Leskaj takim në Firenze: Votimi i diasporës, mundësi që të rrëzojnë narko-diktaturën e Ramës!

Drejtuesi politik i PD për Qarkun e Vlorës, Bujar Leskaj, njëkohësisht deputet i kësaj force politike, ishte në Firenze të Italisë në zonën e Fiesoles, së bashku me kryetarin e PD Vlorë, Atird Hoxha dhe ish-deputetin Dashamir Tahiri, nga ku organizuan një takim mbresëlënës me bashkëatdhetarët tanë që jetojnë e punojnë atje.

Leskaj shkruan se, votimi i diasporës, hap një tjetër faqe të rrugëtimit demokratik të Shqipërisë, si një kapitull i ndritur i saj, ndërsa përfshirja e shqiptarëve të diasporës u ka dhënë atyre mundësinë për të rrëzuar narkodiktaturën e Rilindjes së Ramës.

Postimi

Sot, datë 9 shkurt 2025, së bashku me Kryetarin e PD Vlorë z.Atird Hoxha, ish-deputetin z.Dashamir Tahiri organizuam një takim mbresëlënës, entuziast me bashkëatdhetarët tanë që jetojnë e punojnë në Firenze (Fiesole).

Është hera e parë, që bashkëatdhetrëve tanë jashtë Shqipërisë ju jepet e drejta, kaq e vonuar, ër të votuar/zgjedhur, dhe si e tillë ajo pasqyron një moment të madh historik për të gjithë ne.

Votimi i emigrantëve, bashkëqytetarëve, bashkëkombësave tanë në diasporë i hap një tjetër faqe rrugëtimit demokratik të Shqipërisë, si një kapitull i ndritur i saj. Përfshirja e shqiptarëve të diasporës i ka dhënë atyre mundësinë për rrëzimin narkodiktaturës së Rilindjes së Ramës!

Bashkëatdhetarët tanë në Firenze, sidomos ata vlonjatë, përfaqësojnë një komunitet dinjitoz, të mirë-integruar, të përkushtuar e punëtorë, të cilët për vite me radhë kanë dëshmuar se janë një aset i vyer i Shqipërisë e Vlorës.

Mesazhet që përcollën, na bejnë të vazhdojmë krenar e besimplotë drejt fitores së 11 Majit, ku vota e diasporës do jetë vota e ndryshimit.

Unë do të desha të falenderoj gjithashtu miqtë e mi jo të paktë vlonjatë që erdhën më takuan dhe ndihmuan me organizimin e këtij takimi dhe më ofruan mbështetje për regjistrimin në listën e votuesve tanë në platformën e KQZ!

Takimet në zona të tjera të Firenzes, me bashkëatdhetarët tanë do jenë pjesë e punës/takimeve tona në diasporë, si një kërkesë nga vet ata për të vazhduar takimet në zona të tjera të Firenzes!