{"id":155204,"date":"2026-10-01T09:14:35","date_gmt":"2026-10-01T09:14:35","guid":{"rendered":"https:\/\/rdnews.al\/?p=155204"},"modified":"2026-10-01T09:14:35","modified_gmt":"2026-10-01T09:14:35","slug":"ringjallja-e-kushteve-te-verteta-dhe-kumti-i-ursula-von-der-leyen-ne-tirane","status":"publish","type":"post","link":"https:\/\/rdnews.al\/index.php\/2026\/10\/01\/ringjallja-e-kushteve-te-verteta-dhe-kumti-i-ursula-von-der-leyen-ne-tirane\/","title":{"rendered":"Ringjallja e kushteve t\u00eb v\u00ebrteta – dhe kumti i Ursula von der Leyen n\u00eb Tiran\u00eb"},"content":{"rendered":"

Nga Genc POLLO<\/strong><\/p>\n

<\/h1>\n
\n

N\u00eb Selanik n\u00eb qershor 2003, Bashkimi Evropian b\u00ebri nj\u00eb premtim q\u00eb ting\u00eblloi historik dhe i pakthyesh\u00ebm. Krer\u00ebt e shteteve dhe t\u00eb qeverive deklaruan se e ardhmja e Ballkanit Per\u00ebndimor \u00ebsht\u00eb brenda Bashkimit Evropian. Fraza e p\u00ebrdorur ishte “perspektiva evropiane” – zhargon i Brukselit q\u00eb n\u00ebnkupton nj\u00eb angazhim t\u00eb fort\u00eb se k\u00ebto vende mund dhe do t\u00eb b\u00ebhen an\u00ebtar\u00eb sapo t\u00eb jen\u00eb gati.<\/p>\n

M\u00eb shum\u00eb se dy dekada m\u00eb von\u00eb, ai premtim e ka humbur besueshm\u00ebrin\u00eb e tij. N\u00eb Tiran\u00eb, n\u00eb Beograd, n\u00eb Shkup, pak qytetar\u00eb, pak gazetar\u00eb dhe pak politikan\u00eb besojn\u00eb v\u00ebrtet se an\u00ebtar\u00ebsimi i plot\u00eb n\u00eb BE \u00ebsht\u00eb realist n\u00eb nj\u00eb t\u00eb ardhme t\u00eb parashikueshme. Selaniku u b\u00eb nj\u00eb ritual, i p\u00ebrs\u00ebritur n\u00eb \u00e7do konkluzion t\u00eb K\u00ebshillit, por i zbrazur nga substanca politike.<\/p>\n

Ka arsye p\u00ebr k\u00ebt\u00eb gjendje; nga t\u00eb dyja pal\u00ebt.<\/p>\n

Nga ana e BE-s\u00eb, Unioni u zhyt n\u00eb krizat e veta t\u00eb brendshme p\u00ebr m\u00eb shum\u00eb se nj\u00eb dekad\u00eb. Kriza e borxhit n\u00eb eurozon\u00eb nga v2010 e tutje, kriza e migrimit e vitit 2015, Brexit dhe pandemia e zhvendos\u00ebn gjith\u00eb energjin\u00eb politike drejt \u00e7\u00ebshtjeve t\u00eb brendshme. Zgjerimi nuk ishte m\u00eb nj\u00eb projekt politik; ai u reduktua pak a shum\u00eb n\u00eb nj\u00eb dosje t\u00eb menaxhuar nga drejtoria DG NEAR. I vetmi vend q\u00eb u an\u00ebtar\u00ebsua n\u00eb gjith\u00eb at\u00eb periudh\u00eb ishte Kroacia n\u00eb v2013 – dhe gjithashtu e fundit deri m\u00eb sot. Kroacia ishte e vog\u00ebl, gjeografikisht ngjitur, ekonomikisht e menaxhueshme, leht\u00ebsisht e absorbueshme; nuk e ndryshoi ekuilibrin institucional t\u00eb Unionit.<\/p>\n

Jean-Claude Juncker, duke marr\u00eb detyr\u00ebn si President i Komisionit n\u00eb vitin 2014, thjesht kapi frym\u00ebn e koh\u00ebs kur tha hapur se nuk do t\u00eb ket\u00eb zgjerim gjat\u00eb mandatit t\u00eb tij pes\u00ebvje\u00e7ar. Ishte ndershm\u00ebri q\u00eb b\u00ebri d\u00ebm: n\u00ebse nuk ka vullnet politik n\u00eb krye, pse vendet kandidate duhet t\u00eb reformohen?<\/p>\n

Nj\u00eb justifikim i dyt\u00eb p\u00ebr stagnimin u b\u00eb argumenti p\u00ebr reform\u00ebn e brendshme. Unioni, thuhej, duhet t\u00eb reformoj\u00eb veten p\u00ebrpara se t\u00eb zgjerohet. Problemi thelb\u00ebsor dihet: BE-ja ende k\u00ebrkon unanimitet n\u00eb fusha vendimtare – politika e jashtme dhe e siguris\u00eb, taksat dhe mbi t\u00eb gjitha ndryshimi i traktateve ku p\u00ebrfshihet zgjerimi. Edhe n\u00eb \u00e7\u00ebshtje ekzistenciale t\u00eb siguris\u00eb, nj\u00eb shtet an\u00ebtar kok\u00ebfort\u00eb mund t\u00eb bllokoj\u00eb \u00e7do veprim kuptimplot\u00eb, si\u00e7 e kemi par\u00eb vazhdimisht p\u00ebr sanksionet ndaj Rusis\u00eb dhe ndihm\u00ebn p\u00ebr Ukrain\u00ebn; nj\u00eb paraliz\u00eb e kushtueshme.<\/p>\n

Disa shtete an\u00ebtare dhe shum\u00eb federalist\u00eb argumentuan se unanimiteti duhet t\u00eb z\u00ebvend\u00ebsohet me votimin me shumic\u00eb t\u00eb cil\u00ebsuar p\u00ebrpara se t\u00eb pranohen an\u00ebtar\u00eb t\u00eb rinj, p\u00ebrndryshe BE-ja do t\u00eb b\u00ebhej e paqeverisshme me 30 ose 35 an\u00ebtar\u00eb. Kjo krijoi nj\u00eb vones\u00eb t\u00eb m\u00ebtejshme politike dhe psikologjike p\u00ebr zgjerimin.<\/p>\n

Megjithat\u00eb ky argument ishte gjithmon\u00eb jo i sinqert\u00eb. Z\u00ebvend\u00ebsimi i unanimitetit k\u00ebrkon ndryshim traktati. Dhe ndryshimi i traktatit vet\u00eb k\u00ebrkon unanimitet. Nj\u00eb shtet i vet\u00ebm an\u00ebtar mund t\u00eb v\u00ebr\u00eb veton ndaj kalimit n\u00eb shumic\u00eb t\u00eb cil\u00ebsuar. Nj\u00eb reform\u00eb e till\u00eb \u00ebsht\u00eb pra gati e pamundur n\u00eb konstelacionin aktual politik. T\u00eb kusht\u00ebzosh zgjerimin me nj\u00eb reform\u00eb t\u00eb brendshme t\u00eb pamundur ishte nj\u00eb m\u00ebnyr\u00eb e sjellshme p\u00ebr t\u00eb th\u00ebn\u00eb jo.<\/p>\n

Pastaj erdhi thyerja e 24 shkurtit 2022. Lufta e agresionit n\u00eb shkall\u00eb t\u00eb plot\u00eb e Rusis\u00eb kund\u00ebr Ukrain\u00ebs ndryshoi gjeopolitik\u00ebn e zgjerimit brenda nat\u00ebs. Papritmas zgjerimi u b\u00eb politik\u00eb sigurie. Shtytja u nxit pothuajse t\u00ebr\u00ebsisht nga konsiderata sigurie: si t’i ankoroj\u00eb Ukraina dhe Moldavia n\u00eb Evrop\u00eb dhe t\u00eb parandaloj\u00eb nj\u00eb zon\u00eb gri q\u00eb Rusia mund ta shfryt\u00ebzoj\u00eb. Kjo i dha nj\u00eb dinamik\u00eb t\u00eb re gjith\u00eb dosjes s\u00eb zgjerimit dhe Ballkani Per\u00ebndimor p\u00ebrfitoi nga efekti an\u00ebsor. Status kandidate p\u00ebr Bosnj\u00eb-Hercegovin\u00ebn, hapja e negociatave t\u00eb an\u00ebtar\u00ebsimit me Shqip\u00ebrin\u00eb dhe Maqedonin\u00eb e Veriut, nj\u00eb plan i ri rritjeje dhe premtime financiare. N\u00eb dukje, Selaniku ishte gjall\u00eb p\u00ebrs\u00ebri.<\/p>\n

Megjithat\u00eb, n\u00ebse shikojm\u00eb an\u00ebn e gatishm\u00ebris\u00eb p\u00ebr pranim – gjendjen aktuale t\u00eb shteteve t\u00eb Ballkanit Per\u00ebndimor – gj\u00ebrat kan\u00eb p\u00ebrparuar me shpejt\u00ebsi shum\u00eb t\u00eb ndryshme dhe n\u00eb drejtime shum\u00eb t\u00eb ndryshme. Rajoni nuk \u00ebsht\u00eb nj\u00eb bllok. Ideja e nj\u00eb an\u00ebtar\u00ebsimi t\u00eb nj\u00ebkohsh\u00ebm \u00ebsht\u00eb nj\u00eb iluzion.<\/p>\n

Maqedonia e Veriut \u00ebsht\u00eb rasti m\u00eb i dhimbsh\u00ebm i d\u00ebshtimit t\u00eb BE-s\u00eb. Ndryshoi emrin, ndryshoi kushtetut\u00ebn, zgjidhi nj\u00eb mosmarr\u00ebveshje 27-vje\u00e7are me Greqin\u00eb me nj\u00eb kosto t\u00eb madhe politike t\u00eb brendshme, bazuar n\u00eb nj\u00eb premtim t\u00eb qart\u00eb nga Brukseli. Sot ajo \u00ebsht\u00eb e bllokuar s\u00ebrish, nga k\u00ebrkesat e Bullgaris\u00eb q\u00eb nuk kan\u00eb t\u00eb b\u00ebjn\u00eb fare me legjislacionin e BE-s\u00eb – \u00e7\u00ebshtje historie, gjuhe dhe identiteti. Nj\u00eb mosmarr\u00ebveshje bilaterale q\u00eb BE-ja nuk duhej ta kishte lejuar s\u00ebrish.<\/p>\n

Kosova mbetet ende pezull: Pes\u00eb shtete an\u00ebtare t\u00eb BE-s\u00eb ende nuk e njohin pavar\u00ebsin\u00eb e saj. Kjo e pengon rrug\u00ebn e saj drejt BE-s\u00eb duke filluar nga statusi kandidat e deri tek bisedimet m\u00eb t\u00eb r\u00ebnd\u00ebsishme t\u00eb an\u00ebtar\u00ebsimit. Marr\u00ebdh\u00ebniet e saj pas pavar\u00ebsis\u00eb me Serbin\u00eb nd\u00ebrmjet\u00ebsohen dob\u00ebt nga Brukseli i cili shpesh favorizon forc\u00ebn n\u00eb vend t\u00eb s\u00eb drejt\u00ebs.<\/p>\n

Bosnj\u00eb-Hercegovina n\u00eb form\u00ebn e saj kushtetuese t\u00eb Dejtonit \u00ebsht\u00eb pothuajse e paralizuar nga vet\u00eb natyra. Nj\u00eb shtet me tre president\u00eb, nj\u00eb duzin\u00eb qeverish dhe pa autoritet funksional qendror u projektua p\u00ebr t\u00eb ndaluar nj\u00eb luft\u00eb, jo p\u00ebr t’u an\u00ebtar\u00ebsuar n\u00eb BE. Udh\u00ebheqja e Republik\u00ebs Srpska n\u00ebn Milorad Dodik, e rreshtuar hapur me Mosk\u00ebn dhe duke k\u00ebrc\u00ebnuar me shk\u00ebputje, e b\u00ebn objektivisht t\u00eb pamundur p\u00ebrmbushjen e kritereve p\u00ebr an\u00ebtar\u00ebsim.<\/p>\n

Serbia \u00ebsht\u00eb b\u00ebr\u00eb, n\u00ebn Aleksandar Vu\u00e7i\u00e7in, nj\u00eb shtet autoritar. Modeli \u00ebsht\u00eb i njohur: luan me BE-n\u00eb dhe Per\u00ebndimin, me Rusin\u00eb dhe me Kin\u00ebn, duke nxjerr\u00eb para dhe legjitimitet nga t\u00eb gjitha an\u00ebt. Fonde t\u00eb BE-s\u00eb, energji dhe arm\u00eb ruse, infrastruktur\u00eb dhe teknologji survejimi kineze. Megjithat\u00eb deri von\u00eb ajo merrte lavd\u00ebrime p\u00ebr “reformat e saj evropiane” nga askush m\u00eb pak se Presidentja e Komisionit, znj. von der Leyen. N\u00eb tetor 2025 vet\u00eb Parlamenti Evropian, p\u00ebrmes rezolut\u00ebs p\u00ebr Serbin\u00eb, n\u00eb m\u00ebnyr\u00eb t\u00eb pazakont\u00eb u b\u00ebri thirrje “zyrtar\u00ebve m\u00eb t\u00eb lart\u00eb t\u00eb BE-s\u00eb t\u00eb p\u00ebrmbahen nga deklarata t\u00eb pabaza q\u00eb lavd\u00ebrojn\u00eb procesin e reformave n\u00eb Serbi”. Deri m\u00eb sot, kryesisht p\u00ebr shkak t\u00eb mosp\u00ebrputhjes gjeopolitike t\u00eb vendit, toni i Brukselit ka ndryshuar pak. Por kjo nuk e ka impresionuar shum\u00eb regjimin e Vu\u00e7i\u00e7it, si\u00e7 e treguan s\u00eb fundmi nderimet zyrtare n\u00eb funeralin e kriminelit t\u00eb d\u00ebnuar t\u00eb luft\u00ebs Mlladi\u00e7 t\u00eb d\u00ebnuar nga Haga.<\/p>\n

Shqip\u00ebria \u00ebsht\u00eb b\u00ebr\u00eb gjithashtu nj\u00eb regjim autoritar q\u00eb mbahet n\u00eb nj\u00eb pjes\u00eb t\u00eb mir\u00eb nga parat\u00eb e narkotrafikut dhe shfaq nj\u00eb seri mahnit\u00ebse skandalesh kleptokratike q\u00eb arrijn\u00eb nivelet m\u00eb t\u00eb larta t\u00eb qeveris\u00eb. Raportet zgjedhore t\u00eb OSBE-s\u00eb tregojn\u00eb kapje n\u00eb rritje t\u00eb procesit t\u00eb votimit nga shteti – keqp\u00ebrdorim i administrat\u00ebs, blerje votash, p\u00ebrdorim i bot\u00ebs s\u00eb krimit p\u00ebr t\u00eb marr\u00eb vot\u00ebn etj. Megjithat\u00eb kjo nuk e pengoi Komisioneren p\u00ebr Zgjerim Marta Kos t\u00eb shpall\u00eb zgjedhjet si “t\u00eb lira dhe t\u00eb ndershme”; q\u00ebndrimi anti-korrupsion i BE-s\u00eb nuk e pengoi at\u00eb dhe ambasadorin e BE-s\u00eb t\u00eb marrin publikisht an\u00ebn e nj\u00eb ministri t\u00eb paditur p\u00ebr korrupsion serioz (50 milion\u00eb euro t\u00eb avulluara vet\u00ebm n\u00eb nj\u00eb episod) dhe t\u00eb kryeministrit Rama q\u00eb mbron ministrin e tij.<\/p>\n

Mali i Zi ka reduktuar problemet strukturore t\u00eb trash\u00ebguara dhe nuk por vuan nga nd\u00ebrhyrjet e Beogradit. Vendi tani po paraqitet si i vetmi dhe i v\u00ebrteti favorit p\u00ebr an\u00ebtar\u00ebsim: ka mbyllur shum\u00eb kapituj negociatash dhe, m\u00eb e dometh\u00ebn\u00ebse, BE-ja ka krijuar nj\u00eb grup t\u00eb p\u00ebrbashk\u00ebt p\u00ebr hartimin e Traktatit t\u00eb ardhsh\u00ebm t\u00eb An\u00ebtar\u00ebsimit.<\/p>\n

N\u00eb k\u00ebt\u00eb pik\u00eb \u00ebsht\u00eb e r\u00ebnd\u00ebsishme t\u00eb kujtojm\u00eb pse desh\u00ebn popujt e Ballkanit apo popujt nga Evropa Lindore t\u00eb bashkoheshin me BE-n\u00eb n\u00eb radh\u00eb t\u00eb par\u00eb? Kishte tre arsye kryesore: S\u00eb pari, ideja madh\u00ebshtore e nj\u00eb Evrope t\u00eb bashkuar – t\u00eb kthehesh n\u00eb Evrop\u00eb pas komunizmit dhe Perdes s\u00eb Hekurt; p\u00ebr ata q\u00eb vuajt\u00ebn n\u00eb luft\u00ebrat e ish-Jugosllavis\u00eb, t\u00eb kap\u00ebrcehet nacionalizmi shkat\u00ebrrimtar. S\u00eb dyti, premtimi p\u00ebr t’u ngritur ekonomikisht n\u00ebp\u00ebrmjet ekonomis\u00eb s\u00eb tregut, por edhe nga mb\u00ebshtetja e BE-s\u00eb p\u00ebrmes fondeve t\u00eb kohezionit, subvencioneve bujq\u00ebsore etj. S\u00eb treti, dhe m\u00eb e r\u00ebnd\u00ebsishmja p\u00ebr shum\u00eb reformator\u00eb, mb\u00ebshtetja p\u00ebr vlerat themelore t\u00eb BE-s\u00eb si ato t\u00eb Nenit 2 t\u00eb Traktatit t\u00eb Lisbon\u00ebs – dinjiteti njer\u00ebzor, liria, demokracia, shteti ligjor, t\u00eb drejtat e njeriut. N\u00eb zhargonin e BE-s\u00eb p\u00ebr vendet kandidate k\u00ebto quhen Kriteret e Kopenhag\u00ebs: institucione t\u00eb q\u00ebndrueshme q\u00eb garantojn\u00eb demokracin\u00eb, shtetin ligjor, nj\u00eb ekonomi funksionale tregu. K\u00ebto vende kan\u00eb nj\u00eb t\u00eb kaluar komuniste, nj\u00eb tradit\u00eb shtet\u00ebrore mjaft t\u00eb dob\u00ebt, klienteliz\u00ebm endemik etj. Perspektiva e an\u00ebtar\u00ebsimit n\u00eb BE supozohej t\u00eb ishte nj\u00eb spiranc\u00eb e jashtme p\u00ebr t\u00eb forcuar ato vlera n\u00eb planin e brendsh\u00ebm.<\/p>\n

\u00cbsht\u00eb pik\u00ebrisht mbi k\u00ebt\u00eb shtyll\u00eb t\u00eb tret\u00eb q\u00eb BE-ja, kryesisht Komisioni, ishte e verb\u00ebr ndaj problemeve, ve\u00e7an\u00ebrisht n\u00eb Serbi dhe Shqip\u00ebri. Logjika e DG NEAR ishte stabiliteti dhe thithja e fondeve, jo demokracia. Udh\u00ebheq\u00ebsit autoritar\u00eb q\u00eb p\u00ebrmbushnin detyrat n\u00eb let\u00ebr – hap\u00ebn nj\u00eb kapitull, miratuan nj\u00eb ligj, n\u00ebnshkruan nj\u00eb marr\u00ebveshje rajonale – u lavd\u00ebruan si reformator\u00eb. Zmbrapsja e\u00a0 demokracis\u00eb u relativizua apo edhe u mohua. Raportet vjetore t\u00eb progresit t\u00eb Komisionit u b\u00ebn\u00eb ushtrime copy-paste. Situata n\u00eb secilin vend \u00ebsht\u00eb kryesisht p\u00ebrgjegj\u00ebsi e politikan\u00ebve dhe shoq\u00ebris\u00eb s\u00eb tij p\u00ebrkat\u00ebse. Megjithat\u00eb, besoj se \u00ebsht\u00eb e p\u00ebrshtatshme t\u00eb vler\u00ebsohet realisht ndikimi i politikave me ndikim t\u00eb Komisionit dhe BE-s\u00eb n\u00eb zgjerim.<\/p>\n

Kjo situat\u00eb, nd\u00ebr t\u00eb tjera, \u00e7oi n\u00eb debatin aktual p\u00ebr “an\u00ebtar\u00ebsimin me faza”. Ideja e hedhur tre vjet m\u00eb par\u00eb nga Komisioni, u mb\u00ebshtet m\u00eb von\u00eb nga shtetet an\u00ebtare. K\u00ebt\u00eb maj kancelari gjerman p\u00ebrkrahu iden\u00eb dhe paraqiti disa detaje n\u00eb nj\u00eb let\u00ebr drejtuar president\u00ebve t\u00eb Parlamentit, Komisionit dhe K\u00ebshillit. Nj\u00eb muaj m\u00eb von\u00eb ai dhe presidenti francez qarkulluan nj\u00eb non-paper me p\u00ebrmbajtje t\u00eb ngjashme n\u00eb samitin BE\/Ballkani Per\u00ebndimor n\u00eb Tivat, Mali i Zi. Gjithashtu n\u00eb maj, nj\u00eb grup prej pes\u00eb shtetesh an\u00ebtare miq\u00ebsore ndaj zgjerimit i udh\u00ebhequr nga Austria dhe Italia n\u00ebnshkruan nj\u00eb sh\u00ebnim t\u00eb brendsh\u00ebm drejtuar Komisionit duke sugjeruar an\u00ebtar\u00ebsimin me faza duke filluar me seksione t\u00eb Tregut t\u00eb P\u00ebrbashk\u00ebt.<\/p>\n

Ideja \u00ebsht\u00eb z\u00ebvend\u00ebsimi i an\u00ebtar\u00ebsimit t\u00eb plot\u00eb p\u00ebrfshir\u00eb t\u00eb drejtat politike si veto\/vota me an\u00ebtar\u00ebsim gradual n\u00eb tregun e vet\u00ebm t\u00eb BE-s\u00eb, institucionet, programet dhe p\u00ebrfitimet financiare. N\u00eb rast t\u00eb sjelljes s\u00eb keqe nga t\u00eb sapoardhurit (rr\u00ebshqitje demokratike, mosrreshtim n\u00eb \u00e7\u00ebshtje madhore). Megjithat\u00eb t\u00eb kesh akses n\u00eb tregun e p\u00ebrbashk\u00ebt apo edhe t\u00eb p\u00ebrfitosh nga fondet e kohezionit nuk e p\u00ebrjashton nevoj\u00ebn p\u00ebr standardet e nevojshme duke p\u00ebrfshir\u00eb mbi t\u00eb gjitha institucionet funksionale t\u00eb bazuara n\u00eb ligjshm\u00ebri. Megjithat\u00eb KM Rama dhe Presidenti serb Vu\u00e7i\u00e7 n\u00eb nj\u00eb artikull t\u00eb p\u00ebrbashk\u00ebt t\u00eb botuar m\u00eb her\u00ebt k\u00ebt\u00eb vit n\u00eb t\u00eb p\u00ebrditshmen gjermane Frankfurter Allgemeine sugjeruan q\u00eb vendet e tyre t\u00eb pranohen menj\u00ebher\u00eb n\u00eb tregun e p\u00ebrbashk\u00ebt dhe q\u00eb t\u00eb dy do t\u00eb hiqnin dor\u00eb nga vota, nga komisioneri, nga eurodeputet\u00ebt dhe nga t\u00eb drejtat e tjera politike q\u00eb lidhen me an\u00ebtar\u00ebsimin. Marifeti k\u00ebtu \u00ebsht\u00eb anashkalimi i reformave dhe masave t\u00eb pad\u00ebshiruara duke filluar me shtetin ligjor. Por pa to, nj\u00eb konsumator spanjoll i produkteve t\u00eb k\u00ebtyre vendeve ose nj\u00eb kompani daneze q\u00eb operon n\u00eb Shqip\u00ebri apo Serbi nuk do t\u00eb ishte e sigurt se do t\u00eb g\u00ebzonte dhe p\u00ebrfitonte nga standardet dhe rregullat e zakonshme t\u00eb Tregut t\u00eb P\u00ebrbashk\u00ebt.<\/p>\n

Deri tashti jan\u00eb nd\u00ebrmarr\u00eb disa hapa n\u00eb k\u00ebt\u00eb drejtim q\u00eb jan\u00eb t\u00eb m\u00eb pak t\u00eb komplikuara p\u00ebr BE-n\u00eb por t\u00eb dobishme p\u00ebr shtetet kandidate. P. sh. mund t\u00eb listojm\u00eb an\u00ebtar\u00ebsimin\u00a0 n\u00eb “Zon\u00ebn Unike t\u00eb Pagesave n\u00eb Euro” (SEPA) e cila leht\u00ebson transfertat bankare, dhe nism\u00ebn n\u00eb vazhdim “Roam Like at Home”, e cila redukton pothuajse n\u00eb zero tarifat shtes\u00eb t\u00eb aplikueshme p\u00ebr p\u00ebrdoruesit e telefonave celular\u00eb n\u00eb vende t\u00eb tjera evropiane<\/p>\n

Komisioni Europian ka p\u00ebrgatitur nj\u00eb koncept p\u00ebr zgjerimin p\u00ebr t\u00eb cilin foli shkurt Presidentja von der Leyen dje para mediave n\u00eb Tiran\u00eb. P\u00ebr shtetet kandidate q\u00eb p\u00ebrmbushin kriteret do t\u00eb ofrohet akses gradual n\u00eb Tregun e P\u00ebrbashk\u00ebt, n\u00eb programet e k\u00ebrkimit shkencor si dhe leht\u00ebsira n\u00eb regjimin tregtar.<\/p>\n

Kushtet madhore ekstra jan\u00eb gjeopolitike: p\u00ebrfiton kush \u00ebsht\u00eb n\u00eb rresht me Brukselin n\u00eb politik\u00ebn e jasht\u00ebme dhe t\u00eb siguris\u00eb si dhe kush nuk komprometon tekonologjin\u00eb europiane tek fuqit\u00eb\u00a0 rivale<\/p>\n

Gjithsesi thembra e Akilit mbetet shteti ligjor. P\u00ebr Serbin\u00eb k\u00ebto dy vite Brukseli m\u00eb n\u00eb fund u zgjua nga gjumi dhe ndryshoi kurs; madje edhe Partia Popullore Europiane po shqyrton masa kundrejt partis\u00eb SNS t\u00eb Vu\u00e7i\u00e7it q\u00eb mund t\u00eb shkojn\u00eb deri n\u00eb p\u00ebrjashtim. P\u00ebr Shqip\u00ebrin\u00eb me Ram\u00ebn kryeminist\u00ebr m\u00eb t\u00eb r\u00ebnd\u00ebsishme se ofertat e reja t\u00eb Komisionit jan\u00eb kushtet q\u00eb shtetet an\u00ebtare t\u00eb BE p\u00ebrcaktuan n\u00eb fillim t\u00eb vitit kur miratuan IBAR-in. Po k\u00ebto shtete jan\u00eb nj\u00eb siguri se udha drejt BE nuk degradon n\u00eb fars\u00eb me burokrat\u00eb q\u00eb jan\u00eb m\u00ebsuar t\u00eb mbyllin syt\u00eb para fakteve t\u00eb pak\u00ebndshme e t\u00eb krijojn\u00eb realitete paralele me raportet e deklaratat e tyre.<\/p>\n

*President i Paneuropa Shqip\u00ebri<\/strong><\/p>\n<\/div>\n","protected":false},"excerpt":{"rendered":"

Nga Genc POLLO N\u00eb Selanik n\u00eb qershor 2003, Bashkimi Evropian b\u00ebri nj\u00eb premtim q\u00eb ting\u00eblloi historik dhe i pakthyesh\u00ebm. Krer\u00ebt e shteteve dhe t\u00eb qeverive deklaruan se e ardhmja e Ballkanit Per\u00ebndimor \u00ebsht\u00eb brenda Bashkimit Evropian. Fraza e p\u00ebrdorur ishte “perspektiva evropiane” – zhargon i Brukselit q\u00eb n\u00ebnkupton nj\u00eb angazhim t\u00eb fort\u00eb se k\u00ebto vende …<\/p>\n","protected":false},"author":4,"featured_media":8020,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-155204","post","type-post","status-publish","format-standard","has-post-thumbnail","","category-politike"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/155204","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=155204"}],"version-history":[{"count":1,"href":"https:\/\/rdnews.al\/index.php\/wp-json\/wp\/v2\/posts\/155204\/revisions"}],"predecessor-version":[{"id":155205,"href":"https:\/\/rdnews.al\/index.php\/wp-json\/wp\/v2\/posts\/155204\/revisions\/155205"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/8020"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=155204"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=155204"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=155204"}],"curies":[{"name":"wp","href":"https:\/\/api.w.org\/{rel}","templated":true}]}}