{"id":93604,"date":"2024-10-31T19:42:29","date_gmt":"2024-10-31T19:42:29","guid":{"rendered":"https:\/\/rdnews.al\/?p=93604"},"modified":"2024-10-31T19:42:29","modified_gmt":"2024-10-31T19:42:29","slug":"bulevardi-i-dibres-si-u-groposen-2-2-mln-euro-kush-ishte-firma-qe-fitoi-tenderin-korruptiv","status":"publish","type":"post","link":"https:\/\/rdnews.al\/index.php\/2024\/10\/31\/bulevardi-i-dibres-si-u-groposen-2-2-mln-euro-kush-ishte-firma-qe-fitoi-tenderin-korruptiv\/","title":{"rendered":"\u201cBulevardi i Dibr\u00ebs\u201d\/ Si u gropos\u00ebn 2.2 mln euro, kush ishte firma q\u00eb fitoi tenderin korruptiv"},"content":{"rendered":"

Emisioni Vetting n\u00eb News24 ka trajtuar \u00e7\u00ebshtjen e rikonstruksionit t\u00eb bulevardit t\u00eb Dibr\u00ebs dhe fasadave t\u00eb godinave. Fondi limit p\u00ebr k\u00ebt\u00eb tender ishte 225 mln lek\u00eb ose 2.25 mln euro, nd\u00ebrkoh\u00eb q\u00eb kompania fituese \u00ebsht\u00eb shpallur \u201cAlko-Impex General Construction\u201d shpk, me ofert\u00ebn 2.2 mln euro.<\/p>\n

Peshkopia \u00ebsht\u00eb nj\u00eb nga qytetet m\u00eb t\u00eb r\u00ebnd\u00ebsishme n\u00eb verilindje t\u00eb Shqip\u00ebris\u00eb dhe nj\u00eb nga nyjet kryesore t\u00eb l\u00ebvizjes p\u00ebrsa i p\u00ebrket pozit\u00ebs gjeografike pasi \u00ebsht\u00eb kthyer edhe n\u00eb qendr\u00ebn e turizmit malor.<\/p>\n

Kjo bashki ka qen\u00eb n\u00eb qend\u00ebr t\u00eb betej\u00ebs elektorale midis partive politike sepse rezultatet n\u00eb k\u00ebt\u00eb zon\u00eb kan\u00eb patur impakt t\u00eb drejtp\u00ebrdrejt\u00eb te zgjedhjet e parlamentare t\u00eb 2017 dhe 2021, pasi ka qen\u00eb nj\u00eb zon\u00eb, q\u00eb ka prodhuar rezultate zgjedhore surpriz\u00eb.<\/p>\n

N\u00eb k\u00ebt\u00eb episod, \u201cVetting\u201d do t\u00eb trajtoj\u00eb abuzimet dhe keqp\u00ebrdorimin e parave publike nga Bashkia Dib\u00ebr, ku evidentohen probleme q\u00eb ndikojn\u00eb jo vet\u00ebm te infrastruktura e qytetit, por edhe te imazhi i tij.<\/p>\n

N\u00eb mjegull\u00ebn q\u00eb mbulon prapasken\u00ebn e marr\u00ebveshjeve korruptive mpleksen interesat e zyrtar\u00ebve t\u00eb lart\u00eb me t\u00eb nj\u00ebjtat kompani q\u00eb jan\u00eb n\u00ebn hetim nga SPAK, por kan\u00eb lidhje familjare me pushtetin qendror.<\/p>\n

Si gjithmon\u00eb, n\u00eb qend\u00ebr t\u00eb grabitjes jan\u00eb parat\u00eb publike, para q\u00eb dalin nga xhepat e qytetarit shqiptar p\u00ebr ti ofruar sh\u00ebrbime, para q\u00eb nuk jan\u00eb pron\u00eb e zyrtar\u00ebve t\u00eb bashkis\u00eb apo kompanive private, por duhet t\u00eb menaxhohen nga ata q\u00eb jan\u00eb pun\u00ebsuar p\u00ebr ti sh\u00ebrbyer taksapaguesit shqiptar.<\/p>\n

K\u00ebto taksa merren \u00e7do vit nga puna e banor\u00ebve t\u00eb k\u00ebsaj zone, p\u00ebr tu plot\u00ebsuar k\u00ebrkesat sociale dhe ekonomike, q\u00eb nuk po p\u00ebrkthehen n\u00eb sh\u00ebrbime p\u00ebr qytetarin, por gjejn\u00eb rrug\u00ebn te xhepat e disa individ\u00ebve q\u00eb shkelin ligjin.<\/p>\n

Jan\u00eb k\u00ebta banor\u00eb, q\u00eb denoncuan shkeljet e bashkis\u00eb, ku \u201cVetting\u201d mori indiciet p\u00ebr t\u00eb kryer nj\u00eb investigim, q\u00eb tregon rrug\u00ebn e fondeve publike q\u00eb jan\u00eb akorduar nga buxheti i shtetit deri te shp\u00ebrndarja e tyre te bashkit\u00eb dhe zbatimi i projektit nga kompanit\u00eb private.<\/p>\n

Por \u00e7far\u00eb ka ndodhur? Emisioni Vetting ka zbardhur detajet<\/p>\n

M\u00eb 20 maj 2024, Fondi Shqiptar i Zhvillimit do t\u00eb hapte tenderin \u201cTransformimi Urban n\u00eb Hap\u00ebsira Publike Kryesore Rajoni 2\u201d Projekt Zbatimi \u201cBulevardi i Dibr\u00ebs\u201d, i cili p\u00ebrfshin rregullimin e Bulevardit \u201cIsuf Elezi\u201d dhe t\u00eb fasadave t\u00eb godinave p\u00ebrreth me fond limit 225 milion\u00eb lek\u00eb ose 2.25 milion\u00eb euro.<\/p>\n

N\u00eb gar\u00eb mor\u00ebn pjes\u00eb 19 kompani dhe n\u00eb faz\u00ebn finale u skualifikuan t\u00eb gjitha, duke u shpallur automatikisht fituese kompania \u201cAlko-Impex General Construction\u201d shpk me ofert\u00ebn me vler\u00ebn rreth 2.2 milion\u00eb euro.<\/p>\n

\"\"<\/p>\n

Automatikisht ky tender \u00ebsht\u00eb sh\u00ebnuar me flamur t\u00eb kuq nga Open Data Albania pasi paraqet indicie p\u00ebr korrupsion dhe favorizim t\u00eb kompanis\u00eb.<\/p>\n

\"\"<\/p>\n

Projekti i ri konsiston n\u00eb rikualifikimin urban t\u00eb Bulevardit t\u00eb Dibr\u00ebs, si dhe nd\u00ebrhyrje pjesore p\u00ebr rikonstruksionin e fasadave p\u00ebrgjat\u00eb tij. Gjendja aktuale e Bulevardit t\u00eb Dibr\u00ebs \u00ebsht\u00eb tep\u00ebr e amortizuar. Gjithashtu disa fasada dhe nj\u00eb pjes\u00eb e trotuar\u00ebve kan\u00eb nevoje p\u00ebr nd\u00ebrhyrje p\u00ebr rikonstruksionin e tyre.<\/p>\n

Sipas nj\u00eb nga prej banor\u00ebve t\u00eb Bashkis\u00eb Dib\u00ebr, pllakat edhe mundet t\u00eb z\u00ebv\u00ebnd\u00ebsoheshin, por k\u00ebtu askush nuk e ka mendjen tek rregullimi i sheshit, por tek tenderat, si k\u00ebta edhe ata q\u00eb kan\u00eb ikur e do vin\u00eb. K\u00ebtu \u00ebsht\u00eb krijuar ideja vet\u00ebm tendera, tendera, tendera\u201d<\/p>\n

N\u00eb nj\u00eb inspektim q\u00eb zv. Kryeminisrja, Belina Balluku, ka kryer n\u00eb Dib\u00ebr u shpreh se \u201ctani \u00e7far\u00eb ka pasur gjithmon\u00eb problematike ky bulevard ka qen\u00eb se materiali i zgjedhur her\u00ebn e par\u00eb nuk ngjiste n\u00eb gurin i cili nuk kishte mund\u00ebsi t\u00eb duronte t\u00eb ftohtin q\u00eb Dibra ka gjat\u00eb dimrit. K\u00ebshtu q\u00eb un\u00eb shpresoj q\u00eb ky gur ti q\u00ebndroj kushteve atmosferike t\u00eb v\u00ebshtira q\u00eb kemi n\u00eb k\u00ebt\u00eb zon\u00eb gjat\u00eb dimirit\u201d.<\/p>\n