{"id":150314,"date":"2026-08-04T16:48:46","date_gmt":"2026-08-04T16:48:46","guid":{"rendered":"https:\/\/rdnews.al\/?p=150314"},"modified":"2026-08-04T16:48:46","modified_gmt":"2026-08-04T16:48:46","slug":"beteje-per-zonat-e-mbrojtura-apo-zonat-e-mbetura","status":"publish","type":"post","link":"https:\/\/rdnews.al\/index.php\/2026\/08\/04\/beteje-per-zonat-e-mbrojtura-apo-zonat-e-mbetura\/","title":{"rendered":"Betej\u00eb p\u00ebr zonat e mbrojtura apo zonat e mbetura?"},"content":{"rendered":"

A po kthehen zonat m\u00eb t\u00eb mbrojtura t\u00eb Shqip\u00ebris\u00eb n\u00eb hap\u00ebsirat e saj m\u00eb t\u00eb cenuara?<\/strong><\/em><\/p>\n

Mbrojtja e natyr\u00ebs po p\u00ebrplaset hapur me pretendimet p\u00ebr zhvillim ekonomik, duke e shnd\u00ebrruar debatin p\u00ebr zonat e mbrojtura n\u00eb nj\u00eb nga testet m\u00eb serioze t\u00eb Shqip\u00ebris\u00eb drejt Bashkimit Evropian.<\/p>\n

Nd\u00ebrsa qeveria deklaron p\u00ebrparim n\u00eb negociatat e an\u00ebtar\u00ebsimit n\u00eb BE, debati mbi fatin e zonave t\u00eb mbrojtura \u00ebsht\u00eb kthyer n\u00eb nj\u00eb sprov\u00eb ky\u00e7e t\u00eb besueshm\u00ebris\u00eb politike t\u00eb vendit. Amendamentet e kontestuara t\u00eb shkurtit 2024 p\u00ebr Zonat e Mbrojtura kan\u00eb ndezur dritat \u201ce kuqe\u201d (red flags) n\u00eb Bruksel.<\/p>\n

N\u00eb nj\u00eb reagim t\u00eb prer\u00eb, Parlamenti Evropian i k\u00ebrkoi s\u00eb fundmi autoriteteve shqiptare p\u00ebrmes nj\u00eb\u00a0rezolute\u00a0\u201cvendosjen e menj\u00ebhershme t\u00eb nj\u00eb moratoriumi mbi t\u00eb gjitha lejet e reja dhe punimet nd\u00ebrtimore brenda zonave t\u00eb mbrojtura, derisa t\u00eb shfuqizohen amendamentet e vitit 2024\u201d.<\/p>\n

Nd\u00ebrkaq nj\u00eb z\u00ebdh\u00ebn\u00ebs i Komisionit Evropian, n\u00eb p\u00ebrgjigje t\u00eb interesit t\u00eb Faktoje.al i kujton qeveris\u00eb shqiptare detyrimet p\u00ebr p\u00ebrmbylljen e negociatave p\u00ebr Kapitullin 27, dhe konfirmon se Komisioni po e monitoron nga af\u00ebr situat\u00ebn.<\/p>\n

\u201cKriteret p\u00ebrmbyll\u00ebse p\u00ebr Kapitullin 27 u vendos\u00ebn n\u00eb shtator 2025. Aty k\u00ebrkohet p\u00ebrafrim me legjislacionin e BE-s\u00eb (EU acquis) p\u00ebr mbrojtjen e natyr\u00ebs, shfuqizim i dispozitave t\u00eb pap\u00ebrputhshme t\u00eb miratuara p\u00ebrmes amendamenteve n\u00eb ligjin p\u00ebr zonat e mbrojtura, si dhe shfuqizimin e legjislacionit t\u00eb vitit 2015 p\u00ebr investimet strategjike\u201d,\u00a0<\/em>thot\u00eb\u00a0p\u00ebr Faktoje.al nj\u00eb Z\u00ebdh\u00ebn\u00ebs i Komisionit Evropian n\u00eb p\u00ebrgjigjen me shkrim.<\/p>\n

\"\"
Foto nga Pishe Poro-Narte (Atdhe Mulla\/Faktoje)<\/figcaption><\/figure>\n

P\u00ebrballja<\/strong><\/p>\n

Megjithat\u00eb, p\u00ebrball\u00eb shqet\u00ebsimeve nga Brukseli, autoritetet n\u00eb Tiran\u00eb thon\u00eb se pretendimet e kritik\u00ebve nuk bazohen n\u00eb fakte ligjore. N\u00eb nj\u00eb p\u00ebrgjigje zyrtare p\u00ebr Faktoje.al, Agjencia p\u00ebr Media dhe Informim (MIA) e zbeh pesh\u00ebn e k\u00ebtyre shqet\u00ebsimeve, dhe nga ana tjet\u00ebr thot\u00eb se sidoqoft\u00eb ligji n\u00eb fjal\u00eb do t\u00eb p\u00ebrputhet 100% me direktiv\u00ebn si pjes\u00eb e kalendarit t\u00eb miratuar me Komisionin Evropian.<\/p>\n

\u201cRezolutat e Parlamentit Evropian nuk jan\u00eb detyruese p\u00ebr asnj\u00eb shtet an\u00ebtar apo jo an\u00ebtar, nd\u00ebrkoh\u00eb q\u00eb kush k\u00ebrkon shfuqizimin e amendamenteve t\u00eb vitit 2024 nuk ka sjell\u00eb asnj\u00eb prov\u00eb se ato bien ndesh me direktiv\u00ebn evropiane\u201d<\/em>\u00a0,\u00a0thuhet\u00a0n\u00eb p\u00ebrgjigjen e Agjencis\u00eb p\u00ebr Media dhe Informim.<\/p>\n

Opozita<\/strong><\/p>\n

Por Jorida Tabaku, deputete e opozit\u00ebs dhe Kryetare e K\u00ebshillit Komb\u00ebtar t\u00eb Integrimit, ka nj\u00eb qasje tjet\u00ebr dhe \u00ebsht\u00eb mjaft kritike.<\/p>\n

\u201c\u00cbsht\u00eb e v\u00ebrtet\u00eb q\u00eb rezoluta e PE-s\u00eb nuk \u00ebsht\u00eb drejtp\u00ebrdrejt detyruese p\u00ebr parlamentin shqiptar, por ajo \u00ebsht\u00eb sugjeruese n\u00eb momentin kur merren vendime nga Parlamenti Evropian p\u00ebr Shqip\u00ebrin\u00eb. Pra, edhe pse jo drejtp\u00ebrdrejt, ajo b\u00ebn ciklin e saj dhe kthehet n\u00eb detyruese p\u00ebr vendin ton\u00eb\u201d<\/em>, argumenton Zonja Tabaku.<\/p>\n

\"\"
Foto nga Zverneci (Atdhe Mulla\/Faktoje)<\/figcaption><\/figure>\n

Kuadri ligjor dhe VKM-t\u00eb nd\u00ebr vite<\/strong><\/p>\n

Ndryshimet e vitit 2024 n\u00eb Ligjin p\u00ebr Zonat e Mbrojtura nuk ishin nj\u00eb incident i izoluar, por vazhd\u00eb e nj\u00eb politike qeveritare 10-vje\u00e7are q\u00eb e sheh territorin e zonave t\u00eb mbrojtura si resurs p\u00ebr zhvillimin e turizmit. Kjo rrug\u00eb nisi me miratimin e Ligjit p\u00ebr Investimet Strategjike nj\u00eb dekad\u00eb m\u00eb par\u00eb (me afat fillestar 3-vje\u00e7ar, por i shtyr\u00eb vazhdimisht deri n\u00eb fund t\u00eb k\u00ebtij viti) me synimin e qeveris\u00eb p\u00ebr t\u00eb forcuar turizmin elitar n\u00eb bregdet, pasuar me disa VKM q\u00eb prekin kufijt\u00eb e zonave t\u00eb mbrojtura.<\/p>\n

Eksperti i mjedisit Olsi Nika atakon tre vendime, at\u00eb p\u00ebr Parqet Komb\u00ebtare (Kategoria II) n\u00eb vitin 2022 q\u00eb konkludoi n\u00eb rishikimin e p\u00ebrgjithsh\u00ebm t\u00eb kufijve t\u00eb t\u00eb gjitha Parqeve Komb\u00ebtare n\u00eb Shqip\u00ebri. Ai thot\u00eb se sip\u00ebrfaqeve t\u00eb t\u00ebra brenda zonave t\u00eb mbrojtura iu hoq regjimi i mbrojtjes.<\/p>\n

Nj\u00eb tjet\u00ebr vendim, si\u00e7 thot\u00eb z. Nika, klasifikoi si Rezervate Natyrore t\u00eb Menaxhuara edhe ato zona t\u00eb mbrojtura q\u00eb m\u00eb par\u00eb g\u00ebzonin statusin e Rezervatit Strikt Natyror (Kategoria I), i pasuar me nj\u00eb nga vendimet m\u00eb t\u00eb debatuara at\u00eb p\u00ebr Peizazhin e Mbrojtur Pish\u00eb Poro Nart\u00eb t\u00eb vitit 2024. Eksperti i mjedisit thot\u00eb se ky\u00a0vendim,<\/a>\u00a0prek nj\u00eb nga ligatinat m\u00eb t\u00eb r\u00ebnd\u00ebsishme t\u00eb Mesdheut dhe rrug\u00ebn kryesore t\u00eb shtegtimit t\u00eb shpend\u00ebve (p\u00ebrfshir\u00eb flamingot e pelikan\u00ebt).<\/p>\n

\u201cAi rishikon kufijt\u00eb e Peizazhit t\u00eb Mbrojtur Vjos\u00eb-Nart\u00eb dhe Pish\u00eb Poro, dhe zonimin e saj t\u00eb brendsh\u00ebm\u201d,<\/em>\u00a0argumenton eksperti Nika.<\/p>\n

\u201cT\u00eb tria k\u00ebto vendime ne i kemi sfiduar n\u00eb rrug\u00eb ligjore duke i adresuar n\u00eb Gjykat\u00ebn Administrative t\u00eb Apelit. Proceset jan\u00eb ende n\u00eb vijim. Kur proceset filluan t\u00eb b\u00ebheshin interesante, qeveria e ndjeu rrezikun dhe p\u00ebrdori parlamentin p\u00ebr t\u00eb noterizuar aktin e fundit: Ligjin p\u00ebr Zonat e Mbrojtura. Ky ligj legjitimon zhvillimet intensive t\u00eb natyr\u00ebs urbane brenda zonave t\u00eb mbrojtura\u201d,<\/em>\u00a0 thot\u00eb p\u00ebr Faktoje.al Olsi Nika, Drejtor Ekzekutiv i \u201cEcoAlbania\u201d.<\/p>\n

\"\"\u00a0\"\"<\/p>\n

Q\u00ebndrimi zyrtar i autoriteteve<\/strong>\"\"<\/p>\n

Por nga ana tjet\u00ebr, n\u00eb nj\u00eb p\u00ebrgjigje sqaruese t\u00eb posa\u00e7me me\u00a0shkrim\u00a0p\u00ebr Faktoje.al, Agjencia e Medias p\u00ebr Informim, i\u00a0argumentoi k\u00ebto vendime\u00a0\u201cme nevoj\u00ebn e modernizimit t\u00eb rrjetit t\u00eb zonave t\u00eb mbrojtura sipas standardeve t\u00eb BE dhe t\u00eb IUCN-s\u00eb, International Union for Conservation of Nature) duke reflektuar njohurit\u00eb m\u00eb t\u00eb fundit shkencore dhe realitetin n\u00eb terren\u201d.<\/em><\/p>\n

P\u00ebr autoritetet shqiptare \u2013\u00a0\u201cn\u00eb praktik\u00eb, zonat e mbrojtura shqiptare ishin krijuar n\u00eb periudha t\u00eb ndryshme, me kritere jo gjithmon\u00eb t\u00eb nj\u00ebjta dhe me kufij q\u00eb n\u00eb shum\u00eb raste nuk pasqyronin habitatet natyrore apo nj\u00ebsit\u00eb ekologjike\u201d.<\/em><\/p>\n

N\u00eb p\u00ebrgjigje\u00a0sqarohet\u00a0se\u00a0\u201cP\u00ebr k\u00ebt\u00eb arsye u krye nj\u00eb proces rishikimi, ku: u harmonizuan kategorit\u00eb e mbrojtjes me klasifikimin nd\u00ebrkomb\u00ebtar t\u00eb IUCN (International Union for Conservation of Nature) u korrigjuan kufijt\u00eb p\u00ebr t\u00eb ndjekur m\u00eb mir\u00eb kufijt\u00eb ekologjik\u00eb dhe jo vet\u00ebm administrativ\u00eb, u eliminuan mbivendosjet dhe pasakt\u00ebsit\u00eb e krijuara nd\u00ebr vite si dhe u p\u00ebrfshin\u00eb sip\u00ebrfaqe t\u00eb reja me vlera t\u00eb larta natyrore duke i \u00e7uar n\u00eb 22% k\u00ebto sip\u00ebrfaqe\u201d.<\/em><\/p>\n

K\u00ebto ndryshime sipas zyrtar\u00ebve ishin produkte t\u00eb nj\u00eb studimi komb\u00ebtar i kryer nga Shoqata Komb\u00ebtare e Parqeve t\u00eb Shqip\u00ebris\u00eb me mb\u00ebshtetjen financiare t\u00eb Agjencis\u00eb Komb\u00ebtare t\u00eb Zonave t\u00eb Mbrojtura dhe Ministris\u00eb s\u00eb Turizmit dhe Mjedisit.<\/p>\n

Q\u00ebndrimet mbi ndryshimet n\u00eb Ligjin p\u00ebr zonat e mbrojtura<\/strong><\/p>\n

\"\"
Foto nga Butrinti<\/figcaption><\/figure>\n

Drafti fillestar i nj\u00eb grupi deputet\u00ebsh t\u00eb PS mb\u00ebshtetur edhe n\u00eb k\u00ebrkesa t\u00eb disa bashkive u konsultua sipas ekspert\u00ebve edhe me grupet e interesit, por me keqardhje ata thon\u00eb se parlamenti miratoi n\u00eb shkurt t\u00eb vitit 2024 draftin q\u00eb reflektoi m\u00eb s\u00eb shumti nd\u00ebrhyrjet e Qeveris\u00eb dhe t\u00eb Ministris\u00eb s\u00eb Turizmit, t\u00eb pakonsultuara me k\u00ebto grupe.<\/p>\n

Ligjv\u00ebn\u00ebs t\u00eb shumic\u00ebs qeveris\u00ebse n\u00eb at\u00eb koh\u00eb mbrojt\u00ebn iden\u00eb se ligji nuk do t\u00eb lejonte \u201cnd\u00ebrtime pa kriter\u201d apo masive, por vet\u00ebm struktura ekologjike t\u00eb turizmit t\u00eb nivelit t\u00eb lart\u00eb (resorte me 5 yje), me argumentin se, turizmi elitar sjell t\u00eb ardhura t\u00eb m\u00ebdha p\u00ebr shtetin dhe nuk d\u00ebmton mjedisin sa turizmi masiv popullor.<\/p>\n

Por argumentet e opozit\u00ebs dhe organizatave mjedisore jan\u00eb kryek\u00ebput t\u00eb kund\u00ebrta, duke e cil\u00ebsuar at\u00eb nj\u00eb ligj ogurzi p\u00ebr mjedisin, ekosistemet komb\u00ebtare dhe biodiversitetin.<\/p>\n

Jorida Tabaku ve\u00e7on disa problematika t\u00eb ligjit p\u00ebr Zonat e Mbrojtura nd\u00ebrsa argumenton dhe iden\u00eb e shfuqizimit t\u00eb Ligjit p\u00ebr Investimet Strategjike, k\u00ebrkes\u00eb e Komisionit Evropian. T\u00eb dyja k\u00ebto ligje, thot\u00eb ajo, nd\u00ebrthuren me nj\u00ebra tjetr\u00ebn n\u00eb d\u00ebm t\u00eb mjedisit dhe tregut t\u00eb lir\u00eb.<\/p>\n

\u201cNdryshimet e vitit 2024 n\u00eb Ligjin p\u00ebr Zonat e mbrojtura i hapin rrug\u00ebn nj\u00eb p\u00ebrqindje t\u00eb caktuar nd\u00ebrtimesh (20% deri n\u00eb 40%) n\u00eb k\u00ebto zona. Ligji centralizon kompetencat, heq disa p\u00ebrgjegj\u00ebsi nga pushteti lokal dhe ia kalon ato K\u00ebshillit Komb\u00ebtar t\u00eb Territorit (KKT).<\/em><\/p>\n

Gjithashtu, Ligji p\u00ebr Investimet Strategjike duhet anuluar sepse ndan asete publike pa gar\u00eb dhe pa konkurrenc\u00eb t\u00eb lir\u00eb (jep favore dhe heq taksa) duke cenuar tregun e lir\u00eb. N\u00ebse deri dje investimet strategjike nuk lejoheshin n\u00eb zona t\u00eb mbrojtura, tashm\u00eb ato lejohen\u201d,<\/em>\u00a0shprehet Jorida Tabaku.<\/p>\n

E nd\u00ebrsa Kryeministri Edi Rama \u00ebsht\u00eb zotuar n\u00eb Bruksel se Ligji i Investimeve Strategjike do t\u00eb shfuqizohet, pasi si\u00e7 u shpreh ai, e ka kryer misionin, debati mbi ndryshimet e Ligjit p\u00ebr Zonat e mbrojtura duket se do t\u00eb vazhdoj\u00eb gjat\u00eb. Ekspert\u00ebt e mjedisit vijojn\u00eb t\u00eb jen\u00eb mjaft kritik\u00eb.<\/p>\n

\u201cPas amendimeve t\u00eb vitit 2024, ligji, pa \u00e7ka se titullohet \u2018Ligji p\u00ebr Zonat e Mbrojtura\u2019, n\u00eb fakt \u00ebsht\u00eb \u2018Ligji p\u00ebr Zonat e Mbetura\u2019. Mbrohen efektivisht vet\u00ebm ato zona q\u00eb kan\u00eb mbetur jasht\u00eb interesit momental t\u00eb ndonj\u00eb zhvilluesi apo investitori strategjik\u201d,<\/em>\u00a0argumenton Olsi Nika, ekspert mjedisi.<\/p>\n

Por n\u00eb argumentet shtjelluese p\u00ebr Faktoje.al Agjencia e Medias p\u00ebr Informim\u00a0thot\u00eb\u00a0se\u00a0\u201cNdryshimet e vitit 2024 nuk synojn\u00eb liberalizimin e pakontrolluar t\u00eb nd\u00ebrtimeve, por krijimin e nj\u00eb kuadri m\u00eb t\u00eb qart\u00eb ligjor p\u00ebr zhvillimin e aktiviteteve q\u00eb konsiderohen t\u00eb pajtueshme me objektivat e ruajtjes s\u00eb natyr\u00ebs\u201d<\/em>\u00a0duke i m\u00ebshuar faktit se\u00a0\u201cligji nuk krijon nj\u00eb t\u00eb drejt\u00eb automatike p\u00ebr t\u00eb nd\u00ebrtuar n\u00eb zonat e mbrojtura, pasi \u00e7do projekt duhet t\u00eb kaloj\u00eb filtra t\u00eb detyruesh\u00ebm si procedura e Vler\u00ebsimit t\u00eb Ndikimit n\u00eb Mjedis sipas rastit apo marrja e autorizimeve t\u00eb parashikuara n\u00eb legjislacion. Koncepti nuk \u00ebsht\u00eb \u2013 \u2018zhvillim n\u00eb d\u00ebm t\u00eb natyr\u00ebs\u2019,<\/em>\u00a0\u2013\u00a0por zhvillim i kontrolluar dhe i kusht\u00ebzuar, i ngjash\u00ebm me modelet q\u00eb ekzistojn\u00eb n\u00eb shum\u00eb shtete an\u00ebtare t\u00eb Bashkimit Evropian. K\u00ebto ndryshime nuk p\u00ebrjashtojn\u00eb asnj\u00eb nga garancit\u00eb procedurale t\u00eb k\u00ebrkuara nga e drejta evropiane\u201d,<\/em>\u00a0thuhet m\u00eb tej n\u00eb p\u00ebrgjigjen e Agjencis\u00eb p\u00ebr Media dhe Informim.<\/p>\n

Kund\u00ebrshtia\u00a0\u00a0<\/strong><\/p>\n

Por p\u00ebr nj\u00eb nga z\u00ebrat mbrojt\u00ebs t\u00eb turizmit, natyr\u00ebs dhe trash\u00ebgimis\u00eb kulturore, Auron Tare, asgj\u00eb nuk ka qen\u00eb e rast\u00ebsishme apo nj\u00eb rrjedh\u00eb brenda normalitetit:<\/p>\n

\u201cT\u00eb gjitha k\u00ebto ligje t\u00eb b\u00ebra me porosi tregojn\u00eb se qeveria gjat\u00eb k\u00ebtyre viteve ka miratuar kuad\u00ebr ligjor p\u00ebr q\u00ebllime t\u00eb caktuara. Ve\u00e7an\u00ebrisht \u2018Albania Files\u2019 tregon se ekziston nj\u00eb vizion i Kryeministrit, i caktuar p\u00ebr t\u2019i \u00e7uar p\u00ebrpara k\u00ebto projekte pa konsultim publik dhe pa plot\u00ebsuar detyrimet ligjore. T\u00eb gjitha k\u00ebto jan\u00eb anashkaluar n\u00eb m\u00ebnyr\u00ebn m\u00eb arrogante\u201d,\u00a0<\/em>\u00a0thot\u00eb p\u00ebr Faktoje.al Auron Tare, Hulumtues \/ An\u00ebtar i K\u00ebshillit Shkencor t\u00eb UNESCO-s p\u00ebr Trash\u00ebgimin\u00eb N\u00ebnujore.<\/p>\n

Rruga gjyq\u00ebsore<\/strong><\/p>\n

P\u00ebrkundrejt debatit politik dhe teknik mes Tiran\u00ebs dhe Brukselit, ambientalist\u00ebt kan\u00eb ndjekur nj\u00eb rrug\u00eb tjet\u00ebr at\u00eb t\u00eb Gjykat\u00ebs, duke i atakuar ndryshimet e vitit 2024 n\u00eb Ligjin e Zonave t\u00eb Mbrojtura n\u00eb Gjykat\u00ebn Kushtetuese.<\/p>\n

Gjykata Kushtetuese, n\u00eb vitin 2025 p\u00ebrmes votimit 4 me 4, nuk\u00a0arriti\u00a0t\u00eb marr\u00eb\u00a0vendim\u00a0p\u00ebr k\u00ebrkes\u00ebn e deputet\u00ebve t\u00eb opozit\u00ebs mb\u00ebshtetur dhe nga organizatat mjedisore p\u00ebr pezullimin e ligjit, nd\u00ebrsa mori vendim 5 me 3 p\u00ebr rr\u00ebzimin e k\u00ebrkes\u00ebs p\u00ebr antikushtetueshm\u00ebrin\u00eb e ligjit.<\/p>\n

Organizata AOS dhe EcoAlbania e kan\u00eb d\u00ebrguar vendimmarrjen e Gjykat\u00ebs Kushtetuese sa i p\u00ebrket ligjit t\u00eb Zonave t\u00eb Mbrojtura n\u00eb Gjykat\u00ebn Evropiane t\u00eb t\u00eb Drejtave t\u00eb Njeriut n\u00eb Strazburg.<\/p>\n

Nd\u00ebrkoh\u00eb EcoAlbania ka d\u00ebrguar nj\u00eb ankimim p\u00ebr projektet n\u00eb zon\u00ebn e Pish\u00eb-Poro Nart\u00ebs (p\u00ebrfshir\u00eb dhe at\u00eb t\u00eb Zv\u00ebrnecit) dhe ndryshimet ligjore edhe n\u00eb Konvent\u00ebn e Bern\u00ebs.<\/p>\n

K\u00ebto projekte jan\u00eb tashm\u00eb dhe n\u00eb fokusin e Brukselit. N\u00eb p\u00ebrgjigjen me shkrim t\u00eb nj\u00eb Z\u00ebdh\u00ebn\u00ebsi t\u00eb Komisionit Evropian p\u00ebr Faktoje.al thuhet se:<\/p>\n

\u201cKomisioni Evropian po e monitoron nga af\u00ebr situat\u00ebn, si dhe po siguron nj\u00eb kontakt t\u00eb vazhduesh\u00ebm me autoritetet shqiptare dhe shoq\u00ebrin\u00eb civile. N\u00eb rastin e projektit n\u00eb zon\u00ebn Pish\u00eb Poro\u2013Nart\u00eb \u2013 ashtu si\u00e7 \u00ebsht\u00eb rasti p\u00ebr t\u00eb gjitha projektet q\u00eb jan\u00eb n\u00eb vijim n\u00eb Shqip\u00ebri, ai do t\u00eb duhet t\u00eb jet\u00eb n\u00eb p\u00ebrputhje me kriteret e vendosura n\u00eb kuad\u00ebr t\u00eb kapitullit t\u00eb mjedisit (27) t\u00eb procesit t\u00eb an\u00ebtar\u00ebsimit. Ky kapitull \u00ebsht\u00eb aktualisht i hapur\u201d<\/em>,\u00a0\u00a0argumenton\u00a0p\u00ebr Faktoje.al p\u00ebrmes nj\u00eb z\u00ebdh\u00ebn\u00ebsi Komisioni Evropian.<\/p>\n

Por autoritetet n\u00eb Tiran\u00eb vijojn\u00eb t\u00eb p\u00ebrs\u00ebrisin se legjislacioni do p\u00ebrshtatet n\u00eb kuad\u00ebr t\u00eb negociatave me at\u00eb t\u00eb BE, por pa dh\u00ebn\u00eb detaje konkrete se si, edhe pse nga ana tjet\u00ebr i mbrojn\u00eb ndryshimet e atakuara n\u00eb Ligjin p\u00ebr Zonat e Mbrojtura.<\/p>\n

Agjencia p\u00ebr Media dhe Informim duke ju p\u00ebrgjigjur interesit Faktoje.al u shpreh se Ligji p\u00ebr Zonat e Mbrojtura do t\u00eb p\u00ebrputhet 100% me direktiv\u00ebn si pjes\u00eb e kalendarit t\u00eb miratuar me Komisionin Evropian.\u00a0\u201cN\u00eb fund do shohim se kush kishte t\u00eb drejt\u00eb e kush kishte m\u00eb pak t\u00eb drejt\u00eb\u201d<\/em>\u00a0,\u00a0thuhet\u00a0n\u00eb p\u00ebrgjigjen e MIA-s.<\/p>\n

Situata n\u00eb terren dhe monitorimi i zonave<\/strong><\/p>\n

\"\"
Foto nga Karaburuni<\/figcaption><\/figure>\n

Por ekspert\u00ebt mjedisor\u00eb aktualisht mendojn\u00eb se fundi duket i pafund, duke renditur disa zona t\u00eb mbrojtura t\u00eb prekura nga ligji, n\u00eb t\u00eb cilat kan\u00eb nisur apo jan\u00eb n\u00eb pritje projektet nd\u00ebrtimore si n\u00eb:<\/p>\n

\n
\n

\u2022\u00a0 \u00a0 \u00a0 Zon\u00ebn e Pish\u00eb Poro Nart\u00eb,<\/p>\n

\u2022\u00a0 \u00a0 \u00a0 Parkun Komb\u00ebtar Divjak\u00eb-Karavasta<\/p>\n

\u2022\u00a0 \u00a0 \u00a0 Parkun natyror Karaburun,<\/p>\n

\u2022\u00a0 \u00a0 \u00a0 Parkun Komb\u00ebtar t\u00eb Butrintit ( Gjiri i Manastirit \/ Aramer\u00eb)<\/p>\n

\u2022\u00a0 \u00a0 \u00a0 Kompleksin ligatinor Kune \u2013Vain \u2013Tale<\/p>\n

\u2022\u00a0 \u00a0 \u00a0 N\u00eb zon\u00ebn Rana e hedhun, monument natyre kategoria e tret\u00eb.<\/p>\n

\u2022\u00a0 \u00a0 \u00a0 N\u00eb Zon\u00ebn Bun\u00eb Velipoj\u00eb, rezervat natyror i menaxhuar.<\/p>\n<\/div>\n<\/div>\n

Aktivist\u00ebt mjedisor\u00eb argumentojn\u00eb se n\u00eb k\u00ebto zona shihet nj\u00eb p\u00ebrmbledhje nd\u00ebrtimesh q\u00eb p\u00ebrfshijn\u00eb komplekse rezidenciale, struktura p\u00ebr ankorim jahtesh e mjetesh detare, si dhe hotele me shum\u00eb kate q\u00eb z\u00ebvend\u00ebsojn\u00eb strukturat tradicionale apo mjedisore.<\/p>\n

\u201cN\u00eb ato zona q\u00eb jan\u00eb prekur, d\u00ebmi mjedisor \u00ebsht\u00eb i jasht\u00ebzakonsh\u00ebm sepse ato nuk mund t\u00eb quhen m\u00eb territore t\u00eb mbrojtura, por jan\u00eb kthyer n\u00eb zona urbane. Te Gjiri i Manastirit shikon vet\u00ebm nd\u00ebrtim, asnj\u00eb gjelb\u00ebrim. E nj\u00ebjta gj\u00eb n\u00eb Rezervatin Natyror t\u00eb Karaburunit apo me projekte n\u00eb Parkun Komb\u00ebtar t\u00eb Butrintit. Praktikisht s\u2019ka m\u00eb mbrojtje ligjore\u201d ,<\/em>\u00a0thot\u00eb p\u00ebr Faktoje.al Taulant Bino, Ornitolog \/ Drejtues i Shoq\u00ebris\u00eb Ornitologjike Shqiptare (AOS).<\/p>\n

Organizatat mjedisore argumentojn\u00eb se ndryshimet n\u00eb Ligjin p\u00ebr Zonat e mbrojtura nuk kan\u00eb krijuar thjesht nj\u00eb debat lokal, por e kan\u00eb vendosur shtetin shqiptar n\u00eb pozita t\u00eb forta p\u00ebrplasjeje me K\u00ebshillin e Evrop\u00ebs (Konventa e Bern\u00ebs), Komisionin Evropian dhe rrjetet e konventave mjedisore globale.<\/p>\n

\u201cKa pasur dy rrug\u00eb paralele: nga nj\u00ebra an\u00eb rruga zyrtare me BE-n\u00eb, ku u \u00ebsht\u00eb th\u00ebn\u00eb \u2018po\u2019 \u00e7do k\u00ebrkese; nga ana tjet\u00ebr, rruga e ndjekur p\u00ebr interesa, q\u00ebllime dhe planifikime t\u00eb caktuara. K\u00ebto dy rrug\u00eb nuk bashkohen. Tani q\u00eb ka pasur reagime, BE-ja po e kupton se ajo q\u00eb \u00ebsht\u00eb premtuar n\u00eb let\u00ebr dhe ajo q\u00eb po b\u00ebhet n\u00eb terren jan\u00eb dy gj\u00ebra plot\u00ebsisht t\u00eb kund\u00ebrta,\u201d\u00a0<\/em>\u00a0vijon Auron Tare.<\/p>\n

Por nga ana tjet\u00ebr edhe presioni i brendsh\u00ebm gjithashtu \u00ebsht\u00eb mjaft i lart\u00eb. Prej gati dy muajsh, nj\u00eb rezistenc\u00eb e gjer\u00eb qytetare q\u00eb nisi n\u00eb kund\u00ebrshtim t\u00eb nd\u00ebrtimit t\u00eb nj\u00eb resorti luksoz n\u00eb Zv\u00ebrnec, \u201cn\u00ebn petkun\u201d e Revolucionit t\u00eb Flamingove \u00ebsht\u00eb artikuluar qart\u00eb n\u00eb ruajtjen e mjedisit, habitateve natyrore dhe ekosistemeve.<\/p>\n

\u201d \u00c7do l\u00ebvizje e qeveris\u00eb do t\u00eb jet\u00eb n\u00eb \u2018sit\u00ebn\u2019 e BE-s\u00eb. N\u00ebse qeveria vazhdon kund\u00ebr zonave t\u00eb mbrojtura, at\u00ebher\u00eb i thot\u00eb \u2018mirupafshim\u2019 procesit t\u00eb integrimit evropian. Protesta e shoq\u00ebris\u00eb civile ka dh\u00ebn\u00eb mesazhe shum\u00eb t\u00eb qarta, si: Shfuqizimin e Ligjit p\u00ebr Investimet Strategjike, shfuqizimin e amendamenteve d\u00ebmtuese t\u00eb Ligjit p\u00ebr Zonat e Mbrojtura, transparenc\u00eb mbi vendimmarrjen e sektorit t\u00eb turizmit elitar dhe anulimin e projektit t\u00eb Zv\u00ebrnecit dhe projekteve simotra\u201d,<\/em>\u00a0vijon Taulant Bino.<\/p>\n

Debati mbetet i hapur\u00a0<\/strong><\/p>\n

Debati mbi Ligjin e Zonave t\u00eb Mbrojtura tashm\u00eb ka kaluar kufijt\u00eb e nj\u00eb diskutimi lokal mjedisor, duke u kthyer n\u00eb nj\u00eb nga sprovat m\u00eb t\u00eb v\u00ebshtira t\u00eb Kapitullit 27 dhe test ky\u00e7 p\u00ebr balanc\u00ebn mes zhvillimit ekonomik dhe detyrimeve integruese t\u00eb Shqip\u00ebris\u00eb. Nd\u00ebrsa institucionet shtet\u00ebrore k\u00ebmb\u00ebngulin se kuadri i ri do t\u00eb p\u00ebrafrohet plot\u00ebsisht me direktivat e BE-s\u00eb sipas kalendarit t\u00eb negociatave, sprova e v\u00ebrtet\u00eb mbetet te zbatimi i tij n\u00eb terren.<\/p>\n

N\u00eb k\u00ebt\u00eb udh\u00ebkryq, zotimi i qeveris\u00eb p\u00ebr harmonizim ligjor po p\u00ebrballet me presionin e Brukselit dhe at\u00eb t\u00eb reagimit qytetar n\u00eb vend. N\u00eb fund, suksesi apo d\u00ebshtimi i k\u00ebsaj reforme nuk do t\u00eb matet me deklarata politike apo kalendare negociatash, por me at\u00eb se \u00e7far\u00eb do t\u00eb mbetet realisht e mbrojtur n\u00eb territorin dhe ekosistemet e Shqip\u00ebris\u00eb.<\/p>\n

\/Mimoza Picari \u2013\u00a0Faktoje.al<\/a><\/strong><\/p>\n","protected":false},"excerpt":{"rendered":"

A po kthehen zonat m\u00eb t\u00eb mbrojtura t\u00eb Shqip\u00ebris\u00eb n\u00eb hap\u00ebsirat e saj m\u00eb t\u00eb cenuara? Mbrojtja e natyr\u00ebs po p\u00ebrplaset hapur me pretendimet p\u00ebr zhvillim ekonomik, duke e shnd\u00ebrruar debatin p\u00ebr zonat e mbrojtura n\u00eb nj\u00eb nga testet m\u00eb serioze t\u00eb Shqip\u00ebris\u00eb drejt Bashkimit Evropian. Nd\u00ebrsa qeveria deklaron p\u00ebrparim n\u00eb negociatat e an\u00ebtar\u00ebsimit n\u00eb …<\/p>\n","protected":false},"author":4,"featured_media":150315,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-150314","post","type-post","status-publish","format-standard","has-post-thumbnail","","category-politike"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/150314","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=150314"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/150314\/revisions"}],"predecessor-version":[{"id":150316,"href":"https:\/\/rdnews.al\/index.php\/wp-json\/wp\/v2\/posts\/150314\/revisions\/150316"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/150315"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=150314"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=150314"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=150314"}],"curies":[{"name":"wp","href":"https:\/\/api.w.org\/{rel}","templated":true}]}}