Çmendet regjimi/3 vite burg për parkim të dyfishtë

Proda tha se parkimi i dyfishtë do të bazohet në nenin 293 të Kodit Penal, që parashikon dënim me gjobë ose me burgim gjer në tre vjet.

“Parkimi i dyfishtë në rrugë nuk do të konsiderohet më si një “shkelje e lehtë” thjesht administrative, por si një bllokim i kalimit të mjeteve që cenon sigurinë e qytetarëve dhe kufizon dhunshëm të drejtën e tyre për të lëvizur lirisht. Strukturat policore do të kryejnë veprimet hetimore duke e trajtuar parkimin e dyfishtë si vepër penale bazuar në nenin 293 të Kodit Penal. Ky fenomen i shëmtuar dhe i rrezikshëm do të zhbëhet, me çdo kusht. Me të gjithë respektin për drejtuesit e automjeteve, qyteti është në radhë të parë i këmbësorëve dhe megjithë mirëkuptimin për vështirësitë e parkimit, rruga është për të qarkulluar, jo për të parkuar në mes të saj”, tha Proda për mediat.

Lajmi ka sjellë reagime në rrjet duke e paralelizuar Shqipërinë me Korenë e Veriut, ndërsa të tjerë komentojnë se “mirë e bën” përderisa nuk has kundërshti nga qytetarët.