Gazeta RD
Kreu i PD, Sali Berisha në konferencën me gazetarët, u shpreh se, opozita do të paraqesë të dhëna se si janë blerë votat me certifikata pronësie, e gjithashtu edhe lejet e ndërtimit.
“Pra, ky është një shembull i përdorimit të shtetit partiak, shtetit elektoral për të blerë vota nëpërmjet ushtrimit të paligjshëm të fuqisë ekzekutive.
Këto janë vetëm njëri aspekt, aspekte të tjera do paraqiten në ditët e ardhshme, të cilat kanë të bëjnë me certifikatat e pronësisë, kanë të bëjnë me lejet e ndërtimit, të cilat janë të pafundme.
Është bërë një vërshim i madh dhe një mori e pafundme leje ndërtimi, meremetimesh, ndërtimesh në fshat, por edhe në qytete, të cilat do paraqiten në ditët që do vijnë”, tha Berisha.
