Gazeta RD
Ambasada e Shteteve të Bashkuara të Amerikës në Tiranë ka reaguar për herë të parë në lidhje me hetimet ndaj zëvendëskryeministres dhe ministres së Infrastrukturës, Belinda Balluku, e cila është pezulluar nga detyra me vendim të Gjykatës së Posaçme.
Në një reagim për Report Tv, Ambasada Amerikane theksoi rëndësinë e pavarësisë së institucioneve të drejtësisë dhe e cilësoi atë si të domosdoshme për bashkëpunimin e vazhdueshëm SHBA–Shqipëri.
“Pavarësia e institucioneve të drejtësisë në Shqipëri mbetet thelbësore për bashkëpunimin e vazhdueshëm SHBA–Shqipëri në luftën kundër krimit transkufitar. Ne nuk kemi komente mbi çështjet ligjore në vazhdim” , thuhet në reagimin e Ambasadës Amerikane.
Reagimi i SHBA vjen në një kohë kur kryeministri Edi Rama ka refuzuar të shkarkojë Ballukun, duke e dërguar çështjen në Gjykatën Kushtetuese.
Çdo ditë, Edi Rama del me mesazhe të reja në rrjete sociale, duke u përpjekur të justifikojë se pezullimi i saj po pengon funksionimin e vendimeve qeveritare dhe nismave të investimeve.
