{"id":98275,"date":"2024-12-10T10:20:39","date_gmt":"2024-12-10T10:20:39","guid":{"rendered":"https:\/\/rdnews.al\/?p=98275"},"modified":"2024-12-10T10:20:39","modified_gmt":"2024-12-10T10:20:39","slug":"zhduket-kujtesa-historike-zona-e-ish-bllokut-mbushet-me-kulla-dyshime-mbi-burimin-e-parave","status":"publish","type":"post","link":"https:\/\/rdnews.al\/index.php\/2024\/12\/10\/zhduket-kujtesa-historike-zona-e-ish-bllokut-mbushet-me-kulla-dyshime-mbi-burimin-e-parave\/","title":{"rendered":"Zhduket kujtesa historike\/ Zona e ish-Bllokut mbushet me kulla, dyshime mbi burimin e parave"},"content":{"rendered":"

Ish-Blloku, dikur zona m\u00eb popullore p\u00ebr lokalet dhe jet\u00ebn e nat\u00ebs, po transformohet n\u00eb nj\u00eb hap\u00ebsir\u00eb t\u00eb dominuar nga kullat. Nj\u00eb prej tyre \u00ebsht\u00eb \u201cThe One\u201d, nj\u00eb 10-kat\u00ebsh i projektuar\u00a0\u201cjo p\u00ebr t\u00eb gjith\u00eb\u201d<\/em> me \u00e7mimin q\u00eb kap\u00ebrcen \u20ac4,500 p\u00ebr met\u00ebr katror. Ky transformim urban po ridimensionon t\u00eb ardhmen e zon\u00ebs, duke ngjallur diskutim jo vet\u00ebm mbi burimin e parave, por edhe zhdukjen e kujtes\u00ebs historike dhe ndikimet sociale.<\/p>\n

\u201cThe One\u201d po nd\u00ebrtohet n\u00eb kryq\u00ebzimin e rrug\u00ebve \u201cVaso Pasha\u201d dhe \u201cBrigada VIII\u201d, zona m\u00eb e lakmuar e ish-Bllokut. Me leje t\u00eb siguruar nga qeveria n\u00eb mars 2022, nd\u00ebrtesa po zhvillohet nga kompanit\u00eb \u201cTexas Development\u201d dhe \u201cDaton\u201d t\u00eb zot\u00ebruar nga v\u00ebllez\u00ebrit Alban, Andi dhe Olsi Efthimi (Eftimi), si dhe Arjan (Orion) Cenalla.<\/p>\n

V\u00ebllez\u00ebrit Eftimi zot\u00ebrojn\u00eb gjithashtu studion \u201cAtelier 4\u201d, e cila ka projektuar \u201cThe One\u201d dhe t\u00eb pakt\u00ebn tre kulla t\u00eb tjera n\u00eb ish-Bllok: 9-kat\u00ebshi te \u201cRruga Moskat\u201d dhe dy 11-kat\u00ebshit te \u201cRruga Nikolla Tupe\u201d dhe \u201cSami Frash\u00ebri\u201d.<\/p>\n

\"\"<\/p>\n

E konceptuar p\u00ebr\u00a0\u201cbanim dhe sh\u00ebrbime\u201d<\/em>, nd\u00ebrtesa p\u00ebrmban elemente arkitektonike moderne q\u00eb ndjekin nj\u00eb filozofi t\u00eb\u00a0\u201cdualitetit gjeometrik\u201d,<\/em> duke reflektuar stilin e aplikuar m\u00eb par\u00eb n\u00eb nd\u00ebrtes\u00ebn seli qendrore t\u00eb Bank\u00ebs Credins n\u00eb kryq\u00ebzimin tjet\u00ebr, nd\u00ebrtes\u00eb e projektuar gjithashtu \u2013 si studio lokale \u2013 nga \u201cAtelier 4\u201d (2007-2016).<\/p>\n

N\u00eb dekad\u00ebn e fundit, t\u00eb pakt\u00ebn dhjet\u00eb kulla kan\u00eb ndryshuar rr\u00ebnj\u00ebsisht karakteristikat e zon\u00ebs s\u00eb ish-Bllokut, duke z\u00ebvend\u00ebsuar vilat, q\u00eb me ndryshimin e regjimit u kthyen n\u00eb lokale t\u00eb njohura. Projekti \u201cThe One\u201d po z\u00eb vendin e nj\u00eb nd\u00ebrtese trekat\u00ebshe ku m\u00eb par\u00eb gjendeshin lokalet \u201cRaum\u201d dhe \u201cTribeca\u201d vende mjaft t\u00eb frekuentuara t\u00eb jet\u00ebs s\u00eb nat\u00ebs n\u00eb Tiran\u00eb.<\/p>\n

Projekti po ndjek k\u00ebshtu modelin e r\u00ebndomt\u00eb t\u00eb zhvillimit q\u00eb favorizon nd\u00ebrtimin ekskluziv dhe vertikal. Nga nj\u00eb zon\u00eb rezidenciale me funksion kryesor banimin apo rekreacionin, ish-Blloku po kthehet n\u00eb qend\u00ebr urbane luksoze me p\u00ebrqendrim t\u00eb lart\u00eb zyrash dhe sh\u00ebrbimesh duke ngritur shqet\u00ebsim p\u00ebr trafikun dhe munges\u00ebn e hap\u00ebsirave publike.<\/p>\n

N\u00eb k\u00ebt\u00eb transformim, \u201cThe One\u201d q\u00ebndron si shembull i p\u00ebrqendrimit t\u00eb projekteve luksoze, ku shtrenjt\u00ebsia dhe pamund\u00ebsia p\u00ebr t\u00eb aksesuar k\u00ebto hap\u00ebsira nga pjesa m\u00eb e madhe e qytetar\u00ebve do t\u00eb thelloj\u00eb m\u00eb tej ndarjet sociale.<\/p>\n

Zanafilla nga nj\u00eb studio projektimi<\/strong><\/h4>\n

\u201cAtelier 4\u201d \u00ebsht\u00eb nj\u00eb nga studiot m\u00eb t\u00eb njohura n\u00eb projektimin e nd\u00ebrtesave publike dhe private n\u00eb Shqip\u00ebri.<\/p>\n

Studioja u hap zyrtarisht n\u00eb vitin 2003 nga familja Eftimi, e njohur p\u00ebr kontributet akademike n\u00eb hidro-gjeologji, urbanistik\u00eb dhe arkitektur\u00eb t\u00eb \u00e7iftit Romeo dhe Tamara Gjoka-Eftimi, kjo e fundit ish-rektore e Universitetit Politeknik t\u00eb Tiran\u00ebs (UPT, 1997-2003).<\/p>\n

Q\u00eb n\u00eb nisje,\u00a0partner i tyre<\/strong><\/a>\u00a0ishte Altin Premti, nj\u00eb ish-student i UPT-s\u00eb, mik me djemt\u00eb e familjes. M\u00eb i madhi, Albani, i specializuar n\u00eb Franc\u00eb dhe Itali, iu bashkua grupit pas nj\u00eb p\u00ebrvoje n\u00eb krye t\u00eb departamentit t\u00eb Urbanistik\u00ebs gjat\u00eb mandatit t\u00eb par\u00eb t\u00eb Edi Ram\u00ebs n\u00eb drejtimin e Bashkis\u00eb Tiran\u00eb (2000-2011).<\/p>\n

Kontakti me at\u00eb q\u00eb m\u00eb pas u b\u00eb politikani m\u00eb i pushtetsh\u00ebm n\u00eb 25 vitet e fundit dhe ekspertiza e fort\u00eb q\u00eb garantonin akademik\u00ebt Romeo dhe Tamara Eftimi i dha rrug\u00eb suksesit t\u00eb studios \u201cAtelier 4\u201d q\u00eb fal\u00eb edhe bashk\u00ebpunimeve me studio t\u00eb huaja, ofroi studime dhe projektime t\u00eb shumta.<\/p>\n

Pas 20 vitesh n\u00eb treg emri \u201cAtelier 4\u201d lidhet me dhjet\u00ebra projekte publike dhe private si rezidenca, vila, resorte, por edhe kopshte, shkolla, spitale, apo projekte madhore si aeroporte dhe stadiume.<\/p>\n

N\u00eb portofolin e saj radhiten projektet restauruese si:\u00a0TID Vlora<\/a>,\u00a0Hotel Dajti<\/a>,\u00a0Muzeu Etnografik i Kruj\u00ebs<\/a>\u00a0dhe\u00a0Mozaiku i Muzeut Komb\u00ebtar<\/a>.<\/p>\n

\u201cAtelier 4\u201d rezulton projektuese e spitaleve t\u00eb\u00a0Pediatris\u00eb<\/a>,\u00a0Urgjenc\u00ebs<\/a>\u00a0dhe\u00a0Kardiologjis\u00eb<\/a>\u00a0n\u00eb QSUT, gjithashtu spitalit t\u00eb\u00a0La\u00e7it<\/a>,\u00a0Fierit<\/a>\u00a0dhe\u00a0Kruj\u00ebs<\/a>. Ngjash\u00ebm si studio lokale e projekteve t\u00eb stadiumit\u00a0Loro Bori\u00e7i<\/a>, apo\u00a0Elbasan Arena<\/a>\u00a0apo dhe\u00a0Aeroportit t\u00eb Kuk\u00ebsit<\/a>.<\/p>\n

Por nd\u00ebr projektet m\u00eb t\u00eb p\u00ebrfolura jan\u00eb\u00a0Pazari i Ri<\/a>,\u00a0ArTurbina<\/a>,\u00a0Teatri i Operas dhe Baletit<\/a>\u00a0dhe\u00a0Selia Qendrore e Bank\u00ebs Credins<\/a>.<\/p>\n

Paralelisht \u201cAtelier 4\u201d ka g\u00ebzuar bashk\u00ebpunime me studio nd\u00ebrkomb\u00ebtare si Bolles+Wilson te\u00a0kulla<\/mark><\/strong><\/a>\u00a0pas 15-kat\u00ebshit n\u00eb qend\u00ebr, 51N4E te\u00a0Hotel Plaza<\/mark><\/strong><\/a>\u00a0gjithashtu n\u00eb qend\u00ebr, Coop Himmelb(I)au n\u00eb dy kullat\u00a021-22 kat\u00ebshe<\/mark><\/strong><\/a>\u00a0q\u00eb pritet t\u00eb nd\u00ebrtohen n\u00eb Vlor\u00eb dhe s\u00eb fundmi me NOA Architects n\u00eb konceptin e nj\u00eb kulle paraqitur si \u201cfshati vertikal<\/mark><\/strong><\/a>\u201d parashikuar p\u00ebr t\u2019u ngritur n\u00eb Komun\u00ebn e Parisit.<\/p>\n

Nga projektues n\u00eb investitor\u00eb nd\u00ebrtimi<\/strong><\/p>\n

V\u00ebllez\u00ebrit Eftimi po kthehen n\u00eb\u00a0\u201clojtar\u00eb t\u00eb fort\u00eb\u201d\u00a0<\/em>t\u00eb sektorit t\u00eb nd\u00ebrtimit duke e kthyer n\u00eb cik\u00ebl t\u00eb mbyllur sip\u00ebrmarrjen e tyre t\u00eb arkitektur\u00ebs pasi prej vitit 2019 ata jan\u00eb edhe investitor\u00eb nd\u00ebrtimi. Kryesori n\u00eb sip\u00ebrmarrje duket t\u00eb jet\u00eb Albani.<\/p>\n

N\u00eb janar 2019 Alban Eftimi themeloi \u201cTexas Development\u201d dhe nj\u00eb vit m\u00eb von\u00eb e ndau sip\u00ebrmarrjen me v\u00ebllez\u00ebrit Olsi dhe Andi. Paralelisht riorganizoi portofolin e biznesit duke kaluar kuotat e tij n\u00eb \u201cAtelier 4\u201d (60%) dhe \u201cTexas Development\u201d (80%) n\u00ebn ombrell\u00ebn e \u201cZurich Investment Group\u201d themeluar n\u00eb vitin 2021.<\/p>\n

Bashk\u00eb me Altin Premtin \u2013 ortak n\u00eb \u201cAtelier 4\u201d, \u2013 grupi rezulton n\u00eb marr\u00ebdh\u00ebnie biznesi me Armand Metanin dhe Orion Cenall\u00ebn n\u00eb \u201cFuturis Gen\u201d, \u201cOreo & Tony\u201d dhe \u201cDaton\u201d.<\/p>\n

P\u00ebrve\u00e7 studios \u201cAtelier 4\u201d t\u00eb gjitha kompanit\u00eb e v\u00ebllez\u00ebrve Eftimi rezultojn\u00eb me humbje. Megjithat\u00eb, kjo nuk i ka penguar t\u00eb vijojn\u00eb biznesin si nd\u00ebrtues, pasi sektori operon kryesisht me parablerje \u2013 e ashtuquajtura shitje n\u00eb aj\u00ebr, \u2013 n\u00ebn-kontraktim dhe kliring punimesh.<\/p>\n

N\u00eb t\u00eb vetmin bilanc t\u00eb deklaruar (viti 2022), \u201cTexas Development\u201d deklaron rreth \u20ac170 mij\u00eb humbje dhe rreth \u20ac8.3 milion\u00eb kapital nga huamarrje apo parapagime porosish.<\/p>\n

Projekti \u201cThe One\u201d n\u00eb ish-Bllok \u00ebsht\u00eb projekti i gjasht\u00eb q\u00eb \u201cTexas Development\u201d dhe partner\u00ebt e tij po zhvillojn\u00eb aktualisht, nd\u00ebrsa mbeten n\u00eb pritje t\u00eb lejeve p\u00ebr t\u00eb zhvilluar edhe tre projekte t\u00eb tjera.<\/p>\n

Projektet n\u00eb zhvillim nga \u201cTexas Development\u201d dhe partner\u00ebt:<\/strong><\/p>\n