{"id":147108,"date":"2026-06-30T11:35:38","date_gmt":"2026-06-30T11:35:38","guid":{"rendered":"https:\/\/rdnews.al\/?p=147108"},"modified":"2026-06-30T11:35:38","modified_gmt":"2026-06-30T11:35:38","slug":"mbeshtetje-pa-kushte-per-protesten-qytetare","status":"publish","type":"post","link":"https:\/\/rdnews.al\/index.php\/2026\/06\/30\/mbeshtetje-pa-kushte-per-protesten-qytetare\/","title":{"rendered":"Mb\u00ebshtetje pa kushte p\u00ebr protest\u00ebn qytetare…"},"content":{"rendered":"

Nga Bujar Leskaj<\/strong><\/em><\/p>\n

T\u00eb dashur deputet\u00eb,
\nUn\u00eb mendoj se ne po fokusohemi gabim n\u00eb diskutimet tona. Tem\u00eb dhe kryetem\u00eb, fjal\u00eb dhe kryefjal\u00eb e diskutimeve tona duhet t\u00eb jet\u00eb diskutimi i k\u00ebrkesave t\u00eb drejta t\u00eb protestuesve qytetar\u00eb. Ne, prandaj, jemi deputet\u00eb t\u00eb Kuvendit t\u00eb Shqip\u00ebris\u00eb; t\u00eb gjitha detyrimet i kemi p\u00ebr qytetar\u00ebt shqiptar\u00eb, si dhe Shqip\u00ebria \u00ebsht\u00eb republik\u00eb parlamentare.
\nPo ju citoj, duke ju sjell\u00eb n\u00eb v\u00ebmendje, nenin 2: sovraniteti i p\u00ebrket popullit dhe populli \u00ebsht\u00eb n\u00eb protest\u00eb. Pika 2: sovraniteti ushtrohet n\u00ebp\u00ebrmjet p\u00ebrfaq\u00ebsuesve t\u00eb tij, q\u00eb jemi ne deputet\u00ebt, ose drejtp\u00ebrdrejt. N\u00eb k\u00ebto 30 dit\u00eb, populli ka zgjedhur q\u00eb, n\u00eb m\u00ebnyr\u00eb t\u00eb hapur, n\u00eb m\u00ebnyr\u00eb deklarative, n\u00eb m\u00ebnyr\u00eb qytetare, ta ushtroj\u00eb sovranitetin drejtp\u00ebrdrejt.
\nDetyrimet e deputetit, neni 7, pika 1: deputeti p\u00ebrfaq\u00ebson popullin dhe nuk lidhet me asnj\u00eb mandat detyrues; nuk mban p\u00ebrgjegj\u00ebsi p\u00ebr mendimet e shprehura dhe votat e dh\u00ebna prej tij. Prandaj jan\u00eb parashikuar n\u00eb Kushtetut\u00eb q\u00eb ne, si deputet\u00eb, p\u00ebrfaq\u00ebsues t\u00eb popullit, t\u00eb diskutojm\u00eb p\u00ebr ato q\u00eb k\u00ebrkon populli.
\n\u00c7far\u00eb po k\u00ebrkon populli dhe si duhet t\u00eb veprojm\u00eb ne si Kuvend?
\nK\u00ebrkesat e protestuesve jan\u00eb k\u00ebrkesa q\u00eb meritojn\u00eb mendimin ton\u00eb, duke filluar nga k\u00ebrkesa e par\u00eb: dor\u00ebheqja e menj\u00ebhershme e Kryeministrit, qeveri teknike dhe kat\u00ebr k\u00ebrkesat p\u00ebr shfuqizimin e ligjeve.
\nNe, t\u00eb dashur deputet\u00eb, duhet t’i diskutojm\u00eb. N\u00eb momentin q\u00eb nuk i diskutojm\u00eb, nuk ka asnj\u00eb kuptim.
\nNe k\u00ebto mund t’i diskutojm\u00eb n\u00ebp\u00ebrmjet debatit t\u00eb hapur n\u00eb Kuvend; mund t\u00eb ftojm\u00eb edhe ekspert\u00ebt, edhe ata ekspert\u00eb q\u00eb mb\u00ebshtesin Partin\u00eb Socialiste n\u00eb pushtet, por edhe ata 122 akademik\u00eb, shumica e t\u00eb cil\u00ebve jan\u00eb t\u00eb rinj, t\u00eb cil\u00ebt para dy jav\u00ebsh kan\u00eb p\u00ebrcjell\u00eb mb\u00ebshtetjen e tyre t\u00eb hapur p\u00ebr protest\u00ebn.
\nNe duhet t\u00eb ngrem\u00eb nj\u00eb komision t\u00eb posa\u00e7\u00ebm hetimor p\u00ebr k\u00ebrkesat q\u00eb k\u00ebrkojn\u00eb protestuesit. Duhet t\u00eb b\u00ebjm\u00eb pezullim t\u00eb p\u00ebrkohsh\u00ebm t\u00eb ligjeve t\u00eb kontestuara dhe, gradualisht, t\u00eb hartojm\u00eb amendamente t\u00eb reja e t’i miratojm\u00eb, n\u00eb p\u00ebrputhje me k\u00ebrkesat e qytetar\u00ebve protestues. P\u00ebrndryshe, me k\u00ebt\u00eb refraktariz\u00ebm q\u00eb po tregoni ju si mazhoranc\u00eb socialiste, do t\u00eb zhvler\u00ebsoni totalisht vetveten, nocionin dhe konceptin e Kuvendit, t\u00eb Republik\u00ebs Parlamentare t\u00eb Shqip\u00ebris\u00eb, nenin q\u00eb citova, nenin 2 dhe nenin 7 t\u00eb Kushtetut\u00ebs.
\nJan\u00eb pes\u00eb ligje q\u00eb protestuesit i kan\u00eb kontestuar (Paketa e Maleve, ligji p\u00ebr trash\u00ebgimin\u00eb kulturore, ligji p\u00ebr investimet strategjike, ligji p\u00ebr zonat e mbrojtura). Kur k\u00ebto ligje k\u00ebrkohen p\u00ebr t’u shfuqizuar apo rishikuar, ne duhet t’i rishikojm\u00eb, t’i diskutojm\u00eb, si deputet\u00eb t\u00eb Kuvendit t\u00eb Shqip\u00ebris\u00eb, si p\u00ebrfaq\u00ebsues t\u00eb qytetar\u00ebve.
\nNes\u00ebr, n\u00eb or\u00ebn 11:00, ju ftoj t\u00eb vini n\u00eb promovimin e librit t\u00eb studiuesit Ndri\u00e7im Kulla: \u201cTirania e buz\u00ebqeshjes- nj\u00eb portret politik dhe psikologjik i Edi Ram\u00ebs.\u201d
\nJu duhet t\u00eb m\u00ebsoni se si Enver Hoxha ua b\u00ebri nga Ko\u00e7i Xoxe te Kadri Hazbiu; po vjen edhe koha juaj n\u00eb raport me Ram\u00ebn.<\/p>\n