Gazeta RD
Dje, më 14 janar, Drejtuesi Politik i Partisë Demokratike në Vlorë, z. Bujar Leskaj, zhvilloi dy takime me strukturat e partisë për Rajonin Nr. 1 dhe Rajonin Nr. 2, duke shënuar fillimin e përgatitjeve intensive për zgjedhjet e ardhshme.
Në takime morën pjesë Sekretarja Politike e PD Vlorë, znj. Nada Meçorapaj, nënkryetari i PD-së Vlorë, z. Hysni Sharra, dhe anëtarë të Kryesisë së Degës së PD-së në Vlorë, si dhe përfaqësues të strukturave lokale.
Gjatë diskutimeve, u vu theksi te roli i rëndësishëm i diasporës dhe angazhimi intensiv i strukturave për të garantuar një fushatë të suksesshme.
Z. Leskaj deklaroi: “Angazhimi i të gjithë strukturës është kyç për fitoren në zgjedhjet e 11 majit. Është thelbësore që të intensifikojmë përpjekjet dhe të shpërndajmë programin tonë përmes çdo kanali të mundshëm”.
Takimet pasqyruan vendosmërinë e Partisë Demokratike për të organizuar një fushatë të fuqishme dhe për të konsoliduar mbështetjen në të gjitha rajonet e Vlorës.
©
