Gazeta RD
Rama ka zgjedhur që të jetë në krah të Ballukut që kërkohet pë tu arrestuar nga SPAK dhe jo në takimin inagurues të Bordit të Paqes në Davos, ku ai do të dëshironte të ishte për një foto me Presidentin Trump. Kjo është një shenjë e panikut të Ramës, ndërkohë që vijon të ushtrojë presion ndaj Gjykatës Kushtetuese për të mos pezulluar Ballukun nga posti në qeveri, vendim që pritet të jepet sot.
Presidentja e vendit, Vjosa Osmani në praninë e presidentit të SHBA-së, Donald Trump ka nënshkruar marrëveshjen për pjesëmarrjen në Bordin e Paqes në Davos.
Osmani u pa duke shkëmbyer edhe një bisedë të shkurtë me presidentin Trump, ku më pas nënshkroi marrëveshjen e cila u prit me duartrokitje nga të pranishmit e tjerë.
Çfare është Bordi i Paqes?
Administrata e presidentit të SHBA-së, Donald Trump, ka kontaktuar figura të ndryshme anembanë botës për t’u bërë pjesë e të ashtuquajturit “Bordi i Paqes” dhe në entitete të lidhura me të, të cilat synojnë të mbikëqyrin qeverisjen dhe rindërtimin në Gazën e pasluftës.
Shtëpia e Bardhë tha se do të ketë një bord kryesor, të kryesuar nga vetë Trump, një komitet palestinez teknokratësh, të cilët synojnë të qeverisin territorin e shkatërruar nga lufta, dhe një “bord ekzekutiv” të dytë që duket se është projektuar të ketë një rol më këshillues. /
