Gazeta RD
Nga Ndriçim KULLA
Standarti i Kos për zgjedhjet më i rezikshëm për BE se sa për Shqipërinë!
Standarti i Kos për zgjedhjet i denjë për një ministre të ish Bashkimit Sovjetik!
Standarti i Kos për zgjedhjet e bën BE si ish Bashkimi Sovjetik!
Standarti i Kos për zgjedhjet më i ulët se sa ai i Titos!
Koncepti që ka Kos për lirinë më i keq se sa ai i UDB jugosllave!
Kos është komisionere e rezikshme për të ardhmen e BE!
Van der Lyen duhet të shkarkojë Kos si komisionere!
Parlamenti Evropian duhet ta shkarkojë Kos !
Kos u soll si Komisionere për zgjerimin e ish Bashkimit Sovjetik!
Standarti i Kos për zgjedhjet i ngre nga varri themeluesit e BE!
Kush e përcjellë sadopak veprimtarinë e BE, KE dhe Parlamentit Evropian e di që, në vitet e fundit, e djathta konservatore në PE shpesh e kritikon KE se po e bën BE si ish Bashkimi Sovjetik. E kam dëgjuar shpesh dhe kam bërë analizën time gjithnjë me njëfarë rezerve dhe mendimin se konservatorët në PE sikur e tepronin pak. Por dje kur dëgjova marrëzinë që artikuloi pa iu dridhur syri komunistes radikale sllovene, fatkeqësisht komisionere e KE, se zgjedhjet e 11 majit të Ramaduros “ishin të lira dhe rë ndershme”, luajta nga vendi. Nuk u besova veshëve. Si është e mundur që BE e themeluar nga korifejtë e demokracisë Europiane të përfaqësohet nga një komisionere kaq injorante dhe e indoktrinuar me ideologjinë staliniste. Robert Schuman, Jean Monnet, Adenauer, Bech, Byen, Churchill, de Gasperi, Spaak, Spinelli, deri tek Kohl, Mitterand, Genscher etj, do të ngriheshin nga varri për të mbrojtur vlerat dhe parimet mbi të cilët u themelua dhe u rrit BE nga sharlatanë të tillë të indoktrinuar nga ideologjia radikale marksiste -leniniste staliniste, të cilët farsat zgjedhore të denja për neodiktaturat e Putinit dhe Lukashenkos i vlerësojnë si zgjedhje të lira dhe të ndershme! Mora kohë dhe lexova më thellë nga sa dija se çfarë është kjo politikane.
Nga biografia e saj më mbetën në mend dy momente. Qytetarët sllovenë e paskan refuzuar më mençuri për presidente e Sllovenisë. Paskan shpëtuar nderin e një vendi mendimtarësh dhe shkencëtarësh. Momenti tjetër është akuza që i ka bërë e djathta sllovene kësaj politikanje për implikim të saj që në rini me UDB e ish Jugosllavisë. Kjo u artikua edhe nga konservatorët në PE kundër kandidaturës së saj për komisionere. Por turpi është i PPE që toleroi një figurë të tillë ultramarksiste që lirinë, demokracinë dhe zgjedhjet e lira e të ndershme i koncepton më keq edhe se sa vetë UDB e ish Jugosllavisë. Sa vota i solli kjo Kos presidentes Van der Lyen? Ishte numri i votave për këtë martesë të Van der Lyen me Marta Kosin apo ishte Soros që i futi të dy këmbët në një këpucë Van der Leyen dhe disa politikanëve të grupit parlamentar të PPE për të pranuar një komisionere me një nivel kaq të ulët të kuptimit të lirisë, demokracisë, zgjedhjeve të lira dhe të ndershme në BE dhe në vendet kandidate që aspirojnë për tu pranuar në BE.
Ne e dinim që kjo grua është eksponente e së majtës radikale sllovene, e sponsorizuar fuqishëm në karrierën e saj nga Soros dhe një mike e Ramaduros së Shqipërisë. Por njeriu mendon se, edhe pse kaq e indoktrinuar, si komisionere e PE, duhet të ishte sadopak e frenuar dhe e udhëhequr nga parimet, mbi bazën e të cilëve, është themeluar Bashkimi Evropian, kur është fjala për tu shprehur për çështje themelore, jetike, për fatet e demokracisë shqiptare, pikërisht zgjedhjet parlamentare. Si guxon një komisionere e zgjerimit të PE t’u bëj karshillëk qytetarëve shqiptarë, duke u thënë live që farsa e 11 majit ishin zgjedhje të lira dhe të ndershme, ndërkohë që përfaqësuesi i PE në grupin monitorues të zgjedhjeve, Eurodeputeti gjerman Gahler, e artikuloi në mbledhen e Komisionit të Jashtëm të PE shumë qartë dhe shkurt “krimi i organizuar nuk lejon rotacionin politik në Shqipëri”! A ka konkluzion më të qartë se ky? Po kjo komisionere a e ka lexuar raportin paraprak dhe atë përfundimtar të OSBE-ODIHR-it?
Çfarë e shtyu Kos-in të tallet me shqiptarët dhe t’i bëj një shërbim kaq të madh Ramaduros, madje në ditën më të vështirë për vetë atë dhe qeverinë e tij, pikërisht kur zevëndësen e tij e nxorri nga zyra drejtësia për afera ku autor i parë është vet ai. Çfarë parandjen Kos për Ramaduron? Cfarë i detyrohet Kos Ramaduros, thjesht ndonjë votë për zgjedhjen e saj në PE, apo diçka tjetër shumë më të madhe. Nuk mendoj se është vetëm detyrim i bashkëjetesës së tyre në familjen sorosiane. Duhet të jetë shumë, shumë më tepër. Jeta është e gjatë dhe kam frikë se një ditë do të mësojnë qytetarët shqiptarë dhe ato evropianë se në ç’masë aferat e Ramaduros kanë përmbytur edhe politikanët europianë, ndoshta shumë më keq se sa me “kaviar diplomacy” të Azerbaxhanit. Çështja është sa e largët kjo ditë dhe sa gjatë do të vuajnë shqiptarët aferat e Ramaduros dhe miqve të tij sorosianë në Evropë?!
Jam i shokuar nga mungesa e reagimit ndaj kësaj deklarate të kësaj komisionere nga disa partiçka pseudoopozitare. Deri tani ka reaguar vetëm PD dhe PL. Fatkeqësisht, si gjithmonë, mediat e kapura u përpoqën të bëjnë elozhe kësaj deklerate të turpshme të Kos. I njëjti qëndrim i nënshtruar ka pushtuar edhe analistët e mirëpaguar nga mediat e kapura nga qeveria dhe nga vetë ajo.
Sigurisht, asnjë reagim nga Komisioni apo nga Parlamenti Evropian. Ka të ngjarë që me deklaratat e kësaj komisionere janë mësuar dhe prandaj i injorojnë edhe deputetët e PE. Por kjo është e gabuar. Qëndrime dhe koncepte të tilla si ato të Kos për lirinë, demokracinë, zgjedhjet demokratike apo të drejta e njeriut janë rrezik i madh për të ardhmen e vetë BE dhe të besueshmërisë që duhet të kenë qytetarët europianë për BE, KE dhe PE, si institucione që u kushton kaq shumë atyre. Të varësh shpresat e lirisë dhe demokracisë europiane tek një BE me një Komision dhe komisionerë të nivelit politik të Marta Kos do të thotë të gënjësh veten. BE me komisionerë të tillë largohet me shpejtësi nga parimet e Robert Schuman dhe Jean Monet dhe shkon drejt parimeve të ish Bashkimit Sovjetik.
Çfarë duhet të bëj Opozita për këtë rast kaq flagrant. PD ka reaguar menjëherë dhe vazhdon të reagoj. I bëj thirrje kryetarit të opozitës z.Berisha edhe pse ka një axhendë shumë të ngjeshur, të gjej mundësi që këtij provokimi skandaloz jo vetëm për demokracinë në Shqipëri, ti kushtoj vëmëndje të diferencuar, duke bërë të mundur që skandali politik i znj.Kos të përcillet me video, ashtu siç është, tek të gjitha instucionet drejtuese të Parlamemtit Evropian, tek çdo parlamentar, tek Kongresi Amerikan, Departamenti Shtetit, Ambasada Amerikane në Tiranë dhe të gjitha ambasadat e vëndeve perëndimore të akredituara në Tiranë. Besoj se PD nuk do të ndalojë me reagimin këtu brenda vendit. Mendoj se duhet të shkoj më tej dhe të sensibilizoj të djathtën evropiane dhe të gjithë deputetët e PE për këtë skandal të një komisionere të KE. Në një demokraci normale, Presidentja e KE Van der Lyen duhet të kërkonte largimin e Kos nga komisionere, nëse vetë ajo nuk e mbështet këtë dekleratë skandaloze. Ndryshe deputetë të së djathtës evropiane duhet ti bëjnë mocion mosbesimi kësaj komisionerje. Në të gjitha rastet ky skandal arrogant dhe aspak diplomatik i Kos duhet denoncuar me forcë në çdo kancelari evropiane pa asnjë kompleks inferioriteti. Shqipëria do të hyj në BE jo kur thotë Ramaduro, Kos dhe gjithë suita e “kaviar diplomacy Ramaduro”, por vetëm atëhere kur të plotësojë kushtet. Deri atëhere si Rama ashtu edhe Kos e të tjerë të kësaj klike sorosiane do të kenë përfunduar në koshin e plehrave të histories.
