Gazeta RD
Thomas Kunze, shef i zyrës së KAS në Tiranë gjatë fjalës së tij në tryzeën e organizuar nga Partia Demokratike në bashkëpunim me Fondacionin Konrad Adenauer (KAS) për programin e Trajnimit për Deputetët e Rinj të PD, tha se, procesi i integrimit europian të Shqipërisë nisi me Berishën!
Ai u shpreh se, KAS dhe Gjermania do të qëndrojnë gjithmonë në krah të Partisë Demokratike.
Fjale e Thomas Kunze, shef i zyrës së KAS në Tiranë
I nderuar doktor Berisha, të nderuar deputetë.
Si fillim, dua të uroj deputetët rinj për zgjedhjen e tyre në parlament.
Fondacioni Konrad Adenuer, por edhe Gjermania e përzgjedhin rrugëtimin e Shqipërisë drejt BE-së prej shumë vitesh dhe e mbështesin atë. Procesi i Shqipërisë në BE ka filluar kur zoti Berisha ka qenë kryeministër, prandaj dhe partia juaj është shumë e lidhur ngushtë me këtë proces.
Ne si fondacion e kemi mbështetur me zemër procesin e integrimit të Shqipërisë në BE, si edhe kontributin e Partisë Demokratike dhe deputetëve tuaj gjatë të gjithë procesit. Shikoj, përshembull, disa prej miqve të mi, Tomor Alizotin, i cili bën dhe një punë në rrafsh ndërkombëtar shumë të mirë për t’ia arritur këtij qëllimi.
PD është dhe pjesë e familjes Popullore Europiane, dhe ne e mbështesim shumë trajnimin dhe përmbushjen e kritereve që duhet të bëjë çdo deputet për të qenë i aftë për të kryer detyrën e tij.
Prandaj, për çdo gjë që ju do të keni nevojë ne do të jemi këtu, qoftë për deputetët e rinj, por edhe për nevojat që ka partia gjatë këtij procesi.
Faleminderit!
