{"id":92019,"date":"2024-10-19T11:07:37","date_gmt":"2024-10-19T11:07:37","guid":{"rendered":"https:\/\/rdnews.al\/?p=92019"},"modified":"2024-10-19T11:08:44","modified_gmt":"2024-10-19T11:08:44","slug":"rasti-i-shkolles-kushtrimi-i-lirise-shembull-konkret-i-asaj-cka-ndodh-ne-te-gjitha-shkollat-e-vendit","status":"publish","type":"post","link":"https:\/\/rdnews.al\/index.php\/2024\/10\/19\/rasti-i-shkolles-kushtrimi-i-lirise-shembull-konkret-i-asaj-cka-ndodh-ne-te-gjitha-shkollat-e-vendit\/","title":{"rendered":"Rasti i shkoll\u00ebs \u201cKushtrimi i Liris\u00eb\u201d shembull konkret i asaj \u00e7ka ndodh n\u00eb t\u00eb gjitha shkollat e vendit"},"content":{"rendered":"
\n
\n
\n

Nga Jola HYSAJ<\/strong>
\nAn\u00ebtare e Kryesis\u00eb s\u00eb PD\u00a0<\/strong><\/p>\n<\/div>\n<\/div>\n

Marr shkas nga reagimet, telefonatat dhe shum\u00eb mesazhe q\u00eb kam marr\u00eb gjat\u00eb dit\u00ebs s\u00eb djeshme, por edhe sot, n\u00eb lidhje me denoncimin e b\u00ebr\u00eb dje nga un\u00eb n\u00eb rrjetet e mia sociale;<\/p>\n

Pik\u00eb s\u00eb pari, ajo \u00e7ka un\u00eb kam dashur t\u00eb denoncoj \u00ebsht\u00eb fenomeni n\u00eb t\u00eb cilin BE-ja ka alokuar fonde p\u00ebr: rehabilitimin, rind\u00ebrtimin, rikonstruksionin dhe riparimin e 18 shkollave, kopshteve dhe \u00e7erdheve t\u00eb d\u00ebmtuara nga t\u00ebrmeti i vitit 2019 p\u00ebr qytetin e Durr\u00ebsit e jo vet\u00ebm. Sot jemi n\u00eb vitin 2024, dhe ende nuk \u00ebsht\u00eb b\u00ebr\u00eb asgj\u00eb me nj\u00eb pjes\u00eb t\u00eb mir\u00eb t\u00eb tyre. Nj\u00eb buxhet prej 75 milion\u00eb eurosh i \u00ebsht\u00eb dh\u00ebn\u00eb bashkive p\u00ebrkat\u00ebse nga projekti EU4Schools. N\u00eb k\u00ebt\u00eb projekt \u00ebsht\u00eb p\u00ebrfshir\u00eb edhe mir\u00ebmbajtja e k\u00ebtyre shkollave.<\/p>\n

Rasti i shkoll\u00ebs “Kushtrimi i Liris\u00eb” u b\u00eb publik si shembulli konkret i asaj \u00e7ka ndodh n\u00eb t\u00eb gjitha shkollat, kopshtet dhe \u00e7erdhet e Shqip\u00ebris\u00eb, fakt i cili u p\u00ebrforcua edhe nga emisioni STOP n\u00ebp\u00ebrmjet rasteve t\u00eb paraqitura prej tyre n\u00eb qytetin e Tiran\u00ebs, p\u00ebrsa i p\u00ebrket “pagesave vullnetare”.<\/p>\n

I kthehemi fenomenit t\u00eb Durr\u00ebsit, ku jo m\u00eb larg se m\u00eb 19.09.2024, nga Bashkia \u00ebsht\u00eb b\u00ebr\u00eb me dije projekti p\u00ebr “riparimet” q\u00eb do t’i b\u00ebhen k\u00ebsaj shkolle pik\u00ebrisht n\u00eb fillim t\u00eb vitit shkollor. N\u00eb dat\u00eb 19 shtator kan\u00eb pasur konsultimin p\u00ebr iden\u00eb dhe projektin!<\/p>\n

Zero para nga buxheti i Bashkis\u00eb p\u00ebr k\u00ebt\u00eb, do e b\u00ebhet i gjith\u00eb investimi nga Bashkimi Evropian.<\/p>\n

Pyetjet q\u00eb lindin jan\u00eb:<\/p>\n

\u2022 A nuk i mjaftuan Bashkis\u00eb Durr\u00ebs muajt Qershor, Korrik, Gusht p\u00ebr t\u00eb b\u00ebr\u00eb “implementimin” e k\u00ebtij “riparimi”?<\/p>\n

\u2022 P\u00ebrse duhet t\u00eb kalojn\u00eb nx\u00ebn\u00ebsit n\u00eb 1\/3 e vitit shkollor n\u00eb nj\u00eb godin\u00eb tjet\u00ebr dhe m\u00ebsimi t\u00eb zhvillohet n\u00eb dy turne?<\/p>\n

\u2022 P\u00ebrsa i p\u00ebrket Bashkis\u00eb Durr\u00ebs, a nuk i dalin k\u00ebsaj bashkie fondet q\u00eb merr nga taksimi i p\u00ebrkohsh\u00ebm i biznesit t\u00eb madh p\u00ebr t\u00eb paguar “rojet” e shkollave?<\/p>\n

\u2022 A jan\u00eb n\u00eb organigram\u00ebn e shkollave dhe a nuk ka nj\u00eb buxhet t\u00eb vet\u00eb Bashkis\u00eb p\u00ebr nevojat e shkollave?<\/p>\n

\u2022 Pse duhet ta ulni dhe denigroni figur\u00ebn dhe misionin fisnik t\u00eb m\u00ebsuesit apo dhe t\u00eb nj\u00eb n\u00ebnpun\u00ebsi shteti duke i detyruar k\u00ebta t\u00eb fundit t\u00eb kthehen n\u00eb “k\u00ebrkues l\u00ebmoshe” ndaj prind\u00ebrve t\u00eb k\u00ebtyre f\u00ebmij\u00ebve?<\/p>\n

\u2022 Pse duhet q\u00eb k\u00ebta m\u00ebsues, p\u00ebrve\u00e7 ngarkesave t\u00eb pun\u00ebs s\u00eb tyre, duhet t\u00eb marrin ngarkes\u00ebn e pik\u00ebrisht nj\u00eb udh\u00ebzimi t\u00eb 2007, kur ju nuk keni l\u00ebn\u00eb ligj t\u00eb Arsimit parauniversitar dhe pasuniversitar pa futur duart?<\/p>\n

\u2022 N\u00eb 2007 nuk ekzistonte nj\u00eb fond p\u00ebr projekte si EU4Schools n\u00eb mb\u00ebshtetje kaq t\u00eb madhe ndaj arsimit. Sot, n\u00eb 2024, q\u00eb ka mbi 5 vite q\u00eb jan\u00eb alokuar k\u00ebto fonde, ju s\u00ebrish jeni t\u00eb paaft\u00eb p\u00ebr t\u00eb menaxhuar fondet apo s\u2019q\u00ebndroni dot pa menaxhuar vjedhjet?<\/p>\n

\u2022 Pse duhet t\u00eb jemi gjithmon\u00eb ne xhepat e atyre t\u00eb cil\u00ebve gati jan\u00eb shqyer nga vjedhjet?<\/p>\n

\u2022 A mund t\u00eb b\u00ebj\u00eb transparenc\u00eb Bashkia Durr\u00ebs? Apo do t\u2019i inauguroj\u00eb t\u00eb gjitha shkollat, kopshtet dhe \u00e7erdhet 30 dit\u00eb para zgjedhjeve si gjithmon\u00eb?<\/p>\n