{"id":86669,"date":"2024-08-09T11:54:22","date_gmt":"2024-08-09T11:54:22","guid":{"rendered":"https:\/\/rdnews.al\/?p=86669"},"modified":"2024-08-09T12:04:17","modified_gmt":"2024-08-09T12:04:17","slug":"jetesorja-dhe-pasqyrimi-artistik-i-ndjenjes-ne-poezine-e-rexhep-polisit","status":"publish","type":"post","link":"https:\/\/rdnews.al\/index.php\/2024\/08\/09\/jetesorja-dhe-pasqyrimi-artistik-i-ndjenjes-ne-poezine-e-rexhep-polisit\/","title":{"rendered":"Jet\u00ebsorja dhe pasqyrimi artistik i ndjenj\u00ebs n\u00eb poezin\u00eb e Rexhep Polisit"},"content":{"rendered":"

Dy poet\u00eb t\u00eb mir\u00ebnjohur, Perikli Jorgoni dhe Vasil Tabaku, n\u00eb dekad\u00ebn e fundit t\u00eb jet\u00ebs s\u00eb tyre qen\u00eb nd\u00ebr frekuentuesit m\u00eb t\u00eb rregullt t\u00eb redaksis\u00eb t\u00eb t\u00eb par\u00ebs gazet\u00eb opozitare shqiptare \u201cRilindja Demokratike\u201d, ku pata fatin t\u00eb punoj edhe un\u00eb p\u00ebr 13 vjet rresht. Jo vet\u00ebm si kontributor\u00eb me krijimtarin\u00eb e analizat e tyre t\u00eb mir\u00ebfillta letrare n\u00eb faqet e k\u00ebsaj gazete, por edhe si mb\u00ebshtet\u00ebs, inkurajues dhe promovues t\u00eb talenteve t\u00eb reja.<\/em><\/h4>\n

Nga Halil Rama \u2013 Mjesht\u00ebr i Madh<\/strong><\/p>\n

Dy poet\u00eb t\u00eb mir\u00ebnjohur, Perikli Jorgoni dhe Vasil Tabaku, n\u00eb dekad\u00ebn e fundit t\u00eb jet\u00ebs s\u00eb tyre qen\u00eb nd\u00ebr frekuentuesit m\u00eb t\u00eb rregullt t\u00eb redaksis\u00eb t\u00eb t\u00eb par\u00ebs gazet\u00eb opozitare shqiptare \u201cRilindja Demokratike\u201d, ku pata fatin t\u00eb punoj edhe un\u00eb p\u00ebr 13 vjet rresht. Jo vet\u00ebm si kontributor\u00eb me krijimtarin\u00eb e analizat e tyre t\u00eb mir\u00ebfillta letrare n\u00eb faqet e k\u00ebsaj gazete, por edhe si mb\u00ebshtet\u00ebs, inkurajues dhe promovues t\u00eb talenteve t\u00eb reja.<\/p>\n

E kam t\u00eb fresk\u00ebt n\u00eb memorie, vler\u00ebsimin q\u00eb P.Jorgoni i b\u00ebri kolegut Rexhep Polisi, dit\u00ebn q\u00eb kishte botuar nj\u00eb cik\u00ebl me poezi n\u00eb faqen speciale letrare t\u00eb \u201cRD\u201d-s\u00eb.<\/p>\n

\u201cPoezia juaj Rexhep, \u00ebsht\u00eb jet\u00ebsore, e ndjer\u00eb, e kthjell\u00ebt dhe t\u00eb befason. P\u00ebrvoja si gazetar t\u00eb ka mprehur shikimin, t\u00eb ka b\u00ebr\u00eb t\u00eb jesh m\u00eb jet\u00ebsor e ta p\u00ebrqendrosh v\u00ebmendjen n\u00eb thelbin filozofik t\u00eb dukurive\u201d, \u2013 do t\u00eb shprehej nd\u00ebr t\u00eb tjera p\u00ebrkthyesi dhe poeti i mir\u00ebnjohur Jorgoni n\u00eb at\u00eb takim mes miqsh t\u00eb poezis\u00eb.<\/p>\n

Pak a shum\u00eb, t\u00eb njejtin vler\u00ebsim do t\u00eb shprehte edhe poeti i ndjer\u00eb Vasil Tabaku, p\u00ebr t\u00eb cilin: \u201cPoeti Rexhep Polisi vjen jasht\u00eb \u00e7do skeme dhe jasht\u00eb \u00e7do maniere poetike. Ai shfaqet si nj\u00eb njoh\u00ebs i mir\u00eb i figur\u00ebs dhe ngjyrimit emocional t\u00eb fjal\u00ebs duke i dh\u00ebn\u00eb asaj ngarkes\u00ebn e duhur semantike me sens dhe mas\u00eb me nj\u00eb ngjyrim magjie brenda\u201d.<\/p>\n

Kam qen\u00eb me fat q\u00eb i njoha nga af\u00ebr, kur punoja n\u00eb k\u00ebt\u00eb gazet\u00eb si redaktor i kultur\u00ebs. Dhe ajo q\u00eb m\u00eb ka b\u00ebr\u00eb p\u00ebrshtypje ishte sinqeriteti i tyre n\u00eb vler\u00ebsimin e talenteve t\u00eb reja. Ndryshe nga disa t\u00eb vet\u00ebquajtur \u201ct\u00eb m\u00ebndhenj\u201d, Jorgoni dhe Tabaku ishin miq t\u00eb v\u00ebrtet\u00eb t\u00eb poet\u00ebve t\u00eb rinj, \u00e7ka dallohej jo vet\u00ebm n\u00eb vler\u00ebsimin, por edhe n\u00eb promovimin e tyre.<\/p>\n

Pik\u00ebrisht, k\u00ebto ve\u00e7ori t\u00eb spikatura, t\u00eb evidentuara vite n\u00eb par\u00eb nga k\u00ebto dy poet\u00eb t\u00eb mir\u00ebnjohur si qart\u00ebsia e mendimit, jet\u00ebsorja, pasqyrimi artistik i ndjenj\u00ebs n\u00ebp\u00ebrmjet vargut \u201cjasht\u00eb \u00e7do skeme dhe jasht\u00eb \u00e7do maniere poetike\u201d, jan\u00eb evidente thuajse n\u00eb 86 poezit\u00eb e pes\u00eb cikleve t\u00eb v\u00ebllimit t\u00eb tret\u00eb t\u00eb Rexhep Polisit \u201cS\u2019di \u00e7\u2019ngjyr\u00eb kan\u00eb dit\u00ebt atje\u201d.<\/p>\n

\u201cS\u2019DI \u00c7\u2019NGJYR\u00cb KAN\u00cb DIT\u00cbT ATJE\u201d<\/p>\n

Vargjet e k\u00ebsaj poezie nga ka marr\u00eb titullin edhe vet\u00eb libri i tret\u00eb i k\u00ebtij poeti jan\u00eb v\u00ebrtet\u00eb nj\u00eb shp\u00ebrthim poetik i guximsh\u00ebm.<\/p>\n

\u201cS\u2019di \u00e7\u2019ngjyr\u00eb\/ Kan\u00eb dit\u00ebt atje;\/ A djeg dielli,\/Apo shtegton\/ Bashk\u00eb me ty\/ N\u00eb t\u00eb tjera vise,\/ N\u00ebp\u00ebr larg\u00ebsi?!\/ S\u2019di a gul\u00e7on deti,\/ A ka stuhi\/ Brenda teje?!\/ Nd\u00ebrsa ndjej\/ Se dallg\u00ebt\/ I t\u00ebrbojn\u00eb\/ Dit\u00ebt e mia, \/ Uj\u00eb b\u00ebhem krejt\/ Dhe mbytem\/ Nga dashuria\u2026\u201d<\/p>\n

Nj\u00eb poezi Lasgushiane kjo, ku poeti R.Polisi shfaq ndjenjat e mendimet p\u00ebr t\u00eb kapur t\u00eb thell\u00ebn, t\u00eb gj\u00ebr\u00ebn dhe t\u00eb larg\u00ebt\u00ebn. Krijimi i tij ka nj\u00eb linj\u00eb t\u00eb pand\u00ebrprer\u00eb t\u00eb en\u00ebve t\u00eb gjakut, q\u00eb poezia e tij t\u00eb marr\u00eb jet\u00eb. K\u00ebsisoj, n\u00ebp\u00ebr dallg\u00ebt memece t\u00eb koh\u00ebs, aty ku bashk\u00ebjetojm\u00eb, poeti qart\u00ebson t\u00eb bukur\u00ebn, t\u00eb dhimshmen por edhe t\u00eb pazgjidhur\u00ebn.<\/p>\n

Pak a shum\u00eb, t\u00eb k\u00ebtij profili poetik jan\u00eb edhe 16 poezit\u00eb tjera t\u00eb kapitullit t\u00eb par\u00eb \u201cFtoht\u00eb n\u00eb Tiran\u00eb\u201d t\u00eb k\u00ebtij libri, ku poeti e p\u00ebr\u00e7on mesazhin edhe p\u00ebrmes titujve intrigues t\u00eb tyre, si\u00e7 jan\u00eb: \u201cFjal\u00ebt\u201d, \u201cEdhe n\u00eb dim\u00ebr vjen pranvera\u201d, \u201cGrua\u201d, \u201cBota m\u00eb rrotullohet n\u00eb duar\u201d, \u201cFtoht\u00eb n\u00eb Tiran\u00eb\u201d, \u201cMe ty n\u00eb udh\u00ebtim\u201d, \u201cDiell i \u00e7oroditur\u201d, \u201cShp\u00ebrb\u00ebrje\u201d, \u201cAs dielli nuk ngroh\u201d, \u201cM\u00eb trego di\u00e7ka p\u00ebr luft\u00ebn\u201d, \u201cPul\u00ebbardhat\u201d, \u201cN\u00ebn\u00eb\u201d, \u201cKur ti nuk je\u201d, \u201cKoh\u00eb e pakoh\u00eb\u201d., \u201cGjith\u00ebsia ndizet n\u00eb flak\u00eb\u201d, \u201cNj\u00eb qershiz\u00eb\u201d dhe \u201cMes dy bot\u00ebve\u201d..<\/p>\n

Dhe ashtu si te \u201cFtoht\u00eb n\u00eb Tiran\u00eb\u201d, poeti varg\u00ebzon trishtimin: \u201cMbuluar me tis trishtimi,\/ Dita zvarritet e mpir\u00eb.\/ Ti ndrin si rreze agimi,\/ Si pik\u00eb vese e dlir\u00eb\u2026\u201d. K\u00ebt\u00eb ndjenj\u00eb e shpreh fare qart\u00eb edhe tek poezia \u201cKoh\u00eb e pakoh\u00eb\u201d me vargjet impresionuese: \u201cM\u00eb mbyti kjo koh\u00eb e pakoh\u00eb,\/ Ky shi q\u00eb bie me ngash\u00ebrim,\/ Mendime t\u00eb lagura v\u00ebrtiten\/ N\u00eb qiellin pa ngjyr\u00eb,\/ Nd\u00ebrsa ajri mpikset n\u00eb fytyr\u00eb\u2026\u201d.<\/p>\n

POEZI ME VL\u00cbRA T\u00cb MIR\u00cbFILLTA IDEOARTISTKE DHE NATYRSHM\u00cbRI T\u00cb THELL\u00cb POETIKE<\/p>\n

I frym\u00ebzuar nga th\u00ebnia proverbiale e presidentit t\u00eb 16-t\u00eb amerikan Abraham Lincoln: \u201cGjith\u00e7ka q\u00eb jam apo shpresoj se do t\u00eb jem, ia kam borxh n\u00ebn\u00ebs time engj\u00ebllore!\u201d, R.Polisi do t\u2019\u00ed qasej si askush tjet\u00ebr k\u00ebsaj dashurie t\u00eb pamat\u00eb. Mjaftojn\u00eb p\u00ebr k\u00ebt\u00eb qoft\u00eb dhe v\u00ebt\u00ebm k\u00ebto vargje t\u00eb poezis\u00eb \u201cN\u00cbN\u00cb\u201d: \u201c\u00cbsht\u00eb dim\u00ebr\/ Dhe fjal\u00ebt kan\u00eb ngrir\u00eb,\/ Nga qielli\/ Si bresh\u00ebr m\u00eb b\u00ebhen\u2026\/ N\u00eb ajrin e qelqt\u00eb\/ Vizatoj portretin t\u00ebnd\/ Dhe thell\u00eb,\/ Thell\u00eb,\/ S\u00eb brendshmi\/ Ndjej puhiz\u00ebn e ngoht\u00eb,\/ Buz\u00ebqeshjen t\u00ebnde\/ Q\u00eb m\u00eb ngroh\/ N\u00eb k\u00ebt\u00eb nat\u00eb polare\u2026\u201d.<\/p>\n

Dhe s\u2019ka se si R.Polisi t\u00eb mos i qaset edhe ndjenj\u00ebs s\u00eb dhimbjes njer\u00ebzore kur sjell n\u00eb kujtes\u00eb pushkatimin e nj\u00eb gjeniu si Vilson Blloshmi, p\u00ebr t\u00eb cilin ka shkruar profile in memoriam \u00e7do p\u00ebrvjetor t\u00eb asaj dite t\u00eb zez\u00eb, jo vet\u00ebm p\u00ebr familjet e dy poet\u00ebve martir\u00eb dhe B\u00ebrzesht\u00ebn, por p\u00ebr t\u00eb gjith\u00eb Shqip\u00ebrin\u00eb, p\u00ebr fatin tragjik t\u00eb pushkatimit t\u00eb dy poet\u00ebve Genc Leka dhe Vilson Blloshmi nga regjimi komunist, pas nj\u00eb gjyqi politik fars\u00eb me prova t\u00eb montuara. K\u00ebsisoj, teksa shkruan vargjet:<\/p>\n

\u201cUn\u00eb s\u2019kam qen\u00eb n\u00eb Sahara,
\nAs Vilsoni nuk pat shkuar;
\nVe\u00e7 kur shkroi vargjet p\u00ebr t\u00eb,
\nFundin kurr\u00eb s\u2019e kish menduar.<\/p>\n

\u00c7do vargu plumba i l\u00ebshuan.
\nPoetin ndan\u00eb nga kjo jet\u00eb.
\nMu n\u00eb zem\u00ebr e q\u00eblluan\u2026\u201d
\nSaharaja, \u00e7\u2019ferr i nxeht\u00eb!\u201d<\/p>\n

Poeti Rexhep Polisi padyshim q\u00eb i qaset edhe kull\u00ebs emblematike t\u00eb Blloshm\u00ebve n\u00eb B\u00ebrzesht\u00eb t\u00eb Librazhdit q\u00eb q\u00ebndron hijer\u00ebnd\u00eb dhe kreshnike. Kull\u00eb kjo, q\u00eb ka par\u00eb mjaft tragjedi, por i ka rezistuar stuhive dhe furtunave p\u00ebr vite e vite me radh\u00eb.<\/p>\n

Profilin krijues origjinal t\u00eb Rexhep Polisit e dallojm\u00eb fare qart\u00eb edhe n\u00eb poezit\u00eb e tre kapitujve t\u00eb tjer\u00eb: \u201cVjesht\u00ebn sonte do ta deh\u201d, \u201cMes malesh pa kuptim\u201d dhe \u201cM\u00eb pushton me flok\u00ebt e gjata\u201d\u2026<\/p>\n

Ashtu si\u00e7 vler\u00ebson shkrimtari dhe poeti Roland Gjoza, n\u00eb dhjetra prej poezive t\u00eb k\u00ebtyre cikleve dallohet fare qart\u00eb vargu intim, i drejt\u00ebp\u00ebrdrejt\u00eb, muzikal\u2026 si n\u00eb vargjet: \u201cKa dit\u00eb q\u00eb s\u2019jemi par\u00eb\/ Dhe trishtuesh\u00ebm\/ Mendoj:\/ Mos vall\u00eb ti s\u2019je\/ Si m\u00eb par\u00eb,\/ Apo dit\u00ebt e mia jan\u00eb\/ Tjet\u00ebrsoj?!\/ Sjell nd\u00ebrmend koh\u00ebn e shkuar\/ Rrahjet e zemr\u00ebs n\u00eb arrati\u2026\/ \u00c7astet q\u00eb fluturonin\/ Harbuar,\/ Mb\u00ebshtjell\u00eb\/ N\u00eb \u00ebndrrat pa kufi\u2026\/ Ka dit\u00eb q\u00eb s\u2019jemi par\u00eb\/ Dhe ku t\u00eb k\u00ebrkoj,\/ S\u2019e di\u2026\u201d<\/p>\n

M\u00eb tej, nostalgjin\u00eb p\u00ebr vendlindjen poeti Polisi e p\u00ebr\u00e7on p\u00ebrmes meditimeve, duke afirmuar prirjen artistike drejt ndjeshm\u00ebris\u00eb shpirt\u00ebrore dhe duke na dh\u00ebn\u00eb imazhe poetike emocionuese si n\u00eb vargjet e poezis\u00eb: \u201cSHKUMBINI\u201d.<\/p>\n

\u201cGjarp\u00ebron Shkumbini
\nMesp\u00ebrmes shpirtit tim,
\nShkum\u00ebzon uji i kristalt\u00eb
\nDhe p\u00ebrmbyt mallin jetim\u2026\u201d.<\/p>\n

N\u00eb t\u00ebr\u00ebsin\u00eb e k\u00ebtij v\u00ebllimi lexuesi do t\u00eb gjej\u00eb poezi me vlera t\u00eb mir\u00ebfillta ideoartistike dhe natyrshm\u00ebri t\u00eb thell\u00eb poetike, \u00e7\u2019ka e \u201clegjitmon\u201d edhe analiza q\u00eb i kan\u00eb b\u00ebr\u00eb librit t\u00eb tij disa poet\u00ebve t\u00eb njohur me rrezatim mbar\u00ebkomb\u00ebtar.<\/p>\n

\"\"<\/p>\n","protected":false},"excerpt":{"rendered":"

Dy poet\u00eb t\u00eb mir\u00ebnjohur, Perikli Jorgoni dhe Vasil Tabaku, n\u00eb dekad\u00ebn e fundit t\u00eb jet\u00ebs s\u00eb tyre qen\u00eb nd\u00ebr frekuentuesit m\u00eb t\u00eb rregullt t\u00eb redaksis\u00eb t\u00eb t\u00eb par\u00ebs gazet\u00eb opozitare shqiptare \u201cRilindja Demokratike\u201d, ku pata fatin t\u00eb punoj edhe un\u00eb p\u00ebr 13 vjet rresht. Jo vet\u00ebm si kontributor\u00eb me krijimtarin\u00eb e analizat e tyre t\u00eb …<\/p>\n","protected":false},"author":4,"featured_media":86672,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[42],"tags":[],"class_list":["post-86669","post","type-post","status-publish","format-standard","has-post-thumbnail","","category-kulture"],"_links":{"self":[{"href":"https:\/\/rdnews.al\/index.php\/wp-json\/wp\/v2\/posts\/86669","targetHints":{"allow":["GET"]}}],"collection":[{"href":"https:\/\/rdnews.al\/index.php\/wp-json\/wp\/v2\/posts"}],"about":[{"href":"https:\/\/rdnews.al\/index.php\/wp-json\/wp\/v2\/types\/post"}],"author":[{"embeddable":true,"href":"https:\/\/rdnews.al\/index.php\/wp-json\/wp\/v2\/users\/4"}],"replies":[{"embeddable":true,"href":"https:\/\/rdnews.al\/index.php\/wp-json\/wp\/v2\/comments?post=86669"}],"version-history":[{"count":0,"href":"https:\/\/rdnews.al\/index.php\/wp-json\/wp\/v2\/posts\/86669\/revisions"}],"wp:featuredmedia":[{"embeddable":true,"href":"https:\/\/rdnews.al\/index.php\/wp-json\/wp\/v2\/media\/86672"}],"wp:attachment":[{"href":"https:\/\/rdnews.al\/index.php\/wp-json\/wp\/v2\/media?parent=86669"}],"wp:term":[{"taxonomy":"category","embeddable":true,"href":"https:\/\/rdnews.al\/index.php\/wp-json\/wp\/v2\/categories?post=86669"},{"taxonomy":"post_tag","embeddable":true,"href":"https:\/\/rdnews.al\/index.php\/wp-json\/wp\/v2\/tags?post=86669"}],"curies":[{"name":"wp","href":"https:\/\/api.w.org\/{rel}","templated":true}]}}