{"id":95036,"date":"2024-11-12T19:51:30","date_gmt":"2024-11-12T19:51:30","guid":{"rendered":"https:\/\/rdnews.al\/?p=95036"},"modified":"2024-11-12T19:54:18","modified_gmt":"2024-11-12T19:54:18","slug":"30-vjetori-i-universitetit-te-vlores-ismail-qemali","status":"publish","type":"post","link":"https:\/\/rdnews.al\/index.php\/2024\/11\/12\/30-vjetori-i-universitetit-te-vlores-ismail-qemali\/","title":{"rendered":"30 vjetori i Universitetit t\u00eb Vlor\u00ebs \u201cIsmail Qemali\u201d!"},"content":{"rendered":"
\n

Nga Bujar LESKAJ<\/strong><\/p>\n

E nisa fjal\u00ebn time n\u00eb p\u00ebrvjetorin jubilar t\u00eb 30 vjetorit t\u00eb Fakultetit Ekonomik t\u00eb Universitetit t\u00eb Vlor\u00ebs, me p\u00ebrulje para t\u00eb gjith\u00eb profesor\u00ebve q\u00eb u b\u00ebn\u00eb nism\u00ebtar\u00eb t\u00eb hapjes s\u00eb Universitetit t\u00eb Vlor\u00ebs \u201cIsmail Qemali\u201d dhe para politikan\u00ebve lokal dhe jo vet\u00ebm q\u00eb suportuan k\u00ebt\u00eb Universitet.<\/p>\n

Theksova se n\u00eb harkun kohor t\u00eb 70 viteve, nga viti 1924, kur Fan Noli, n\u00eb at\u00eb koh\u00eb t\u00eb rr\u00ebmujshme t\u00eb N\u00ebntorit 1924, n\u00eb 6 muaj qeveri pati mendim p\u00ebr hapjen e Shkoll\u00ebs Tregtare dhe duke vazhduar me vitin 1994, n\u00eb ato fillesa t\u00eb demokracis\u00eb, kur Partia Demokratike, Presidenti i Republik\u00ebs Prof.Dr.Sali Berisha, Kryeministri Aleksand\u00ebr Meksi vendos\u00ebn dhe hap\u00ebn Universitetin e Vlor\u00ebs \u201cIsmail Qemali\u201d. Ky ishte nje event q\u00eb \u00ebsht\u00eb skalitur n\u00eb historin\u00eb e arsimit n\u00eb Vlor\u00eb, histori q\u00eb vazhdon nga 1900, ka vul\u00ebn n\u00eb 1912-1913 me Ministrin Luigj Gurakuqi t\u00eb qeveris\u00eb s\u00eb Ismail Qemalit dhe p\u00ebr t\u00eb vazhduar n\u00eb gjith\u00eb k\u00ebto koh\u00eb, sikurse dhe n\u00eb vitet \u201870 kur u hap filiali i Fakultetit t\u00eb Ekonomis\u00eb.<\/p>\n

N\u00eb vijim t\u00eb k\u00ebsaj p\u00ebrkujtoj me respekt gjith\u00eb ata politikan lokal\u00eb, shumica t\u00eb pozit\u00ebs s\u00eb koh\u00ebs, por edhe t\u00eb opozit\u00ebs, t\u00eb cil\u00ebt lobuan dhe punuan fort p\u00ebr hapjen e Universitetit dhe p\u00ebrmend k\u00ebtu Profesorin e nderuar dhe nj\u00ebherazi deputet Abedin Elmazi, deputet\u00ebt e tjer\u00eb t\u00eb Vlor\u00ebs Ibrahim Vasjari, Roland Tafili, Kryetarin e Bashkis\u00eb s\u00eb Vlor\u00ebs Elham Sharra, drejtuesit e opozit\u00ebs s\u00eb koh\u00ebs, q\u00eb u b\u00ebn\u00eb nj\u00ebsh me politikan\u00ebt e pozit\u00ebs n\u00eb lobimin p\u00ebr hapjen e k\u00ebtij Universiteti.<\/p>\n

Sot, ne p\u00ebrulemi me respekt, un\u00eb personalisht p\u00ebrulem me respekt p\u00ebrpara kujtimit t\u00eb Profesor\u00ebve t\u00eb Universitetit t\u00eb Vlor\u00ebs, t\u00eb atyre q\u00eb e themeluan Universitetin, ku nj\u00eb nga ata, krahas Prof.Abedin Elmazit, ishte i paharruari p\u00ebr mua, profesori im i shkoll\u00ebs s\u00eb mesme, Prof.Vasil Mino; Prof.Abdyl Vasjari, pjes\u00eb e programeve studimore t\u00eb gjuh\u00ebve t\u00eb huaja.<\/p>\n

P\u00ebrmenda gjithashtu themeluesit e Fakultetit t\u00eb Ekonomis\u00eb, sikurse dhe themelues t\u00eb Universitetit t\u00eb Vlor\u00ebs, Rektorin e par\u00eb Prof.Dr.Sezai Bazaj, Zv.rektorin dhe m\u00eb pas kaloi Rektor n\u00eb vitin 1998, Profesorin e Fizik\u00ebs Spiro Caushi, Dekanin e Fakultetit t\u00eb Ekonomis\u00eb Dr.Selman Lamaj, Zv.Dekania dhe m\u00eb von\u00eb Dekania Dr.Natsha Ahmetaj, t\u00eb cil\u00ebt sot jan\u00eb personalitete n\u00eb Bank\u00eb, personalitete n\u00eb fush\u00ebn e tyre; gjith\u00eb profesor\u00ebt e tjer\u00eb, Profesorin e Matematik\u00ebs Vasil Mino, Profesorin e Informatik\u00ebs Sokol Mehmeti, Prof.Ilirjan Lipi, Prof.Albert Qarri, Prof.Arturi, Prof.Sebastiani, Genti Hamzaraj, Edi Frakulla.<\/p>\n

N\u00eb fjal\u00ebn time urova pedagog\u00ebt dhe theksova ngritjen e nivelit t\u00eb pedagog\u00ebve p\u00ebrgjat\u00eb k\u00ebtyre viteve, sikurse sugjerova fokusimin q\u00eb trupa akademike duhet t\u00eb ket\u00eb n\u00eb k\u00ebrkimet shkencore dhe theksova se sfida dhe konkurrenca e Universitetit t\u00eb Vlor\u00ebs n\u00eb pikpamjen time, duhet t\u00eb jet\u00eb me Universitetin e Tiran\u00ebs. Shtova gjithashtu se 30 vjet nuk jan\u00eb shum\u00eb p\u00ebr jet\u00ebn e nj\u00eb Universiteti, n\u00eb jet\u00ebn e nje institucioni, ato jan\u00eb pak, por k\u00ebto jan\u00eb 30 vjet q\u00eb ne na b\u00ebjn\u00eb t\u00eb gjith\u00ebve krenar.<\/p>\n

E mbylla fjal\u00ebn time, duke kujtuar gjith\u00eb pedagog\u00ebt e Fakultetit t\u00eb Ekonomis\u00eb t\u00eb Universitetit t\u00eb Tiran\u00ebs, t\u00eb cil\u00ebt kan\u00eb qen\u00eb nj\u00eb suport i parreshtur n\u00eb p\u00ebrmir\u00ebsimin e k\u00ebtij Universiteti, duke filluar me Profesor Beshir Ciceri, Profesor Lavdosh Zaho, Profesore Vjollca Karapici, p\u00ebr t\u00eb vazhduar me dy dekan\u00ebt Profesor Omer Stringa dhe Profesor Dhori Kule, Profesor Sulo Had\u00ebri, Profesor Shyqyri Llaci, Profesore Liljana Elmazi, Profesor Fatmir Mema. Kujtova me emocion, nj\u00ebherazi mikun e prind\u00ebrve t\u00eb mij\u00eb dhe mikun tim, Profesor Burim Husin.<\/p>\n

Urime Universiteti t\u00eb Vlor\u00ebs \u201cIsmail Qemali\u201d n\u00eb k\u00ebte 30 vjetor, dhe n\u00eb ve\u00e7anti Fakultetit t\u00eb Ekonomis\u00eb, sikurse suksese n\u00eb ceremonin\u00eb e madhe q\u00eb zhvillohet mbas dy dit\u00ebsh p\u00ebr k\u00ebt\u00eb 30 vjetor t\u00eb Universitetit!<\/p>\n

I uroj Universitetit t\u00eb Vlor\u00ebs \u201cIsmail Qemali\u201d, qindra vite t\u00eb tjera n\u00eb edukim dhe shkenc\u00eb!<\/p>\n<\/div>\n