{"id":154693,"date":"2026-09-25T09:10:58","date_gmt":"2026-09-25T09:10:58","guid":{"rendered":"https:\/\/rdnews.al\/?p=154693"},"modified":"2026-09-25T09:10:58","modified_gmt":"2026-09-25T09:10:58","slug":"tabaku-rama-po-pergatit-kayo-n-e-shendetesise-shqiptaret-paguajne-gjysmen-e-fatures-nga-xhepi","status":"publish","type":"post","link":"https:\/\/rdnews.al\/index.php\/2026\/09\/25\/tabaku-rama-po-pergatit-kayo-n-e-shendetesise-shqiptaret-paguajne-gjysmen-e-fatures-nga-xhepi\/","title":{"rendered":"Tabaku: Rama po p\u00ebrgatit \u201cKAYO-n\u201d e sh\u00ebndet\u00ebsis\u00eb, shqiptar\u00ebt paguajn\u00eb gjysm\u00ebn e fatur\u00ebs nga xhepi"},"content":{"rendered":"
\n
\n
Deputetja e PD dhe kryetarja e Komisionit p\u00ebr \u00c7\u00ebshtjet Europiane, Jorida Tabaku, ka reaguar ndaj nism\u00ebs s\u00eb qeveris\u00eb p\u00ebr ngritjen e nj\u00eb strukture t\u00eb re n\u00eb sektorin e barnave dhe sh\u00ebrbimeve spitalore.<\/div>\n<\/div>\n<\/div>\n

N\u00eb nj\u00eb postim n\u00eb rrjetet sociale, Tabaku shprehet se mekanizmi i propozuar ndjek modelin \u201cKAYO\u201d, duke e larguar administrimin e fondeve dhe kontratave publike nga konkurrenca, transparenca dhe llogaridh\u00ebnia e plot\u00eb.<\/p>\n

Sipas deputetes demokrate, qeveria po p\u00ebrgatitet t\u00eb p\u00ebrqendroj\u00eb m\u00eb shum\u00eb kompetenca dhe miliarda lek\u00eb n\u00eb duart e nj\u00eb rrethi t\u00eb ngusht\u00eb, n\u00eb nj\u00eb koh\u00eb kur qytetar\u00ebt shqiptar\u00eb vazhdojn\u00eb t\u00eb p\u00ebrballojn\u00eb vet\u00eb nj\u00eb pjes\u00eb t\u00eb konsiderueshme t\u00eb kostove t\u00eb kujdesit sh\u00ebndet\u00ebsor.<\/p>\n

Tabaku thekson se familjet shqiptare paguajn\u00eb drejtp\u00ebrdrejt nga xhepi 48,3% t\u00eb fatur\u00ebs s\u00eb p\u00ebrgjithshme t\u00eb sh\u00ebndet\u00ebsis\u00eb, nd\u00ebrsa buxheti publik i k\u00ebtij sektori p\u00ebr vitin 2026 mbetet n\u00eb nivelin 2,9% t\u00eb Prodhimit t\u00eb Brendsh\u00ebm Bruto.<\/p>\n

\n
\n
\n
<\/div>\n<\/div>\n<\/div>\n<\/div>\n
\n
\n
\u201cN\u00eb vend q\u00eb t\u00eb ul\u00eb barr\u00ebn mbi familjet, t\u00eb siguroj\u00eb barnat n\u00eb spitale dhe t\u00eb garantoj\u00eb sh\u00ebrbim cil\u00ebsor, qeveria k\u00ebrkon t\u00eb p\u00ebrqendroj\u00eb edhe m\u00eb shum\u00eb pushtet dhe miliarda lek\u00eb n\u00eb duart e nj\u00eb rrethi t\u00eb ngusht\u00eb\u201d, shkruan Tabaku.<\/div>\n<\/div>\n<\/div>\n

Ajo e p\u00ebrshkruan k\u00ebt\u00eb m\u00ebnyr\u00eb veprimi si nj\u00eb formul\u00eb tashm\u00eb t\u00eb njohur t\u00eb qeveris\u00eb: krijimin e nj\u00eb strukture shtet\u00ebrore, p\u00ebrzgjedhjen e partner\u00ebve t\u00eb parap\u00eblqyer dhe p\u00ebrqendrimin e pasurive, privilegjeve dhe kontratave publike n\u00eb pak duar.<\/p>\n

Sipas Tabakut, n\u00eb k\u00ebt\u00eb model kapitali kryesor nuk \u00ebsht\u00eb eksperienca, konkurrenca apo investimi, por af\u00ebrsia me Kryeministrin. Ajo paralajm\u00ebron se struktura e re rrezikon t\u00eb funksionoj\u00eb pa gar\u00eb reale, pa transparenc\u00eb dhe pa kontroll t\u00eb plot\u00eb mbi m\u00ebnyr\u00ebn e p\u00ebrzgjedhjes s\u00eb partner\u00ebve dhe shpenzimit t\u00eb parave publike.<\/p>\n

\u201cKy nuk \u00ebsht\u00eb modernizim i sh\u00ebndet\u00ebsis\u00eb. \u00cbsht\u00eb modeli \u2018KAYO\u2019 i shtrir\u00eb mbi sh\u00ebndetin e shqiptar\u00ebve\u201d, deklaron deputetja e PD-s\u00eb.<\/p>\n

N\u00eb p\u00ebrfundim, Tabaku e lidh nism\u00ebn me at\u00eb q\u00eb ajo e cil\u00ebson si personalizim t\u00eb institucioneve dhe p\u00ebrdorim t\u00eb pushtetit publik n\u00eb sh\u00ebrbim t\u00eb nj\u00eb pakice. Sipas saj, Edi Rama dhe Partia Socialiste p\u00ebrb\u00ebjn\u00eb penges\u00ebn kryesore p\u00ebr nd\u00ebrtimin e nj\u00eb shteti q\u00eb punon p\u00ebr qytetar\u00ebt dhe jo p\u00ebr klient\u00ebt e pushtetit.<\/p>\n

\u201cBeteja jon\u00eb nis k\u00ebtu: s\u00eb bashku kund\u00ebr nj\u00eb sistemi q\u00eb p\u00ebrdor shumic\u00ebn p\u00ebr t\u2019i sh\u00ebrbyer pakic\u00ebs\u201d,\u00a0p\u00ebrfundon Tabaku.<\/p>\n