![\"\"](\"https:\/\/boldnews.al\/wp-content\/uploads\/2024\/11\/fieri--640x734.jpg\")
<\/p>\nN\u00eb prill t\u00eb k\u00ebtij viti, K\u00ebshilli Bashkiak i Fierit miratoi me shumic\u00eb votash krijimin e nj\u00eb shoq\u00ebrie aksionere p\u00ebr trajtimin e mbetjeve urbane. E pag\u00ebuar me emrin Shoq\u00ebria Trajtimit t\u00eb Mbetjeve Urbane Qarku Fier, nd\u00ebrmarrja me aksioner\u00eb 6 bashkit\u00eb e qarkut u krijua me q\u00ebllimin p\u00ebr t\u00eb marr\u00eb n\u00eb administrim inceneratorin e Fierit.<\/p>\n
\u201c\u00cbsht\u00eb vet\u00ebm regjistrimi i shoq\u00ebris\u00eb, akti i themelimit dhe regjistrimi. Ne nuk e marrim n\u00eb dor\u00ebzim impiantin pa pasur nj\u00eb raport, por raportin nuk e hartojm\u00eb ne,\u201d tha p\u00ebr BIRN Adela Hysenaj, n\u00ebnkryetare e bashkis\u00eb s\u00eb Fierit dit\u00ebn e themelimit t\u00eb shoq\u00ebris\u00eb.<\/p>\n
Por 5 muaj pas krijimit, Asambleja e Ortak\u00ebve, e kryesuar nga Armando Subashi, ka vendosur beftas q\u00eb ta kaloj\u00eb nd\u00ebrmarrjen n\u00eb status pasiv.<\/p>\n
\u201cAsambleja e Pergjithshme e Aksionareve, pasi diskutoi ceshtjet e perfshira ne rendin e dites, me unanimitet vendosi te pranohet kerkesa e administratorit te shoqerise Z.Arjan Ndreu per pushimin e perkohshem (pezullimin) t\u00eb aktivitetit te Shoqerise se Trajtimit te Mbetjeve Urbane te Qarkut Fier sh.a. dhe kalimin e shoqerise ne ne status pasiv per nje kohe te pacaktuar per shkak te pamundesise objektive te ushtrimit te aktivitetit te saj,\u201d thuhet n\u00eb vendimin e miratuar nga K\u00ebshilli Bashkiak n\u00eb fillim t\u00eb muajit t\u00eb kaluar.<\/p>\n
<\/p>\n
Vendimi p\u00ebr kalimin e shoq\u00ebris\u00eb n\u00eb status pasiv erdhi pas k\u00ebrkes\u00ebs formale t\u00eb administratorit , Arjan Ndreu. Arsyeja p\u00ebr pezullimin \u00ebsht\u00eb se vepra nuk u mor n\u00eb dor\u00ebzim.<\/p>\n
\u201cEdhe pse administrativisht shoqeria figuron aktive ne asnjehere nuk mundem te ushtrojme aktivitetin themelor te formimit te kesj shoqerie qe eshte perpunimi dhe djegja e mbetjeve urbane te bashkive ortake pasi objekti nuk eshte bere e mundur qe ta marrim ne dorezim nga organet te cilat e kane ate tashme ne administrim,\u201d thuhet n\u00eb k\u00ebrkes\u00ebn e Ndreut.<\/p>\n
Megjithat\u00eb mosmarrja n\u00eb dor\u00ebzim \u00ebsht\u00eb thjesht nj\u00eb justifikim formal. Aryeja e v\u00ebrtet\u00eb e vendimit \u00ebsht\u00eb larja e duarve p\u00ebrfundimisht me inceneratorin, i cili tashm\u00eb mbetet jetim dhe me shum\u00eb gjasa i destinuar t\u00eb d\u00ebshtoj\u00eb p\u00ebrfundimisht.<\/p>\n
Sabotim<\/strong><\/p>\n N\u00eb afer\u00ebn e trefisht\u00eb korruptive t\u00eb incenerator\u00ebve, ai i Fierit ishte investimi m\u00eb i mir\u00eb. Por objekti nuk u vendos asnj\u00ebher\u00eb n\u00eb pun\u00eb p\u00ebr shkak se mungonte instalimi i disa pajisjeve t\u00eb fundit.<\/p>\n Menj\u00ebher\u00eb pas marrjes n\u00ebn sekuestro nga shteti, kryeadministratori i koh\u00ebs, Farudin Arapi i propozoi ministris\u00eb s\u00eb Energjis\u00eb si autoritet kontraktor t\u00eb autorizonte nj\u00eb shpenzim n\u00eb mas\u00ebn 3.5 milion\u00eb euro q\u00eb sipas tij do t\u00eb p\u00ebrmbyllte p\u00ebrfundimisht vepr\u00ebn dhe do t\u00eb vendoste inceneratorin n\u00eb pun\u00eb.<\/p>\n Por Belinda Balluku nuk e autorizoi asnj\u00ebher\u00eb kryerjen e pages\u00ebs dhe inceneratori i Fierit nuk u vu asnj\u00eb dit\u00eb n\u00eb pun\u00eb, nd\u00ebrsa Farudin Arapin e nxorr\u00ebn n\u00eb pension. Praktikisht sot Fieri ka nj\u00eb incenerator, i cili sh\u00ebrben vet\u00ebm si landfill. Por meq\u00eb investimi nuk \u00ebsht\u00eb konceptuar p\u00ebr landfill, vepra tashm\u00eb \u00ebsht\u00eb kthyer n\u00eb nj\u00eb bomb\u00eb ekologjike, ku her\u00eb pas her\u00eb mbetjeve u vihet flaka.<\/p>\n Kalimi n\u00eb pasiv i shoq\u00ebris\u00eb q\u00eb do t\u00eb merrte n\u00eb dor\u00ebzim inceneratorin e Fierit duket si sabotimi p\u00ebrfundimtar i inceneratorit t\u00eb Fierit, i cili me shum\u00eb gjas\u00eb nuk ka p\u00ebr t\u2019u ndezur asnj\u00ebher\u00eb edhe pse kullufiti 35 milion\u00eb euro para t\u00eb qytetar\u00ebve shqiptar\u00eb.<\/p>\n