Gazeta RD
Nga Elona CASLLI
Për të kuptuar seriozitetin e qeverisjes rilindase mjafton vetëm rasti i Artan Lames. Kryeministri shfaq lajmin në rrjetet sociale dhe shpreh ngushëllimet për familjen, Kryetarja e Parlamentit gjithashtu. Ndërkohë që Artan Lame nuk ka vdekur, por është në gjendje kritike për jetën, sipas njoftimit të familjarëve.
Nuk është zbatuar ligji themeltar i gazetarisë nga stafi pranë Kryeministrit dhe Kryetares së Parlamentit; Verifiko vërtetësinë e lajmit, para se ta publikosh.
Veç mungesës së përgjegjësisë së stafit përkatës, në raport njerëzor mjaftonte një telefonatë te familjarët e Artan Lames për të marrë vesh se Lame është në luftë për jetën dhe është ende në jetë.
Lind pyetja; Kryeministri dhe Kryetarja e Parlamentit kanë shfaqur ngushëllime publike, para se të kryenin ngushëllimet private?!
Post Scriptum- Ngushëllimi publik, para ngushëllimit privat na çon në një situatë ku në profilin e Kryeministrit dhe Kryetares së Parlamentit, Artan Lame është me shirit të zi që prej 11 orësh, ndërkohë që ende merr frymë.
