Gazeta RD
Nga Rezenbrik Serjani
Në çdo qytet që do të shkelë, dhe kudo ku e ka të planifikuar të shkelë, kryetari i sektit do të pritet me protesta nga qytetarët anembanë vendit.
Sepse fara që ka mbjellë për 13 vite me radhë, fara e korrupsionit, abuzimit, shpopullimit, varfërimit dhe vrasjes së shpresës, që u kanë dëmtuar banesat, bizneset dhe jetën qytetarëve, është ajo farë që do të shënojnë fundin e tij politik dhe do të shkërmoqin organizatën dhe sistemin korruptiv që ai dhe sekti i tij kanë ndërtuar e konsoliduar në kurriz të shqiptarëve këto 13 vite.
Ajo që po ndodh në Vlorë prej më shumë se një muaji, që nga protesta e ujit, janë protesta të pastra qytetare. Ato dëshmojnë revoltën dhe ndërgjegjen qytetare që mbart çdo qytetar i ndershëm.
Regjimit i ka ardhur fundi !
Kryeministri mjeran, i panikosur dhe i trembur deri në palcë nga qytetarët e ndershëm, revolta e të cilëve po e shkërmoq përfundimisht, anulloi takimin e ditës së sotme në Vlorë, sepse e di mirë: me Vlorën nuk ka shaka; ajo flet me dhe për historinë !
Bojkoti masiv i 9 nëntorit, që prodhoi një kryetar bashkie jo legjitim me vetëm 7%, dhe protestat e pandërprera që prej asaj dite, tregojnë qartë se Vlora e ka bërë zgjedhjen e saj. Vlora e ka degdisur kryeministrin mjeran atje ku e ka vendin: në koshin e turpit të historisë.
Mirënjohje dhe nderime protestuesve guximtarë, tregtarëve vlonjatë dhe çdo qytetari që qëndron kundër arrogancës, abuzimit, cinizmit dhe korrupsionit.
