{"id":86442,"date":"2024-08-07T08:23:50","date_gmt":"2024-08-07T08:23:50","guid":{"rendered":"https:\/\/rdnews.al\/?p=86442"},"modified":"2024-08-07T08:23:50","modified_gmt":"2024-08-07T08:23:50","slug":"himara-nuk-eshte-rasti-i-vetem-si-e-thellon-rilindja-rezultatin-pas-cdo-skandali","status":"publish","type":"post","link":"https:\/\/rdnews.al\/index.php\/2024\/08\/07\/himara-nuk-eshte-rasti-i-vetem-si-e-thellon-rilindja-rezultatin-pas-cdo-skandali\/","title":{"rendered":"Himara nuk \u00ebsht\u00eb rasti i vet\u00ebm\/ Si e thellon Rilindja rezultatin pas \u00e7do skandali"},"content":{"rendered":"

Fitorja me 1500 vota diferenc\u00eb n\u00eb Himar\u00eb \u00ebsht\u00eb nga ato p\u00ebrmbysje t\u00eb rezultatit q\u00eb del jasht\u00eb logjik\u00ebs s\u00eb analizave politike. Rreth 15 muaj m\u00eb par\u00eb, socialist\u00ebt dol\u00ebn t\u00eb humbur p\u00ebrball\u00eb Fredi Belerit. Kandidati i opozit\u00ebs kishte p\u00ebrkrahjen e shtetit grek, por mbante mbi shpin\u00eb ngarkes\u00ebn negative t\u00eb s\u00eb shkuar\u00ebs, kur ishte akuzuar p\u00ebr vrasjen e ushtar\u00ebve shqiptar\u00eb n\u00eb kufi, shoq\u00ebruar me nj\u00eb vendim gjykate p\u00ebr p\u00ebrdhosje t\u00eb simboleve komb\u00ebtare. Edhe pse e arrestuan dhe e fut\u00ebn n\u00eb burg, Beleri fitoi me 19 vota diferenc\u00eb kund\u00ebr Jorgo Goros.<\/p>\n

Ngjarjet q\u00eb pasuan n\u00eb muajt n\u00eb vazhdim i dhan\u00eb t\u00eb drejt\u00eb himariot\u00ebve. U v\u00ebrtetua se ishte b\u00ebr\u00eb bat\u00ebrdia me pronat e vendasve. T\u00eb pakt\u00ebn n\u00eb nj\u00eb rast kishte gisht direkt kryeministri Edi Rama, q\u00eb konsideroi strategjik investimin mbi nj\u00eb pron\u00eb t\u00eb grabitur. U v\u00ebrtetua se n\u00eb grabitjen e pronave ishte i p\u00ebrfshir\u00eb i humburi Jorgo Goro, q\u00eb u arrestua nga SPAK bashk\u00eb me vart\u00ebsit e tij n\u00eb bashki.<\/p>\n

Supozohej q\u00eb skandali i investimit strategjik ku kishte dor\u00eb Edi Rama, miku i tij Artan Ga\u00e7i, ministrja e tij Olta Xha\u00e7ka dhe kryebashkiaku i tij Jorgo Goro ta thellonte humbjen e Partis\u00eb Socialiste. N\u00eb fakt, ndodhi q\u00eb u thellua fitorja e PS, me nj\u00eb diferenc\u00eb shum\u00eb her\u00eb m\u00eb t\u00eb lart\u00eb.<\/p>\n

P\u00ebrmbysja n\u00eb Himar\u00eb ishte e pritshme, sepse nuk \u00ebsht\u00eb hera e par\u00eb q\u00eb ndodh. Pas nj\u00eb skandali, pushteti gjithnj\u00eb ka fituar akoma m\u00eb shum\u00eb vota se m\u00eb par\u00eb.<\/p>\n

\"\"
Edi Rama dhe Agim Kajmaku n\u00eb foto gjat\u00eb fushat\u00ebs p\u00ebr zgjedhjet n\u00eb Vor\u00eb<\/strong><\/em><\/figcaption><\/figure>\n

Ka ndodhur n\u00eb zgjedhjet e pjesshme t\u00eb Vor\u00ebs, kur kandidati q\u00eb u ofroi Partia Socialiste qytetar\u00ebve kishte fshehur nj\u00eb d\u00ebnim n\u00eb Greqi p\u00ebr p\u00ebrdorimin e monedhave t\u00eb falsifikuara. Zbulimi i d\u00ebnimit \u00e7oi n\u00eb arrestimin e Agim Kajmakut.<\/p>\n

Kur zgjedhjet u p\u00ebrs\u00ebrit\u00ebn, Partia Socialiste fitoi bindsh\u00ebm me thuajse 70% t\u00eb votave. Qytetar\u00ebt e Vor\u00ebs ia dhan\u00eb prap vot\u00ebn socialist\u00ebve. Disa muaj m\u00eb von\u00eb, Kajmakun e arrestuan n\u00eb Itali p\u00ebr trafik kokaine.<\/p>\n

\"\"
Fatos Tushe me Edi Ram\u00ebn n\u00eb fushat\u00eb p\u00ebr zgjedhjet lokale n\u00eb Lushnje<\/em><\/strong><\/figcaption><\/figure>\n

N\u00eb Lushnje, SPAK zbuloi se si kryetari i bashkis\u00eb, nj\u00eb socialist i hersh\u00ebm si Fatos Tushe i vidhte parat\u00eb e taksave me miqt\u00eb e tij n\u00ebp\u00ebrmjet tenderave t\u00eb trukuar. N\u00eb media dol\u00ebn bisedat e p\u00ebrgjuara. Nga p\u00ebrgjimet kuptohej se qytetari i par\u00eb i Lushnj\u00ebs i ndante parat\u00eb e taksave sipas interesit t\u00eb tij.<\/p>\n

Fatos Tushe u arrestua bashk\u00eb me disa zyrtar\u00eb t\u00eb bashkis\u00eb dhe ende nuk i ka mbyllur hesapet me drejt\u00ebsin\u00eb.<\/p>\n

Por n\u00eb zgjedhjet e pjesshme t\u00eb vitit 2022, socialist\u00ebt fituan n\u00eb Lushnje me Eriselda Sef\u00ebn, edhe pse kishin ofruar p\u00ebr qytetar t\u00eb par\u00eb nj\u00eb hajdut.<\/p>\n

\"\"
Safet Gjici dhe Edi Rama<\/em><\/strong><\/figcaption><\/figure>\n

Ajo q\u00eb ndodhi me Safet Gjicin n\u00eb Kuk\u00ebs \u00ebsht\u00eb nj\u00eb tjet\u00ebr rezultat i palogjiksh\u00ebm n\u00eb zgjedhje. I kapur n\u00eb skandalin seksual n\u00eb zyr\u00ebn e tij, emri i Safet Gjicit u shnd\u00ebrrua n\u00eb simbol t\u00eb p\u00ebrdhunimit t\u00eb \u00e7do lloj korrektese apo etike minimale q\u00eb duhet t\u00eb ket\u00eb nj\u00eb pushtetar. Video e seksit n\u00eb zyr\u00ebn e kryetarit t\u00eb bashkis\u00eb s\u00eb Kuk\u00ebsit ishte p\u00ebrdhosje e \u00e7do lloj marr\u00ebdh\u00ebnieje t\u00eb pushtetit me qytetar\u00ebt q\u00eb i kishin dh\u00ebn\u00eb vot\u00ebn.<\/p>\n

Por kur zgjedhjet u p\u00ebrs\u00ebrit\u00ebn, kandidati i Rilindjes fitoi prap. Madje ai e mundi kandidatin e opozit\u00ebs me dyfishin e diferenc\u00ebs s\u00eb votave t\u00eb Gjicit.<\/p>\n

Paaftwsia e njw komuniteti p\u00ebr ta nd\u00ebshkuar me votw partinw qw shkakton skandale t\u00eb bujshme, t\u00eb kujton sindrom\u00ebn e Stokholmit, kur pengu shfaq mir\u00ebkuptim dhe afeksion p\u00ebr pengmarr\u00ebsin. Ngjan sikur sa m\u00eb flagrant tw jetw abuzimi me pushtetin, sa m\u00eb shum\u00eb trafikant\u00eb droge, sa m\u00eb shum\u00eb hajdut\u00eb, sa m\u00eb shum\u00eb p\u00ebrdhunues t\u2019i vendosen\u00a0mbi krye, aq m\u00eb shumw populli ia zgjat pushtetin\u00a0nj\u00eb partie.<\/p>\n

\"\"
Shukri Xhelili<\/strong><\/em><\/figcaption><\/figure>\n

Si kund\u00ebrshembull q\u00ebndron rasti i zgjedhjeve t\u00eb vitit 2017 p\u00ebr bashkin\u00eb e Dibr\u00ebs.<\/p>\n

N\u00eb vitin 2016, qytetar\u00ebt dibran\u00eb pan\u00eb video-skandalin seksual t\u00eb kryetarit t\u00eb tyre t\u00eb bashkis\u00eb, Shukri Xhelilit. Ashtu si n\u00eb Himar\u00eb, si n\u00eb Lushnje, si n\u00eb Kuk\u00ebs dhe nj\u00ebsoj si n\u00eb G\u00ebrdec, kandidati i radh\u00ebs q\u00eb solli qeveri nuk u nd\u00ebshkua. P\u00ebrkundrazi mori m\u00eb shum\u00eb vota se paraardh\u00ebsi.<\/p>\n

Vet\u00ebm se p\u00ebr zgjedhjet e Dibr\u00ebs, Prokuroria e Krimeve t\u00eb R\u00ebnda vuri n\u00eb p\u00ebrgjim disa personazhe t\u00eb krimit dhe disa zyrtar\u00eb t\u00eb Ministris\u00eb s\u00eb Brendshme, t\u00eb dyshuar p\u00ebr blerjen e votave. Dosja 184, q\u00eb u mbyll m\u00eb von\u00eb, sh\u00ebrben p\u00ebr t\u00eb kuptuar se \u00e7far\u00eb ndodh n\u00eb t\u00eb v\u00ebrtet\u00eb gjat\u00eb votimeve.<\/p>\n

P\u00ebrgjimet e telefonatave tregonin se n\u00eb zgjedhjet e pjesshme, e gjith\u00eb qeveria, p\u00ebrfshir\u00eb edhe kryeministrin Rama vinte n\u00eb pun\u00eb nj\u00eb mekaniz\u00ebm k\u00ebrc\u00ebnimesh, shantazhi, manipulimi dhe blerje votash q\u00eb kishte vet\u00ebm nj\u00eb objektiv, fitoren e thell\u00eb t\u00eb bashkis\u00eb.<\/p>\n

\"\"
Arben Keshi<\/strong><\/em><\/figcaption><\/figure>\n

Shefat e policis\u00eb p\u00ebrdoreshin p\u00ebr t\u00eb bllokuar votuesit e opozit\u00ebs. Vet\u00eb polic\u00ebt, t\u00eb urdh\u00ebruar nga Ministri i Brendsh\u00ebm shp\u00ebrndanin para p\u00ebr blerjen e votave. T\u00eb fort\u00ebt shantazhonin grupet kund\u00ebrshtare dhe udh\u00ebhiqeshin nga deputet\u00ebt e Partis\u00eb Socialiste. Nd\u00ebrsa deputet\u00eb t\u00eb tjer\u00eb k\u00ebrc\u00ebnonin em\u00ebr p\u00ebr em\u00ebr m\u00ebsues dhe punonj\u00ebs t\u00eb administrat\u00ebs p\u00ebr t\u2019i marr\u00eb vot\u00ebn.<\/p>\n

Dosja 184, faktoi shantazhet mbi administrat\u00ebn, p\u00ebrdorimin e bandave dhe shp\u00ebrndarjen e parave p\u00ebr blerjen e votave si pjes\u00eb t\u00eb nj\u00eb mekanizmi t\u00eb diktuar direkt nga Edi Rama dhe ministrat e PS.<\/p>\n

et\u00eb Rama u p\u00ebrgjua duke folur n\u00eb at\u00eb koh\u00eb me Arben Keshin, nj\u00eb nga personat q\u00eb shp\u00ebrndanin para p\u00ebr blerjen e votave. Telefonata u publikua nga tabloidi gjerman Bild. Rama nuk u thirr asnj\u00ebher\u00eb n\u00eb prokurori, nd\u00ebrsa dosja u transferua n\u00eb Dib\u00ebr p\u00ebr t\u2019u mbyllur me d\u00ebnime t\u00eb lehta p\u00ebr polic\u00ebt. Juridikisht, dosja nuk ka m\u00eb vler\u00eb.<\/p>\n

Por p\u00ebrgjimet mbeten si shpjegimi m\u00eb i mir\u00eb i rezultateve t\u00eb palogjikshme n\u00eb zgjedhjet e pjesshme, kur sa m\u00eb i madh t\u00eb jet\u00eb abuzimi, aq m\u00eb shum\u00eb shtohen votat p\u00ebr pushtetin.\/Lapsi.al<\/p>\n