{"id":76089,"date":"2024-04-10T09:02:32","date_gmt":"2024-04-10T09:02:32","guid":{"rendered":"https:\/\/rdnews.al\/?p=76089"},"modified":"2024-04-10T09:02:55","modified_gmt":"2024-04-10T09:02:55","slug":"gazetarja-nxjerr-zbuluar-veliajn-ka-emeruar-vete-administrator-drejtorin-e-arrestuar","status":"publish","type":"post","link":"https:\/\/rdnews.al\/index.php\/2024\/04\/10\/gazetarja-nxjerr-zbuluar-veliajn-ka-emeruar-vete-administrator-drejtorin-e-arrestuar\/","title":{"rendered":"Dokumenti\/ Gazetarja nxjerr zbuluar Veliajn: Ka em\u00ebruar vet\u00eb administrator drejtorin e arrestuar"},"content":{"rendered":"

Zbulohet nj\u00eb tjet\u00ebr mashtrim i kryebashkiakut Erion Veliaj, lidhur me kompanin\u00eb Tirana DC, me administrator Redi Moll\u00ebn tashm\u00eb i arrestuar nga SPAK. Gazetarja Ola Xama, ka publikuar nj\u00eb dokument q\u00eb nxjerr zbuluar Veliajn pasi ka em\u00ebruar vet\u00eb Redi Moll\u00ebn administrator t\u00eb \u201cTirana DC\u201d.<\/p>\n

Veliaj i pyetur m\u00eb her\u00ebt n\u00eb lidhje me kompanin\u00eb \u00ebsht\u00eb shprehur se nuk ka dijeni mbi veprimtarin\u00eb dhe aktivitetin e saj, por dokumenti i publikuar nga Xama, v\u00ebrteton se Veliaj ka dijeni t\u00eb plot\u00eb mbi kompanin\u00eb pasi vet\u00eb ky i fundit ka em\u00ebruar Redi Moll\u00ebn administrator t\u00eb k\u00ebsaj kompanie.<\/p>\n

Por n\u00eb t\u00eb nj\u00ebjt\u00ebn koh\u00eb Molla ishte ngarkuar po ashtu dhe me detyr\u00ebn e antarit t\u00eb K\u00ebshillit Drejtues dhe at\u00eb t\u00eb audituesit ligjor, gj\u00eb t\u00eb cil\u00ebn Xama e ka quajtur konflikt interesi.<\/p>\n

\u00a0\u201cTirana DC u themelua m\u00eb 28 tetor 2020 si nj\u00eb nd\u00ebrmarrje publike n\u00eb pron\u00ebsi t\u00eb bashkis\u00eb Tiran\u00eb. Q\u00ebllimi i saj \u00ebsht\u00eb nd\u00ebrtimi, rind\u00ebrtimi, zhvillimi i pronave t\u00eb bashkis\u00eb dhe investimi ose bashk\u00eb-investimi me aktor\u00eb privat\u00eb.<\/em>
\n\u00a0<\/em>
\nKryetari i bashkis\u00eb Tiran\u00eb merr vendim q\u00eb administrator i kompanis\u00eb t\u00eb jet\u00eb z.Redi Molla, i cili ngarkohet po ashtu dhe me detyr\u00ebn e antarit t\u00eb K\u00ebshillit Drejtues dhe at\u00eb t\u00eb audituesit ligjor. Konflikt m\u00eb i madh interesi nuk \u00ebsht\u00eb par\u00eb ndonj\u00ebher\u00eb. Redi Molla jepte llogari te vetja si an\u00ebtar i K\u00ebshillit Drejtues dhe kontrollonte veten si auditues i jasht\u00ebm me detyr\u00ebn e ekspertit kontab\u00ebl.<\/em>
\n\u00a0<\/em>
\nCaktimi si ekspert kontab\u00ebl i dikujt q\u00eb nuk ka as licenc\u00eb p\u00ebr t\u00eb ushtruar k\u00ebt\u00eb profesion \u00ebsht\u00eb i paligjsh\u00ebm, por veprimet p\u00ebr t\u00eb ndryshuar situat\u00ebn u mor\u00ebn vet\u00ebm pas denoncimit t\u00eb medias (ACJQ) dhe shoq\u00ebris\u00eb civile\u201d,-<\/em>\u00a0shkruan Xama.<\/p>\n

\"May<\/p>\n

\n
\n
\n
<\/div>\n
M\u00eb tej Xama shprehet se vet\u00eb vendimi p\u00ebr themelimin e kompanis\u00eb \u201cTirana DC\u201d \u00ebsht\u00eb nj\u00eb shkelje e hapur e ligjit p\u00ebr Nd\u00ebrrmarrjet Shtet\u00ebrore. Ajo shprehet se t\u00eb treja detyrat q\u00eb i ishin ngarkuar Moll\u00ebs bien ndesh me nj\u00ebra \u2013 tjetr\u00ebn dhe sjellin konflikt interesi, n\u00eb nj\u00eb shoq\u00ebri e cila deklaron si q\u00ebllime t\u00eb saj nxitjen e zhvillimit ekonomik n\u00ebp\u00ebrmjet investimeve me kapital shtet\u00ebror dhe bashk\u00ebpunimin me sektorin privat apo t\u00eb huaj.<\/div>\n<\/div>\n<\/div>\n<\/div>\n

\u201cP\u00ebrve\u00e7 konfliktit t\u00eb past\u00ebr t\u00eb interesit, vendimi p\u00ebr themelimin e k\u00ebsaj kompanie me vendosjen n\u00eb pozicione drejtuese dhe kontrolluese t\u00eb nj\u00eb punonj\u00ebsi t\u00eb vet\u00ebm \u00ebsht\u00eb n\u00eb shkelje t\u00eb hapur t\u00eb Ligjit p\u00ebr Nd\u00ebrmarrjet Shtet\u00ebrore. Ligji p\u00ebrcakton q\u00eb kompanit\u00eb publike duhet t\u00eb ken\u00eb minimalisht 5 an\u00ebtar\u00eb n\u00eb K\u00ebshillin Drejtues, Tirana DC ka patur dhe vazhdon t\u00eb ket\u00eb vet\u00ebm 3, duhet q\u00eb 1 prej tyre t\u00eb jet\u00eb p\u00ebrfaq\u00ebsues i sindikat\u00ebs s\u00eb punonj\u00ebsve dhe kontrollor\u00ebt e llogarive t\u00eb jen\u00eb t\u00eb pavarur.<\/em>
\n\u00a0<\/em>
\nNdalohet n\u00eb m\u00ebnyr\u00eb t\u00eb prer\u00eb financimi i kompanive publike nga shteti, p\u00ebrve\u00e7se me ligj t\u00eb ve\u00e7ant\u00eb p\u00ebr situata t\u00eb ve\u00e7anta dhe t\u00eb argumentuara. N\u00eb rastin e Tirana DC vendimi i K\u00ebshillit Bashkiak thot\u00eb shprehimisht se \u201cmund t\u00eb financohet nga bashkia\u201d.<\/em>
\n\u00a0<\/em>
\nDeri n\u00eb fund t\u00eb vitit 2022 (sipas bilanceve t\u00eb dor\u00ebzuara), Tirana DC ka ark\u00ebtuar 0 t\u00eb ardhura dhe ka shpenzuar 1.7 milion euro. Q\u00ebllimi i krijimit t\u00eb saj nuk ishte fitimi, por anashkalimi i procedurave ligjore t\u00eb prokurimit p\u00ebr t\u00eb hyr\u00eb n\u00eb marr\u00ebveshje me privatin dhe p\u00ebr t\u2019i marr\u00eb me forc\u00eb pronat qytetar\u00ebve!<\/em>
\n\u00a0<\/em>
\nKjo \u00ebsht\u00eb puna e mir\u00eb e drejtuesve t\u00eb arrestuar n\u00eb Bashkin\u00eb Tiran\u00eb q\u00eb kan\u00eb administruar k\u00ebt\u00eb kompani, \u00e7do fjali q\u00eb tenton t\u00eb zhb\u00ebj\u00eb p\u00ebrmasat e korrupsionit ngjan me shprehjen ikonike t\u00eb Shvejkut \u201c\u00c7\u2019m\u00eb duhet mua \u00e7\u2019b\u00ebj un\u00eb?!\u201d,<\/em>\u2013 p\u00ebrfundon Xama.<\/p>\n

Reagimi i Xam\u00ebs:<\/strong><\/p>\n