{"id":130463,"date":"2025-12-08T11:51:15","date_gmt":"2025-12-08T11:51:15","guid":{"rendered":"https:\/\/rdnews.al\/?p=130463"},"modified":"2025-12-08T11:55:07","modified_gmt":"2025-12-08T11:55:07","slug":"xhamise-se-beqareve-i-hiqet-minarja-pd-berat-akuza-bashkise-dhe-qeverise-per-falsifikim-te-historise","status":"publish","type":"post","link":"https:\/\/rdnews.al\/index.php\/2025\/12\/08\/xhamise-se-beqareve-i-hiqet-minarja-pd-berat-akuza-bashkise-dhe-qeverise-per-falsifikim-te-historise\/","title":{"rendered":"“Xhamis\u00eb s\u00eb Beqar\u00ebve i hiqet minarja”\/ PD Berat: Po falsifikohet historia!"},"content":{"rendered":"

Partia Demokratike, Dega Berat, ka reaguar ashp\u00ebr ndaj nj\u00eb vepre arti t\u00eb dhuruar Ambasadorit Italian nga ministri i Pushtetit Vendor, Ervin Demo, dhe kryetari i Bashkis\u00eb Berat, Ervin Ceca. Sipas PD-s\u00eb, n\u00eb k\u00ebt\u00eb vep\u00ebr paraqitet Xhamia e Beqar\u00ebve pa minaren e saj, \u00e7ka p\u00ebrb\u00ebn nj\u00eb shtremb\u00ebrim t\u00eb vlerave historike, kulturore dhe fetare t\u00eb qytetit.<\/p>\n

PD k\u00ebrkon q\u00eb Demo dhe Ceca t\u00eb k\u00ebrkojn\u00eb falje dhe t\u00eb distancohen nga ky veprim, duke theksuar se Berati, si pjes\u00eb e trash\u00ebgimis\u00eb UNESCO, \u00ebsht\u00eb simbol i bashk\u00ebjetes\u00ebs shembullore fetare.<\/p>\n

Deklarata e plot\u00eb<\/strong><\/p>\n

N\u00eb em\u00ebr t\u00eb Partis\u00eb Demokratike, Dega Berat, jemi mbledhur sot t\u00eb d\u00ebnojm\u00eb aktin e pap\u00ebrgjegjsh\u00ebm t\u00eb shtremb\u00ebrimit t\u00eb vlerave kulturore, fetare dhe historike t\u00eb Beratit, nga ana e p\u00ebrfaq\u00ebsuesve t\u00eb lart\u00eb t\u00eb qeveris\u00eb dhe pushtetit vendor socialist.<\/p>\n

Kjo ngjarje b\u00ebhet edhe m\u00eb e r\u00ebnd\u00eb, kur \u00ebsht\u00eb vet\u00eb ministri i pushtetit vendor, Ervin Demo, si dhe zgjatimi i tij n\u00eb Bashkin\u00eb Berat, Ervin Ceca, q\u00eb i japin Ambasadorit Italian nj\u00eb vep\u00ebr arti q\u00eb \u201cp\u00ebrfaq\u00ebson\u201d Beratin, ku shihet qart\u00eb se Xhamia historike e Beqar\u00ebve paraqitet pa minaren e saj, simbol t\u00eb besimit n\u00eb Zot!<\/p>\n

Kjo nuk \u00ebsht\u00eb thjesht injoranc\u00eb, por nj\u00eb akt provokues q\u00eb cenon r\u00ebnd\u00eb vlerat tona t\u00eb bashk\u00ebjetes\u00ebs fetare, vlerat tona historike dhe kulturore!<\/p>\n

U k\u00ebrkojm\u00eb t\u00eb dy p\u00ebrfaq\u00ebsuesve t\u00eb Partis\u00eb Socialiste, Ervin Demos dhe Ervin Cecos, t\u00eb k\u00ebrkojn\u00eb ndjes\u00eb dhe t\u00eb distancohen nga kjo ngjarje provokuese.<\/p>\n

Duam t\u2019ju kujtojm\u00eb atyre, por edhe gjith\u00eb t\u00eb tjer\u00ebve, se Berati, p\u00ebrve\u00e7 vlerave t\u00eb padiskutueshme historike, \u00ebsht\u00eb pjes\u00eb e trash\u00ebgimis\u00eb bot\u00ebrore t\u00eb UNESCO-s, pik\u00ebrisht p\u00ebr k\u00ebto vlera t\u00eb bashk\u00ebjetes\u00ebs shembullore nd\u00ebrfetare!<\/p>\n

Duam gjithashtu t\u2019ju b\u00ebjm\u00eb me dije se do t\u2019i k\u00ebrkojm\u00eb zyrtarisht K\u00ebshillit Bashkiak t\u00eb Beratit t\u00eb d\u00ebnoj\u00eb k\u00ebt\u00eb ngjarje me an\u00eb t\u00eb nj\u00eb rezolute t\u00eb p\u00ebrbashk\u00ebt t\u00eb t\u00eb gjith\u00eb k\u00ebshilltar\u00ebve, si dhe t\u00eb autorizoj\u00eb Policin\u00eb Bashkiake t\u00eb gjej\u00eb dhe sekuestroj\u00eb t\u00eb gjitha k\u00ebto t\u00eb ashtuquajtura vepra arti n\u00eb qytet, sepse ka shum\u00eb prej tyre q\u00eb shtremb\u00ebrojn\u00eb historin\u00eb dhe ofendojn\u00eb t\u00eb gjith\u00eb qytetar\u00ebt e Beratit.<\/p>\n

Shpresojm\u00eb q\u00eb t\u00eb gjith\u00eb k\u00ebshilltar\u00ebt bashkiak\u00eb do t\u2019i bashkohen nism\u00ebs ton\u00eb!<\/p>\n

Berati \u00ebsht\u00eb i vlerave dhe jo i provokator\u00ebve!<\/p>\n

Faleminderit!<\/p>\n

\n
\n
\n
\n