Gazeta RD
Nga Tritan SHEHU
Projekt ligji “Mbi barazinë gjinore” i Rilindjes, atentat ndaj thelbit të shoqërisë, ekzistencës së vetëm dy gjinive, Mashkull e Femër, familjes etj!
Qeveria ka dorëzuar këto ditë në Kuvend këtë projekt ligj.
Ndërmjet fjalëve e termave të mjegullta kërkon t’i hapet rrugë një shoqërie shumë gjinore fluide, në kundërshtim me parimet gjinore mashkull e femër të shoqërisë sonë, familjes së përbëre nga një burrë e një grua, duke goditur kolonat e shoqërisë e të Jetës, Fëmijët e të ardhmen tonë:
1- Projekt ligji nuk fillon dhe as përmend thelbin gjinor, atë që shoqëria e ligji njeh vetëm dy gjini, mashkull e femër, sipas përcaktimit që në lindje kjo.
Duke lënë kështu një “portë” të hapur për spekulimet e mëtejshme të tij, drejt njohjes së dhjetëra gjinive, ndryshimit të tyre pa kufi.
2- Ligji qëllimisht ngatërron gjininë me orientimin seksual, duke u futur kështu në konceptet LGBT, trans, gay etj, që godasin themelet gjinore të shoqërisë.
3- Ligji qëllimisht gjithashtu i hap rrugë termit “gjinia e përkatësia e shumëfishtë”, për të goditur konceptin jetik të shoqërisë njerëzore të dy gjinive, mashkull e femër.
Gjinia në këtë mënyrë sipas këtij termi në projekt ligj i referohet identitetit gjinor të një personi, që mund të mos jetë vetëm mashkull apo femër, por mund të përfshijë identitete të tjera si jogjinor (non binary), transgjinor, gjinor fluid etj, etj.
Ky koncept është tejet i rrezikshëm edhe për fëmijët, sepse legalizon politikat “gender” shkatërruese, qe sot kërkohen të futen nga grupet LGBT, trans etj që në shkollat e viteve të para.
Këto janë disa nga kolonat kryesore të Jetës, Familjes, Shoqërisë që kërkon të godasë ky dokument i paraqitur gjoja për barazinë gjinore, duke përbëre objektivin kryesor real e të rrezikshëm të tij.
Të tjerat fjalë, nene, përcaktime hidhen për të maskuar thelbin e këtij projekt ligji, që godet çfarë ne kemi më të shenjta në ekzistencën tonë, familjen, fëmijët, vlerat tona.
Godet ekzistencën e një shoqërie të përbërë nga dy gjini Mashkull e Femër të përcaktuar në lindje.
Të gjithë në këmbë për të mbrojtur vlerat sublime të këtij atentati shkatërrues ndaj tyre, të Rilindjes!
