Rama largon gardën e vjetër të deputetëve të PS nga lista e mbyllur

Asnjë prej tyre nuk do të jetë n listën e mbyllur, ndërsa u duhet të lutojnë për një vend deputeti në listen e hapur.

Në fjalimin që Edi Rama mbajti në mbledhjen e grupit parlamentar të Partisë Socialiste ai nuk iu drejtua të tijve si një lider politik që u flet deputetëve, por si një oficer që u flet ushtarëve në kazermë.

Mesazhi kryesor në fjalën e tij përmblidhej në një urdhër: “Asnjë deputet në gjininë mashkullore që ka marrë qoftë edhe një mandat nuk do të jetë në listën e mbyllur.”

Me pak fjalë, përveç drejtuesve të qarqeve, të gjithë deputetët aktualë meshkuj duhet të bëhen gati për një garë në listën e hapur, ku mandati i secilit është i rrezikuar dhe gjithsekush do të punojë, sipas një sistemi, ku fiton ai që merr më shumë vota.