Berisha: Kjo foltore themelon lëvizjen e fuqishme që do t’i japë këtij regjimi ndëshkimin që meriton!

Kryetari i PD, Sali Berisha, në mbyllje të protestës tha se, kjo foltore nuk ndalet, ajo themelon lëvizjen e fuqishme që do i japë këtij regjimi ndëshkimin që meriton.

“Edhe njëherë, mirënjohje të pakufishme.

Kjo është foltore themelore.

Themelon kjo foltore atë lëvizje të fuqishme që do i japë këtij regjim ndëshkimin që meriton.

Ndaj dhe le të përshëndesim ne përzemërsisht dhe me mirënjohje të gjithë ata që morën pjesë, të gjithë ata që e ndoqën këtë foltore, e cila u garantoj unë ju do shndërrohet në një gurrë frymëzimi.

Kjo foltore unike në historinë e vendit do të realizojë bashkimin e shqiptarëve në një ideal të lartë, në idealin e votës së lirë, në idealin dhe shenjtërinë e familjes shqiptare.

Mirupafshim në foltoren tjetër po në këtë shesh.

Tjetrën po në këtë shesh gjer në fitore”, tha Berisha.