{"id":82303,"date":"2024-06-15T09:53:51","date_gmt":"2024-06-15T09:53:51","guid":{"rendered":"https:\/\/rdnews.al\/?p=82303"},"modified":"2024-06-15T10:03:15","modified_gmt":"2024-06-15T10:03:15","slug":"shkodra-si-nje-skene-lufte","status":"publish","type":"post","link":"https:\/\/rdnews.al\/index.php\/2024\/06\/15\/shkodra-si-nje-skene-lufte\/","title":{"rendered":"Shkodra, si nj\u00eb sken\u00eb lufte!"},"content":{"rendered":"
\n

Ajo q\u00eb shihet sot n\u00eb Shkod\u00ebr ngjan me nj\u00eb sken\u00eb lufte pas zjarrit t\u00eb djesh\u00ebm n\u00eb tregun e rrobave t\u00eb p\u00ebrdorura.<\/p>\n

Llamarina t\u00eb hedhura pirg, mallra t\u00eb shkrumbuara dhe sht\u00ebpi t\u00eb djegura, ky \u00ebsht\u00eb bilanci i asaj q\u00eb preku dhjet\u00ebra familje n\u00eb d\u00ebm ekonomik. Si pasoj\u00eb e zjarrit u dogj\u00ebn 80 nj\u00ebsi tregtare dhe pes\u00eb sht\u00ebpi banimi.<\/p>\n

Tregtar\u00ebt mes trishtimit dhe apelit p\u00ebr ndihm\u00eb<\/strong><\/p>\n

Zjarri i r\u00ebn\u00eb pasditen e djeshme n\u00eb lagjen \u201cNdoc Mazi\u201d t\u00eb Shkodr\u00ebs n\u00eb tregun e rrobave t\u00eb p\u00ebrdorura, ka l\u00ebn\u00eb dhjet\u00ebra tregtar\u00eb pa pun\u00eb e pa mall pasi i \u00ebsht\u00eb djegur i gjithi. Mes trishtimit dhe apelit p\u00ebr ndihm\u00eb, tregtar\u00ebt n\u00eb Shkod\u00ebr b\u00ebjn\u00eb apel q\u00eb shteti t\u00eb mendoj\u00eb p\u00ebr ato pasi me at\u00eb pun\u00eb kan\u00eb mbajtur familjen.<\/p>\n

“Aman mor. Ne jemi n\u00eb rregull me \u00e7do gj\u00eb, \u00e7far\u00eb na kan\u00eb k\u00ebrkuar, i kemi paguar. Kemi miliona, kemi shpirtin, kemi zemr\u00ebn, \u00e7do gj\u00eb e kemi k\u00ebtu. Po shqyqr i madh Zoti q\u00eb kemi shp\u00ebtuar me kok\u00eb. Shteti t\u00eb mendoj\u00eb p\u00ebr ne se e kemi buk\u00ebn e goj\u00ebs, nj\u00eb dit\u00eb pa pun\u00eb k\u00ebtu, nj\u00eb dit\u00eb pa buk\u00eb. Kemi familje, kemi njer\u00ebz t\u00eb s\u00ebmur\u00eb n\u00ebp\u00ebr sht\u00ebpia. Ne jemi t\u00eb gjith\u00eb nevojtar\u00eb, jemi shtres\u00eb m\u00eb e lodhur e shoq\u00ebris\u00eb. I kemi me djers\u00eb e me gjakun e shpirtin ton\u00eb, ju lutem vini dor\u00ebn n\u00eb zem\u00ebr p\u00ebr k\u00ebto familje k\u00ebtu. Jam komplet e shokuar, nuk di \u00e7far\u00eb t\u00eb them. Jemi t\u00eb gjitha me halle e probleme,”\u00a0thot\u00eb nj\u00eb tregtare.<\/p>\n

“Ne kemi tregun k\u00ebtu. 22 vjet q\u00eb punojm\u00eb k\u00ebtu. Kemi rritur f\u00ebmij\u00ebt me k\u00ebt\u00eb pun\u00eb. Nuk e di se si ndodhi. Nuk ka qen\u00eb asnj\u00ebher\u00eb me ndodh\u00eb kjo pun\u00eb. I gjith\u00eb malli ka qen\u00eb brenda. Un\u00eb p\u00ebr vete i kam aty brenda 10 milion\u00eb. Na ka fikur. Ne jetojm\u00eb 6 veta vet\u00ebm me k\u00ebt\u00eb pun\u00eb, nuk kemi t\u00eb ardhura t\u00eb tjera 22 vjet. Tregu ka pasur roje. Nuk dim\u00eb nga ka ardhur zjarri se ne deri n\u00eb 1 e gjys\u00ebm kemi punuar, kemi mbyllur mallin dhe kemi ikur t\u00eb gjith\u00eb n\u00ebp\u00ebr sht\u00ebpia. Roja ka qen\u00eb aty. SI ndodhi nj\u00eb Zot e di. Ne duam ndihm\u00eb nga shteti dhe p\u00ebr t\u00eb na b\u00ebr\u00eb nj\u00eb treg tjet\u00ebr se ne jemi n\u00eb rrug\u00eb t\u00eb madhe,”\u00a0thekson nj\u00eb tregtare tjet\u00ebr.<\/p>\n

“Kemi pasur buk\u00ebn e goj\u00ebs, vij nga Berdica k\u00ebtu. Komplet malli \u00ebsht\u00eb djegur sikur e kam marr\u00eb. E kemi b\u00ebr\u00eb me 1 mij\u00eb halle, duke e bler\u00eb vendin me borxhe p\u00ebr t\u00eb jetuar, tani na doli dhe kjo pun\u00eb”.<\/p>\n

Nj\u00eb prononcim p\u00ebr mediat ka dh\u00ebn\u00eb edhe zjarrfik\u00ebsi, i cili ka punuar s\u00eb bashku me strukturat e tjera p\u00ebr shuarjen e flak\u00ebve n\u00eb tregun e rrobave, i cili ka th\u00ebn\u00eb se nuk jan\u00eb ndeshur m\u00eb par\u00eb me nj\u00eb situat\u00eb t\u00eb till\u00eb n\u00eb Shkod\u00ebr.<\/p>\n

“Pasi ka ardhur njoftimi, kemi v\u00ebn\u00eb n\u00eb eficenc\u00eb 7 mjete zjarrfik\u00ebse p\u00ebrsa i p\u00ebrket shuarjes s\u00eb zjarrit n\u00eb tregun e lagjes Perash. N\u00eb k\u00ebt\u00eb operacion jan\u00eb angazhuar t\u00eb gjith\u00eb mjetet dhe po ashtu na kan\u00eb ardhur n\u00eb ndihm\u00eb dhe nga qytete t\u00eb tjera. Ka qen\u00eb nj\u00eb nga rastet m\u00eb t\u00eb v\u00ebshtira, zjarri ka qen\u00eb i menj\u00ebhersh\u00ebm, kishte nj\u00eb vrull t\u00eb papar\u00eb q\u00eb nuk na kishte ndodhur ndonj\u00ebher\u00eb n\u00eb zon\u00ebn e Shkodr\u00ebs”.<\/p>\n