Berisha: Kompanitë e baxhanakut të Ramës kanë 800 transaksione në një vit nga Thesari i Shtetit

Kryetari i PD, Sali Berisha deklaroi se, Linda Rama, bashkëshortja e Ramës, del në regjistrime për ndërhyrje në procedurat e tenderave, ndërsa kompanitë e baxhanakut të kryeministrit kanë realizuar rreth 800 transaksione nga Thesari i Shtetit brenda një viti.

Sipas Berishës, këto të dhëna janë të dokumentuara dhe lidhen me një grup të strukturuar që përfiton përmes kontratave sekrete dhe manipulimeve në tendera.

Berisha: Para jush kam denoncuar me dhjetëra hera Armand Frangun, si njeriun që me kompanitë e tij fitonte me kontrata sekrete, nga kjo kryemafiozja e familjes, shifeni… 90 gjer në 96 përqind të të gjitha fondeve.

Ky është Gerond Meçe, njeriu i cili pohon, është me regjistrim, se ABS është kompania e baxhanakut, se jo vetëm ai ndërhyn, por ndërhyn zonja Rama në përcaktimin e tenderave.

Kjo është e regjistruar.

Dosjen e ka pasur prokurori me mbiemrin Mara, të cilin thuhet se Dumani donte ta zhdukte, ta asgjësonte.

Por kur mësuan se dosja ndodhet edhe diku tjetër, e ruajtën, por nuk e asgjësuan.

Ky ka histori interesante, por do ndalemi më pas.

Tani, janë në një vit, 800 transaksione nga Thesari i Shtetit në kontot e dy kompanive të baxhanakut, B360 dhe ABS, më vonë e ndryshuar në ABSLI, me lojërat që kanë bërë.