{"id":144871,"date":"2026-06-08T08:36:17","date_gmt":"2026-06-08T08:36:17","guid":{"rendered":"https:\/\/rdnews.al\/?p=144871"},"modified":"2026-06-08T08:36:17","modified_gmt":"2026-06-08T08:36:17","slug":"cfare-e-ka-shfazuar-edi-ramen","status":"publish","type":"post","link":"https:\/\/rdnews.al\/index.php\/2026\/06\/08\/cfare-e-ka-shfazuar-edi-ramen\/","title":{"rendered":"\u00c7far\u00eb e ka shfazuar Edi Ram\u00ebn"},"content":{"rendered":"<p><strong>Nga Andi Bushati<\/strong><\/p>\n<p>Nuk ka m\u00ebnyr\u00eb m\u00eb t\u00eb mir\u00eb p\u00ebr t\u00eb matur efektin e nj\u00eb proteste qytetare sesa ta shikosh at\u00eb p\u00ebrmes reagimit t\u00eb atij kund\u00ebr t\u00eb cilit ajo adresohet. Revolucioni i flamingove e ka hutuar, shfazuar, \u00e7orientuar Edi Ram\u00ebn.<\/p>\n<p>N\u00eb fillim, kur n\u00eb shesh ishin ende pak njer\u00ebz, ai b\u00ebri tolerantin duke pyetur n\u00ebse duhet ta t\u00ebrhiqte projektin, apo n\u00ebse ndoshta duhej t\u00eb dor\u00ebhiqej edhe vet\u00eb, p\u00ebr t\u2019u mbyllur n\u00eb Surrel. Pastaj i sfidoi protestuesit duke th\u00ebn\u00eb, se edhe gjys\u00ebm milioni po t\u00eb b\u00ebheshin, Sazani dhe Zv\u00ebrneci i takonte Ivanka Trump-it dhe Jared Kushnerit. N\u00eb dit\u00ebt e para t\u00eb jav\u00ebs, ai k\u00ebrkoi nj\u00eb p\u00ebrfaq\u00ebsi nga manifestuesit me t\u00eb cil\u00ebn t\u00eb dialogonte. Por pasi u refuzua me p\u00ebrbuzje tha se s\u2019kishte nd\u00ebrmend t\u00eb negocionte me ask\u00ebnd, pasi ai ishte mandatari i votave t\u00eb 800 mij\u00eb socialist\u00ebve, me t\u00eb cilat b\u00ebnte \u00e7\u2018t\u00eb donte.<\/p>\n<p>K\u00ebto pirueta, l\u00ebkundje humori dhe kjo munges\u00eb qet\u00ebsie shk\u00eblqeu n\u00eb gjith\u00eb mjerimin e saj pasi kryeministri u ul p\u00ebrpara laptopit t\u00eb vet, p\u00ebr t\u00eb hartuar nj\u00eb status t\u00eb gjat\u00eb, n\u00eb t\u00eb cilin akuzonte CNN, mediat liberale bot\u00ebrore, nj\u00eb s\u00ebr\u00eb TV dhe gazetash t\u00eb m\u00ebdha, se po manipulonin realitetin e asaj q\u00eb po ndodh n\u00eb Shqip\u00ebri.<\/p>\n<p>Po ti rikthehesh atij teksti t\u00eb llahtarsh\u00ebm dallon me leht\u00ebsi se shkruesi i tij vuan nga paranoja, se pas shpin\u00ebs s\u00eb vet dikush po i organizon nj\u00eb pu\u00e7. Prandaj Rama b\u00ebn thirrje se ky konspiracion, q\u00eb synon t\u00eb shemb\u00eb \u201cdemokracin\u00eb\u201d aktuale, p\u00ebr ta z\u00ebvend\u00ebsuar at\u00eb me \u201cdemagog\u00eb, sharlatan\u00eb dhe tregtar\u00eb profesionist\u00eb t\u00eb zem\u00ebrimit\u201d, t\u00eb cil\u00ebt b\u00ebjn\u00eb thirrje p\u00ebr hakmarrje e deri p\u00ebr vdekjen e tij, duhet ndalur sa m\u00eb shpejt. N\u00ebse kjo nuk ndodh \u2013 paralajm\u00ebron ai \u2013 ky do t\u00eb ishte shembulli i nj\u00eb shoq\u00ebrie t\u00eb mposhtur nga fashizmi.<\/p>\n<p>Po \u00e7far\u00eb e detyron nj\u00eb burr\u00eb q\u00eb i ka kap\u00ebrcyer t\u00eb gjasht\u00ebdhjetat t\u00eb p\u00ebrdor\u00eb k\u00ebt\u00eb gjuh\u00eb kund\u00ebr nj\u00eb brezi 20 vje\u00e7ar\u00ebsh t\u00eb cil\u00ebve u duket, p\u00ebrve\u00e7se i korruptuar edhe demode dhe \u201ci marum\u201d? \u00c7far\u00eb e ysht at\u00eb t\u00eb faj\u00ebsoj\u00eb mediat m\u00eb prestigjoze t\u00eb bot\u00ebs, CNN, New York Times, The Guardian, Der Spiegel, Le Monde p\u00ebr \u201cfake news-e\u201d q\u00eb p\u00ebrmbysin nj\u00eb rend demokratik? A mos vall\u00eb u \u00e7mend deri n\u00eb at\u00eb pik\u00eb sa kazanin e famsh\u00ebm t\u00eb Shqip\u00ebris\u00eb ta eksportoj\u00eb n\u00eb Atlanta?<\/p>\n<p>N\u00eb fakt, e gjith\u00eb trullosja e tij e ka nj\u00eb shpjegim. Ajo vjen nga frika e d\u00ebshtimit t\u00eb nj\u00eb prej makinacioneve m\u00eb diabolike q\u00eb m\u00ebndja e tij kishte kalkuluar.<\/p>\n<p>Ky plan filloi t\u00eb zbatohet kur ai e nuhati q\u00eb Donald Trump mund t\u00eb kthehej n\u00eb sht\u00ebpin\u00eb e bardh\u00eb. Pik\u00ebrisht n\u00eb k\u00ebt\u00eb periudh\u00eb, kur ai kuptoi se mb\u00ebshtetja e asministrat\u00ebs demokrate p\u00ebr t\u00eb shkat\u00ebrruar opozit\u00ebn dhe p\u00ebr ti lejuar sundimin personal mbi k\u00ebt\u00eb vend mund t\u00eb nd\u00ebrpritej, Rama tentoi mund\u00ebsin\u00eb e lidhjes me familjen Trump. Me deklarata zyrtare nga Afinity Partners e Jared Kushnerit, tashm\u00eb \u00ebsht\u00eb konfirmuar se propozimet p\u00ebr t\u00eb investuar n\u00eb Beograd dhe jug t\u00eb Shqip\u00ebris\u00eb atyre i kan\u00eb ardhur nga qeverit\u00eb e dy vendeve.<\/p>\n<p>Pra, historia nuk \u00ebsht\u00eb ajo e treguar n\u00eb podcastet promovuese t\u00eb Ivanka Trump-it q\u00eb notonte n\u00eb ujrat e kristalta t\u00eb Jonit dhe ngjiste e zbathur shtigjet e Sazanit. E v\u00ebrteta q\u00ebndron n\u00eb takimin e stisur n\u00eb jahtin e nj\u00eb miliarderi hebre q\u00eb vinte nga Korfuzi, n\u00eb joshjen e nj\u00eb diplomati q\u00eb mbante titullin e t\u00eb d\u00ebrguarit special n\u00eb Ballkan, n\u00eb caktimin e nj\u00eb oligarku shqiptar p\u00ebr ti\u2019u afruar sa m\u00eb shum\u00eb familjes Trump.<\/p>\n<p>Q\u00ebllimi p\u00ebr t\u00eb pasur nj\u00eb kanal lobimi sa m\u00eb pran\u00eb zyr\u00ebs ovale e yshti Edi Ram\u00ebn t\u00eb ofronte llokma t\u00eb \u00e7muara Shqip\u00ebrie, si Sazani dhe Zv\u00ebrneci. Pik\u00ebrisht p\u00ebr k\u00ebt\u00eb ai nuk e p\u00ebrfilli planin urbanistik t\u00eb Vlor\u00ebs, q\u00eb nuk parashikonte betonizim t\u00eb zon\u00ebs s\u00eb lagun\u00ebs s\u00eb Nart\u00ebs. Po p\u00ebr t\u00eb nj\u00ebjt\u00ebn arsye, 12 deputet\u00eb sharlatan\u00eb t\u00eb tij, k\u00ebrkuan dhe m\u00eb pas miratuan, ndryshimin e ligjit p\u00ebr zonat e mbrojtura, duke i hapur rrug\u00eb nd\u00ebrtimeve aty. Po p\u00ebr t\u00eb nj\u00ebjtat q\u00ebllime ajo perl\u00eb e natyr\u00ebs u rrethua s\u00eb fundi me tela me gjemba, u mor n\u00eb mbrojtje nga badigard\u00eb kriminel\u00eb dhe u rrafshua nga bultozer\u00ebt, n\u00eb baz\u00eb t\u00eb nj\u00eb leje zhvillimi t\u00eb l\u00ebshuar ende pa pasur projekt.<\/p>\n<p>Pra, bro\u00e7kullat me zhvillim turizmi elitar, me investime 4 miliardshe q\u00eb s\u2019figurojn\u00eb n\u00eb asnj\u00eb dokument, me sjelljen e markave prestigjoze n\u00eb bregtet, jan\u00eb legenll\u00ebqe kolonizator\u00ebsh q\u00eb donin ti g\u00ebnjenin indian\u00ebt autokton\u00eb me pasqyra.<\/p>\n<p>Q\u00ebllimi i vet\u00ebm qe blerja e nj\u00eb influence t\u00eb r\u00ebnd\u00ebsishme politike, p\u00ebrmes shk\u00ebmbimit me pasuri t\u00eb pa\u00e7mueshme t\u00eb vendit. Dhe pik\u00ebrisht n\u00eb momentin kur ky makinacion i komplikuar po kuror\u00ebzohej, filluan protestat n\u00eb Zv\u00ebrnec dhe vandal\u00ebt e trim\u00ebruar nga pushteti pa kontroll t\u00ebrhoq\u00ebn zvarr\u00eb nj\u00eb qytetar.<\/p>\n<p>A ishte vet\u00ebm ky episod q\u00eb i vuri benzin\u00eb zjarrit?<\/p>\n<p>Natyrisht q\u00eb jo. Pa qen\u00eb aspak idhtar i teorive kospiracioniste, me grek\u00eb q\u00eb duan t\u00eb bllokojn\u00eb zhvillimin, me rus\u00eb q\u00eb mbajn\u00eb an\u00ebn e Sebis\u00eb, apo me iranian\u00eb q\u00eb se durojn\u00eb dot servilizmin ton\u00eb ndaj SHBA-s\u00eb nj\u00eb fakt duhet pohuar. N\u00eb m\u00ebnyr\u00ebn m\u00eb t\u00eb habitshme t\u00eb mundshme ndezja e revolucionit t\u00eb flamingove ndodhi n\u00eb nj\u00eb simbioz\u00eb perfekte midis energjis\u00eb t\u00eb atyre t\u00eb rinjve q\u00eb ndiheshin t\u00eb vjedhur e t\u00eb n\u00ebp\u00ebrk\u00ebmbur dhe interesit t\u00eb mediave m\u00eb t\u00eb m\u00ebdha bot\u00ebrore, e fuqive q\u00eb q\u00ebndrojn\u00eb pas tyre, q\u00eb kan\u00eb si q\u00ebllim kryesor diskreditimin e presidenc\u00ebs Trump, si nj\u00eb nd\u00ebrmarrje q\u00eb p\u00ebrdor politik\u00ebn p\u00ebr tu pasuruar familjarisht.<\/p>\n<p>Nga ky bashkim u prodhua festa e bukur p\u00ebr \u201cShqip\u00ebrin\u00eb e re\u201d. E kjo shpjegon edhe faktin se pse kjo protest\u00eb me njer\u00ebz dinjitoz\u00eb, me slogane t\u00eb gjetura dhe me muzik\u00eb josh\u00ebse u p\u00ebrkrah kaq masivisht nga TV dhe gazetat m\u00eb t\u00eb m\u00ebdha t\u00eb bot\u00ebs, ndryshe nga ato n\u00eb Rijoll, te unaza e re, apo tek 5 maji. N\u00eb k\u00ebt\u00eb bashkim nuk ka asnj\u00eb konspiracion. Rinia e revoltuar shqiptare e ka me Ram\u00ebn. Ata q\u00eb mb\u00ebshtesin l\u00ebvizjen e saj kund\u00ebr futjes s\u00eb Jaredit dhe Ivank\u00ebs n\u00eb Zv\u00ebrnec, e kan\u00eb me Trumpin.<\/p>\n<p>Por edhe k\u00ebtu Edi Rama \u00ebsht\u00eb treguar i paaft\u00eb edhe drit\u00ebshkurt\u00ebr. At\u00eb q\u00eb mund t\u00eb ndodhte, ai duhet ta kishte parashikuar me koh\u00eb, q\u00eb at\u00ebhere kur b\u00ebri prov\u00ebn gjenerale t\u00eb nj\u00eb lobimi t\u00eb madh, duke dashur ti fal\u00eb sovranitet shqiptar Italis\u00eb, p\u00ebr t\u00eb p\u00ebrk\u00ebdhelur Giorgia Melonin. Ashtu si tani edhe n\u00eb at\u00eb rast ai v\u00ebrtet fitoi af\u00ebrsin\u00eb dhe mb\u00ebshtetjen e kryeministres italiane, por bashk\u00eb me t\u00eb ai u p\u00ebrball edhe me gjith\u00eb furin\u00eb e kund\u00ebrshtar\u00ebve t\u00eb saj. P\u00ebrk\u00ebledhja me Giorgian i kushtoi Ram\u00ebs nj\u00eb val\u00eb kritikash nga e majta e kontinentit, nj\u00eb seri artikujsh e reportazhesh kritike si ato t\u00eb RAI 3 dhe etiketimin p\u00ebr her\u00eb t\u00eb par\u00eb t\u00eb mbret\u00ebrimit t\u00eb tij si narkoregjim.<\/p>\n<p>Pra, kostoja e k\u00ebsaj tentative p\u00ebr lobim ishte shum\u00eb e madhe. Por, Edi Rama e shp\u00ebrfilli, apo s\u2019deshi ta d\u00ebgjoj\u00eb k\u00ebt\u00eb alarm. Dhe kur ai synoi m\u00eb lart, p\u00ebr t\u00eb vajtur deri af\u00ebr Sht\u00ebpis\u00eb s\u00eb Bardh\u00eb, p\u00ebmes vajz\u00ebs dhe dh\u00ebndrit t\u00eb Trump, goditja do kishte t\u00eb njejtin kah, por p\u00ebrmasat do t\u00eb qen\u00eb t\u00eb tjera. Ekuilibri i forcave n\u00eb nj\u00eb shoq\u00ebri t\u00eb lir\u00eb \u00ebsht\u00eb pik\u00ebrisht ky: sa m\u00eb i madh makinacioni dhe tentativa p\u00ebr manipulim, aq m\u00eb t\u00eb vrullshme b\u00ebhen forcat q\u00eb i kund\u00ebrshtojn\u00eb ato.<\/p>\n<p>Asnj\u00eb paranoj\u00eb, asnj\u00eb konspiracion nuk q\u00ebndron p\u00ebrtjej k\u00ebsaj fabule q\u00eb \u00ebsht\u00eb e mjaftueshme p\u00ebr t\u00eb shpjegiar mb\u00ebshtetjen nd\u00ebrkomb\u00ebtare q\u00eb po merr revolucioni i flamingove. Thell\u00eb thell\u00eb edhe Edi Rama e di k\u00ebt\u00eb.<\/p>\n<p>Por, sa nga ankthi i d\u00ebshtimit t\u00eb projektit m\u00eb t\u00eb madh t\u00eb lobingut q\u00eb ka inxhinjeruar n\u00eb jet\u00ebn e tij, po aq dhe nga emocioni se brenda nat\u00ebs u shnd\u00ebrrua nga idhulli i shtypit liberal nd\u00ebrkomb\u00ebtar, ne delen e zez\u00eb t\u00eb mediave bot\u00ebrore, ai nuk po e merr dot veten.<\/p>\n<p>Prandaj, n\u00eb statusin e tij t\u00eb st\u00ebrgjat\u00eb kund\u00ebr CNN dhe t\u00eb tjer\u00ebve pyeste i \u00e7merritur se si ka mund\u00ebsi q\u00eb \u201cnj\u00eb protest\u00eb lokale t\u00eb shnd\u00ebrrohej n\u00eb spektak\u00ebl global\u201d. Ndoshta kur t\u00eb qet\u00ebsohet, kur krizat e azm\u00ebs ti kthejn\u00eb frym\u00ebmarrjen, kur arsyeja ti\u2019a mpsht\u00eb ankthin do ta kuptoj\u00eb se gjith\u00e7ka po ndodh \u00ebsht\u00eb leht\u00ebsisht e kuptueshme. Se n\u00eb gjenez\u00eb \u00ebsht\u00eb ai q\u00eb vuri bast p\u00ebr t\u00eb luajtur pa rregulla n\u00eb tryez\u00ebn e t\u00eb m\u00ebdhenjve dhe tani po i kthehen pas kund\u00ebrgoditjet. Kaq e thjesht\u00eb \u00ebsht\u00eb dhe k\u00ebtu duhet k\u00ebrkuar arsyeja e vetme q\u00eb mediat e m\u00ebdha e gjet\u00ebn veten n\u00eb t\u00eb n\u00ebjt\u00ebn an\u00eb t\u00eb barikad\u00ebs me ata t\u00eb rinj t\u00eb panjohur q\u00eb b\u00ebrtasin rrug\u00ebve t\u00eb Shqip\u00ebris\u00eb: \u201cEdi Rama ka maru, ka maru, ka maru\u201d. \/Lapsi.al<\/p>\n","protected":false},"excerpt":{"rendered":"<p>Nga Andi Bushati Nuk ka m\u00ebnyr\u00eb m\u00eb t\u00eb mir\u00eb p\u00ebr t\u00eb matur efektin e nj\u00eb proteste qytetare sesa ta shikosh at\u00eb p\u00ebrmes reagimit t\u00eb atij kund\u00ebr t\u00eb cilit ajo adresohet. Revolucioni i flamingove e ka hutuar, shfazuar, \u00e7orientuar Edi Ram\u00ebn. N\u00eb fillim, kur n\u00eb shesh ishin ende pak njer\u00ebz, ai b\u00ebri tolerantin duke pyetur n\u00ebse &hellip;<\/p>\n","protected":false},"author":4,"featured_media":144872,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[44],"tags":[],"class_list":["post-144871","post","type-post","status-publish","format-standard","has-post-thumbnail","","category-editorial"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/144871","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=144871"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/144871\/revisions"}],"predecessor-version":[{"id":144873,"href":"https:\/\/rdnews.al\/index.php\/wp-json\/wp\/v2\/posts\/144871\/revisions\/144873"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/144872"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=144871"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=144871"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=144871"}],"curies":[{"name":"wp","href":"https:\/\/api.w.org\/{rel}","templated":true}]}}