{"id":134632,"date":"2026-01-28T09:47:29","date_gmt":"2026-01-28T09:47:29","guid":{"rendered":"https:\/\/rdnews.al\/?p=134632"},"modified":"2026-01-28T09:47:29","modified_gmt":"2026-01-28T09:47:29","slug":"demonstrata-e-heshtur-e-28-janarit-1990-ne-tirane","status":"publish","type":"post","link":"https:\/\/rdnews.al\/index.php\/2026\/01\/28\/demonstrata-e-heshtur-e-28-janarit-1990-ne-tirane\/","title":{"rendered":"“Demonstrata e heshtur” e 28 janarit 1990 n\u00eb Tiran\u00eb!"},"content":{"rendered":"

Nga Edi PALOKA<\/strong><\/p>\n

Nj\u00eb ngjarje q\u00eb shum\u00eb pak kujtohet e p\u00ebrmendet sot, por q\u00eb ka r\u00ebnd\u00ebsin\u00eb e vet historike. Ajo \u00ebsht\u00eb demonstrata e par\u00eb e organizuar n\u00eb Tiran\u00eb kund\u00ebr regjimit pas 45 vitesh sundimi komunist. P\u00ebrpara 2 korrikut t\u00eb ambasadave dhe Dhjetorit t\u00eb student\u00ebve, ishte demonstrata e 28 janarit!<\/p>\n

Organizimi i asaj demonstrate ishte disi i ve\u00e7ant\u00eb, aq sa as regjimi, megjith\u00ebse b\u00ebri dhjet\u00ebra arrestime, nuk arriti kurr\u00eb t\u00eb \u201czbulonte\u201d se kush ishin organizator\u00ebt. E v\u00ebrteta \u00ebsht\u00eb se ideja lindi te \u201cBordura\u201d, atje ku n\u00eb at\u00eb koh\u00eb q\u00ebndronte nj\u00eb pjes\u00eb e mir\u00eb e \u00e7unave t\u00eb Tiron\u00ebs (\u201c\u00c7un Tirona\u201d nuk kishte thjesht kuptimin e dikujt q\u00eb kishte lindur n\u00eb Tiran\u00eb; ishte di\u00e7ka m\u00eb shum\u00eb, por kjo \u00ebsht\u00eb tem\u00eb tjet\u00ebr).<\/p>\n

N\u00eb Evrop\u00ebn Lindore kishin r\u00ebn\u00eb nj\u00eb nga nj\u00eb regjimet. Ne kishim ndjekur \u00e7do minut\u00eb n\u00eb televizor revolucionin rumun dhe pushkatimin e \u00c7aushesk\u00ebve (kryesisht te kanali i dyt\u00eb i Jugosllavis\u00eb, q\u00eb ishte i vetmi q\u00eb mund t\u00eb shihej n\u00eb at\u00eb koh\u00eb pa zhurmues, n\u00ebp\u00ebrmjet kana\u00e7eve t\u00eb famshme).<\/p>\n

Edhe n\u00eb Shqip\u00ebri kishte disa vite q\u00eb ishte zgjeruar rrethi i atyre q\u00eb flisnin kund\u00ebr regjimit, por jo se regjimi ishte zbutur; as d\u00ebnimet nuk ishin ndalur. Frika kishte filluar t\u00eb vritej!<\/p>\n

N\u00eb at\u00eb koh\u00eb ishte e v\u00ebshtir\u00eb q\u00eb edhe njer\u00ebzve t\u00eb af\u00ebrt t\u2019u hapeshe, qoft\u00eb edhe p\u00ebr t\u2019u ankuar, por sidoqoft\u00eb ne kishim krijuar grupe t\u00eb konsoliduara shok\u00ebsh e familjar\u00ebsh me t\u00eb cil\u00ebt mund t\u00eb flisnim me siguri, t\u00eb pakt\u00ebn q\u00eb nga vitet e para \u201980. Festat \u201cilegale\u201d ishin sidomos ambientet ku kultivohej urrejtja p\u00ebr regjimin, por gjith\u00e7ka shkonte deri te sharjet p\u00ebr diktatorin.<\/p>\n

Un\u00eb vet\u00eb kisha n\u00eb at\u00eb koh\u00eb disa lidhje shoq\u00ebrore me grupe t\u00eb ndryshme, qoft\u00eb p\u00ebr sa i p\u00ebrket shtresave, ashtu edhe vendq\u00ebndrimit t\u00eb tyre. Por Bordura ishte pika ku, sidomos n\u00eb fundjav\u00eb, mblidheshim shumica jon\u00eb.<\/p>\n

N\u00eb at\u00eb koh\u00eb nuk kishte media p\u00ebrve\u00e7 atyre t\u00eb regjimit dhe \u00e7do informacion qarkullonte n\u00ebp\u00ebrmjet thashethemeve. N\u00ebp\u00ebrmjet njohjeve e lidhjeve q\u00eb kisha n\u00eb Shkod\u00ebr, m\u00ebsova p\u00ebr tentativ\u00ebn q\u00eb ishte b\u00ebr\u00eb p\u00ebr rr\u00ebzimin e bustit t\u00eb Stalinit n\u00eb mes t\u00eb janarit, si edhe p\u00ebr arrestimet. Revolt\u00eb kishte shp\u00ebrthyer edhe n\u00eb Kavaj\u00eb, por t\u00eb gjitha k\u00ebto regjimi kishte arritur t\u2019i shtypte dhe t\u2019i fshihte.<\/p>\n

At\u00ebher\u00eb, pik\u00ebrisht aty te Bordura, fillimisht e pastaj e p\u00ebrhapur n\u00ebp\u00ebr lagje e n\u00eb gjith\u00eb Tiran\u00ebn, lindi ideja e domosdoshm\u00ebris\u00eb s\u00eb nj\u00eb organizimi n\u00eb Tiran\u00eb. Vet\u00ebm k\u00ebshtu do t\u00eb merrej vesh se edhe ne po l\u00ebviznim. N\u00eb Tiran\u00eb, n\u00eb mos tjet\u00ebr, ishin ambasadat!<\/p>\n

K\u00ebshtu filloi dhe mori form\u00eb demonstrata e 28 janarit. Regjimi nuk e m\u00ebsoi dot kush ishin organizator\u00ebt, sepse organizator\u00eb, pasi ideja doli, u b\u00ebn\u00eb t\u00eb gjith\u00eb!<\/p>\n

\u201cKoncert t\u00eb diel\u00ebn n\u00eb or\u00ebn 6 mbasdite te sheshi\u201d \u2013 kjo ishte formula q\u00eb p\u00ebrhap\u00ebm p\u00ebr t\u00eb mos u kapur. Fjala u p\u00ebrhap me shpejt\u00ebsi t\u00eb pabesueshme dhe secili shtonte di\u00e7ka nga vetja. E bukura \u00ebsht\u00eb se, kur fjala filloi t\u00eb kthehej te ne, aty ku kishte nisur, ishte shtuar me ambasador\u00eb q\u00eb do t\u00eb ishin t\u00eb pranish\u00ebm, madje edhe me nj\u00eb prift t\u00eb d\u00ebnuar nga regjimi q\u00eb do t\u00eb mbante fjalim!<\/p>\n

Ato dit\u00eb strukturat e Sigurimit ishin duke luajtur mendsh, sepse nuk ishin v\u00ebn\u00eb ndonj\u00ebher\u00eb n\u00eb situata t\u00eb tilla. Aq jasht\u00eb loje ndiheshin, sa u b\u00ebn\u00eb m\u00eb agresive, por edhe qesharake. Dy a tri her\u00eb, nd\u00ebrkoh\u00eb q\u00eb ne ishim mbledhur n\u00eb grupin shoq\u00ebror te Bordura, na futej n\u00eb mes dikush q\u00eb as nuk e kishim par\u00eb ndonj\u00ebher\u00eb. Hynin mes grupit ton\u00eb, q\u00eb ishim shok\u00eb prej vitesh, dhe rrinin gjoja si pjes\u00eb e tij, q\u00eb t\u00eb d\u00ebgjonin \u00e7far\u00eb po flisnim. Ne, n\u00eb fakt, nuk na kapte frika, por e qeshura. Sigurisht pushonim s\u00eb foluri dhe ktheheshim t\u2019i shihnim n\u00eb sy, derisa largoheshin vet\u00eb!<\/p>\n

Nd\u00ebrkoh\u00eb kishin filluar paralajm\u00ebrimet dhe k\u00ebrc\u00ebnimet n\u00ebp\u00ebr shkolla dhe vende pune. Disa nga ne i ndaluan e i arrestuan p\u00ebrpara or\u00ebs 6. Arrestet i b\u00ebnin n\u00eb m\u00ebnyr\u00eb demonstrative, me q\u00ebllim q\u00eb t\u00eb fusnin frik\u00ebn. Nj\u00eb prej \u00e7unave (A. Pocarini) e mor\u00ebn me zhurm\u00eb t\u00eb madhe n\u00eb mes t\u00eb bulevardit. Na ndaloi \u201cgazi\u201d i Sigurimit para k\u00ebmb\u00ebve, dol\u00ebn dhe e rr\u00ebmbyen nga mesi i grupit ton\u00eb dhe ik\u00ebn!<\/p>\n

Sigurisht q\u00eb k\u00ebrc\u00ebnimet dhe k\u00ebto ndalime b\u00ebnin efekt, aq sa ne filluam t\u00eb kishim frik\u00eb se mos nuk do t\u00eb kishte njer\u00ebz. B\u00ebnim shaka me nj\u00ebri-tjetrin: \u201cMe duket do dalim vet\u00ebm ne dhe do na kapin rehat, se do t\u2019u shkojm\u00eb vet\u00eb n\u00eb dor\u00eb!\u201d<\/p>\n

N\u00eb t\u00eb v\u00ebrtet\u00eb, n\u00eb or\u00ebn 6 u shkul e gjith\u00eb rinia e Tiran\u00ebs n\u00eb shesh.<\/p>\n

Sigurimi dhe sampist\u00ebt vinin v\u00ebrdall\u00eb mes nesh, tanim\u00eb jo t\u00eb fshehur, por duke demonstruar forc\u00eb. Nj\u00eb ish-shef i sampist\u00ebve n\u00eb at\u00eb koh\u00eb, nj\u00eb fare Rrem\u00eb q\u00eb i th\u00ebrrisnin \u201cTigri\u201d, i skuqur n\u00eb surrat b\u00ebrtiste: \u201cDo ju b\u00ebjm\u00eb sallam!\u201d. (Nuk e kam par\u00eb m\u00eb pas \u201990 at\u00eb sallamxhi!)<\/p>\n

Nd\u00ebrkoh\u00eb nj\u00eb makin\u00eb e vog\u00ebl e bardh\u00eb l\u00ebvizte mes turm\u00ebs dhe filmonte. I dukej drita e kuqe e kamer\u00ebs nga nj\u00eb shirit xhami q\u00eb kishte mbrapa.<\/p>\n

Sidoqoft\u00eb, ne vazhduam \u201cxhiron\u201d p\u00ebr disa or\u00eb.<\/p>\n

Nuk pati revolt\u00eb, as prift q\u00eb t\u00eb mbante fjalim (p\u00ebrfaq\u00ebsues t\u00eb ambasadave u pan\u00eb), por ajo demonstrat\u00eb pati nj\u00eb vler\u00eb t\u00eb madhe, sepse ne, p\u00ebr her\u00eb t\u00eb par\u00eb, pam\u00eb nj\u00ebri-tjetrin. Pam\u00eb se sa shum\u00eb ishim q\u00eb mendonim nj\u00ebsoj. Deri at\u00eb dit\u00eb ishim t\u00eb kufizuar brenda grupeve tona familjare e shoq\u00ebrore; at\u00eb dit\u00eb pam\u00eb jo vet\u00ebm q\u00eb ishim shum\u00eb, por pam\u00eb edhe pafuqin\u00eb e regjimit p\u00ebr t\u00eb na ndalur.<\/p>\n

\u00cbsht\u00eb e v\u00ebrtet\u00eb q\u00eb disa nga ne u ndaluan dhe u arrestuan. Disa edhe u d\u00ebnuan. Edhe un\u00eb u ndalova, por nuk m\u00eb mbajt\u00ebn m\u00eb shum\u00eb se nj\u00eb nat\u00eb. Si gjith\u00eb t\u00eb tjer\u00ebve u thash\u00eb se kisha dal\u00eb p\u00ebr xhiron e s\u00eb diel\u00ebs\u2026<\/p>\n

M\u00eb pas nj\u00eb shok imi i fakultetit m\u00eb kontaktoi dhe m\u00eb paralajm\u00ebroi se ma kishte nxjerr\u00eb ai emrin si personi q\u00eb i kisha folur p\u00ebr \u201ckoncertin\u201d e or\u00ebs 6. U largova disa dit\u00eb nga Tirana, por nuk u mor\u00ebn m\u00eb me mua. Duket se nuk kishin m\u00eb kontroll t\u00eb situat\u00ebs, pavar\u00ebsisht represionit q\u00eb b\u00ebn\u00eb edhe ato dit\u00eb. Frika ishte trembur! T\u00eb gjith\u00ebve nuk na burgosnin dot!<\/p>\n","protected":false},"excerpt":{"rendered":"

Nga Edi PALOKA Nj\u00eb ngjarje q\u00eb shum\u00eb pak kujtohet e p\u00ebrmendet sot, por q\u00eb ka r\u00ebnd\u00ebsin\u00eb e vet historike. Ajo \u00ebsht\u00eb demonstrata e par\u00eb e organizuar n\u00eb Tiran\u00eb kund\u00ebr regjimit pas 45 vitesh sundimi komunist. P\u00ebrpara 2 korrikut t\u00eb ambasadave dhe Dhjetorit t\u00eb student\u00ebve, ishte demonstrata e 28 janarit! Organizimi i asaj demonstrate ishte disi …<\/p>\n","protected":false},"author":4,"featured_media":134633,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-134632","post","type-post","status-publish","format-standard","has-post-thumbnail","","category-politike"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/134632","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=134632"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/134632\/revisions"}],"predecessor-version":[{"id":134634,"href":"https:\/\/rdnews.al\/index.php\/wp-json\/wp\/v2\/posts\/134632\/revisions\/134634"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/134633"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=134632"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=134632"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=134632"}],"curies":[{"name":"wp","href":"https:\/\/api.w.org\/{rel}","templated":true}]}}