Boçi: Po e nxirrni nga binarët këtë Kuvend! Po bëni të mundurën, të pamundur!

Deputeti i PD, Luçiano Boçi tha se, me sjelljen e PS-së po nxirret nga binarët Kuvendi. Ai tha se, këtu në këtë parlament po bëni të pamundur fjalën e opozitës dhe kryetari i grupit tuaj krenohet e tha “ju nuk keni folur”.

“Po e nxirrni nga binarët këtë Kuvend. Ju e bëni atë që është e mundur, të pamundur. Seancë pas seancë ju po e bëni këtë parlament krejt qesharak dhe po e nxirrni komplet nga funksioni. Dhe ne qoftë se do të doja t’i jepja një përkufizim, po përdor ca fjalë të një përfaqësuesi tuaj qeveritar, me ato filozofimet e veta që konkurronin edhe Diellën.

Ju atë që duhet këtu, që është e domosdoshme, që është e mundur, sipas fjalëve të saj, por po i vendos në rend të drejtë, ju e bëni të pamundur.

Këtu në këtë parlament bëni të pamundur fjalën e opozitës dhe kryetari i grupit tuaj krenohet e tha ju nuk keni folur. Po mirë, a keni turp që ne nuk kemi folur, që ministrat tuaj nuk kanë folur”, tha Boçi.