{"id":156493,"date":"2026-10-13T15:58:16","date_gmt":"2026-10-13T15:58:16","guid":{"rendered":"https:\/\/rdnews.al\/?p=156493"},"modified":"2026-10-13T15:58:16","modified_gmt":"2026-10-13T15:58:16","slug":"revolta-studentore-rruga-e-durresit-ne-kontroll-te-plote-te-protestuesve","status":"publish","type":"post","link":"https:\/\/rdnews.al\/index.php\/2026\/10\/13\/revolta-studentore-rruga-e-durresit-ne-kontroll-te-plote-te-protestuesve\/","title":{"rendered":"Revolta studentore\/ \u201cRruga e Durr\u00ebsit\u201d n\u00eb kontroll t\u00eb plot\u00eb t\u00eb protestuesve!"},"content":{"rendered":"

Rruga e Durr\u00ebsit \u00ebsht\u00eb kthyer n\u00eb epiqendr\u00ebn e protest\u00ebs<\/strong> s\u00eb student\u00ebve pasditen e k\u00ebsaj t\u00eb marte (13 tetor 2026), pas p\u00ebrshkall\u00ebzimit t\u00eb situat\u00ebs para Ministris\u00eb s\u00eb Arsimit.<\/p>\n

Ajo q\u00eb nisi si nj\u00eb tubim i t\u00eb rinjve kund\u00ebr problematikave n\u00eb arsim, u shnd\u00ebrrua brenda pak minutash n\u00eb p\u00ebrplasje t\u00eb forta me policin\u00eb, nd\u00ebrhyrje me autobot\u00eb uji, p\u00ebrdorim t\u00eb gazit lotsjell\u00ebs dhe shoq\u00ebrime t\u00eb protestuesve.<\/p>\n

\"\"
Pamje nga protesta<\/strong><\/figcaption><\/figure>\n

\"\"<\/p>\n

Protesta nisi rreth or\u00ebs 14:00, kur student\u00eb dhe t\u00eb rinj u mblodh\u00ebn n\u00eb Rrug\u00ebn e Durr\u00ebsit, p\u00ebrpara godin\u00ebs s\u00eb Ministris\u00eb s\u00eb Arsimit. Q\u00eb n\u00eb fillim, prania e forcave t\u00eb policis\u00eb ishte e shtuar, nd\u00ebrsa protestuesit shpreh\u00ebn pak\u00ebnaq\u00ebsit\u00eb e tyre ndaj politikave t\u00eb ndjekura n\u00eb arsim dhe k\u00ebrkuan largimin e klas\u00ebs politike.<\/p>\n

Situata u tensionua shpejt. N\u00eb drejtim t\u00eb godin\u00ebs s\u00eb ministris\u00eb u hodh\u00ebn vez\u00eb, boj\u00eb e zez\u00eb dhe sende t\u00eb tjera. P\u00ebrshkall\u00ebzimi i situat\u00ebs u pasua nga nd\u00ebrhyrja e forcave t\u00eb policis\u00eb, t\u00eb cilat p\u00ebrdor\u00ebn autobot\u00ebt me uj\u00eb me presion p\u00ebr t\u00eb shp\u00ebrndar\u00eb turm\u00ebn.<\/p>\n

Pamjet m\u00eb t\u00eb r\u00ebnda t\u00eb protest\u00ebs ishin ato t\u00eb nd\u00ebrhyrjes fizike t\u00eb policis\u00eb ndaj student\u00ebve.<\/strong> Efektiv\u00ebt u pan\u00eb duke kapur protestuesit dhe duke i t\u00ebrhequr zvarr\u00eb, nd\u00ebrsa disa prej t\u00eb rinjve u p\u00ebrball\u00ebn drejtp\u00ebrdrejt me forcat e rendit. Nd\u00ebrhyrjet u shoq\u00ebruan edhe me p\u00ebrdorimin e gazit lotsjell\u00ebs.<\/p>\n

\"\"
Pamje nga protesta<\/strong><\/figcaption><\/figure>\n

\"\"<\/p>\n

Po ashtu n\u00eb shenj\u00eb revolte, nj\u00eb pjes\u00eb e protestuesve shkul\u00ebn pllaka nga trotuari dhe pjes\u00eb t\u00eb kangjellave rrethuese, t\u00eb cilat u p\u00ebrdor\u00ebn p\u00ebr t\u00eb goditur nd\u00ebrtes\u00ebn. Raportohet gjithashtu p\u00ebr thyerje t\u00eb xhamave dhe hedhje gur\u00ebsh e fishekzjarr\u00ebsh n\u00eb drejtim t\u00eb godin\u00ebs dhe forcave t\u00eb rendit.<\/p>\n

\"\"
Pamje nga protesta<\/strong><\/figcaption><\/figure>\n

Si pasoj\u00eb e p\u00ebrplasjeve fizike, disa prej t\u00eb rinjve u pan\u00eb t\u00eb plagosur e t\u00eb gjakosur, nd\u00ebrsa policia shoq\u00ebroi disa prej tyre. Sipas raportimeve, t\u00eb pakt\u00ebn 23 persona jan\u00eb shoq\u00ebruar nga policia.<\/p>\n

\"\"<\/p>\n

Pas nd\u00ebrhyrjes s\u00eb forcave t\u00eb rendit, protesta nuk u shua. Student\u00ebt u zhvendos\u00ebn n\u00eb segmente t\u00eb Rrug\u00ebs s\u00eb Durr\u00ebsit dhe u riorganizuan, duke vijuar tubimin larg godin\u00ebs s\u00eb Ministris\u00eb s\u00eb Arsimit.<\/p>\n

Policia vendosi kordon\u00eb sigurie, me q\u00ebllim mbajtjen n\u00ebn kontroll t\u00eb l\u00ebvizjeve t\u00eb protestuesve dhe pengimin e rikthimit t\u00eb tyre pran\u00eb ministris\u00eb. Megjithat\u00eb, kjo nuk i ndaloi t\u00eb rinjt\u00eb t\u00eb mblidheshin s\u00ebrish dhe t\u00eb marshonin n\u00eb drejtim t\u00eb institucionit.<\/p>\n

Situata u tensionua p\u00ebrs\u00ebri, teksa protestuesit tentuan t\u00eb \u00e7anin kordon\u00ebt e policis\u00eb. Sipas raportimeve, n\u00eb drejtim t\u00eb forcave t\u00eb rendit u hodh\u00ebn gur\u00eb, fishekzjarr\u00eb dhe mjete t\u00eb tjera, nd\u00ebrsa policia u kund\u00ebrp\u00ebrgjigj me uj\u00eb me presion dhe mjete p\u00ebr shp\u00ebrndarjen e turm\u00ebs.<\/p>\n