{"id":73661,"date":"2024-03-13T09:45:49","date_gmt":"2024-03-13T09:45:49","guid":{"rendered":"https:\/\/rdnews.al\/?p=73661"},"modified":"2024-03-13T09:45:49","modified_gmt":"2024-03-13T09:45:49","slug":"pardesyja-ceke-2","status":"publish","type":"post","link":"https:\/\/rdnews.al\/index.php\/2024\/03\/13\/pardesyja-ceke-2\/","title":{"rendered":"Pardesyja \u00c7eke"},"content":{"rendered":"

\u00a0-Tregim-<\/em><\/strong><\/p>\n

Agim Xh. Deshnica<\/strong><\/p>\n

Qysh para luft\u00ebs, pardesyt\u00eb tek ne mbaheshin mbi kostum sidomos nga t\u00eb rinjt\u00eb e t\u00eb rejat, sapo arrinte gjysma e dyt\u00eb e tetorit. Zakonisht, ato vinin nga jasht\u00eb, s\u00eb pari nga Italia e Franca, m\u00eb von\u00eb nga Hungaria, Rumania etj. Kur sheh fotografit\u00eb e asaj kohe, merr vesh se at\u00ebher\u00eb pothuajse e gjith\u00eb rinia jon\u00eb, p\u00ebrve\u00e7 pardesyve, mbante edhe kapele republike. M\u00eb pas, aty nga viti 1948, k\u00ebto veshje filluan t\u00eb rralloheshin e t\u00eb mos dukeshin fort n\u00ebp\u00ebr rrug\u00eb. Nd\u00ebrsa, n\u00eb vitet gjasht\u00ebdhjet\u00eb nis\u00ebn t\u00eb shfaqeshin disa pardesy prej mushamaje t\u00eb holl\u00eb, q\u00eb mor\u00ebn nga populli emrin f\u00ebshf\u00ebshe, p\u00ebr shkak t\u00eb zhurm\u00ebs q\u00eb b\u00ebnin, duke u f\u00ebrkuar me krah\u00ebt n\u00eb ecje e sip\u00ebr. P\u00ebr t\u2019i bler\u00eb ato, duhej t\u00eb ngjisheshe n\u00ebp\u00ebr radh\u00eb t\u00eb gjata e t\u00eb shtyheshe me b\u00ebrryla e grushte n\u00eb disa pak dyqane, ku n\u00eb m\u00eb t\u00eb shumt\u00ebn e rasteve b\u00ebheshin cop\u00eb-cop\u00eb xhama dhe pasqyra. Pas k\u00ebsaj, bulevardi kryesor i Tiran\u00ebs her\u00eb ngjyrosej n\u00eb gri dhe t\u00eb dukej se ishin ulur ret\u00eb nga Dajti, ose n\u00eb blu, sikur Erzeni ta kishte nd\u00ebrruar shtratin dhe e ndante kryeqytetin m\u00eb dysh.<\/p>\n

Nj\u00ebher\u00eb, n\u00eb ato koh\u00eb, Rudit i erdhi nga Praga nj\u00eb pardesy me coh\u00eb t\u00eb mir\u00eb dhe t\u00eb trash\u00eb, qepur sipas mod\u00ebs evropiane. Ia d\u00ebrgonte i v\u00ebllai, student n\u00eb \u00c7ekosllovaki. Pothuaj gjith\u00eb f\u00ebshf\u00ebshet, n\u00eb p\u00ebrballje me pardesyn\u00eb q\u00eb mbante Rudi, p\u00ebsuan befas nj\u00eb konsum t\u00eb thell\u00eb moral. Se, \u00e7\u2019\u00ebsht\u00eb e v\u00ebrteta, pardesyja e re ia ndryshoi krejt paraqitjen Rudit. Ve\u00e7se, n\u00eb pun\u00eb ai vazhdoi t\u00eb shkonte si edhe m\u00eb par\u00eb, me triko e xhaket\u00eb t\u00eb vjet\u00ebr. Kurse n\u00eb dit\u00ebt e dhjetorit e t\u00eb janarit, kur acari ashp\u00ebrsohej p\u00ebr shkak t\u00eb er\u00ebs s\u00eb Tujanit, ai vishte pallton e trash\u00eb ushtarake t\u00eb t\u00eb atit, q\u00eb ishte bler\u00eb qysh pas \u00e7lirimit.<\/p>\n

Kur dilte n\u00eb rrug\u00eb e n\u00eb bulevard me pardesyn\u00eb \u00e7eke, me jak\u00ebn pak\u00ebz t\u00eb ngritur, Rudi binte menj\u00ebher\u00eb n\u00eb sy. Ndaj nisi t\u00eb krihej m\u00eb me kujdes dhe t\u2019i lustroste mir\u00eb e bukur t\u00eb vetmet k\u00ebpuc\u00eb rumune q\u00eb kishte. Por, edhe p\u00ebrpiqej t\u00eb rregullonte hapin dhe ta drejtonte trupin, q\u00eb zakonisht e mbante pak\u00ebz t\u00eb p\u00ebrkulur. Ai b\u00ebri me pardesyn\u00eb edhe fotografi n\u00eb studion Foto-Sporti. Dhe me hak. Se kur shkonte rrug\u00ebs, vajzat e kalimtar\u00ebt kthenin kok\u00ebn p\u00ebr ta par\u00eb m\u00eb mir\u00eb. N\u00eb kinema Rudin e gjeje me pardesyn\u00eb palosur me kujdes mbi gjunj\u00eb. Po at\u00eb e shihje shpesh edhe n\u00eb sheshin Sk\u00ebnderbej, para pallatit t\u00eb kultur\u00ebs me kolona. P\u00ebr pranin\u00eb e tij n\u00eb at\u00eb shesh t\u00eb zhurmsh\u00ebm, ishte nxit\u00ebse sigurisht pardesyja \u00e7eke. Ve\u00e7, \u00e7\u2019ndodhi pas disa muajve? N\u00eb nd\u00ebrmarrjen e Rudit erdhi me pun\u00eb nj\u00eb djalosh kor\u00e7ar, biond e sygri, me emrin Vask\u00eb, q\u00eb ishte caktuar teknik n\u00eb repartin e parafabrikateve betonarme. N\u00eb dukje – i qeshur dhe i urt\u00eb. Rudi bisedonte shpesh me Vask\u00ebn p\u00ebr bukurin\u00eb e fshatit t\u00eb tij n\u00eb t\u00eb hyr\u00eb t\u00eb Kor\u00e7\u00ebs. K\u00ebshtu, nuk vonoi e u miq\u00ebsuan, p\u00ebr m\u00eb tep\u00ebr, se Rudit i p\u00eblqente Kor\u00e7a e bulevardeve dhe e serenatave me kitara e mandolina.<\/p>\n

Nj\u00eb t\u00eb shtun\u00eb, te klubi i Sanijes, Rudi i tregonte Vask\u00ebs:<\/p>\n

– E mbaj mend Kor\u00e7\u00ebn si n\u00eb tym. Nj\u00eb p\u00ebrrua n\u00eb mes, bulevarde, sht\u00ebpi t\u00eb hijshme e t\u00eb rreshtuara gjat\u00eb rrug\u00ebve t\u00eb drejta e t\u00eb pastra me kalldr\u00ebm. Atje shijova p\u00ebr her\u00eb t\u00eb par\u00eb birr\u00ebn e njohur kor\u00e7are dhe gazozet n\u00eb shishe me tap\u00eb t\u00eb bardh\u00eb porcelani. Bukur, bukur!<\/p>\n

– Ua, e paske par\u00eb Kor\u00e7\u00ebn, bre!? Me sh\u00ebrbim ke qen\u00eb atje, h\u00eb? Me siguri, ke fjetur edhe te turizmi i vjet\u00ebr ti, apo jo?<\/p>\n

– \u00c7ne! Kam shkuar n\u00eb k\u00ebmb\u00eb n\u00eb Kor\u00e7\u00eb.<\/p>\n

– \u00c7\u2019thua, o t\u2019u mbyllt\u00eb!<\/p>\n

– Po, po! Isha i ri at\u00ebher\u00eb. Mora pjes\u00eb n\u00eb nj\u00eb ekskursion me nj\u00eb vargan nx\u00ebn\u00ebsish maturant\u00eb t\u00eb shkollave t\u00eb mesme t\u00eb Tiran\u00ebs. Qen\u00eb me ne edhe nja gjasht\u00eb – shtat\u00eb vajza, t\u00eb veshura gjysm\u00eb ushtarake, me rroba engleze, me \u00e7anta e torba n\u00eb shpin\u00eb. Ishte korriku i nxeht\u00eb i vitit 1951 dhe udh\u00ebtimi yn\u00eb – tep\u00ebr i lodhsh\u00ebm. Shpesh, larg fshatrave, na mundonte etja dhe uria. Nga Tirana shkuam n\u00eb Pez\u00eb, Peqin, Ku\u00e7ov\u00eb, Berat. Prej atje dol\u00ebm n\u00eb Qaf\u00ebn e Sinj\u00ebs, n\u00eb Ballsh, Selenic\u00eb, Vlor\u00eb, Brataj. Pastaj iu ngjit\u00ebm maleve, n\u00eb Ku\u00e7, Qaf\u00eb e Gomares, Golem, Mashkullor\u00eb t\u00eb Gjirokastr\u00ebs e m\u00eb tej. Mbaj mend se n\u00eb Selenic\u00eb, n\u00ebp\u00ebr galerit\u00eb e ul\u00ebta t\u00eb minier\u00ebs s\u00eb bitumit, sado q\u00eb p\u00ebrkulnim trupin, na p\u00ebrplasej balli n\u00ebp\u00ebr trar\u00ebt. Te nj\u00eb guv\u00eb me kate punonin minator\u00eb me kazma e lopata. Nj\u00ebri nga ata i nxir\u00eb keq nga pluhuri na p\u00ebrsh\u00ebndeti dhe na tregoi se paskej punuar n\u00eb minierat e Sent Etienit n\u00eb Franc\u00eb, por e pat\u00ebn p\u00ebrz\u00ebn\u00eb, se kishte marr\u00eb pjes\u00eb n\u00eb nj\u00eb grev\u00eb t\u00eb p\u00ebrkrahur nga sindikatat! N\u00eb Ku\u00e7 pash\u00eb pothuaj vet\u00ebm gra e pleq. Kur vajt\u00ebm ne atje, ia mor\u00ebn k\u00ebng\u00ebs \u201cKurvelesh, zemra ime, \u00e7\u2019jan\u00eb ato bombardime!?…\u201d Nj\u00ebri q\u00eb fliste pak si shum\u00eb na tregoi se si i trazonin nat\u00ebn rojet italiane pran\u00eb postoblloqeve. Pastaj hodhi syt\u00eb nga malet dhe na tha se me gjermanin nuk b\u00ebhej shaka! Ai qerrata u ishte qepur k\u00ebmba – k\u00ebmb\u00ebs deri n\u00eb kreshta e maja! N\u00eb drek\u00eb un\u00eb e disa shok\u00eb t\u00eb mi h\u00ebngr\u00ebm grosh\u00eb te nj\u00eb sht\u00ebpi dhe nat\u00ebn e kaluam t\u00eb gjith\u00eb n\u00eb nj\u00eb kasolle. Mbi kak\u00ebrdhi dhish\u00eb shtruam batanijet dhe fjet\u00ebm t\u00eb nanurisur nga m\u00ebrm\u00ebritja e buronj\u00ebs nd\u00ebn rrapin vigan t\u00eb Ku\u00e7it.<\/p>\n

– M\u00eb ju lumt\u00eb, bre, m\u00eb ju lumt\u00eb! Qejf i madh e jo shaka!<\/p>\n

– Pas P\u00ebrmetit e Frash\u00ebrit mor\u00ebm drejtimin p\u00ebr n\u00eb Kor\u00e7\u00eb.<\/p>\n

N\u00eb nj\u00eb fshat, n\u00eb fush\u00eb, m\u00eb caktuan p\u00ebr drek\u00eb te nj\u00eb sht\u00ebpi p\u00ebrdhese rrethuar me gardh. Tri vajza t\u00eb reja m\u00eb prit\u00ebn mir\u00eb. Mbaj mend se m\u00eb vun\u00eb p\u00ebrpara te nj\u00eb pjat\u00eb e thell\u00eb cingoje kat\u00ebr vez\u00eb t\u00eb f\u00ebrguara, q\u00eb notonin n\u00eb gjalp\u00eb. Tri vajzat ishin si shtojzovalle dhe t\u00eb veshura qytetar\u00e7e. Qeshnin dhe m\u00eb shikonin drejt n\u00eb sy.<\/p>\n

– E po, vajza pe Kor\u00e7e, or ti!<\/p>\n

– Sigurisht! Pasdite u vum\u00eb n\u00eb rrug\u00eb. Nata na zuri n\u00eb Vithkuq.<\/p>\n

– Ooo! Nga Vithkuqi kam n\u00ebn\u00ebn un\u00eb! – tha Vaska.<\/p>\n

– Ashtu!? Ishte fshat i bukur dhe me plot pisha. Nat\u00ebn b\u00ebnte ftoht\u00eb atje, edhe pse ishin dit\u00eb korriku.<\/p>\n

– V\u00ebrtet!<\/p>\n

– Kur arrit\u00ebm ishte err\u00ebsir\u00eb, ndaj humb\u00ebm udh\u00ebn. Na rrethuan ushtar\u00ebt e repartit t\u00eb Vithkuqit. Na mor\u00ebn p\u00ebr diversant\u00eb. Po kur d\u00ebgjuan z\u00ebra vajzash, pyet\u00ebn: \u201c\u00c7\u2019jeni ju?\u201d Dy – tre nga ne u p\u00ebrgjigj\u00ebn: \u201cNx\u00ebn\u00ebs nga Tirana jemi!\u201d \u201cB0, bo! Desh krisi pushka k\u00ebtu, more shok\u00eb!\u201d At\u00eb koh\u00eb nj\u00eb grup ushtar\u00ebsh t\u00eb armatosur u duk\u00ebn n\u00eb sheshin ku ishim ndalur.<\/p>\n

Kaluam edhe n\u00eb pyllin e Mak\u00ebrz\u00ebs me hije e luleshtrydhe. Pim\u00eb uj\u00eb te \u201c\u00c7ezma e Mbretit\u201d. \u00c7\u2019ta zgjas! Pas 25 dit\u00ebsh udh\u00ebtimi, t\u00eb nxir\u00eb nga dielli, t\u00eb dob\u00ebsuar e t\u00eb pluhurosur, pasi lam\u00eb fshatin Qatrom, mb\u00ebrrit\u00ebm aty nga mbr\u00ebmja n\u00eb Kor\u00e7\u00eb. N\u00eb kthim na priste Pogradeci, Qaf\u00eb – Thana, Elbasani, Qafa e K\u00ebrrab\u00ebs dhe, m\u00eb n\u00eb fund, Tirana.<\/p>\n

– Ua, sa rrug\u00eb paskeni b\u00ebr\u00eb!<\/p>\n

Rudi pa or\u00ebn dhe tha:<\/p>\n

– Kthehemi n\u00eb pun\u00eb!<\/p>\n

Nj\u00eb dit\u00eb Vaska hyri n\u00eb zyr\u00ebn e Rudit, buz\u00ebqeshi dhe i tregoi:<\/p>\n

– U fejova, bre!<\/p>\n

– O, o! – thirri Rudi me at\u00eb z\u00ebrin pak si t\u00eb ngjirur. – Urime, urime! Nga \u00ebsht\u00eb nusja?<\/p>\n

– Nga nj\u00eb fshat ngjitur me tonin.<\/p>\n

– Po kur k\u00ebshtu?<\/p>\n

– Pardje! E b\u00ebm\u00eb fejes\u00ebn tak – fak te nj\u00eb pasti\u00e7eri n\u00eb rrug\u00ebn e Durr\u00ebsit. Isha me v\u00ebllez\u00ebrit e mi atje dhe me ca kush\u00ebrinj t\u00eb nuses.<\/p>\n

– Prandaj s\u2019t\u00eb kam par\u00eb k\u00ebto dit\u00eb un\u00eb ty! T\u00eb lumt\u00eb, t\u00eb lumt\u00eb!…<\/p>\n

P\u00ebr nj\u00eb koh\u00eb u b\u00eb heshtje.<\/p>\n

– E di qysh e kam hallin, bre Rud? – Vaska u hodhi nj\u00eb v\u00ebshrim letrave t\u00eb shp\u00ebrndara mbi tavolin\u00eb, pastaj tha: – Do t\u00eb shkoj n\u00eb fshat p\u00ebr t\u00eb k\u00ebmbyer nishanet! Kostumin, trikon dhe k\u00ebmish\u00ebn m\u2019i blen\u00eb v\u00ebllez\u00ebrit, q\u00eb erdh\u00ebn nga Kor\u00e7a. M\u00eb rrin\u00eb p\u00ebr bukuri, por \u00e7\u2019e do!<\/p>\n

– Si \u00ebsht\u00eb puna ?<\/p>\n

– Un\u00eb do t\u00eb kisha qejf t\u00eb shkoja n\u00eb fshat si njeri, q\u00eb vjen nga Tirana. – Ai u mendua nj\u00eb hop dhe shtoi: – T\u00eb lutem, a ma jep pardesyn\u00eb \u00e7eke sa t\u00eb vete e t\u00eb vij? Ve\u00e7 p\u00ebr pes\u00eb dit\u00eb e dua! T\u00eb h\u00ebn\u00ebn m\u00eb ke k\u00ebtu, p\u00ebr nderin e familjes! Dhe mos u b\u00ebj merak, se do t\u00eb ta mbaj mir\u00eb!<\/p>\n

– Eh, po un\u00eb at\u00eb t\u00eb vetme kam! Megjithat\u00eb, s\u2019ta prish dot, por ma kij kujdes, aman!<\/p>\n

– \u00c7\u2019\u00ebsht\u00eb ajo fjal\u00eb! Bile, nuk do ta vesh rrug\u00ebs, po kur t\u00eb jem n\u00eb t\u00eb hyr\u00eb t\u00eb fshatit!<\/p>\n

Dhe k\u00ebshtu, dh\u00ebndri yn\u00eb, i rruar e i krehur bukur, me kravat\u00eb t\u00eb kuqe e me k\u00ebmish\u00eb nga Tirana, me triko, kostum e \u00e7orape prej Kor\u00e7e, me k\u00ebpuc\u00eb t\u00eb zeza nga Elbasani dhe me pardesy moderne nga Praga, pra, veshur, ngjeshur e kapardisur, hipi p\u00ebrpara te nj\u00eb Zis i Kor\u00e7\u00ebs tok me nj\u00ebrin v\u00eblla. E kur njer\u00ebzit e tjer\u00eb zun\u00eb vend n\u00eb karroceri, u nis\u00ebn t\u00eb qeshur.<\/p>\n

Rudi nuk u duk n\u00eb bulevard n\u00eb ato pes\u00eb dit\u00eb n\u00ebntori. Ai priste t\u00eb vinte t\u00eb h\u00ebn\u00ebn Vaska dhe t\u2019i kthente pardesyn\u00eb. Por, iku e marta tok me t\u00eb e m\u00ebrkura, iku e enjtja dhe po afrohej e diela. Gjat\u00eb atyre dit\u00ebve me festa kris\u00ebn e shndrit\u00ebn fishekzjarret, madje gj\u00ebmuan edhe topat. Nd\u00ebrsa ai mbeti i mbyllur n\u00eb sht\u00ebpi dhe n\u00eb kulmin e m\u00ebrzitjes. I afrohej dritares dhe shihte n\u00eb qiell shk\u00ebndijat q\u00eb binin si shi pas krismave, n\u00eb mes atij ndri\u00e7imi verbues.<\/p>\n

Ai e k\u00ebrkoi Vask\u00ebn t\u00eb h\u00ebn\u00ebn e dyt\u00eb, por nuk e gjeti. Mori vesh se inxhinieri e kishte d\u00ebrguar me sh\u00ebrbim n\u00eb Rrogozhin\u00eb e n\u00eb Peqin dhe sa nuk u \u00e7mend. Por, m\u00eb kot, se pas nja tri dit\u00ebsh t\u00eb tjera, dh\u00ebndri i ri biond e sygri u duk n\u00eb pragun e der\u00ebs, n\u00eb mes shum\u00eb njer\u00ebzve, q\u00eb prisnin t\u00eb merrnin rrogat. Hyri brenda, la n\u00eb tavolin\u00ebn e makin\u00ebs s\u00eb shkrimit di\u00e7ka t\u00eb mb\u00ebshjell\u00eb me let\u00ebr ambalazhi nga ato t\u00eb thas\u00ebve t\u00eb \u00e7imentos, u kthye te ark\u00ebtarja, mori rrog\u00ebn dhe u largua pa u ndjer\u00eb. Rudin e kapi nj\u00eb parandjenj\u00eb e keqe. U ngrit dhe shkoi te tavolina e vog\u00ebl, k\u00ebputi me forc\u00eb spangot e pakos dhe e hapi. Pa nj\u00eb zhele t\u00eb err\u00ebt e t\u00eb p\u00ebshtir\u00eb, me balt\u00eb. Mezi e njohu nga xhepat e nga jaka. Ishte pardesyja e vet \u00e7eke. Sa nuk i ra pika e iu pre fryma. Tashm\u00eb kuptoi qart\u00eb e me dhimbje se kishte marr\u00eb fund nj\u00ebher\u00eb e p\u00ebrgjithmon\u00eb eleganca e tij n\u00ebp\u00ebr bulevardin e Tiran\u00ebs. Po kush ia kishte fajin? I ra ballit me p\u00ebll\u00ebmb\u00eb. Ndezi nj\u00eb cigare dhe v\u00ebshtroi jasht\u00eb dritares. N\u00eb Qaf\u00ebn e Tujanit dhe mbi livadhet e Dajtit, po dyndeshin re. Pritej shi Tirane.<\/p>\n","protected":false},"excerpt":{"rendered":"

\u00a0-Tregim- Agim Xh. Deshnica Qysh para luft\u00ebs, pardesyt\u00eb tek ne mbaheshin mbi kostum sidomos nga t\u00eb rinjt\u00eb e t\u00eb rejat, sapo arrinte gjysma e dyt\u00eb e tetorit. Zakonisht, ato vinin nga jasht\u00eb, s\u00eb pari nga Italia e Franca, m\u00eb von\u00eb nga Hungaria, Rumania etj. Kur sheh fotografit\u00eb e asaj kohe, merr vesh se at\u00ebher\u00eb pothuajse …<\/p>\n","protected":false},"author":4,"featured_media":72688,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[42],"tags":[],"class_list":["post-73661","post","type-post","status-publish","format-standard","has-post-thumbnail","","category-kulture"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/73661","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=73661"}],"version-history":[{"count":0,"href":"https:\/\/rdnews.al\/index.php\/wp-json\/wp\/v2\/posts\/73661\/revisions"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/72688"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=73661"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=73661"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=73661"}],"curies":[{"name":"wp","href":"https:\/\/api.w.org\/{rel}","templated":true}]}}