Bardhi: Peleshi mund të vazhdojë të qëndrojë në detyrë, por e vazhdon si Kryevartës i Taulant Ballës!

Kryetari i Grupit Parlamentar të PD, Gazment Bardhi ka reaguar pas rrëzimit të kërkesës së opozitës për shkarkimin e kryeparlamentarit Niko Peleshi, pasi ky i fundit, në vetëm 1 muaj në detyrë, ka kryer shkelje të rënda të Kushtetutës.

Bardhi shkruan në reagimin e tij se, Niko Peleshi mund të vazhdojë të qëndrojë në detyrë me votën e 79 memec-deputetëve, por ai vazhdon në këtë funksion si Kryevartës i Taulant Ballës, jo si Kryetar i Kuvendit të 140 deputetëve.

Reagimi

Niko Peleshi mund të vazhdojë të qëndrojë në detyrë me votën e 79 memec-deputetëve, por ai vazhdon në këtë funksion si Kryevartës i Taulant Ballës, jo si Kryetar i Kuvendit të 140 deputetëve.

Ai hyri tashmë në historinë e parlamentarizimit të vendit si Kryetari për të cilin u kërkua shkarkimi nga detyra pa mbushur as një muaj në detyrë. U zgjodh me 85 vota e u mbajtë në detyrë me 79 vota një muaj më vonë.

Këtë arritje historike në vetëm 1 muaj mund ta ketë vetëm një funksionar kushtetues i paaftë dhe i padenjë për një detyrë të lartë shtetërore.