Ftesa “personale” për Ramën/ Trump ka ftuar edhe Rusinë në Bordin e Paqes në Gaza

“Presidenti Putin ka marrë me të vërtetë një ofertë përmes kanaleve diplomatike për t’u bashkuar me këtë Bord të Paqes. Aktualisht po studiojmë të gjitha detajet e këtij propozimi”, tha Peskov në përgjigje të një pyetjeje nga TASS. “Shpresojmë të kontaktojmë palën amerikane për të sqaruar të gjitha detajet”, shtoi ai.

Më parë, zëdhënësi i Presidentit Kazakistan Kassym-Jomart Tokayev tha se udhëheqësi amerikan Donald Trump e kishte ftuar homologun e tij kazak të bashkohej me Bordin e Paqes për menaxhimin e Rripit të Gazës dhe se Kazakistani do të bëhej një nga shtetet themeluese.

Më parë ishte raportuar se udhëheqësit e disa vendeve të tjera kishin marrë oferta nga SHBA-të për t’u bashkuar me këtë organ. Këshilli pritet të fillojë punën gjatë fazës së dytë të planit të paqes, për të cilin u ra dakord nga Izraeli dhe lëvizja palestineze Hamas në tetor 2025, me ndërmjetësimin e Egjiptit, Katarit, SHBA-së dhe Turqisë.

Me ftesë të Trump, në Bordin e Paqes në Gaza do të marr pjesë edhe kryeministri Edi Rama.