{"id":130584,"date":"2025-12-09T17:37:05","date_gmt":"2025-12-09T17:37:05","guid":{"rendered":"https:\/\/rdnews.al\/?p=130584"},"modified":"2025-12-09T22:45:22","modified_gmt":"2025-12-09T22:45:22","slug":"gjekmarkaj-takon-homologun-grek-diskutuam-mbi-farsen-elektorale-te-11-majit-dhe-arrestimin-e-berishes","status":"publish","type":"post","link":"https:\/\/rdnews.al\/index.php\/2025\/12\/09\/gjekmarkaj-takon-homologun-grek-diskutuam-mbi-farsen-elektorale-te-11-majit-dhe-arrestimin-e-berishes\/","title":{"rendered":"Gjekmarkaj takon homologun grek: Diskutuam mbi fars\u00ebn elektorale t\u00eb 11-Majit dhe arrestimin e Berish\u00ebs"},"content":{"rendered":"

N\u00ebnkryetari i Kuvendit t\u00eb Shqip\u00ebris\u00eb, Agron Gjekmarkaj, zhvilloi sot nj\u00eb takim zyrtar n\u00eb Athin\u00eb me homologun e tij, N\u00ebnkryetarin e Par\u00eb t\u00eb Parlamentit Grek, Ioannis Plakiotakis.<\/p>\n

Gjat\u00eb vizit\u00ebs, Gjekmarkaj theksoi r\u00ebnd\u00ebsin\u00eb e forcimit t\u00eb marr\u00ebdh\u00ebnieve shqiptaro-greke mbi vlerat europiane dhe aleanc\u00ebn n\u00eb NATO.<\/p>\n

M\u00eb tej Gjekmarkaj e ka informuar homologun grek n\u00eb lidhje me fars\u00ebn elektorale t\u00eb 11-Majit, arrestimin politik t\u00eb lidershipit t\u00eb opozit\u00ebs, i cili kulmoi me arrestimin e kreut t\u00eb PD, Sali\u00a0Berisha.<\/p>\n

Postimi i Gjekmarkajt<\/strong><\/p>\n

Sot pata nderin dhe k\u00ebnaq\u00ebsin\u00eb t\u00eb pritesha n\u00eb Athin\u00eb nga z. Ioannis Plakiotakis, N\u00ebnkryetari i Par\u00eb i Parlamentit Grek. N\u00eb qytetin q\u00eb lindi demokracia dhe emancipimi politik i bot\u00ebs, shpreha bindjen time se popujt shqiptar dhe grek, t\u00eb vendosur pran\u00eb nj\u00ebri-tjetrit nga historia, kan\u00eb potencial t\u00eb madh p\u00ebr t\u00eb forcuar miq\u00ebsin\u00eb dhe bashk\u00ebpunimin mbi vlerat europiane dhe standardet e Bashkimit Europian dhe NATO-s.<\/p>\n

N\u00eb cil\u00ebsin\u00eb e N\u00ebnkryetarit t\u00eb Kuvendit t\u00eb Shqip\u00ebris\u00eb dhe p\u00ebrfaq\u00ebsuesit t\u00eb opozit\u00ebs s\u00eb qendr\u00ebs s\u00eb djatht\u00eb, informova z. Plakiotakis mbi zhvillimet e procesit zgjedhor t\u00eb 11 majit dhe gjetjet e raportit t\u00eb OSBE\/ODIHR. Raporti evidenton qart\u00eb unifikimin e partis\u00eb n\u00eb pushtet me shtetin, p\u00ebrdorimin e burimeve publike dhe mbi 4500 aktivitete elektorale t\u00eb paraqitura si aktivitete t\u00eb administrat\u00ebs publike, duke cenuar barazin\u00eb e gar\u00ebs.<\/p>\n

Gjithashtu, gjat\u00eb vitit elektoral u arrestua i gjith\u00eb lidershipi i opozit\u00ebs, duke kulmuar me Sali Berish\u00ebn ngjarje kjo q\u00eb ja lehtesoi kundershtarit fitoren e pamerituar! N\u00eb k\u00ebt\u00eb kontekst, shpreha q\u00ebndrimin se Shqip\u00ebria duhet t\u00eb rikthehet te zgjedhjet e lira, t\u00eb ndershme dhe t\u00eb pakontestuara, jo vet\u00ebm si kusht p\u00ebr integrimin europian, por edhe si pjes\u00eb e ADN-s\u00eb demokratike t\u00eb vendit dhe si themel i harmonis\u00eb shoq\u00ebrore. Po ashtu, vura n\u00eb dukje rolin e emigrant\u00ebve shqiptar\u00eb n\u00eb Greqi si kontribues t\u00eb r\u00ebnd\u00ebsish\u00ebm dhe si nj\u00eb lidhje tashm\u00eb e fuqishme natyrale e miq\u00ebsie mes dy popujve. Shpreha bindjen se minoriteti grek n\u00eb Shqip\u00ebri \u00ebsht\u00eb nj\u00eb pasuri e \u00e7muar dhe nj\u00eb mund\u00ebsi e madhe p\u00ebr forcimin e bashk\u00ebpunimit dhe mir\u00ebkuptimit midis dy vendeve.<\/p>\n

Shpreha gjithashtu d\u00ebshir\u00ebn p\u00ebr t\u00eb intensifikuar marr\u00ebdh\u00ebniet institucionale, jo vet\u00ebm p\u00ebrmes Grupit t\u00eb Miq\u00ebsis\u00eb, por edhe p\u00ebrmes komisioneve parlamentare. I p\u00ebrcolla z. Plakiotakis p\u00ebrsh\u00ebndetjet e Kuvendit t\u00eb Shqip\u00ebris\u00eb p\u00ebr Parlamentin e Greqis\u00eb, si edhe p\u00ebrsh\u00ebndetjet e Kryetarit t\u00eb PDSH-s\u00eb, Sali Berisha, p\u00ebr Nea Dimokratia-n, aleate tradicionale e Partis\u00eb Demokratike, Kryeministrin Mitsotakis dhe Kryetarin e Parlamentit, z. Nikitas Kaklamanis.<\/p>\n

\n
\n
\n