{"id":160241,"date":"2026-11-09T17:36:58","date_gmt":"2026-11-09T17:36:58","guid":{"rendered":"https:\/\/rdnews.al\/?p=160241"},"modified":"2026-11-09T17:41:21","modified_gmt":"2026-11-09T17:41:21","slug":"korrupsioni-ne-bashki-dhe-ne-ndermarrjen-e-ujsjelles-kanalizimeve-po-helmon-vloren","status":"publish","type":"post","link":"https:\/\/rdnews.al\/index.php\/2026\/11\/09\/korrupsioni-ne-bashki-dhe-ne-ndermarrjen-e-ujsjelles-kanalizimeve-po-helmon-vloren\/","title":{"rendered":"Korrupsioni n\u00eb Bashki dhe n\u00eb Nd\u00ebrmarrjen e Ujsjell\u00ebs-Kanalizimeve po helmon Vlor\u00ebn"},"content":{"rendered":"

Deklarat\u00eb e Partis\u00eb Demokratike Dega Vlor\u00eb, nga an\u00ebtari i K\u00ebshillit Komb\u00ebtar t\u00eb PDSH-s\u00eb, z.Rezenbrik Serjani<\/strong><\/p>\n

Skandali i dy dit\u00ebve t\u00eb fundit me p\u00ebrgjegj\u00ebs direkt Bashkin\u00eb Vlor\u00eb, Kryetaren arrogante t\u00eb saj dhe drejtuesit e korruptuar t\u00eb Nd\u00ebrmarrjes s\u00eb Uj\u00ebsjell\u00ebs Kanalizime Vlor\u00eb; ku nj\u00eb grup f\u00ebmij\u00ebsh u paraqit\u00ebn pran\u00eb Spitalit Rajonal Vlor\u00eb p\u00ebr t\u00eb marr\u00eb ndihm\u00eb mjek\u00ebsore, n\u00eb gjendje t\u00eb r\u00ebnduar sh\u00ebndet\u00ebsore dhe me simptoma t\u00eb theksuara helmimi, duket se ka detyruar institucionet e p\u00ebrgjumura patronazhiste t\u00eb Vlor\u00ebs t\u00eb kujtohen mbi shkaqet reale q\u00eb \u00e7uan n\u00eb k\u00ebt\u00eb situat\u00eb dhe ti detyroje keto te fundit per te bere punen qe kane detyrim institucional dhe ligjor.<\/p>\n

Sipas rezultateve t\u00eb analizave biokimike, helmimi i f\u00ebmij\u00ebve dyshohet se ka ardhur si pasoj\u00eb e kontaminimit t\u00eb ujit t\u00eb pijsh\u00ebm me E. coli, bakter q\u00eb eshte tregues i ndotjes fekale dhe i pranis\u00eb s\u00eb ujit te kontaminuar.<\/p>\n

Akoma m\u00eb tej, analizat dhe provezat e marra nga depozitat e ujit q\u00eb furnizojn\u00eb lagjet e qytetit t\u00eb Vlor\u00ebs tregojn\u00eb, se klorifikimi n\u00eb burimet q\u00eb furnizojn\u00eb pothuajse t\u00eb gjith\u00eb rrjetin e uj\u00ebsjell\u00ebsit t\u00eb qytetit \u00ebsht\u00eb n\u00ebn normat e nevojshme. Nj\u00eb situat\u00eb e till\u00eb eshte jasht\u00ebzakonisht serioze mbi sigurin\u00eb e ujit q\u00eb mb\u00ebrrin n\u00eb \u00e7do rubinete, te \u00e7do familje vlonjate.<\/p>\n

Kjo situat\u00eb i ka kap\u00ebrcyer prej koh\u00ebsh kufijt\u00eb e p\u00ebrgjegjshm\u00ebris\u00eb institucionale. K\u00ebtu kemi t\u00eb b\u00ebjm\u00eb me nj\u00eb rast flagrant, ku nd\u00ebrthuren korrupsioni, pap\u00ebrgjegjshm\u00ebria institucionale dhe shkelja e t\u00eb drejtave themelore t\u00eb njeriut, duke e kanalizuar k\u00ebt\u00eb situat\u00eb drejt nj\u00eb krize t\u00eb r\u00ebnd\u00eb humanitare.<\/p>\n

KORRUPSIONI JU KA VESHUR SYT\u00cb!<\/p>\n

Kryetarja e Bashkis\u00eb Vlor\u00eb dhe i gjithe ekipi drejtues i Nd\u00ebrmarrjes s\u00eb Uj\u00ebsjell\u00ebs-Kanalizimeve si vater gangrene korrupsioni dhe abuzimi me aksionere lubine e Bashkis\u00eb Vlor\u00eb dhe gjysma tjet\u00ebr nga lubia Balluku, jan\u00eb shnd\u00ebrruar n\u00eb nj\u00eb tuf\u00eb drejtuesish anormale q\u00eb, n\u00eb em\u00ebr t\u00eb korrupsionit dhe interesave t\u00eb tyre, po shkelin \u00e7do norm\u00eb institucionale, morale dhe humane.<\/p>\n

Sot qyteti i Vlor\u00ebs ndodhet p\u00ebrball\u00eb nj\u00eb krize t\u00eb r\u00ebnd\u00eb t\u00eb sh\u00ebndetit publik, me pasoja potencialisht humanitare. Qyteti prej vitesh \u00ebsht\u00eb n\u00ebn thundr\u00ebn e korrupsionit dhe keqmenaxhimit institucional. Uj\u00ebsjell\u00ebsi i Vlor\u00ebs \u00ebsht\u00eb rasti tipik, institucioni gangren\u00eb q\u00eb \u00e7do dit\u00eb po e ha, po e bluan dhe po e shkat\u00ebrron k\u00ebt\u00eb qytet.<\/p>\n

Miliona euro tendera, miliona euro prokurime, miliona euro gjoja investime dhe sot, pas gjith\u00eb k\u00ebtyre viteve, p\u00ebrballemi me raste trondit\u00ebse mbi kontaminimin e ujit t\u00eb pijsh\u00ebm q\u00eb furnizon familjet vlonjate.<\/p>\n

Ku kan\u00eb shkuar milionat e tenderave? Ku kan\u00eb p\u00ebrfunduar milionat e investimeve? Kush mban p\u00ebrgjegj\u00ebsi p\u00ebr k\u00ebt\u00eb situat\u00eb?<\/p>\n

Rasti n\u00eb fjal\u00eb, krahas mungeses se ujit, rrezikojne drejtp\u00ebrdrejt p\u00ebrditshm\u00ebrin\u00eb, sh\u00ebndetin dhe jet\u00ebn e \u00e7do familjeje vlonjate. kontaminimi i depozitave t\u00eb ujit dhe t\u00eb rrjetit t\u00eb furnizimit kan\u00eb prekur nj\u00eb \u00e7\u00ebshtje jetike p\u00ebr qytetin, duke shkelur \u00e7do norm\u00eb njer\u00ebzore, morale dhe institucionale.<\/p>\n

N\u00eb Vlor\u00eb duhet t\u00eb shpallet gjendja e jasht\u00ebzakonshme!<\/p>\n

Kryetarja e Bashkis\u00eb Vlor\u00eb dhe i gjith\u00eb zinxhiri drejtues i Nd\u00ebrmarrjes s\u00eb Uj\u00ebsjell\u00ebs-Kanalizimeve duhet t\u00eb jen\u00eb objekt i menj\u00ebhersh\u00ebm i hetimeve penale, p\u00ebr t\u00eb zbardhur p\u00ebrgjegj\u00ebsit\u00eb dhe p\u00ebr t\u00eb v\u00ebn\u00eb p\u00ebrpara drejt\u00ebsis\u00eb \u00e7do person q\u00eb ka kontribuar, me veprime apo mosveprime, n\u00eb krijimin dhe lejimin e k\u00ebsaj situate.<\/p>\n

I b\u00ebjm\u00eb thirrje Prefektes s\u00eb Qarkut Vlor\u00eb t\u00eb mbledh\u00eb n\u00eb m\u00ebnyr\u00eb urgjente strukturat dhe ekipet e emergjencave civile, p\u00ebr t\u00eb vler\u00ebsuar situat\u00ebn dhe p\u00ebr t\u00eb marr\u00eb t\u00eb gjitha masat e nevojshme p\u00ebr mbrojtjen e qytetar\u00ebve.<\/p>\n

I b\u00ebjm\u00eb thirrje Prokuroris\u00eb s\u00eb Vlor\u00ebs t\u00eb nis\u00eb menj\u00ebher\u00eb hetimet, t\u00eb sekuestroj\u00eb dokumentacionin p\u00ebrkat\u00ebs, t\u00eb verifikoj\u00eb analizat e ujit, tenderat dhe investimet nd\u00ebr vite dhe t\u00eb identifikoj\u00eb p\u00ebrgjegj\u00ebsit. Kemi t\u00eb b\u00ebjm\u00eb me nj\u00eb rast t\u00eb r\u00ebnd\u00eb t\u00eb cenimit t\u00eb sh\u00ebndetit publik dhe q\u00eb nuk mund t\u00eb kaloj\u00eb pa p\u00ebrgjegj\u00ebsi penale.<\/p>\n

Kryetarja e Bashkis\u00eb Vlor\u00eb sot minimalisht duhet t\u00eb jap\u00eb dor\u00ebheqjen!<\/p>\n

Vlora nuk mund t\u00eb vazhdoj\u00eb t\u00eb paguaj\u00eb fatur\u00ebn e korrupsionit, t\u00eb klientelizmit dhe t\u00eb keqmenaxhimit institucional.<\/p>\n