{"id":134356,"date":"2026-01-24T11:56:56","date_gmt":"2026-01-24T11:56:56","guid":{"rendered":"https:\/\/rdnews.al\/?p=134356"},"modified":"2026-01-24T11:56:56","modified_gmt":"2026-01-24T11:56:56","slug":"perkujtohet-ismail-qemali-leskaj-vlereson-figuren-dhe-kontributin-historik","status":"publish","type":"post","link":"https:\/\/rdnews.al\/index.php\/2026\/01\/24\/perkujtohet-ismail-qemali-leskaj-vlereson-figuren-dhe-kontributin-historik\/","title":{"rendered":"P\u00ebrkujtohet Ismail Qemali, Leskaj vler\u00ebson figur\u00ebn dhe kontributin historik!"},"content":{"rendered":"

P\u00ebrkujtohet t\u00eb Ismail Qemalit n\u00eb Vlor\u00eb, n\u00eb nj\u00eb dit\u00eb q\u00eb solli jo vet\u00ebm homazhe p\u00ebr Atin e Pavar\u00ebsis\u00eb, por edhe reflektim qytetar mbi realitetin e sot\u00ebm t\u00eb vendit.
\nP\u00ebrfaq\u00ebsues t\u00eb Partis\u00eb Demokratike, mes tyre deputeti i Vlor\u00ebs Bujar Leskaj, kryetari i deg\u00ebs s\u00eb PD-s\u00eb Vlor\u00eb Hysni Sharra, si dhe an\u00ebtar\u00eb e simpatizant\u00eb t\u00eb k\u00ebsaj force politike, vendos\u00ebn kurora me lule n\u00eb varrin monumental t\u00eb Ismail Qemalit.
\nN\u00eb fjal\u00ebn e tij, deputeti Bujar Leskaj vler\u00ebsoi figur\u00ebn dhe kontributin historik t\u00eb Ismail Qemalit, duke e cil\u00ebsuar at\u00eb si shtetarin q\u00eb vendosi interesin e kombit mbi interesin personal. Sipas Leskajt, Ismail Qemali mbetet nj\u00eb model i p\u00ebrjetsh\u00ebm i drejtimit t\u00eb ndersh\u00ebm dhe i p\u00ebrgjegjsh\u00ebm t\u00eb shtetit.
\nLeskaj theksoi se n\u00ebse Ismail Qemali do t\u00eb ishte gjall\u00eb sot, nuk do t\u00eb ishte krenar p\u00ebr Shqip\u00ebrin\u00eb aktuale, e cila sipas tij \u00ebsht\u00eb e mb\u00ebrthyer nga korrupsioni, abuzimi me pushtetin dhe element\u00eb t\u00eb diktatur\u00ebs.
\n“Kan\u00eb kaluar 107 vite nga 24 janari i vitit 1919, kur Ismail Qemal Vlora, Ati i Kombit shqiptar, themeluesi i shtetit dhe babai i Pavar\u00ebsis\u00eb, kaloi n\u00eb p\u00ebrjet\u00ebsi, duke hyr\u00eb n\u00eb panteonin e lavdis\u00eb shqiptare dhe n\u00eb altarin e pavdeksh\u00ebm t\u00eb heronjve t\u00eb shtetit shqiptar.<\/p>\n

\n
Ismail Qemali ka qen\u00eb, \u00ebsht\u00eb dhe do t\u00eb mbetet nj\u00eb personalitet i padiskutuesh\u00ebm i Rilindjes Komb\u00ebtare. Ai ishte dhe mbetet nj\u00eb figur\u00eb e rrall\u00eb e kombit shqiptar, q\u00eb finalizoi p\u00ebrpjekjet shekullore dhe luft\u00ebrat e shqiptar\u00ebve p\u00ebr liri dhe pavar\u00ebsi, duke shpallur Pavar\u00ebsin\u00eb e Shqip\u00ebris\u00eb n\u00eb Vlor\u00ebn e tij t\u00eb dashur. Ai jo vet\u00ebm e realizoi Pavar\u00ebsin\u00eb, por hodhi themelet e shtetit shqiptar.<\/div>\n<\/div>\n
\n
Emri i tij i v\u00ebrtet\u00eb \u00ebsht\u00eb: N\u00ebntor 28!<\/div>\n<\/div>\n
\n
M\u00eb 24 janar 1919, Ismail Qemal Vlora kaloi n\u00eb p\u00ebrjet\u00ebsi p\u00ebr t\u00eb hyr\u00eb e q\u00ebndruar p\u00ebrgjithmon\u00eb n\u00eb altarin e pavdekshm\u00ebris\u00eb s\u00eb kujtes\u00ebs son\u00eb komb\u00ebtare, si personaliteti m\u00eb i shquar shtet\u00ebror, diplomatik dhe shoq\u00ebror i l\u00ebvizjes komb\u00ebtare shqiptare, Babai i Pavar\u00ebsis\u00eb dhe Themeluesi i shtetit shqiptar m\u00eb 28 N\u00ebntor 1912, figura m\u00eb e dashur dhe karizmatike e shqiptar\u00ebve.<\/div>\n<\/div>\n
\n
Te Ai bashkohen n\u00eb nj\u00eb: Njeriu, Shtetari dhe Pavdek\u00ebsia.<\/div>\n<\/div>\n
\n
Kryevepra e tij mbetet Themelimi i Shtetit Shqiptar, sepse Ismail Qemal Vlora kurr\u00eb nuk i keqp\u00ebrdori ndjenjat komb\u00ebtare p\u00ebr interesa politike dhe b\u00ebri at\u00eb q\u00eb pakkush mund ta b\u00ebnte: shpalli Pavar\u00ebsin\u00eb.<\/div>\n<\/div>\n
\n
Ai \u00ebsht\u00eb politikani i par\u00eb shqiptar q\u00eb vuri Shqip\u00ebrin\u00eb mbi egon personale, mir\u00ebsin\u00eb, toleranc\u00ebn dhe dashurin\u00eb mbi keqkuptimet; themeloi debatin publik dhe institucionin e dor\u00ebheqjes, edhe pse nuk e meritonte t\u00eb largohej.<\/div>\n<\/div>\n
\n
Emri i Ismail Qemal Vlor\u00ebs \u00ebsht\u00eb shkruar me g\u00ebrma t\u00eb arta n\u00eb kujtes\u00ebn ton\u00eb kolektive si Babai i Pavar\u00ebsis\u00eb dhe Themeluesi i shtetit shqiptar. Ai mbetet protagonisti kryesor i p\u00ebrpjekjeve kolosale politike dhe diplomatike n\u00eb kancelarit\u00eb e Evrop\u00ebs, p\u00ebr t\u00eb siguruar mb\u00ebshtetjen nd\u00ebrkomb\u00ebtare p\u00ebr shpalljen e Pavar\u00ebsis\u00eb s\u00eb Shqip\u00ebris\u00eb.<\/div>\n<\/div>\n
\n
N\u00eb historin\u00eb e popullit shqiptar, emri i Ismail Qemal Vlor\u00ebs do t\u00eb mbetet p\u00ebrgjithmon\u00eb i sh\u00ebnuar si Ati i Kombit.<\/div>\n<\/div>\n
\n
Dhe p\u00ebr kryevepr\u00ebn e tij, Shpalljen e Pavar\u00ebsis\u00eb m\u00eb 28 N\u00ebntor 1912, populli shqiptar k\u00ebndon me krenari:\u201cEmri i tij i v\u00ebrtet\u00eb \u00ebsht\u00eb N\u00ebntor 28!\u201d, u shpreh Leskaj.<\/div>\n<\/div>\n
<\/div>\n