![\"\"](\"https:\/\/boldnews.al\/wp-content\/uploads\/2024\/07\/pajisjet-rinas-1536x1024-1-640x427.jpg\")
T\u00eb dh\u00ebnat e publikuara nga Drejtoria e P\u00ebrgjithshme e Doganave tregojn\u00eb se porta kryesore e monedhave t\u00eb huaja t\u00eb padeklaruara \u00ebsht\u00eb porti i Durr\u00ebsit, i ndjekur nga aeroporti nd\u00ebrkomb\u00ebtar \u201cN\u00ebn\u00eb Tereza\u201d n\u00eb Rinas, ku sekuestrimi i parave t\u00eb thata ka sh\u00ebnuar rritje vit pas viti.<\/p>\n
Sipas Policis\u00eb s\u00eb Shtetit, gjat\u00eb vitit 2023 u bllokuan n\u00eb pikat e kalimit kufitar gati 2 milion\u00eb euro dhe rreth 455 mij\u00eb paund britanik\u00eb.<\/p>\n
Trendi n\u00eb rritje i sekuestrimit t\u00eb parave cash \u00ebsht\u00eb m\u00eb i duksh\u00ebm p\u00ebr paundin britanik, i cili \u00ebsht\u00eb gati trefishuar n\u00eb krahasim me vitin 2022.<\/p>\n
P\u00ebr ekspert\u00ebt e ekonomis\u00eb, parat\u00eb e padeklaruara n\u00eb kufi nuk rrjedhin domosdoshm\u00ebrisht nga aktivitete kriminale, por ato tregojn\u00eb nj\u00eb prirje edhe n\u00eb k\u00ebt\u00eb drejtim.<\/p>\n
\u201cN\u00ebse hulumtohen t\u00eb ardhurat nga aktiviteti i paligjsh\u00ebm i trafikimit t\u00eb l\u00ebnd\u00ebve narkotike, ato kan\u00eb burimin nga ato tregje q\u00eb dominojn\u00eb tregtin\u00eb si Hollanda, Britania e Madhe apo Italia,\u201d tha Artan Gjergji, ekspert i \u00e7\u00ebshtjeve financiare.<\/p>\n
T\u00eb dh\u00ebnat e siguruara nga BIRN p\u00ebrmes k\u00ebrkesave p\u00ebr t\u00eb drejt\u00eb informimi n\u00eb Prokurorit\u00eb e rretheve tregojn\u00eb se gjat\u00eb viteve 2020-2023 u regjistruan t\u00eb pakt\u00ebn 99 procedime penale p\u00ebr vepr\u00ebn e \u201cmosdeklarimit t\u00eb t\u00eb hollave dhe sendeve me vler\u00eb n\u00eb kufi\u201d, por n\u00eb asnj\u00eb rast \u00e7\u00ebshtjet nuk u hetuan n\u00ebn drit\u00ebn e dyshimit t\u00eb pastrimit t\u00eb parave.<\/p>\n
Numri m\u00eb i madh i \u00e7\u00ebshtjeve u regjistrua nga Prokuroria e Durr\u00ebsit, e ndjekur nga Prokuroria e Gjirokastr\u00ebs n\u00eb kufi me Greqin\u00eb dhe ajo e Kuk\u00ebsit n\u00eb kufi me Kosov\u00ebn. Prokuroria e Tiran\u00ebs, e cila ka n\u00eb juridiksion aeroportin e Rinasit nuk e vuri n\u00eb dispozicion k\u00ebt\u00eb shif\u00ebr.<\/p>\n
Nga numri total i v\u00ebn\u00eb n\u00eb dispozicion, 80 \u00e7\u00ebshtje u d\u00ebrguan p\u00ebr gjykim, por shumica e tyre u mbyll me gjoba n\u00eb vlera t\u00eb p\u00ebraf\u00ebrta me p\u00ebrqindjet q\u00eb p\u00ebrfitojn\u00eb korrier\u00ebt e d\u00ebrgesave t\u00eb parave.<\/p>\n
Drejtuesi i Prokuroris\u00eb s\u00eb Tiran\u00ebs, Arens \u00c7ela, i tha BIRN se nga t\u00eb gjitha \u00e7\u00ebshtjet e hetuara p\u00ebr mosdeklarim t\u00eb t\u00eb hollave n\u00eb kufi, nuk u \u00ebsht\u00eb referuar nga Policia asnj\u00eb rast i dyshuar p\u00ebr pastrim parash.<\/p>\n
\u201cKapja e shumave t\u00eb padeklaruara n\u00eb kufi n\u00eb t\u00eb gjitha rastet \u00ebsht\u00eb rast\u00ebsore dhe nuk ka patur raste t\u00eb hetimeve t\u00eb referuara me mjete proaktive, n\u00eb t\u00eb cilat ne do t\u00eb ndiqnim persona t\u00eb caktuar p\u00ebr t\u00eb hetuar fluksin e l\u00ebvizjes s\u00eb parave si dhe personat e destinuar, prit\u00ebs apo p\u00ebrcjell\u00ebs t\u00eb tyre,\u201d tha \u00c7ela p\u00ebr BIRN.<\/p>\n
Ng\u00ebr\u00e7i i hetimeve sipas tij lidhet me momentin e ndalimit t\u00eb personave n\u00eb kushtet e flagranc\u00ebs.<\/p>\n
\u201cNuk arrihet t\u00eb provohet, pasi t\u00eb gjitha rastet jan\u00eb kapje n\u00eb flagranc\u00eb dhe nuk \u00ebsht\u00eb e mundur ndjekja e sasis\u00eb s\u00eb t\u00eb hollave p\u00ebr t\u00eb ndjekur edhe personat q\u00eb i presin apo i d\u00ebrgojn\u00eb,\u201d shtoi ai.<\/p>\n
Edhe Prokuroria e Gjirokastr\u00ebs theksoi n\u00eb nj\u00eb p\u00ebrgjigje me shkrim v\u00ebshtir\u00ebsit\u00eb n\u00eb zbulimin e rasteve t\u00eb dyshuara si pastrim parash.<\/p>\n
\u201c\u2026kemi t\u00eb b\u00ebjm\u00eb me shtetas t\u00eb hetuar p\u00ebr vepr\u00ebn penale t\u00eb mosdeklarimit t\u00eb t\u00eb hollave n\u00eb kufi, por nuk mund t\u00eb karakterizohen si korrier\u00eb t\u00eb parave, term i cili \u00ebsht\u00eb shum\u00eb m\u00eb i gjer\u00eb se vepra penale e sip\u00ebrp\u00ebrmendur,\u201d tha Prokuroria e Gjirokastr\u00ebs.<\/p>\n
\u201cNuk rezulton t\u00eb ket\u00eb raste kur i dyshuari ka pranuar se \u00ebsht\u00eb korrier parash,\u201d shtoi Prokuroria.<\/p>\n
- \n
- Minibus\u00ebt e cash-it<\/strong><\/li>\n<\/ul>\n
![\"\"](\"https:\/\/boldnews.al\/wp-content\/uploads\/2024\/07\/pound-414418_1280-640x427.jpg\")
Monedha britanike \u00ebsht\u00eb trefishuar gjat\u00eb sekuestrimeve n\u00eb kufi<\/figcaption><\/figure>\n Sipas Ministris\u00eb s\u00eb Infrastruktur\u00ebs, 152 transportues shqiptar\u00eb dhe 214 transportues t\u00eb huaj ishin t\u00eb pajisur me autorizim p\u00ebr t\u00eb udh\u00ebtuar n\u00eb qytete t\u00eb ndryshme t\u00eb Europ\u00ebs dhe anasjelltas deri n\u00eb korrik t\u00eb vitit 2024. Nj\u00eb num\u00ebr kompanish transporti t\u00eb shtetasve shqiptar\u00eb jan\u00eb t\u00eb regjistruara n\u00eb Britani dhe vende t\u00eb tjera t\u00eb Europ\u00ebs, por numri i tyre \u00ebsht\u00eb i paqart\u00eb.<\/p>\n
Dokumentet hetimore t\u00eb analizuara nga BIRN dhe t\u00eb referuara n\u00eb t\u00eb gjitha rastet nga agjencit\u00eb ligjzbatuese t\u00eb vendeve partnere tregojn\u00eb se grupet shqiptare t\u00eb krimit t\u00eb organizuar p\u00ebrdorin linjat e licensuara t\u00eb transportit nd\u00ebrkomb\u00ebtar t\u00eb pasagjer\u00ebve p\u00ebr t\u00eb sjell\u00eb n\u00eb Shqip\u00ebri parat\u00eb q\u00eb burojn\u00eb nga aktivitetet e tyre t\u00eb paligjshme.<\/p>\n
Rolin e korrierit t\u00eb parave n\u00eb k\u00ebto raste e luan shoferi ose pronari i agjencis\u00eb, i cili merr pagesa q\u00eb variojn\u00eb nga 3 p\u00ebr qind t\u00eb shum\u00ebs q\u00eb po transportohet deri n\u00eb 7 p\u00ebr qind, p\u00ebr raste q\u00eb p\u00ebrshkruhen n\u00eb dosje \u201cme garanci doganore\u201d.<\/p>\n
Nj\u00eb tjet\u00ebr faktor q\u00eb e p\u00ebrcakton p\u00ebrqindjen \u00ebsht\u00eb \u201cprerja e valut\u00ebs\u201d; sa m\u00eb e vog\u00ebl t\u00eb jet\u00eb ajo, aq m\u00eb i lart\u00eb \u00ebsht\u00eb rreziku i zbulimit dhe p\u00ebrqindja q\u00eb i paguhet korrierit. Rrjete t\u00eb tilla p\u00ebrdorin gjithashtu nj\u00eb gjuh\u00eb t\u00eb koduar p\u00ebr t\u2019i shp\u00ebtuar p\u00ebrndjekjes s\u00eb policis\u00eb, ku vlerat e parave p\u00ebrshkruhen zakonisht si \u201cpasagjer\u00eb\u201d.<\/p>\n
Policia franceze ra n\u00eb gjurm\u00ebt e nj\u00eb grupi t\u00eb till\u00eb n\u00eb shtator t\u00eb vitit 2020, pas ndalimit t\u00eb dy shqiptar\u00ebve n\u00eb t\u00eb nj\u00ebjtin minibus transporti pasagjer\u00ebsh; her\u00ebn e par\u00eb me 70 mij\u00eb euro dhe 800 gram\u00eb bizhuteri ari dhe her\u00ebn e dyt\u00eb me 10 mij\u00eb euro dhe 500 gram\u00eb flori.<\/p>\n
N\u00eb t\u00eb dyja rastet, furgon\u00ebt dukej se ishin nisur nga hoteli Alcase n\u00eb Villeurban\u00eb, nj\u00eb komun\u00eb n\u00eb af\u00ebrsi t\u00eb Lionit, recepsionisti i t\u00eb cilit ishte nj\u00eb shqiptar me n\u00ebnshtet\u00ebsi franceze i njohur si Sokol Balili alias Sokol Briant.<\/p>\n
Hetimet 4- vje\u00e7are dhe raportet e v\u00ebzhgimit t\u00eb policis\u00eb franceze, q\u00eb u soll\u00ebn m\u00eb pas n\u00eb SPAK, tregonin p\u00ebr ekzistenc\u00ebn e nj\u00eb grupi t\u00eb strukturuar p\u00ebr pastrimin e parave, q\u00eb kishte n\u00eb qend\u00ebr tre kompani shqiptare t\u00eb transportit t\u00eb udh\u00ebtar\u00ebve.<\/p>\n
Pronar\u00ebt e kompanive t\u00eb transportit, Dritan Ulqinaku i \u201cTani Tours\u201d, Agustin Mesuli i \u201cErdisa Tours\u201d dhe Altin Doda i \u201cAltini Travel\u201d u akuzuan p\u00ebr pastrim parash dhe krijim t\u00eb grupit t\u00eb strukturuar kriminal nga Prokuroria e Posa\u00e7me.<\/p>\n
\u201cMinibus\u00eb t\u00eb shumt\u00eb d\u00ebrgoheshin nga Shqip\u00ebria n\u00eb Lion t\u00eb Franc\u00ebs p\u00ebr t\u00eb mbledhur produktin e aktiviteteve kriminale t\u00eb shtetasve shqiptar\u00eb t\u00eb vendosur n\u00eb t\u00eb gjith\u00eb territorin Auvernia- Rhone-Alpes,\u201d shkruhet n\u00eb nj\u00eb dokument p\u00ebr njoftimin e akuz\u00ebs s\u00eb Prokuroris\u00eb s\u00eb Posa\u00e7me.<\/p>\n
\u201cK\u00ebto mjete kan\u00eb pak udh\u00ebtar\u00eb, gj\u00eb q\u00eb tregon rentabilitetin e ul\u00ebt t\u00eb k\u00ebtyre shoq\u00ebrive kundrejt kostove t\u00eb transportit. Ato vet\u00eb p\u00ebrdorin nj\u00eb fasad\u00eb t\u00eb ligjshme pa fitim q\u00eb fshehin aktivitetet e paligjshme dhe ve\u00e7an\u00ebrisht fitimprur\u00ebse,\u201d citohet raporti i v\u00ebzhgimit t\u00eb policis\u00eb franceze.<\/p>\n
P\u00ebrve\u00e7 linj\u00ebs s\u00eb transportit me Lionin, Mesuli operonte edhe furgon\u00eb q\u00eb udh\u00ebtonin nga Shqip\u00ebria drejt Zvicr\u00ebs dhe Italis\u00eb. Hetimet dokumentuan se furgon\u00eb t\u00eb till\u00eb kontrabandonin deri n\u00eb 60 mij\u00eb euro p\u00ebr rrug\u00eb ose ekuivalentet e tyre n\u00eb franga zvicerane dhe st\u00ebrlina drejt Shqip\u00ebris\u00eb. P\u00ebrgjimet telefonike zbuluan gjithashtu ekzistenc\u00ebn e nj\u00eb marr\u00ebveshjeje me polic\u00ebt vendas p\u00ebr futjen e kontrolluar t\u00eb nj\u00eb shume t\u00eb madhe parash apo mb\u00ebshtetjen e tyre ndaj k\u00ebtij aktiviteti.<\/p>\n
Nj\u00eb shqet\u00ebsim i ngjash\u00ebm u ngrit n\u00eb vjesht\u00ebn e vitit 2022 edhe nga Agjencia Komb\u00ebtare e Krimit n\u00eb Britanin\u00eb e Madhe, sipas s\u00eb cil\u00ebs grupet shqiptare t\u00eb krimit t\u00eb organizuar kontrabandonin qindra milion\u00eb paund\u00eb n\u00eb vit me origjin\u00eb nga sht\u00ebpit\u00eb e barit apo trafiku i kokain\u00ebs drejt Shqip\u00ebris\u00eb.<\/p>\n
T\u00eb pakt\u00ebn n\u00eb nj\u00eb rast t\u00eb hetuar nga policia britanike, nj\u00eb vler\u00eb prej 200 mij\u00eb paund u bllokua n\u00eb furgonin e nj\u00eb kompanie transporti t\u00eb licensuar n\u00eb Britani gjat\u00eb rrug\u00ebs s\u00eb saj p\u00ebr n\u00eb Shqip\u00ebri.<\/p>\n
\u201cGrupet shqiptare n\u00eb Mbret\u00ebrin\u00eb e Bashkuar pasi b\u00ebjn\u00eb para e kan\u00eb objektiv kryesor largimin nga vend isa m\u00eb shpejt t\u00eb jet\u00eb e mundur. Ndaj ata i kontrabandojn\u00eb parat\u00eb nga Britania n\u00eb Shqip\u00ebri, n\u00eb \u00e7far\u00ebdolloj forme t\u00eb munden,\u201d deklaroi nj\u00eb zyrtar i lart\u00eb i NCA.\/ BIRN<\/p>\n