak t\u00eb limitit t\u00eb kufizuar t\u00eb personelit policor\u201d.<\/em><\/p>\n

\"\"
P\u00ebrgjigja e Policis\u00eb s\u00eb Shtetit<\/em><\/figcaption><\/figure>\n
\"\"
P\u00ebrgjigja e Policis\u00eb s\u00eb Shtetit<\/em><\/figcaption><\/figure>\n

Pas k\u00ebsaj p\u00ebrgjigjeje, K\u00ebshilli i Lart\u00eb Gjyq\u00ebsor, me shkres\u00ebn nr. 5489\/3 Prot., dat\u00eb 15.12.2023, i \u00ebsht\u00eb drejtuar zyrtarisht Ministris\u00eb s\u00eb Brendshme, duke k\u00ebrkuar nd\u00ebrhyrje urgjente:\u00a0\u201cDuke marr\u00eb shkas nga ngjarjet e fundit t\u00eb k\u00ebrc\u00ebnimeve ndaj gjyqtar\u00ebve, si pasoj\u00eb e ushtrimit t\u00eb detyr\u00ebs, k\u00ebrkojm\u00eb marrjen e masave p\u00ebr shtimin e organik\u00ebs dhe planifikimin e punonj\u00ebsve t\u00eb Policis\u00eb s\u00eb Shtetit p\u00ebr sigurimin e ambienteve t\u00eb brendshme t\u00eb gjykatave dhe prezenc\u00ebn e tyre gjat\u00eb zhvillimit t\u00eb seancave gjyq\u00ebsore publike.\u201d<\/em><\/p>\n

\"\"
K\u00ebrkesa drejtuar Ministris\u00eb s\u00eb Brendshme<\/em><\/figcaption><\/figure>\n
\"\"
K\u00ebrkesa drejtuar Ministris\u00eb s\u00eb Brendshme<\/em><\/figcaption><\/figure>\n

K\u00ebshilli i Lart\u00eb Gjyq\u00ebsor apelon p\u00ebr p\u00ebrgjegj\u00ebsi t\u00eb menj\u00ebhershme institucionale nga organet ligjzbatuese dhe ekzekutive, p\u00ebr t\u00eb garantuar sigurin\u00eb fizike t\u00eb gjyqtar\u00ebve dhe t\u00eb gjith\u00eb pjes\u00ebmarr\u00ebsve n\u00eb proceset gjyq\u00ebsore.<\/p>\n

\u201cNgjarje t\u00eb tilla nuk mund t\u00eb trajtohen si raste t\u00eb izoluara, ato k\u00ebrkojn\u00eb reagim t\u00eb fort\u00eb, sistematik dhe t\u00eb koordinuar, n\u00eb m\u00ebnyr\u00eb q\u00eb t\u00eb mos p\u00ebrs\u00ebritet m\u00eb kurr\u00eb nj\u00eb humbje jete n\u00eb sall\u00ebn e gjyqit, vendi ku drejt\u00ebsia duhet t\u00eb mbrohet, jo t\u00eb rr\u00ebzohet.\u201d-<\/em> p\u00ebrfundon deklarat\u00ebn K\u00ebshilli i Lart\u00eb Gjyq\u00ebsor. \/BoldNews\"\"<\/p>\n