{"id":143496,"date":"2026-05-21T17:16:22","date_gmt":"2026-05-21T17:16:22","guid":{"rendered":"https:\/\/rdnews.al\/?p=143496"},"modified":"2026-05-21T17:19:46","modified_gmt":"2026-05-21T17:19:46","slug":"revolta-e-spacit-si-u-pushkatuan-4-te-burgosur","status":"publish","type":"post","link":"https:\/\/rdnews.al\/index.php\/2026\/05\/21\/revolta-e-spacit-si-u-pushkatuan-4-te-burgosur\/","title":{"rendered":"Revolta e Spa\u00e7it, si u pushkatuan 4 t\u00eb burgosur"},"content":{"rendered":"

Nga Bedri BLLOSHMI<\/strong><\/p>\n

Revolta e Spa\u00e7it nisi n\u00eb dat\u00ebn 21 maj 1973 dhe zgjati tre dit\u00eb dhe konsiderohet si nj\u00eb nga ngjarjet m\u00eb t\u00eb r\u00ebnda n\u00eb diktatur\u00eb. Revolta e Spa\u00e7it ishte mir\u00ebfilli politike dhe do t\u00eb thyente p\u00ebr her\u00eb t\u00eb par\u00eb hekurat pas vitit \u201945, por q\u00eb pati nj\u00eb fund tragjik me kat\u00ebr t\u00eb ekzekutuar, t\u00eb cil\u00ebve u mungon varri dhe deri tani s\u2019\u00ebsht\u00eb gjetur asnj\u00eb gjurm\u00eb.<\/p>\n

Kush ishin 4 t\u00eb d\u00ebnuarit me vdekje n\u00eb revolt\u00ebn e Spa\u00e7it<\/strong><\/p>\n

Kush ishin k\u00ebta djem, nga \u00e7\u2019rrethe ishin? \u00c7far\u00eb biografije kishin? P\u00ebrse ishin d\u00ebnuar p\u00ebr her\u00eb t\u00eb par\u00eb dhe nga sa vjet? Pse sigurimi p\u00ebrzgjodhi k\u00ebta t\u00eb kat\u00ebr p\u00ebr t\u00eb vrar\u00eb me nj\u00eb \u201cgjykim\u201d rrufe?<\/p>\n

Po fytyrat e k\u00ebtyre t\u00eb rinjvesi jan\u00eb me siguri q\u00eb lexuesi dhe kushdo tjet\u00ebr, do ta marr\u00eb vesh se dikush e ka zbardhur dhe kujtuar k\u00ebt\u00eb tragjedi q\u00eb ndodhi n\u00eb koh\u00ebn e diktarur\u00ebs n\u00eb Spa\u00e7. Un\u00eb, nj\u00eb i burgosur i Spa\u00e7it, i Qaf\u00eb-Barit dhe s\u00eb fundmi i burgut t\u00eb Burrelit, i liruar m\u00eb 29 mars 1991, mbasi p\u00ebrfundova librin \u201cRevolta e Qaf- Barit dhe terrori komunist 1943-1990\u201d, kurrsesi nuk mund t\u00eb lija pa zbardhur revolt\u00ebn e par\u00eb antikomuniste n\u00eb vitin 1973, ku u ngrit flamuri pa yllin komunist dhe u derdh gjak i pafajsh\u00ebm.<\/p>\n

M\u00eb posht\u00eb do t\u00eb gjeni biografin\u00eb e gjithsecilit nga kat\u00ebr t\u00eb vrar\u00ebt me nga nj\u00eb fotografi t\u00eb vog\u00ebl n\u00eb t\u00eb majt\u00eb dhe n\u00eb krye t\u00eb secilit t\u00eb pushkatuar dhe se nga \u00e7\u2019rreth i Shqip\u00ebris\u00eb ishin. Por m\u00eb e r\u00ebnd\u00ebsishmja \u00ebsht\u00eb se k\u00ebta 4 heronj akoma nuk dihen se ku jan\u00eb groposur. K\u00ebta trima edhe tani pas 24 vjet\u00ebsh jan\u00eb pa varr. Akoma familjar\u00ebt e k\u00ebtyre trimave enden kod\u00ebr m\u00eb kod\u00ebr e p\u00ebrrua m\u00eb p\u00ebrrua, duke qar\u00eb e ul\u00ebrir\u00eb dhe betohen me fytyr\u00eb nga qielli se nuk do ndalen s\u00eb k\u00ebrkuari e ju lutur zotit deri sa t\u2019i gjejn\u00eb e t\u2019i vendosin ashtu si\u00e7 u ka hije trimave n\u00eb varret e mbuluara me lot dhe lule.<\/p>\n

Edhe nj\u00eb her\u00eb ju lutemi tregoni vendgroposjen ku dergjen kockat e tyre. Ne e dim\u00eb shum\u00eb mir\u00eb se jeni t\u00eb garantuar nga \u00e7do lloj sundimi n\u00eb Shqip\u00ebri mbas 1990. Tregoni mos na lini n\u00eb ankth e pritje pa fund.<\/p>\n

DERVISH BEJKO<\/p>\n

<\/p>\n

Dervish Bejko ka lindur n\u00eb vitin 1946 n\u00eb fshatin Starov\u00eb t\u00eb rrethit Pogradec. Dervish Bejko ka lindur nga prind\u00ebrit Enver dhe Ikbale Bejko. Shkoll\u00ebn fillore e ka mbaruar n\u00eb fshatin e lindjes. Ka patur profesionin e muratorit. Dervish Bejko ka qen\u00eb i martuar dhe ka l\u00ebn\u00eb nj\u00eb f\u00ebmij\u00eb. Nga mesi i vitit 1971 Dervishi arrestohet me akuz\u00ebn tentativ\u00eb p\u00ebr arratisje dhe d\u00ebnohet me dymb\u00ebdhjet\u00eb vjet heqje lirie. D\u00ebnimin, Dervish Bejko po e vuante n\u00eb kampin e Spa\u00e7it. Me shp\u00ebrthimin e revolt\u00ebs, m\u00eb 21 \u2013 23 maj edhe Dervishi nuk qe m\u00eb pak aktiv se t\u00eb tjer\u00ebt. U arrestua me nj\u00ebmb\u00ebdhjet\u00eb t\u00eb d\u00ebnuarit e tjer\u00eb q\u00eb b\u00ebnin pjes\u00eb n\u00eb grupin e par\u00eb, ndaj u radhit edhe ky me tre t\u00eb tjer\u00ebt p\u00ebr t\u2019u d\u00ebnuar m\u00eb pas me vdekje, pushkatim. K\u00ebta t\u00eb kat\u00ebr t\u00eb grupit t\u00eb par\u00eb, nd\u00ebr t\u00eb dymb\u00ebdhjet\u00eb t\u00eb arrestuarit e par\u00eb q\u00eb jan\u00eb cil\u00ebsuar si m\u00eb kryesor\u00ebt, m\u00eb t\u00eb pap\u00ebrkulshmit, m\u00eb q\u00ebndrestar\u00ebt, u vun\u00eb para tog\u00ebs s\u00eb pushkatimit dhe u ekzekutuan. Vend \u2013 groposja e tyre akoma dhe sot pas nj\u00ebzet e tre vitesh t\u00eb p\u00ebrmbysjes s\u00eb sistemit gjakatar nuk dihet. Askush nuk flet nga ata q\u00eb din\u00eb p\u00ebr nat\u00ebn e 24 majit.<\/p>\n

Ka gati nj\u00ebzet vjet e m\u00eb shum\u00eb, q\u00eb familjar\u00ebt enden p\u00ebrrua m\u00eb p\u00ebrrua e ar\u00eb m\u00eb ar\u00eb n\u00eb shkret\u00ebtir\u00ebn e Rr\u00ebshenit. Asnj\u00eb shenj\u00eb nuk \u00ebsht\u00eb dalluar se ku flen\u00eb kockat e kat\u00ebr heronjve t\u00eb revolt\u00ebs s\u00eb Spa\u00e7it, ndodhur m\u00eb 21 \u2013 23 maj 1973. Madje familjar\u00ebt e Dervishit (sipas nj\u00eb informacioni) kan\u00eb g\u00ebrmuar gati nj\u00eb muaj rresht n\u00eb rrug\u00ebn Tiran\u00eb \u2013 Elabasan, n\u00eb kthes\u00ebn e dyt\u00eb sapo fillon Qaf\u00eb \u2013 K\u00ebrraba, u zhvendos\u00ebn dhjet\u00ebra e qindra metra kub dhe, n\u00eb nj\u00eb sip\u00ebrfaqe mbi 4 dylym por asnj\u00eb shenj\u00eb nuk u zbulua. Z Agim Bejko (v\u00ebllai i Dervishit) i cili banon jasht\u00eb shtetit vjen \u00e7do vit n\u00eb Shqip\u00ebri dhe vazhdon t\u00eb mbledh\u00eb informacione. Disa her\u00eb ka shkuar bashk\u00eb me mua (Bedrin\u00eb) n\u00eb morgun e Tiran\u00ebs kemi takuar doktorin p\u00ebr t\u00eb marr\u00eb informacion. Dy her\u00eb kemi udh\u00ebtuar drejt Rr\u00ebshenit kemi takuar personat pjes\u00ebmarr\u00ebs. Na kan\u00eb informuar treguar gjith\u00eb ngjarjen nga dega e pun\u00ebve t\u00eb brend\u00ebshme e Rr\u00ebshenit drejt rrug\u00ebs Ka\u00e7inarit pran\u00eb pyllit t\u00eb G\u00ebziqit. T\u00eb gjitha informacionet q\u00eb kemi marr\u00eb p\u00ebr 4 t\u00eb ekzekutuarit t\u00eb sjellin n\u00eb Tiran\u00eb.<\/p>\n

SK\u00cbNDER DAJA<\/p>\n

\"Mund<\/p>\n

Sk\u00ebnder Daja lindi n\u00eb Tiran\u00eb n\u00eb vitin 1950 nga prind\u00ebrit Qemal dhe Sofije. Sk\u00ebnder Daja m\u00eb pas ka banuar n\u00eb qytetin e Fierit ku ka punuar si marangoz. Ka kryer arsimin 8 \u2013 vje\u00e7ar. Sk\u00ebnder Daja arrestohet m\u00eb 24 dhjetor t\u00eb vitit 1970 dhe d\u00ebnohet me dhjet\u00eb vjet heqje lirie, d\u00ebnim t\u00eb cilin po e vuante n\u00eb kampin e Spa\u00e7it. Sk\u00ebnder Daja n\u00eb revolt\u00ebn e kampit t\u00eb Spa\u00e7it, m\u00eb 21 \u2013 23 maj 1973 ishte nj\u00eb nga t\u00eb d\u00ebnuarit kryesor\u00eb dhe m\u00eb aktiv\u00ebt gjat\u00eb tre dit\u00ebve t\u00eb revolt\u00ebs. Mbas tre dit\u00ebsh, m\u00eb 23 maj 1973, dit\u00eb kur u shua revolta nga forcat e sigurimit t\u00eb shtetit, Sk\u00ebnder Daja u arrestua bashk\u00eb me nj\u00ebmb\u00ebdhjet\u00eb t\u00eb d\u00ebnuarit e tjer\u00eb, t\u00eb cil\u00ebt u konsideruan m\u00eb kryesor\u00ebt. Sk\u00ebnder Daja u d\u00ebnua me vdekje, pushkatim nga Kolegji i Gjykat\u00ebs s\u00eb Lart\u00eb bashk\u00eb me Pal Zefin, Dervish Bejkon, Hajri Pashain. Faljen e jet\u00ebs p\u00ebr t\u00eb kat\u00ebr t\u00eb d\u00ebnuarit me vdekje e refuzoi dhe Presidiumi i Kuvendit Popullor. Sk\u00ebnder Daja u pushkatua bashk\u00eb me shok\u00ebt e tij m\u00eb 24 maj 1973. Akoma dhe sot trupi i Sk\u00ebnder Daj\u00ebs nuk dihet ku \u00ebsht\u00eb groposur nga vras\u00ebsit e sigurimit bashk\u00eb me Palin, Dervishin dhe Hajriun. Familjar\u00ebt e miqt\u00eb nuk i kan\u00eb rreshtur asnj\u00ebher\u00eb k\u00ebrkimet p\u00ebr gj\u00ebtjen e eshtrave.<\/p>\n

HAJRI PASHAJ<\/p>\n

\"Mund<\/p>\n

Hajri Pashaj ka lindur n\u00eb Hekal t\u00eb rrethit t\u00eb Fierit, nga prind\u00ebrit Zenel dhe Selime Pashaj. Hajriu ka patur v\u00ebllez\u00ebr dhe motra. Hajriu ka banuar n\u00eb qytetin e Elbasanit, ka punuar si hekurkthyes, ka qen\u00eb i pamartuar. N\u00eb vitin 1965 arrestohet dhe d\u00ebnohet me 13 vjet heqje lirie p\u00ebr tentativ\u00eb arratisje. M\u00eb pas ai d\u00ebnohet dhe e d\u00ebrgojn\u00eb p\u00ebr t\u00eb vuajtur d\u00ebnimin n\u00eb burgun e Spa\u00e7it. Me rastin e shp\u00ebrthimit t\u00eb revolt\u00ebs m\u00eb 21 maj 1973, arrestohet me grupin e par\u00eb prej dymb\u00ebdhjet\u00eb vet\u00ebsh dhe d\u00ebnohet me vdekje, pushkatim.<\/p>\n

Hajri Pashaj edhe tani pas dyzet vjet\u00ebsh nga pushkatimi \u00ebsht\u00eb pa varr, ashtu si dhe tre shok\u00ebt e tij t\u00eb pushkatuar e groposur kushedi se ku nga sigurimi fam\u00ebkeq i diktatur\u00ebs gjakatare. Dhe informacioni se ata jan\u00eb sjell\u00eb n\u00eb Tiran\u00eb t\u00eb pushkatuar dhe jan\u00eb dor\u00ebzuar n\u00eb morgun e spitalit, nuk \u00ebsht\u00eb i v\u00ebrtet\u00eb. Pse e them k\u00ebt\u00eb? Un\u00eb jam interesuar n\u00eb morgun e spitalit n\u00eb Tiran\u00eb dhe rezulton q\u00eb n\u00eb vitin 1973, apo dhe m\u00eb pas nuk gjendet asnj\u00eb lloj sh\u00ebnimi n\u00eb morg se kan\u00eb sjell\u00eb t\u00eb vrar\u00eb dhe me k\u00ebta kat\u00ebr Emra.<\/p>\n

PAL ZEFI<\/p>\n

\"Mund<\/p>\n

Pal Zefi ka lindur n\u00eb vitin 1940 n\u00eb qytetin e Durr\u00ebsit, nga pind\u00ebrit Gjergj dhe Dile Zefi. Pal Zefi kishte mbaruar n\u00eb fshatin Rrushkull shkoll\u00ebn fillore. M\u00eb pas vazhdon p\u00ebr infermier. Pal Zefi ka qen\u00eb i pamartuar. N\u00eb vitin 1971 arrestohet dhe d\u00ebnohet me dhjet\u00eb vjet heqje lirie p\u00ebr agjitacion e propagand\u00eb. Pal Zefi vuante d\u00ebnimin n\u00eb burgun e Spa\u00e7it. N\u00eb dat\u00ebn 21 \u2013 23 maj, sa zgjati revolta, Pal Zefi ka qen\u00eb nd\u00ebr m\u00eb aktiv\u00ebt nd\u00ebr t\u00eb d\u00ebnuarit e tjer\u00eb. Arrestohet bashk\u00eb me nj\u00ebmb\u00ebdhjet\u00eb t\u00eb d\u00ebnuarit e tjer\u00eb dhe d\u00ebnohet me vdekje, pushkatim bashk\u00eb me Dervish Bejkon, Hajri Pashain, Sk\u00ebnder Daj\u00ebn. Sipas dokumentave arkivore t\u00eb kat\u00ebr t\u00eb d\u00ebnuarit jan\u00eb pushkatuar po me dat\u00eb 24 maj 1973. Qysh at\u00ebher\u00eb e deri tani kan\u00eb kaluar dyzet vjet q\u00eb jan\u00eb ekzekutuar.<\/p>\n

Mbas vitit 1990 e deri tani po mbushen nj\u00ebzetetre vjet q\u00eb familjar\u00ebt e tyre jan\u00eb n\u00eb k\u00ebrkim t\u00eb vazhduesh\u00ebm p\u00ebr gjetjen e eshtrave t\u00eb tyre, se ku i ka groposur dora gjakatare e asaj bande diktatoriale. Ata t\u00eb kat\u00ebr, ata heronj, jan\u00eb pa varr dhe deri m\u00eb sot nuk jan\u00eb nderuar me ndonj\u00eb ceremoni p\u00ebrkujtimore apo nj\u00eb tuf\u00eb lule p\u00ebr t\u2019i vendosur n\u00eb shenj\u00eb kujtimi, sepse s\u2019kan\u00eb ku t\u00eb vendosen.<\/p>\n

Po. Ne po presim q\u00eb t\u00eb na telefononi. T\u00eb gjith\u00eb njer\u00ebzit kan\u00eb zem\u00ebr, t\u00eb gjitha zemrat jan\u00eb prej mishi. Nuk besoj asnj\u00ebher\u00eb n\u00eb mbar\u00eb njer\u00ebzimin ndokush t\u00eb ket\u00eb gur\u00eb n\u00eb vend t\u00eb zemr\u00ebs. Gjith\u00ebsesi ne po presim, po e them sinqerisht un\u00eb e kam provuar k\u00ebt\u00eb plag\u00eb t\u00eb pash\u00ebrueshme. Nga familjar\u00ebt apo t\u00eb af\u00ebrmit e Dervish Bejkos, Sk\u00ebnder Daj\u00ebs, Hajri Pashajt dhe Pal Zefit do merrni falenderimet e zemr\u00ebs se do ju jen\u00eb mir\u00ebnjoh\u00ebs p\u00ebrjet\u00ebsisht se ju kemi hequr nj\u00eb breng\u00eb q\u00eb kurr dheri nuk do t\u2019i tret\u00eb kur t\u00eb shkojn\u00eb n\u00eb bot\u00ebn e p\u00ebrtejme. Na tregoni hart\u00ebn e vdekjes. \u00c7lirohuni nga ky makth q\u00eb e ruani dhe e keni par\u00eb mos e merrni me vehte. Zbulojeni enigm\u00ebn e 24 majit 1973. Askush nuk do t\u00eb ket\u00eb pun\u00eb me cilin do q\u00eb te na jap\u00eb informacion se ku ndodhen. K\u00ebt\u00eb jua siguroj un\u00eb q\u00eb po k\u00ebrkoj q\u00eb t\u00eb gjenden e mos mbeten p\u00ebrrenj\u00ebve e varrhumbur. Kjo \u00ebsht\u00eb e pa falshme. hajde merrni guximin dhe flisni, tregoni.<\/p>\n

V E N D I M<\/strong><\/p>\n

N\u2019EMER TE POPULLIT<\/p>\n

KESHILLI GJYQESOR I KOLEGJIT PENAL I PERBERE PREJ:<\/p>\n

HILMI TELEGRAFI ANTAR I GJYKATES SE LARTE<\/p>\n

YMER ALIKO ND. GJYQETAR I GJYKATES LARTE<\/p>\n

MIT\u2019HAT GOSKOVA ND. GJYQETAR \u201c \u201c<\/p>\n

Me asistimin e sekretarit Ylli Mahmudaj dhe me pjesmarrjen e prokurorit para Gjykates Larte Zaim Miftari me daten 23\/V\/1973 ne qendren e Minieres \u201cSpa\u00e7\u201d shqyrtoi ne seance gjyqesore me dyer te hapura \u00e7eshtjen penale qe u perket te pandehurve:<\/p>\n

    \n
  1. Skender Daja, i biri i Qemalit dhe i Sofijes, i date lindjes 1950, lindur ne Tirane dhe banues ne Fier, me origjine fshatar i varfer dhe profesion marangos, i pa martuar, me arsim 7 vje\u00e7ar i denuar me pare me 10 vjet heqje lirije, ne baze te neneve 64-10-12 te K.P., denim te cilin po e vuan prej dates 24.XII.1970.<\/li>\n
  2. Dervish Bejko, i biri i Enverit dhe i Ikbales, i date lindjes 1946, lindur dhe banues ne Starove te Pogradecit, me origjine fshatar i mesem dhe me profesion murator i pa martuar, me arsim 6 klase fillore, i denuar me pare me 12 vjet heqje lirije ne baze te neneve 64- 10 dhe 177 te K.P., denim te cilin po e vuan prej dates 19.VIII-1971;<\/li>\n
  3. Hajri Pashaj, i biri Zenelit dhe i Selimese i date lindjes 1944, lindur ne Hekal te Fierit dhe banues ne Elbasan, me origjine fshatar i mesem, me profesion hekurthyes, i pamartuar, me arsim \u2026\u2026\u2026\u2026., i denuar me pare me 13 vjet heqje lirije ne baze te neneve 64-10 te K.P., denim te cilin po e vuan prej dates 17.IV.1965;<\/li>\n
  4. Lush (Paulin) Vata, i biri i Preles dhe Ages, i date lindjes 1933 , lindur dhe banues ne Oblik te Shkodres, me origjine shoqerore fshatar i mesem, me profesionin mekanik, i pa martuar, me arsim 7 vje\u00e7ar, i denuar me pare me 20 vjet heqje lirije ne baze te nenit 64 te K.P., denim te cilin po e vuan prej dates 11\/VII\/1968;<\/li>\n
  5. Hodo Sokoli, i biri i Isufit dhe Aishes, i datelindjes 1930, lindur dhe banues ne Shkoder, me origjine nepunes i mesem dhe profesion arsimtar, i martuar, me arsim te mesem, i denuar me pare me 16 vjet 333<\/li>\n<\/ol>\n

    heqje lirije ne baze te neneve 64-10-14, 73\/I dhe 218 te K.P., denim te cilin po e vuan prej dates 4.VI.1966;<\/p>\n

      \n
    1. Syrja Lame, i biri i Estrefit dhe Ifetes, i datelindjes 1935, lindur dhe banues ne Rembec te Kor\u00e7es, me origjine fshatar i pasur, me profesion murator, i pa martuar, me arsim 7 vje\u00e7ar, i denuar me pare me 13 vjet heqje lirije ne baze te neneve 64-10 te K.P., denim te cilin po e vuan prej dates 2\/XII\/1969;<\/li>\n
    2. Dashnor Kazazi, i biri i Estrefit dhe Suzanes, i date-lindjes 1951, lindur dhe banues ne Tirane, me origjine punetor, me profesion tornitor, i pa martuar, me arsim 7 vje\u00e7ar, i denuar me pare me 8 vjet heqje lirije ne baze te neneve 64-10 dhe 305\/I te K.P., denim te cilin po e vuan prej dates 7.XI.1970;<\/li>\n
    3. Pal Zefi, i biri i Gjergjit dhe i Diles, i date-lindjes 1940, lindur dhe banues ne Rrushkull te Durresit, me origjine fshatar i varfer, me profesion infermjer, i pa martuar, me arsim te mesem, i denuar me pare me 10 vjet heqje lirije ne baze te neneve 73\/I dhe 12 te K.P., denim te cilin po e vuan prej dates 18.VIII.1971;<\/li>\n
    4. Jorgo Papa, i biri i Spiros dhe i Garufos, i date-lindjes 1941, lindur dhe banues ne Tremul te Sarandes, me origjine fshatar i mesem, me profesion bujk, i pamartuar, me arsim 7 vje\u00e7ar, i denuar me pare me 15 vjet heqje lirije ne baze te neneve 64-10 te K.P., denim te cilin e vuan prej dates 18.X.1962;<\/li>\n
    5. Luan Burimi, i biri Qemalit dhe i Sanijes, i date-lindjes 1937, lindur ne Psar te Zi te Kolonjes dhe banues ne Nderninas te Fierit, me origjine fshatar i mesem, me profesion elektricist, i martuar me 2 femije, me arsim 7 vje\u00e7ar, i denuar me pare me 12 vjet heqje lirije ne baze te neneve 73\/I dhe 235 te K.P., denim te cilin e vuan prej dates 2\/XII\/1968.<\/li>\n
    6. Luan Koka, i biri Habibit dhe i Rabijes, i date-lindjes 1935, lindur dhe banues ne Vlore, me origjine tregetar i mesem, me profesion karpentier-murator, i pa martuar, me arsim 2 klase te mesme, i denuar me pare me 25 vjet heqje lirije ne baze te neneve 64-10 te K.P., denim te cilin e vuan prej dates 3\/X\/1960.<\/li>\n
    7. Sami Danglliu, i biri Selimit dhe i Ferides, i date-lindjes 1920, lindur ne Menkulas te Kor\u00e7es dhe banues ne Plug te Lushnjes, me 334;<\/li>\n<\/ol>\n

      V \u0401 R E N<\/p>\n

      T\u00eb gjith\u00eb t\u00eb pandehurit e lartp\u00ebrm\u00ebndur, duke q\u00ebn\u00eb armiq t\u00eb popullit dhe t\u00eb Republik\u00ebs Popullore t\u00eb Shqip\u00ebris\u00eb, kan\u00eb organizuar n\u00eb kampin ku vuanin d\u00ebnimet p\u00ebr krime kundra Shtetit t\u00eb kryera m\u00eb par\u00eb, nj\u00eb revolt\u00eb t\u00eb hapur me q\u00ebllim p\u00ebr t\u00eb minuar Pushtetit e Popullit. N\u00ebp\u00ebrmjet nj\u00eb veprimtarie t\u00eb organizuar kriminale t\u00eb pandehurit mund\u00ebn t\u00eb t\u00ebrhiqnin mbas vehtes t\u00eb d\u00ebnuarit e tjer\u00eb dhe iu kund\u00ebrvun\u00eb personelit drejtues t\u00eb kampit, duke p\u00ebrdorur dhe dhun\u00ebn e hap\u00ebt. Q\u00ebllimi i t\u00eb pandehurvet, sikurse rezultoi gjat\u00eb zhvillimit t\u00eb hetimit dhe gjykimit, ishte, nga nj\u00ebra an\u00eb krijimi i \u00e7rregullimeve n\u00eb kamp, paralizimi me dhun\u00eb i veprimtaris\u00eb t\u00eb udh\u00ebheqjes s\u00eb kampit dhe p\u00ebrfundimisht zgjerimi i k\u00ebsaj veprimtarie edhe jasht\u00eb kampit dhe, nga ana tjet\u00ebr, paralizimi i pun\u00ebs n\u00eb minier\u00eb, minimi i planit ekonomik t\u00eb Shtetit.<\/p>\n

      Sikurse rezultoi e provuar me inisiativ\u00ebn dhe n\u00ebn udh\u00ebheqjen e t\u00eb pandehurvet t\u00eb lartp\u00ebrmendur, me veprimtarin\u00eb e tyre praktike n\u00eb datat 21 \u2013 23 maj 1973 u b\u00eb brenda kampit organizimi i t\u00eb d\u00ebnuarve, u caktuan elementat drejtues t\u00eb revolt\u00ebs, u p\u00ebrcaktuan obiektivat e veprimtaris\u00eb armiq\u00ebsore q\u00eb p\u00ebrfundimisht synonin n\u00eb rr\u00ebzimin e pushtetit popullor, u shkat\u00ebrruan objektet e propagand\u00ebs dhe pasuri tjet\u00ebr e Shtetit, u vendos\u00ebn parulla t\u00eb shkrojtura me p\u00ebrmbajtje t\u00eb hap\u00ebt armiq\u00ebsor, u p\u00ebrdor kund\u00ebrshtimi dhe shtr\u00ebngimi me an\u00ebn e dhun\u00ebs n\u00eb drejtim t\u00eb personelit t\u00eb sh\u00ebrbimit t\u00eb kampit duke u \u00e7fryt\u00ebzuar me k\u00ebt\u00eb rast dhe nj\u00eb seri mjetesh t\u00eb pregatitura qysh m\u00eb par\u00eb si xxxx copa hekuri, drunj e t\u00eb tjera, u paralizua p\u00ebr tre dit\u00eb rrjesht prodhimi n\u00eb minier\u00eb, duke i shkaktuar nj\u00eb d\u00ebm t\u00eb r\u00ebnd\u00ebsish\u00ebm shtetit dhe u b\u00ebn\u00eb tentativa p\u00ebr nj\u00eb zgjerim t\u00eb veprimtaris\u00eb armiq\u00ebsore jasht\u00eb kampit, krime k\u00ebto t\u00eb gjitha t\u00eb parashikuara prej nenit 76 n\u00eb kombinim me nenin 72 t\u00eb K.P.<\/p>\n

      Gjithashtu gjat\u00eb zhvillimit t\u00eb hetimeve dhe gjykimit rezultoi e provuar se q\u00eb t\u00eb gjith\u00eb t\u00eb pandehurit me q\u00ebllim p\u00ebr t\u00eb arritur objektivat e tyre armiq\u00ebsore kan\u00eb zhvilluar n\u00eb m\u00ebnyr\u00eb t\u00eb hap\u00ebt veprimtari agjitacioni e propagande me goj\u00eb dhe me shkrim, duke hedhur parulla me p\u00ebrmbajtje armiq\u00ebsore kund\u00ebr pushtetit popullor 336<\/p>\n

      kund\u00ebr Partis\u00eb s\u00eb Pun\u00ebs s\u00eb Shqip\u00ebris\u00eb dhe kund\u00ebr rrendit socialist krim ky q\u00eb parashikohet prej nenit 73 paragrafi i II-t\u00eb i K.P.<\/p>\n

      T\u00eb pandehurit Dervish Bejko, Sk\u00ebnder Daja, Dashnor Kazazi dhe Jorgo Papa n\u00eb vazhdim t\u00eb veprimtaris\u00eb s\u00eb tyre armiq\u00ebsore, edhe mbasi u shtyp revolta duke qen\u00eb t\u00eb paisur me mjete t\u00eb tilla si\u00e7 jan\u00eb copa hekuri t\u00eb pregaditura qysh m\u00eb par\u00eb etj. u v\u00ebrsul\u00ebn mbi forcat e rendit me q\u00ebllim d\u00ebmtimi fizik t\u00eb tyre, krim ky i parashikuar prej nenit 67 \u2013 10 t\u00eb K.P.<\/p>\n

      Gjat\u00eb gjykimit t\u00eb \u00e7\u00ebshtjes dolli se t\u00eb gjith\u00eb pandehurit paraqesin rrezikshm\u00ebri t\u00eb madhe shoq\u00ebrore, por rrezikshm\u00ebrin\u00eb m\u00eb t\u00eb theksuar e paraqesin t\u00eb pandehurit Sk\u00ebnder Daja, Dervish Bejko, Hajri Pashaj dhe Pal Zefi. K\u00ebta t\u00eb pandehur, jo vet\u00ebm kan\u00eb lozur rolin e nxit\u00ebsit ose t\u00eb organizatorit, por edhe vet\u00eb k\u00ebta gjat\u00eb tre dit\u00ebvet 21, 22, 23 maj 1973 jan\u00eb treguar m\u00eb aktiv\u00ebt p\u00ebr t\u00eb realizuar n\u00eb praktik\u00eb veprimtarin\u00eb e k\u00ebtij grupi armiq\u00ebsor. N\u00eb k\u00ebto kondita, t\u00eb kat\u00ebr t\u00eb pandehurit e p\u00ebrm\u00ebndur m\u00eb lart, jan\u00eb element\u00eb t\u00eb pakorigjuesh\u00ebm dhe justifikohet zbatimi i llojit t\u00eb d\u00ebnimit m\u00eb t\u00eb r\u00ebnd\u00eb.<\/p>\n

      P\u00ebrsa u p\u00ebrket tet\u00eb t\u00eb pandehurve t\u00eb tjer\u00eb, k\u00ebshilli gjyq\u00ebsor p\u00ebr shkak t\u00eb veprimtaris\u00eb s\u00eb tyre armiq\u00ebsore si dhe rrezikshm\u00ebris\u00eb personale t\u00eb tyre, e gjen me v\u00ebnd t\u00eb sabotoj\u00eb maksimumin e d\u00ebnimit me heqje t\u00eb liris\u00eb q\u00eb parashikon ligja.<\/p>\n

      Faj\u00ebsia e t\u00eb gjith\u00eb t\u00eb pandehurve u v\u00ebrtetua pjes\u00ebrisht me vet\u00eb th\u00ebniet e tyre q\u00eb kan\u00eb b\u00ebr\u00eb para hetuesis\u00eb e para gjyqit, me atribuimet q\u00eb k\u00ebta i b\u00ebn\u00eb nj\u00ebri tjetrit, me th\u00ebniet e d\u00ebshmitar\u00ebve Fejzi Li\u00e7o, Uan Ziu, Ndue Ndoja, Gjet \u00c7upi, Miltjadh Papaj, Beqo Mahmutaj, Ilia Dhimo, Kolec Marku si dhe n\u00eb relacionin e komand\u00ebs s\u00eb repartit 303 Spa\u00e7.<\/p>\n

      K\u00ebta d\u00ebshmitar\u00eb vun\u00eb n\u00eb dukje para k\u00ebsaj Gjykate se t\u00eb gjith\u00eb t\u00eb pandehurit kan\u00eb kryer veprimtarin\u00eb armiq\u00ebsore sikund\u00ebr jan\u00eb akuzuar. Th\u00ebniet e k\u00ebtyre d\u00ebshmitar\u00ebve jan\u00eb t\u00eb besueshme, mbasi k\u00ebta kan\u00eb qen\u00eb t\u00eb pranish\u00ebm n\u00eb vendin ku \u00ebsht\u00eb zhvilluar ngjarja.337<\/p>\n

      P\u00cbR K\u00cbTO AR\u0401SYE<\/p>\n

      K\u00ebshilli gjyq\u00ebsor i kolegjit penal t\u00eb Gjykat\u00ebs s\u00eb Lart\u00eb, n\u00eb baz\u00eb t\u00eb neneve 278 dhe 279 t\u00eb K.Pr.Penale:<\/p>\n

      V E N D O S I<\/p>\n

      Deklaron fajtor\u00eb t\u00eb pandehurit Sk\u00ebnder Daja, Dervish Bejko, Hajri Pashaj, Pal Zefi, Dashnor Kazazi, Luan Burimi, Syrja Lame, Sami Dang\u00eblliu, Lush (Paulin) Vata, Jorgo Papa, Hodo Sokoli e Luan Noka p\u00ebr pjesmarrje n\u00eb nj\u00eb organizat\u00eb kund\u00ebr pushtetit popullor, me q\u00ebllim p\u00ebr t\u00eb kryer krimin e sabotimit ekonomik dhe n\u00eb baz\u00eb t\u00eb neneve 76, 72 e 28 t\u00eb K.P. i d\u00ebnon:<\/p>\n

        \n
      1. Sk\u00ebnder Daj\u00ebn, me vdekje pushkatim, me konfiskimin e pasuris\u00eb s\u00eb pjes\u00ebs s\u00eb tija dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
      2. Dervish Bejko, me vdekje pushkatim, me konfiskimin e pasuris\u00eb s\u00eb pjes\u00ebs s\u00eb tij dhe me humbjen e s\u00eb drejt\u00ebs elekitorale p\u00ebr 5 vjet koh\u00eb.<\/li>\n
      3. Hajri Pashaj, me vdekje pushkatim, me konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
      4. Pal Zefi, me vdekje pushkatim, me konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
      5. Dashnor Kazazin, 6. Luan Burimin, 7. Syrja Lamen, 8. Sami Dangllin\u00eb, 9. Lush (Paulin) Vata, 10. Jorgo Pap\u00ebn, 11. Hodo Sokolin dhe 12. Luan Kok\u00ebn, me nga 25 (nj\u00ebzetepes\u00eb) vjet heqje t\u00eb liris\u00eb me konfiskimin e pasuris\u00eb s\u00eb pjes\u00ebs s\u00eb tyre dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n<\/ol>\n

        T\u00eb deklaroj\u00eb fajtor\u00eb t\u00eb gjith\u00eb t\u00eb pandehurit p\u00ebr krimin e agjitacionit e propagand\u00ebs kund\u00ebr pushtetit popullor q\u00eb ka sjell\u00eb pasoja ve\u00e7an\u00ebrisht t\u00eb r\u00ebnda dhe n\u00eb baz\u00eb t\u00eb nenit 73\/II t\u00eb K.Penal i d\u00ebnon:<\/p>\n

        Sk\u00ebnder Daj\u00ebn, Dervish Bejko, Hajri Pashai, Pal Zefi, Dashnor Kazazi, Luan Burimi, Syrja Lame, Sami Dang\u00eblliu, Lush (Paulin) Vat\u00ebn, Jorgo Pap\u00ebn, Hodo Sokolin dhe Luan Kok\u00ebn me nga 25 338<\/p>\n

        vjet heqje t\u00eb liris\u00eb, konfiskimin e pasuris\u00eb t\u00eb pjes\u00ebs s\u00eb tyre dhe me humbjen e s\u00eb drejt\u00ebs elektoralle p\u00ebr 5 vjet koh\u00eb.<\/p>\n

        T\u00eb deklaroj\u00eb fajtor\u00eb t\u00eb pandehurit Sk\u00ebnder Daja, Dervish Bejko, Dashnor Kazazin dhe Jorgo Pap\u00ebn, p\u00ebr krimin e terrorit dhe n\u00eb baz\u00eb t\u00eb nenit 67 \u2013 10 t\u00eb K.P. i d\u00ebnon:<\/p>\n

        Sk\u00ebnder Daj\u00ebn me vdekje pushkatim, konfiskimin e pasuris\u00eb t\u00eb pjes\u00ebs s\u00eb tija dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/p>\n

        Dervish Bejkon, me vdekje pushkatim, me konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/p>\n

        Dashnor Kazazin dhe Jorgo Pap\u00ebn me nga 25 (nj\u00ebzetepes\u00eb) vjet heqje t\u00eb liris\u00eb, konfiskimin e pasuris\u00eb t\u00eb pjes\u00ebs s\u00eb tyre dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/p>\n

        N\u00eb baz\u00eb t\u00eb nenit 48 t\u00eb K.P. p\u00ebr t\u00eb gjith\u00eb t\u00eb pandehurit, p\u00ebr bashkim krimesh, i d\u00ebnon:<\/p>\n

          \n
        1. Sk\u00ebnder Daj\u00ebn, me vdekje pushkatim, konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
        2. Dervish Bejko, me vdekje pushkatim, konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
        3. Hajri Pashaj, me vdekje pushkatim, konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
        4. Pal Zefi, me vdekje pushkatim, konfiskimin e pasuris\u00eb s\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet\u00eb koh\u00eb.<\/li>\n
        5. Dashnor Kazazin, 6. Luan Burimin, 7. Syrja Lamen, 8. Sami Dangllin\u00eb, (Paulin) Lush Vata, 10. Jorgo Pap\u00ebn, 11. Hodo Sokolin, 12. Luan Kok\u00ebn me nga 25 (nj\u00ebzetepes\u00eb) vjet heqje t\u00eb liris\u00eb, konfiskimin e pasuris\u00eb s\u00eb pjes\u00ebs s\u00eb tyre dhe humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n<\/ol>\n

          P\u00ebrfundimisht, n\u00eb baz\u00eb t\u00eb nenit 49 t\u00eb K.P. p\u00ebr bashkim d\u00ebnimesh, i d\u00ebnon:<\/p>\n

            \n
          1. Sk\u00ebnder Daj\u00ebn, me vdekje pushkatim, konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
          2. Dervish Bejkon, me vdekje pushkatim, konfiskimin e pasuris\u00eb s\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n
          3. Hajri Pashain, me vdekje pushkatim, konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.339<\/li>\n
          4. Pal Zefi, me vdekje pushkatim, konfiskimin e pasuris\u00eb t\u00eb pjes\u00ebs s\u00eb tij dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/li>\n<\/ol>\n

            Dashnor Kazazi, Luan Burimi, Syrja Lame, Sami Dangllin\u00eb Lush (Paulin) Vat\u00ebn, Jorgo Pap\u00ebn, Hodo Sokolin dhe Luan Kok\u00ebn, me nga 25 (nj\u00ebzetepes\u00eb) vjet t\u00eb heqje t\u00eb liris\u00eb dhe konfiskimin e pasuris\u00eb t\u00eb pjes\u00ebs tyre dhe me humbjen e s\u00eb drejt\u00ebs elektorale p\u00ebr 5 vjet koh\u00eb.<\/p>\n

            P\u00ebr t\u00eb pandehurit e d\u00ebnuar me heqje t\u00eb liris\u00eb, vuajtja e d\u00ebnimit fillon nga data 24 maj 1973.<\/p>\n

            Ky vendim \u00ebsht\u00eb i form\u00ebs s\u00eb prer\u00eb.<\/p>\n

            Vendimi nuk mund t\u00eb vihet n\u00eb ekzekutim p\u00ebr t\u00eb pandehurit Sk\u00ebnder Daja, Dervish Bejko, Hajri Pashaj dhe Pal Zefi, deri sa t\u00eb kthehet p\u00ebrgjigja nga Presidiumi i Kuv\u00ebndit Popullor p\u00ebr faljen e jet\u00ebs.<\/p>\n

            U shpall n\u00eb Spa\u00e7, sot m\u00eb dat\u00ebn 24.5.1973<\/p>\n

            Nd. Gjyqtari Nd. Gjyqtari K r y e t a r i<\/p>\n

            \/Ymer Aliko\/ \/Mitat Goskova\/ \/Hilmi Telegrafi\/<\/p>\n","protected":false},"excerpt":{"rendered":"

            Nga Bedri BLLOSHMI Revolta e Spa\u00e7it nisi n\u00eb dat\u00ebn 21 maj 1973 dhe zgjati tre dit\u00eb dhe konsiderohet si nj\u00eb nga ngjarjet m\u00eb t\u00eb r\u00ebnda n\u00eb diktatur\u00eb. Revolta e Spa\u00e7it ishte mir\u00ebfilli politike dhe do t\u00eb thyente p\u00ebr her\u00eb t\u00eb par\u00eb hekurat pas vitit \u201945, por q\u00eb pati nj\u00eb fund tragjik me kat\u00ebr t\u00eb ekzekutuar, …<\/p>\n","protected":false},"author":4,"featured_media":143497,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-143496","post","type-post","status-publish","format-standard","has-post-thumbnail","","category-politike"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/143496","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=143496"}],"version-history":[{"count":3,"href":"https:\/\/rdnews.al\/index.php\/wp-json\/wp\/v2\/posts\/143496\/revisions"}],"predecessor-version":[{"id":143500,"href":"https:\/\/rdnews.al\/index.php\/wp-json\/wp\/v2\/posts\/143496\/revisions\/143500"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/143497"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=143496"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=143496"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=143496"}],"curies":[{"name":"wp","href":"https:\/\/api.w.org\/{rel}","templated":true}]}}