{"id":134581,"date":"2026-01-27T12:15:53","date_gmt":"2026-01-27T12:15:53","guid":{"rendered":"https:\/\/rdnews.al\/?p=134581"},"modified":"2026-01-27T12:51:25","modified_gmt":"2026-01-27T12:51:25","slug":"berisha-ne-strasburg-narkoshteti-i-ramaduros-rrezikon-sigurine-e-europes-terapia-konvertuese-agresion-cnjerezor-ndaj-femijeve-nga-ekstremi-i-majte-i-sorosit","status":"publish","type":"post","link":"https:\/\/rdnews.al\/index.php\/2026\/01\/27\/berisha-ne-strasburg-narkoshteti-i-ramaduros-rrezikon-sigurine-e-europes-terapia-konvertuese-agresion-cnjerezor-ndaj-femijeve-nga-ekstremi-i-majte-i-sorosit\/","title":{"rendered":"“Narkoshteti i Ramaduros rrezikon sigurin\u00eb e Europ\u00ebs”\/ Berisha n\u00eb Strasburg: Agresion \u00e7njer\u00ebzor ndaj f\u00ebmij\u00ebve nga ekstremi i majt\u00eb i Sorosi"},"content":{"rendered":"

-Terapia konvertuese, agresion \u00e7njer\u00ebzor ndaj f\u00ebmij\u00ebve nga ekstremi i majt\u00eb i Sorosit-<\/strong><\/p>\n

Gjat\u00eb debatit n\u00eb grupin parlamentar t\u00eb EPP-s\u00eb n\u00eb Strasburg mbi zgjedhjet n\u00eb Shqip\u00ebri dhe raportin p\u00ebr \u2018terapin\u00eb konvertuese\u2019, kryetari i Partis\u00eb Demokratike, Sali Berisha paraqiti situat\u00ebn n\u00eb Shqip\u00ebri, si nj\u00eb rrezik serioz p\u00ebr sigurin\u00eb e Europ\u00ebs, duke e cil\u00ebsuar at\u00eb si \u2018narkoshtet\u2019 t\u00eb drejtuar nga kryeministri Edi Rama.<\/p>\n

Berisha u shpreh se, kartele t\u00eb drog\u00ebs, t\u00eb lidhura drejtp\u00ebrdrejt me Ram\u00ebn, dominojn\u00eb tregjet e drog\u00ebs n\u00eb Europ\u00eb dhe se Shqip\u00ebria \u00ebsht\u00eb kthyer n\u00eb nj\u00eb qend\u00ebr t\u00eb madhe t\u00eb pastrimit t\u00eb parave p\u00ebrmes nd\u00ebrtimeve dhe resorteve turistike.<\/p>\n

N\u00eb nj\u00eb debat tjet\u00ebr, kryedemokrati Sali Berisha kritikoi ashp\u00ebr raportin mbi \u2018terapin\u00eb konvertuese\u2019, duke e cil\u00ebsuar at\u00eb si nj\u00eb praktik\u00eb \u00e7njer\u00ebzore dhe agresion ndaj f\u00ebmij\u00ebve. Ai u shpreh se, n\u00eb Shqip\u00ebri, n\u00eb kopshte dhe shkolla fillore, po p\u00ebrdoren materiale m\u00ebsimore q\u00eb synojn\u00eb manipulimin e f\u00ebmij\u00ebve drejt ndryshimit t\u00eb gjinis\u00eb, duke e lidhur k\u00ebt\u00eb me at\u00eb q\u00eb e quajti propagand\u00eb e ekstremit t\u00eb majt\u00eb dhe ndikim t\u00eb Xhorxh Sorosit.<\/p>\n

Sipas kryetarit t\u00eb PD-s\u00eb Sali Berisha, kjo qasje synon vendosjen e nj\u00eb diktature t\u00eb rrezikshme t\u00eb ekstremit t\u00eb majt\u00eb n\u00eb Shqip\u00ebri dhe m\u00eb gjer\u00eb. Ai theksoi se, ndon\u00ebse debatet mbi k\u00ebt\u00eb \u00e7\u00ebshtje ishin t\u00eb ndara, n\u00eb audienc\u00eb pati rezerva t\u00eb m\u00ebdha ndaj raportit, i cili sipas tij tentonte t\u00eb legjitimonte \u2018terapin\u00eb konvertuese\u2019 ndaj f\u00ebmij\u00ebve.<\/p>\n

FJALA E PLOTE<\/p>\n

Dje gjat\u00eb dit\u00ebs n\u00eb debatin e zhvilluar n\u00eb grupin parlamentar t\u00eb EPP-s\u00eb p\u00ebr zgjedhjet n\u00eb Shqip\u00ebri dhe raportin e \u2018Terapis\u00eb konvertuese\u2019 paraqita para audienc\u00ebs rrezikun e madh q\u00eb p\u00ebrfaq\u00ebson narkoshteti shqiptar m\u00eb n\u00eb krye Edi Rama apo si\u00e7 quhet r\u00ebndom Ramaduro apo Noriega i Europ\u00ebs p\u00ebr sigurin\u00eb e vendeve t\u00eb rajonit dhe vendeve t\u00eb Europ\u00ebs.<\/p>\n

N\u00eb fjal\u00ebn time, paraqita dominimin e tregut t\u00eb drog\u00ebs n\u00eb Europ\u00ebs, marijuan\u00ebs, heroin\u00ebs, kokain\u00ebs nga kartelet e drog\u00ebs t\u00eb lidhura direkt me Edi Ram\u00ebn, t\u00eb komanduara direkt prej tij, i cili e ka shnd\u00ebrruar Shqip\u00ebrin\u00eb n\u00eb nj\u00eb parajs\u00eb t\u00eb larjes s\u00eb parave t\u00eb tyre, n\u00eb qindra kulla, nd\u00ebrtesa, resorte turistike.<\/p>\n

Shpreha k\u00ebrkes\u00ebn q\u00eb vendet an\u00ebtare t\u00eb K\u00ebshillit t\u00eb Europ\u00ebs, parlamentet e k\u00ebtyre vendeve t\u00eb ngren\u00eb z\u00ebrin e tyre ndaj k\u00ebtij rreziku serioz q\u00eb u vjen nga nj\u00eb vend i vog\u00ebl i cili ka t\u00eb gjitha potencialet e m\u00ebdha t\u00eb zhvillimit dhe e ka zhytur regjimi n\u00eb drog\u00eb, vet\u00ebm p\u00ebr q\u00ebllime elektorale.<\/p>\n

Po k\u00ebshtu, tek rreziku i madh q\u00eb p\u00ebrfaq\u00ebson Shqip\u00ebria, u ndala tek AKSHI, kopshti familjar i Edi Ram\u00ebs, n\u00eb t\u00eb cilin koordinatori kryesor i karteleve t\u00eb drog\u00ebs me an\u00ebtar\u00ebt e familjes Rama, kan\u00eb pla\u00e7kitur qindra e qindra milion\u00eb euro. Por mbi t\u00eb gjitha Ergys Agasi ka eksportuar t\u00eb gjitha t\u00eb dh\u00ebnat e internetit q\u00eb ekzistojn\u00eb n\u00eb Shqip\u00ebri, tek klanet kriminale dhe armiqt\u00eb e NATO-s dhe kjo \u00ebsht\u00eb nj\u00eb rrezik i madh q\u00eb Shqip\u00ebria shp\u00ebrndan n\u00eb rajon dhe Europ\u00eb.<\/p>\n

Mir\u00ebkuptimi ishte i plot\u00eb nga audienca.<\/p>\n

P\u00ebrve\u00e7 k\u00ebsaj mora fjal\u00ebn n\u00eb debatin q\u00eb u zhvillua p\u00ebr raportin mbi \u2018terapin\u00eb konvertuese\u2019, terapin\u00eb \u00e7\u2019njer\u00ebzore, nj\u00eb agresion i v\u00ebrtet\u00eb q\u00eb b\u00ebhet ndaj f\u00ebmij\u00ebve p\u00ebr t\u00eb ndryshuar gjinit\u00eb.<\/p>\n

Ftova t\u00eb pranishmit q\u00eb t\u00eb vijn\u00eb n\u00eb Shqip\u00ebri, t\u00eb shohin pasojat e r\u00ebnda t\u00eb transformimit t\u00eb Shqip\u00ebris\u00eb n\u00eb republik\u00ebn e Xhorxh Soros apo n\u00eb kopshtin e lul\u00ebzuar t\u00eb k\u00ebtij t\u00eb fundit, ku f\u00ebmij\u00ebve n\u00eb kopsht dhe n\u00eb shkolla fillore, u jepen tekste, figurina dhe objekte m\u00ebsimore p\u00ebr t\u2019i manipuluar n\u00eb drejtim t\u00eb ndryshimit t\u00eb gjinis\u00eb.<\/p>\n

Theksova se, kjo propagand\u00eb \u00ebsht\u00eb propaganda e ekstremit t\u00eb majt\u00eb q\u00eb synon rivendosjen e nj\u00eb diktature t\u00eb rrezikshme t\u00eb ekstremit t\u00eb majt\u00eb, jo vet\u00ebm n\u00eb Shqip\u00ebri, por dhe n\u00eb Europ\u00eb e bot\u00eb.<\/p>\n

Debatet p\u00ebr k\u00ebt\u00eb \u00e7\u00ebshtje natyrisht nuk ishin t\u00eb nj\u00ebjta, por n\u00eb t\u00ebr\u00ebsi u shpreh\u00ebn rezerva shum\u00eb t\u00eb m\u00ebdha p\u00ebr raportin i cili n\u00eb nj\u00eb far\u00eb m\u00ebnyre k\u00ebrkonte t\u00eb legjitimonte \u2018terapin\u00eb konvertuese\u2019 ndaj f\u00ebmij\u00ebve p\u00ebr ndryshim gjinie.<\/p>\n